ទាន់ហេតុការណ៍
រដ្ឋបាល​ខេត្ត​កំពត​រៀបចំ​កិច្ចប្រជុំ​សាមញ្ញ​លើក​ទី​១១ អាណត្តិ​ទី​៣ របស់​ក្រុមប្រឹក្សា​ខេត្ត តាមរយៈ Video Online (Zoom Meeting) - រដ្ឋបាល​ខេត្ត​កំពត ទទួល​អំណោយ​ពី​សប្បុរសជន ដើម្បី​យុទ្ធនាការ​បង្ការ និង​ទប់ស្កាត់ ជំងឺ​កូវី​ដ​១៩ នៅក្នុង​ខេត្ត​កំពត​ - លោក អភិបាល​ខេត្ត​កំពត ជួប​សំណេះសំណាល​ជាមួយ​កងកម្លាំង​ទាំង​បី ក្នុង​ខេត្ត​កំពត ក្នុងឱកាស​ពិធី​បុណ្យចូលឆ្នាំថ្មី​ - ​រថយន្ត​ហ៊ីយ៉ាន់ដាយ​បោះពួយ​ទៅបុក​ម៉ូតូ​សេ​១២៥ បណ្តាល​ឱ្យ​មនុស្ស​រងរបួស​ធ្ងន់​ម្នាក់ លើ​កំណាត់​ផ្លូវជាតិ​លេខ​៣ - សម្តេច​ហ៊ុន​សែន​បានប្រកាស​ត្រៀម​បន្ទប់​ជាង​៣​ពាន់​នៅ​ទូទាំង​ប្រទេស​សម្រាប់​ពិនិត្យ​និង​ព្យាបាល​ជំងឺ​កូវី​ដ​១៩​ករណី​មាន​អ្នក​ឆ្លង​ជំងឺ​នេះ​មាន​ការកើនឡើង - ​សម្តេច​ក្រឡាហោម ស ខេង ណែនាំ​ឱ្យ​ដាក់​ពលរដ្ឋ​មកពី​ថៃ នៅ​ដាច់​ដោយឡែក​១៤​ថ្ងៃ​ - លោក សេង ទៀង នាំយក​អំណោយ​សម្ដេច​តេជោ ហ៊ុន សែន ផ្ដល់​ជូន​គ្រួសារ​កូនភ្លោះ​៣ នៅ​ស្រុក​ជ័យ​សែន ខេត្ត​ព្រះវិហារ​ - ​ក្រុមការងារ​រៀបចំ​អង្គការ​ចាត់តាំង​យុវជន​បក្ស​ប្រជាជន​កម្ពុជា ប្រចាំ​ទ្វីប​អឺរ៉ុប​ប្រមាណ​ជាង​២០០​នាក់ ប្រជុំ​បូកសរុប​ការងារ​ឆ្នាំ​២០១៩ និង​កំណត់​ទិសដៅ​ឆ្នាំ​២០២០ - អភិបាល​ខណ្ឌ​ឫស្សីកែវ ចលនា​កម្លាំង​ជាង​២០០​នាក់ ធ្វើ​អនាម័យ​សម្អាត​ទន្លេ ក្រោម​ប្រធានបទ «​ទន្លេ​នៃ​សន្តិភាព ទន្លេ​នៃ​វិបុលភាព​» - ​រដ្ឋមន្ត្រី​ទេសចរណ៍​៖ ថ្ងៃ​បើក​ផ្លូវការ​ពិធីបុណ្យ​ទន្លេ នៅ​ខេត្ត​បាត់ដំបង មាន​ប្រជាពលរដ្ឋ​មក​ទស្សនា​កម្សាន្ត​១០​ម៉ឺន​នាក់ !
0

​ពិធី​ប្រកាស​តំបន់​វិនិច្ឆ័យ​ចុះបញ្ជី​ដីធ្លី​ជា​លក្ខណៈ​ប្រព័ន្ធ នៅក្នុង​ភូមិ​ថ្មី សង្កាត់​ព្រៃធំ ក្រុងកែប​

​ពិធី​ប្រកាស​តំបន់​វិនិច្ឆ័យ​ចុះបញ្ជី​ដីធ្លី​ជា​លក្ខណៈ​ប្រព័ន្ធ នៅក្នុង​ភូមិ​ថ្មី សង្កាត់​ព្រៃធំ ក្រុងកែប​

(​ខេត្ត​កែប​)៖ នៅ​រសៀល​ថ្ងៃ​ទី​០៤ ខែវិច្ឆិកា ឆ្នាំ​២០១៩ មន្ទីរ​រៀបចំ​ដែនដី​នគរូបនីយកម្ម សំណង់ និង​សុរិយោដី​ខេត្ត​កែប បាន​រៀបចំ​ពិធី​ប្រកាស​តំបន់​វិនិច្ឆ័យ​ចុះបញ្ជី​ដីធ្លី​ជា​លក្ខណៈ​ប្រព័ន្ធ ស្ថិតក្នុង​ភូមិ​ថ្មី សង្កាត់​ព្រៃធំ ក្រុងកែប ខេត្ត​កែប ក្រោម​អធិបតីភាព លោក កែ​ន សត្ថា អភិបាល នៃ​គណៈ​អភិបាលខេត្ត​កែប និង​មាន​ការអញ្ជើញ​ចូលរួម​ពី​លោក​ប្រធាន អនុប្រធាន​មន្ទីរ​អង្គភាព​ជុំវិញ​ខេត្ត កងកម្លាំង​ទាំង​បី អភិបាលក្រុង អាជ្ញាធរ​មូលដ្ឋាន និង​ប្រជាពលរដ្ឋ​ក្នុង​តំបន់​ខាងលើ​។​

​ក្នុងឱកាស​នោះ លោក វ៉ៅ សុខា ប្រធាន​មន្ទីរ​រៀបចំ​ដែនដី​នគរូបនីយកម្ម សំណង់ និង​សុរិយោដី​ខេត្ត​កែប បានឲ្យដឹងថា នីតិវិធី​នៃ​ការចុះបញ្ជី​ដីធ្លី​មាន​លក្ខណៈ​ជា​ប្រព័ន្ធ​មាន​៥​ដំណាក់កាល​រួមមាន​៖
​ទី​១-​ត្រៀម​រៀបចំ គឺ​ការកំណត់​តំបន់​ធ្វើការ​វិនិច្ឆ័យ ការបង្កើត​គណៈកម្មកា​រ​រដ្ឋបាល ការជូនដំណឹង កិច្ចប្រជុំ​ផ្សព្វផ្សាយ និង​ដំណើរការ​ផ្សព្វផ្សាយ ពី​ការចុះបញ្ជី​ដីធ្លី​មាន​លក្ខណៈ​ជា​ប្រព័ន្ធ​។​
២-​ប្រតិ​ប​តិ្ត​ការ​បច្ចេកទេស គឺ​ការចុះ​កំណត់​ព្រំ វាស់វែង និង​វិនិច្ឆ័យ ដើម្បី​កសាង​ប្លង់​សុរិយោដី និង​បញ្ជី​ឈ្មោះ​ម្ចាស់​ដី​។​
៣-​បិទ​ផ្សាយ​សាធារណៈ​នូវ​ឯកសារ​នៃ​ការវិនិច្ឆ័យ (​ប្លង់​សុរិយោដី និង​បញ្ជី​ឈ្មោះ​ម្ចាស់​ដី​) រយៈពេល​១៥​ថ្ងៃ ដើម្បី​ទុក​លទ្ធភាព​ឲ្យ​ម្ចាស់​ដី និង​អ្នក​ដែល​ពាក់ព័ន្ធ ធ្វើការ​ផ្ទៀងផ្ទាត់​ឈ្មោះ ស្ថានភាព​គ្រួសារ និង​ក្បាល​ដី​របស់​ខ្លួន ព្រមទាំង​ធ្វើ​ការតវ៉ា ក្នុងករណី​មាន​ការខុសឆ្គង​។​
៤-​សម្រេច​លើ​ឯកសារ​វិនិច្ឆ័យ គឺ​របាយការណ៍​ពី​លទ្ធផល​នៃ​ការបិទ​ផ្សាយ​ជា​សាធារណៈ នូវ​ឯកសារ​នៃ​ការវិនិច្ឆ័យ​របស់​គណៈ​កម្ម​ការ​រដ្ឋបាល ជូន​អភិបាលខេត្ត​ដើម្បី​ពិនិត្យ និង​សម្រេច​លើ​ការផ្តល់​សិទ្ធិ​ចំពោះ​ក្បាល​ដី​ណា​ដែល​មិន​មាន​ទំនាស់ ឬ​មិន​មាន​ពាក់ព័ន្ធ​នឹង​ដី​រដ្ឋ​។​និង​ទី​៥-​ការចុះបញ្ជី​ប័ណ្ណ និង​ចែក​ប័ណ្ណ​ជូន​ម្ចាស់​ដី​។​

​ជាមួយគ្នានេះ លោក កែ​ន សត្ថា អភិបាលខេត្ត​កែប បានបញ្ជាក់​ថា ការកំណត់​វិនិច្ឆ័យ​ចុះបញ្ជី​ដីធ្លី​ជា​លក្ខណៈ​ប្រព័ន្ធ គឺ​ត្រូវ​ឆ្លងកាត់​ច្រើន​ដំណាក់កាល ដូចជា​ការផ្សព្វផ្សាយ​ប្រកាស​កំណត់​តំបន់​វិនិច្ឆ័យ ពិសេស​ការជូនដំណឹង​ជា​សាធារណៈ​ដល់​ប្រជាពលរដ្ឋ​ក៏ដូចជា​សាធារណៈ​ជន​ទាំង​អស់ ដោយ​ផ្សព្វផ្សាយ​តាមរយៈ វុទ្យុ ទូរទស្សន៍ និង​បណ្តាញសារព័ត៌មាន​ផ្សេងៗ ដើម្បី​ឲ្យ​ម្ចាស់​ក្បាលដី​ដែល​មាន​ទីលំនៅ​ឆ្ងាយ​បាន​ជ្រាប និង​មក​ចង្អុលបង្ហាញ​ទីតាំង​ព្រំប្រទល់​ដី​របស់​ខ្លួន​ដើម្បី​ផ្តល់​ជា​ព័ត៌មាន និង​ឯកសារ​ចាំបាច់​ដល់​មន្ត្រី​អនុវត្ត​ការងារ​ចុះបញ្ជី​ដីធ្លី​មាន​លក្ខណៈ​ជា​ប្រព័ន្ធ​។​

​លោក​អភិបាលខេត្ត​ក៏​បាន​ជំរុញ​ផ្តាំផ្ញើ​ដល់​ប្រជាពលរដ្ឋ​ស្ថិត​ក្នុង​តំបន់​ខាងលើ ត្រូវ​បង្ហាញ​ឯកសារ​ជូន​មន្ត្រី​បច្ចេកទេស ដូចជា​សំបុត្រកំណើត អត្តសញ្ញាណប័ណ្ណ​សញ្ជាតិ​ខ្មែរ សៀវភៅ​គ្រួសារ សំបុត្រអាពាហ៍ពិពាហ៍ សំបុត្រ​កិច្ចសន្យា សំបុត្រ​មរតក​សាលក្រម​តុលាការ​..​។​ល​។​ដើម្បី​ឲ្យ​មន្ត្រី​បច្ចេកទេស​ងាយស្រួល​ក្នុង​ការបំពេញ​ឯកសារ​ជូន​បងប្អូន​។​

​ជា​ចុងក្រោយ​លោក អភិបាលខេត្ត​សូម​ផ្តាំផ្ញើ​ដល់​បងប្អូន​ប្រជាពលរដ្ឋ​ទាំងអស់ សូម​កុំ​ជឿ​ការ​ញុះញង់ ការ​បោក​បញ្ឆោត​ពី​សំណាក់​ក្រុម​ឧទ្ទាម​ក្រៅច្បាប់ ដែលមាន ទណ្ឌិត សម រង្សុី ជា​មេក្លោង ដោយ​ពេល​នេះ​ពួក​ក្បត់ជាតិ​ទាំង​នោះ​កំពុង​ញុះញង់​ឲ្យចូល​រួម​បះបោរ​ធ្វើ​រដ្ឋប្រហារ​ប្រឆាំងនឹង​រាជរដ្ឋាភិបាល​។​ដូច្នេះ សូម​បងប្អូន​ពលរដ្ឋ​កុំ​ជឿ​ការ​បោក​បញ្ឆោត ភូតកុហក​ពី​ក្រុម​ក្បត់ជាតិ​ទាំងនោះ​ឲ្យសោះ ហើយ​យើង​ត្រូវ​នាំគ្នា​ចូលរួម ការពារ ថែរក្សា សុខ​សន្តិភាព​ដែល​សម្តេច​តេជោ ហ៊ុន សែន ខិតខំ​រក​បាន​ដោយ​លំបាក ឲ្យបាន​គង់វង្ស​ជា​ដរាប​៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com