ទាន់ហេតុការណ៍
ឯកឧត្តម គង់ សោភ័ណ្ឌ អភិបាល​នៃ​គណៈ​អភិបាលខេត្ត​កណ្ដាល បាន​អញ្ជើញ​ចូលរួម​ក្នុង​ពិធី​ផ្សព្វផ្សាយ​របាយការណ៍​ជាតិ​ការងារ​ប្រយុទ្ធប្រឆាំង​អំពើ​ជួញដូរ​មនុស្ស​ - បញ្ជូន​ខ្លួន​ជនសង្ស័យ​ម្នាក់​ទៅ​ពន្ធនាគារ ក្រោម​បទ​កាត់​រូបរាង​ឈូសឆាយ​ដី​ព្រៃ​យក​ធ្វើជា​កម្មសិទ្ធិ ស្ថិតនៅ​ឃុំ​អូរ​កណ្ដៀរ​សែន​ជ័យ ស្រុក​អូរ​គ្រៀង​សែន​ជ័យ ខេត្ត​ក្រចេះ​. - កាន់​ប្លែក បែកធ្លាយ ក្រុមការងារ​ចុះ​ជួយ​ឃុំ​សំបុក ស្រុក​ចិត្រ​បុរី បែរជា​មក​ជួប​សំណេះសំណាល​ជាមួយ​ប្រជាពលរដ្ឋ​ជា​សមាជិក​បក្ស​នៅ ភូមិ ត្រពាំង​ឈូក ឃុំ​ឃឹម ស្រុក​ស្នួល ទៅវិញ តើ​មាន​គោលបំណង​អ្វី​ឲ្យ​ពិតប្រាកដ​ - ឯកឧត្តម​បណ្ឌិត អ៊ាង សុផល្លែត រដ្ឋមន្ត្រី​ក្រសួង​បរិស្ថាន បាន​អនុញ្ញាឱ្យ​សមាគមយុវជ​ន​លើកកម្ពស់​សេដ្ឋកិច្ច​ប្រជាជន​កម្ពុជា (YAEP) ចូលជួប​សម្តែង​ការគួរសម និង​ទទួល​ស្តាប់​នូវ​អនុសាសន៍​ដ៏​ខ្ពង់ខ្ពស់​ពី​ឯកឧត្តម​រដ្ឋមន្ត្រី នៅ​ទីស្តីការ​ក្រសួង​បរិស្ថាន​ - រថយន្ត​សាំ​យ៉ុង​កែច្នៃ​ដឹក​ឈើ​របស់​មេ​ឈ្មួញ​ឈ្មោះ ធា ត្រូវ​អស់លក្ខណ៍​ជាប់អន្ទាក់​កម្លាំង​បរិស្ថាន​ - ​ឧបនាយករដ្ឋមន្ដ្រី ហ៊ុន ម៉ា​នី តំណាង​សម្ដេច​តេជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប្រគល់​ផ្ទះ​មួយ​ខ្នង​ជូន​យុវជន អន ផានិត ដែល​ប្រឡង​ជាប់​និទ្ទេស A នៅ​ខេត្ត​កំពត​ - សម្តេច​ធិបតី ហ៊ុន ម៉ា​ណែ​ត អនុញ្ញាត​ឱ្យ​ប្រធាន​សមាគម​មិត្តភាព​ឡាវ​-​កម្ពុជា ចូលជួប​សម្តែង​ការគួរសម និង​ពិភាក្សា​ការងារ​នៅ​រដ្ឋធានី​វៀង​ចន្ទន៍ សាធារណរដ្ឋ​ប្រជាធិបតេយ្យ​ប្រជាមានិត​ឡាវ​ - ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​! - ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​! - ​ឯកឧត្តម​បណ្ឌិត អ៊ាង សុផល្លែត ដឹកនាំ​ប្រតិភូ​ក្រសួង​បរិស្ថាន​ចុះ​ត្រួតពិនិត្យ​ទីតាំង​ភូមិសាស្ត្រ​ដើម្បី​ត្រៀម​រៀបចំ​ដាំ​ដុះ ស្តារ​ព្រៃឈើ​ឡើង​វិញ​នៅ​រដូវវស្សា​
0

​រដ្ធបាល​ខេត្ត​កំពង់ចា​ម ប្រារព្ធ​ពិធី ព្រះ​វិញ្ញាណក្ខ័ន្ធ ព្រះករុណា​ព្រះបាទ​សម្តេច ព្រះ​នរោត្តម សីហនុ ព្រះ​បរម​រតន​កោដ្ឋ គម្រប់​ខួប ៧​ឆ្នាំ​

​រដ្ធបាល​ខេត្ត​កំពង់ចា​ម ប្រារព្ធ​ពិធី ព្រះ​វិញ្ញាណក្ខ័ន្ធ ព្រះករុណា​ព្រះបាទ​សម្តេច ព្រះ​នរោត្តម សីហនុ ព្រះ​បរម​រតន​កោដ្ឋ គម្រប់​ខួប ៧​ឆ្នាំ​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

​កំពង់ចាម ៖​ឯកឧត្តម អ៊ុន ចាន់​ដា អភិបាល នៃ​គណៈ​អភិបាល ខេត្ត​កំពង់ចាម រួមជាមួយ លោក ខ្លូត ផន ប្រធាន​ក្រុមប្រឹក្សា​ខេត្ត បាន​ដឹកនាំ ថ្នាក់ដឹកនាំ មន្ត្រីរាជការ មន្ទីរ អង្គភាព ស្ថាប័ន​នានា ក្នុង​ខេត្ត អញ្ជើញ​ចូលរួម​ក្នុង​ពិធី​រំ​ឭក ព្រះ​វិញ្ញាណក្ខ័ន្ធ ព្រះករុណា ព្រះបាទ​សម្តេច ព្រះបរមនាថ​នរោត្តម សីហ​មុនី ព្រះមហាវីរក្សត្រ ព្រះវររាជបិតា​ឯករាជ្យ បូរណភាព​ទឹកដី និង​ឯកភាព​ជាតិ​ខ្មែរ «​ព្រះ​បរម​រតន​កោដ្ឋ​» គម្រប់​ខួប ៧​ឆ្នាំ​។ ដែល​ពិធី​ដ៏​មាន​អត្ថន័យ​នេះ បាន​រៀបចំ​នៅ​សាលសន្និសីទ សាលាខេត្ត នា​ព្រឹក​ថ្ងៃ​អង្គារ ២​រោច ខែ​អស្សុជ ឆ្នាំ​កុរ ឯ​កស័ក ពស ២៥៦៣ ត្រូវ​នឹង​ថ្ងៃទី​១៥ ខែតុលា ឆ្នាំ​២០១៩ នេះ​។​

​ឯកឧត្តម អ៊ុន ចាន់​ដា អភិបាល នៃ​គណៈ​អភិបាលខេត្ត​កំពង់ចាម បានបញ្ជាក់​ថា ថ្ងៃនេះ យើងទាំងអស់គ្នា បាន​មកជួបជុំ​គ្នា ដើម្បី ប្រារព្ធ​ពិធី​គោរព​ព្រះ​វិញ្ញាណក្ខ័ន្ធ ព្រះករុណា​ព្រះបាទ​សម្តេច ព្រះ​នរោត្តម សីហនុ ព្រះមហា​ទីរ​ក្សត្រ ព្រះវររាជបិតា ឯករាជ្យ​បូរណភាព​ទឹកដី និង​ឯកភាព​ជាតិ​ខ្មែរ ព្រះ​បរម​រតន​កោដ្ឋ ដែល​ព្រះអង្គ​បាន​យាង​ចូល​ទីវង្គត កាលពី​ថ្ងៃ​ទី​១៥ ខែតុលា ឆ្នាំ​២០១២ ពោល​គឺ អស់​រយៈកាល ៧ ឆ្នាំ​កន្លង​ទៅ​ហើយ ។

​ឯកឧត្ដម អ៊ុន ចាន់​ដា អភិបាលខេត្ត លើកឡើងថា នឹកឃើញ​ដល់​ថ្ងៃនោះ ប្រជានុរាស្ត្រ ទូទាំង​នគរ បាន​សម្តែង​នូវ​ភាព​តក់ស្លុត និង​ការសោកស្តាយ​ជា​ពន់ពេក ប្រៀប​បាន​ទៅ​នឹង​ការបាត់បង់ របស់​ដ៏​មានតម្លៃ មិន​អាច​កាត់ថ្លៃ​បាន សម្រាប់​នគរ ដ៏​កំសត់​មួយ​នេះ ។

​កាល​ពី​ព្រះអង្គ​គង់​នៅ​មាន​ព្រះជន្ម ព្រះអង្គ​បាន​លះបង់​កម្លាំងកាយ​ចិត្ត និង​ប្រាជ្ញា​ស្មារតី ស្ទើរ​ពេញ​មួយជីវិត បំពេញ​ព្រះរាជ​បូជនីយ​កិច្ច ដើម្បី ប្រយោជន៍​ប្រជានុរាស្ត្រ និង​នគរ​ទាំងមូល ដោយ​ឥត​រុញ​រា និង​គ្មាន​ការចុះ​ញ៉ម ចំពោះ​ឧបសគ្គ​ទាំងឡាយ ដែល​បាន​កើតឡើង​ឡើយ​។

​រាល់​ព្រះរាជ​សកម្មភាព របស់​ព្រះអង្គ បាន​ក្លាយជា​សច្ចៈ​ធម៌​ប្រវត្តិសាស្ត្រ ដែល​គ្មាន​នរណា​អាច​បដិសេធន៍ និង​កែប្រែ​បាន​ឡើយ​។ ក្រៅពីនោះ ក៏​នៅ​មាន​ស្នា​ព្រះ​ហ​ស្ថ ជាច្រើន​ទៀត ដែល​ព្រះ​បរម​រតន​កោដ្ឋ បាន​ពុះពារ​សម្រេចបាន ដែល​យើង​មិនអាច​រៀបរាប់​អស់ ក្នុង​ពេលវេលា​ដ៏​ខ្លី​នេះ​បាន ក៏ប៉ុន្តែ ព្រះរាជ​សកម្មភាព​របស់​ព្រះអង្គ បាន​ស្ថេរ​ស្ថិត ដិត​ជាប់​កប់​យ៉ាងជ្រៅ ក្នុង​ក្រអៅបេះដូង របស់​ប្រជានុរាស្ត្រ គ្រប់ៗ​រូប​។

​ជាក់ស្ដែង ថ្ងៃនេះ ប្រជានុរាស្ត្រ​ទូទាំង​ព្រះ​នគរ កំពុង​រស់នៅ​ក្រោម​ព្រះបាទ​សម្តេច ព្រះបរមនាថ នរោត្តម សីហ​មុនី ព្រះមហាក្សត្រ នៃ​ព្រះរាជណាចក្រ ដំបូល នៃ​សុខសន្តិភាព និង​ការអភិវឌ្ឍ ក្រោម​ម្លប់​ដ៏​ត្រជាក់​នៃ​អង្គ​ព្រះមហាក្សត្រ​ជំនាន់​ថ្មី គឺ​ព្រះករុណា ព្រះបាទ​សម្ដេច ព្រះបរមនាថ សីហ​មុនី ព្រះមហាក្សត្រ នៃ​ព្រះរាជា​ណា​ចក​ក្រ​កម្ពុជា និង​ក្រោម​ការដឹកនាំ​របស់​រាជ​រដ្ឋាភិបាល ដែលមាន​សម្តេច​អគ្គមហាសេនាបតី​តេជោ ហ៊ុន សែន ជា​ប្រមុខ​។ ដូច្នេះ ទូលព្រះបង្គំ​យើងខ្ញុំ​ទាំងអស់គ្នា សូម​លើក​ហត្ថ​ប្រណម​បួងសួង ដល់​គុណព្រះរតនត្រៃ វត្ថុ​សក្ដិ​សិទ្ធ​ទាំងឡាយ​ក្នុង​លោក សូម​តាម​ជួយ​បីបាច់​ថែរក្សា ការពារ​ដួង​ព្រះ​វិញ្ញាណក្ខ័ន្ធ ព្រះករុណា​ព្រះបាទ​សម្តេច ព្រះ​នរោត្តម​សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាព​ទឹកដី និង​ឯកភាព​ជាតិ​ខ្មែរ ព្រះ​បរម​រតន​កោដ្ឋ សូម​បាន​យោន​យកកំណើត ទៅ​កើត​នៅ​សុគតិភព កុំបី​ឃ្លៀងឃ្លាត​ឡើយ​។​

​សូមបញ្ជាក់​ថា ពិធី​ដ៏​មង្គល​នេះ​ដែរ ថ្នាក់ដឹកនាំ​ខេត្ត ក៏​បាន​និមន្ត​ព្រះសង្ឃ ៧​អង្គ សូត្រមន្ត​ចំរើន​ព្រះ​ប​រិត បង្សុកូល ដើម្បី ឧទ្ទិស​កុសល ផល​បុណ្យ ថ្វាយ​ទៅ​ដល់​ព្រះ​វិញ្ញាណក្ខន្ធ ព្រះ​បរម​រតន​កោដ្ឋ ក៏ដូចជា វិបាក នៃ​ឌួង​វិញ្ញាណក្ខន្ធ បុព្វការី​ជន​ទាំងអស់ ក្នុង​សង្សា​វដ្ត ដែល​បាន​ចែក​ឋាន ទៅកាន់​បរលោក​ខាងមុខ ផងដែរ​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល