ទាន់ហេតុការណ៍
លោក​អនុសេនីយ៍ឯក ប៉ា ច័ន្ទ​វិសាល នាយរង​ព្រហ្មទណ្ឌ​ស្រុក​កៀនស្វាយ​ដឹកនាំ​កលាំង​បង្ក្រាប​ទីតាំង​ល្បែង​បញ្ជល់មាន់ និង អាប៉ោង មួយកន្លែង ដែល​បើក​លេង​យ៉ាង​សម្បើម មិន​ញញើត​សមត្ថកិច្ច​បន្តិច​សោះ​ - លោក​ឧត្តមសេនីយ៍ទោ ឈឿន សុ​ចិត្ត ប្រធាន​ក្រុមការងារ​ចុះ​មូលដ្ឋាន​សង្កាត់​ដើម​មៀន បញ្ចូល​សមាជិក ១៥៥​នាក់ - សម្តេច​តេជោ ហ៊ុន សែន អញ្ជើញ​ជួប​សន្ទនា​ការងារ​តាម​ប្រព័ន្ធ​ទូរស័ព្ឌ ជាមួយ​ប្រធានាធិបតី​ឥណ្ឌូនេស៊ី - ​ឯកឧត្តម អ៊ុន ចាន់​ដា អញ្ជើញ​ដឹកនាំ​កិច្ចប្រជុំ​រៀបចំ​ផែនការ នៃ​ការ​ប្រារព្ធ​ពិធី​សម្ពោធ​ដាក់​ឱ្យ​ប្រើប្រាស់​ជា​ផ្លូវការ​នូវ​អគារសិក្សា​ - លោកស្រី ចោម ខ្វាន់ និង​ស្វាមី ប្រគល់ រថយន្ត​សា​រ៉ែ​ន​១​គ្រឿង និង​ថវិកា ៤​លាន​រៀល ជូន​ដល់​មូលដ្ឋាន​អាវុធហត្ថ​ខណ្ឌ​ជ្រោយចង្វារ - មន្ទីរអប់រំ យុវជន និង​កីឡា​ខេត្ត រៀបចំ​ពិធី​បោះ​ជំរំ យុវជន​ខេត្ត​កំពង់ចាម ក្រោម​ប្រធានបទ ÷ "​ការអភិវឌ្ឍ​សមត្ថភាព​យុវជន ផ្នែក​បច្ចេកវិទ្យា ក្រោម​ម្លប់​សន្តិភាព​" - សម្ដេច​តេជោ ហ៊ុន សែន អញ្ជើញ​ទទួល​ជួបពិភាក្សា​ការងារ​ជាមួយ​រដ្ឋមន្ត្រី​ការបរទេស​វៀតណាម​ - លោក​វ​រៈ​សេនីយ៍​ឯក ព្រះ សំណាង អធិការ​ស្រុក​កៀនស្វាយ ដឹកនាំ​កងកម្លាំង​ជំនាញ​ស្រុក​កៀនស្វាយ​និង​កម្លាំង​ប៉ុស្តិ៍​ឈើ​ទាល​ស្រុក​កៀនស្វាយ​បង្ក្រាប​ករណីៈ​លួច និង​ទទួល​ផល​ចោរកម្ម និង​ជួញដូរ​នូវ​សារធាតុ​ញៀន​ដោយ​ខុសច្បាប់​ - លោក​វរៈសេនីយ៍ឯក ព្រុំ សំណាង អធិការ​ស្រុក​កៀនស្វាយ ដឹកនាំ​ការ​បោសសំអាត​ខ្សាច់ ដែល​ឡាន​ដឹក​ខ្សាច់​មួយចំនួន​ជ្រុះ​ធ្លាក់​នៅ​តាម​ដងផ្លូវ ដើម្បី​សម្រួល​ការធ្វើដំណើរ​ដល់​បងប្អូន​ប្រជាពលរដ្ឋ បង្ការ គ្រោះថ្នាក់​ - ​នាយ​ឧត្តមសេនីយ៍ សៅ សុខា អញ្ជើញ​ជា​អធិបតីភាព​ក្នុង​ពិធី​ប្រជុំ​ត្រួតពិនិត្យ​ការអនុវត្ត​តួនាទី ភារកិច្ច និង​កំណែទម្រង់​កងរាជអាវុធហត្ថ​ឆ្នាំ​២០២១ និង​ផ្សព្វផ្សាយ​ទិសដៅ​ផែនការ​ឆ្នាំ​២០២២!
0

​សម្តេច​តេជោ ហ៊ុន សែន អញ្ជើញ​សម្ពោធ​ដាក់ឱ្យ​ប្រើប្រាស់ កំណាត់​ផ្លូវជាតិ​លេខ​៥ បាត់ដំបង​-​សិរីសោភ័ណ​

​សម្តេច​តេជោ ហ៊ុន សែន អញ្ជើញ​សម្ពោធ​ដាក់ឱ្យ​ប្រើប្រាស់ កំណាត់​ផ្លូវជាតិ​លេខ​៥ បាត់ដំបង​-​សិរីសោភ័ណ​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

(​បាត់ដំបង​) :​នៅ​ព្រឹក​ថ្ងៃ​ចន្ទ ៨​កើត ខែ​បុស្ស ឆ្នាំ​ឆ្លូវ ត្រី​ស័ក ព​.​ស​. ២៥៦៥ ត្រូវ​នឹង ថ្ងៃទី​១០ ខែ​មករា ឆ្នាំ​២០២២ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា រួម​ជាមួយ​ឯកឧត្តម មិ​កាមិ ម៉ាសា​ហ៉ី​រ៉ូ ឯកអគ្គរាជទូត​ជប៉ុន​ប្រចាំ​នៅ​ព្រះរាជាណាចក្រ​កម្ពុជា បាន​អញ្ជើញ​ជា​អធិបតីភាព​ដ៏​ខ្ពង់ខ្ពស់​ក្នុង​ពិធី​សម្ពោធ​ដាក់ឲ្យ​ប្រើប្រាស់​ជា​ផ្លូវការ​នូវ​កំណាត់​ផ្លូវជាតិ​លេខ​៥ ពី​ខេត្ត​បាត់ដំបង​ទៅ​ក្រុង​សិរី​សោ​ភ​ណ្ឌ ខេត្ត​បន្ទាយមានជ័យ​។​

កំណាត់​ផ្លូវ​នេះ មាន​ប្រវែង ៨៤,៧៤​គីឡូម៉ែត្រ គឺជា​ប្រភេទ​ផ្លូវ​ចាក់​បេតុង​កៅស៊ូ (AC) មាន​កម្រាស់ ១៥​សង់ទីម៉ែត្រ ដែល​បាន​ចំណាយ​ថវិកា​សរុប​ប្រមាណ ១៦៥.៧៨​លាន​ដុល្លារ​អាមេរិក ជា​ឥនទាន​សម្បទាន​ពី​រាជរដ្ឋាភិបាល​ជប៉ុន រួមជាមួយ​នឹង​ថវិកាបដិភាគ​របស់​រា​ជ​រដ្ឋាភិបាល សម្រាប់​ការងារ​ដោះស្រាយ​ផលប៉ះពាល់ បោសសម្អាត​គ្រាប់​មីន និង​យុទ្ធភ័ណ្ឌ​មិន​ទាន់​ផ្ទុះ​។​
​សម្តេច​តេជោ ហ៊ុន សែន ពិតជា​រីករាយ​ចំពោះ​ការទទួល​បាន​សមិទ្ធផល​ថ្មី​កំណាត់​ផ្លូវជាតិ​លេខ​៥​ភាគ​ខាងជើង​ត​ភ្ជាប់​បាត់ដំបង ទៅ​បន្ទាយមានជ័យ​នាពេលនេះ​។

សម្តេច​តេជោ ហ៊ុន សែន បាន​ថ្លែងថា រង់ចាំ​តែ​មួយ​ឆ្នាំ​ទៀត​ប៉ុណ្ណោះ ផ្លូវជាតិ​លេខ​៥​ត​ភ្ជាប់​ពី​ព្រែក​ក្តាម មក​ដល់​ធ្លា​ម្អម​ខេត្តពោធិ៍សាត់ នឹង​រួចរាល់​ហើយ ខណៈ​ពី​ធ្លា​ម្អម​ឆ្ពោះ​មក​កាន់​ខេត្ត​បាត់ដំបង ក៏​អាច​នឹង​រួចរាល់​ផងដែរ​។ សម្តេច​តេ​ជោបាន​មានប្រ​សាសន៍ថា កំណាត់​ផ្លូវជាតិ​លេខ​៥​នេះ គឺជា​សមិទ្ធផល​កើតចេញពី​កិច្ចសហប្រតិបត្តិការ​ដ៏​ល្អ​រវាង​កម្ពុជា និង​ជប៉ុន​ដែល​មាន​ជា​យូរណាស់​មកហើយ​។

សម្តេច​តេជោ​នាយករដ្ឋមន្ត្រី​បាន​ថ្លែងអំណរគុណ​ដល់​រាជ​រដ្ឋាភិបាល និង​ប្រជាជន​ជប៉ុន ដែល​បាន​ជួយ​សាងសង់​សមិទ្ធផល​ផ្លូវ និង​ស្ពាន​នៅ​កម្ពុជា រួម​ទាំង​ជំនួយ​ផ្សេងៗ​ជាច្រើន​ទៀត​ដល់​កម្ពុជា​។​
​ទាក់ទង​ទៅនឹង​ទំនាក់ទំនង​កម្ពុជា​-​ជប៉ុន នេះ​ផង​ដែរ សម្តេច​តេជោ​នាយករដ្ឋមន្ត្រី បាន​មានប្រសាសន៍ថា ប្រទេស​ជប៉ុន​ក៏​បាន​រួមចំណែក​ក្នុង​ការស្វែងរក​សន្តិភាព និង​ការអភិវឌ្ឍ​នៅ​កម្ពុជា​ផងដែរ​។ ក្នុង​ឆ្នាំ​២០២២​នេះ គឺជា​ខួប​៣០​ឆ្នាំ ដែល​ជប៉ុន​បាន​បញ្ជូន​កងកម្លាំង​រក្សាសន្តិភាព​ចេញ​ក្រៅប្រទេស ហើយ​បញ្ជូន​មក​កម្ពុជា​តែម្តង​។ ដើម្បី​អបអរសាទរ​នៃ​ទំនាក់ទំនង​នៃ​ប្រទេស​ទាំងពី​នេះ ជប៉ុន និង​កម្ពុជា​ក៏​មាន​រៀបចំ​នូវ​កម្មវិធី​សំខាន់ៗ​មួយចំនួន ក្នុ​នោះ កងកម្លាំង​ស្វ័យការពារ​ជើង​ទឹក​របស់​ជប៉ុន នឹង​ត្រូវ​រៀបចំ​ឱ្យ​ការធ្វើ​ទស្សនកិច្ច​នៅ​មូលដ្ឋាន​កងទ័ព​ជើង​ទឹក​រាម នៃ​ខេត្ត​ព្រះសីហនុ ដែល​នឹង​ត្រូវ​ធ្វើឡើង​នាពេលខាងមុខ​។​

​នៅ​ថ្ងៃ​នេះ​សម្តេច​តេជោ​ក៏បានអបអរសាទរ​ចំពោះ​ការប្រកាស​បើកប​វេ​សនកាល​ឆ្នាំ​សិក្សា​២០២១-២០២២ ដើម្បី​ផ្តល់​ឱកាស​ឲ្យ​សិស្សានុសិស្ស​បាន​ចូលរៀន​ឡើងវិញ ក្រោយពី​កម្ពុជា​បាន​បើក​ប្រទេសជាតិ​ឡើងវិញ​កាលពីដើម​ខែ​វិច្ឆិកា​២០២១​។ សម្តេច​តេជោ​នាយករដ្ឋមន្ត្រី​ក៏​បាន​អោយ​ក្រសួង​ស្ថាប័ន​ពាក់ព័ន្ធ​បន្ត​យកចិត្តទុកដាក់​អំពី​សុវត្ថិភាព​ក្នុង​ការសិក្សា​របស់​សិស្សានុសិស្ស​អំឡុងពេល​នៃ​ការបើក​បវេសនកាល​នេះ​។​

​ទាក់ទង​ទៅនឹង​បញ្ហា​នៃ​ជម្ងឺ​កូវី​ដ​១៩ សម្តេច​តេជោ​នាយករដ្ឋមន្ត្រី​បាន​មានប្រសាសន៍ថា នៅ​ថ្ងៃ​ម្សិលមិញ ថ្ងៃទី​០៩ ខែ​មករា ឆ្នាំ​២០២២ កម្ពុជា​បន្ត​រកឃើញ​មេរោគ​បំប្លែង​ថ្មី «​អូ​មី​ក្រុង​» កើត​ក្នុង​សហគមន៍​កម្ពុជា ចំនួន​៣​នាក់​បន្ថែមទៀត​។ ដូន​ច្នេះ សូម​អោយ​ប្រពល​រដ្ឋ​ទាំងអស់​មាន​ការប្រុងប្រយ័ត្ន​អោយបាន​ខ្ពស់ ជាពិសេស​អនុវត្តន៍​វិធានការ​៣​កុំ ៣​ការពារ​អោយបាន​ខ្ចប់​ខ្ជួន​។ សម្តេច​តេជោ ហ៊ុន សែន បាន​អំពាវនាវ​ឱ្យ​បន្ត​ចាក់​វ៉ាក់សាំង​ដូស​ជំរុញ​ដូសទី​៤ បន្តទៀត​។ សម្តេច​តេជោ បាន​បញ្ជា​ឱ្យ​ទិញ​វ៉ាក់សាំង​ចំនួន​៥​លាន​ដូស​បន្ថែមទៀត ខណៈ​ក្នុង​ឃ្លាំង​សល់​ប្រមាណ ១០​លាន​ដូស ការបញ្ជា​ទិញ​នេះ ដើម្បី​ធានា​ថា ពលរដ្ឋ​មាន​វ៉ាក់សាំង​គ្រប់គ្រាន់​សម្រាប់​ការចាក់ដូស​ជំរុញ​។​

ទាក់ទង​ទៅនឹង​ដំណើរ​ទស្សនកិច្ច​ការងា​រ​របស់​សម្តេច​តេជោ​ទៅមី​យ៉ាន​ម៉ា កាលពី​ពេល​ថ្មីៗ​នេះ សម្តេច​តេជោ នាយករដ្ឋមន្ត្រី បាន​មានប្រសាសន៍​អរគុណ​ដល់​ជប៉ុន ដែល​បាន​ប្រកាស​គាំទ្រ​ដំណើរ​របស់​សម្តេច​ទៅ​កាន់​មី​យ៉ាន់​ម៉ា​។ សម្តេច​តេជោ​បាន​ថ្លែងថា លទ្ធផល​នៃ​ដំណើរ​របស់​សម្តេច​ទៅ​មី​យ៉ាន់​ម៉ា​មាន​៣ គឺ​ការពន្យារពេល​បទ​ឈប់​បាញ់ ការផ្តល់​ជំនួយ និង​ការសន្ទនា​ជាមួយ​ភាគី​ពាក់ព័ន្ធ​របស់​មី​យ៉ាន់​ម៉ា​។ សម្តេច​តេជោ បាន​បង្ហាញ​ក្តីសង្ឃឹម​ថា អាស៊ាន នឹង​ខិតខំ​ក្នុង​ការដោះស្រាយ​បញ្ហា​មី​យ៉ាន់​ម៉ា​។ សម្តេច​តេជោ​បន្តថា បញ្ហា​មី​យ៉ាន់​ម៉ា មិន​អាច​បញ្ចប់​ត្រឹម​ពេល​កម្ពុជា​ធ្វើ​ប្រធាន​អាស៊ាន​នោះទេ វា​នឹង​បន្ត​ទៅ​ដល់​ឥណ្ឌូនេស៊ី ធ្វើជា​ប្រធាន​អាស៊ាន​ទៀត​។

​សកម្មភាព​នេះ​មិនមែន​ជា​ការជ្រៀតជ្រែក​កិច្ចការ​ផ្ទៃក្នុង​របស់​មី​យ៉ាន់​ម៉ា​នោះទេ តែ​ជា​ការជួយ​សម្របសម្រួល​។ សម្តេច​តេជោ​បាន​ថ្លែងថា លោក មីង អោ​ងឡាំង បាន​បើក​ចិត្ត​ទូលាយ​ឱ្យ​ចែក​ជំនួយ​មនុស្សធម៌​ទៅ​គ្រប់ភាគី រួមទាំង​អ្នក​ប្រឆាំង​លោក​ផង​ដែរ​។ សម្តេច​តេជោ ហ៊ុន សែន បាន​ថ្លែងថា ការធ្វើឱ្យ​មាន​បទ​ឈប់​បាញ់ និង​ការផ្តល់​ជំនួយ​ដល់​ប្រជាពលរដ្ឋ គឺ​កិច្ច​ការ​ចាំបាច់​មុន​ឈានដល់​ការសន្ទនា​ជា​មួយ​អ្នកពាក់ព័ន្ធ ដែល​ធ្វើ​ដោយ​ប្រេសិត​អាស៊ាន​។​

​ទាក់​ទៅនឹង​សមិទ្ធផល​ផ្លូវ​នេះ​ផង​ដែរ សម្តេច​តេជោ ក៏​បាន​ថ្លែងអំណរគុណ​ដល់​ក្រសួង​សាធារណការ និង​ដឹកជញ្ជូន អាជ្ញាធរ​មីន​កម្ពុជា ព្រមទាំង​អាជ្ញាធរ​ពាក់ព័ន្ធ​ទាំងអស់ ដែល​បាន​ប្រឹងប្រែង​រួមគ្នា​ធ្វើ ក្នុងការ​ស្ថាបនា​ធ្វើអោយ​ប្រសើរឡើង​នូវ​ផ្លូវជាតិ​លេខ​៥​នេះ​។ សម្តេច​តេជោ​នាយករដ្ឋមន្ត្រី ក៏​បាន​ជូនពរឲ្យ​បងប្អូន​ប្រជាពលរដ្ឋ​ទាំងអស់​ជួប​ប្រទះ​តែ​សេចក្តីសុខ​សេចក្តីចម្រើន​ក្នុង​ឱកាស​ឆ្នាំ​ថ្មី​ឆ្នាំ​សកល​២០២២​នេះ និង​បាន​អញ្ជើញ​កាត់​ខ្សែបូរ​សម្ពោធ​ដាក់ឱ្យ​ប្រើប្រាស់​កំណាត់​ផ្លូវជាតិ​លេខ​៥ ពី​បាត់ដំបង​-​សិរីសោភ័ណ ចាប់ពី​ពេលនេះ​តទៅ​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 | អ៊ីម៉ែល៖ mailtobot168@gmail.com

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល