ខេត្តកណ្តាល៖ ល្ងាចថ្ងៃទី១៥ ខែវិច្ឆិកា ឆ្នាំ២០២១ ឯកឧត្តម គង់ សោភ័ណ្ឌ អភិបាលខេត្តកណ្តាល បានចុះជួបសំណេះសំណាលសួរសុខទុក្ខ និងផ្សព្វផ្សាយអនុសាសន៍ដ៏ខ្ពង់ខ្ពស់ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដល់មន្ត្រី និងកងកម្លាំងកំពុងប្រចាំការនៅច្រកទ្វារព្រំដែនអន្តរជាតិ ជ្រៃធំ ឃុំសំពៅពូន ស្រុកកោះធំ ស្តីពីការត្រៀមលក្ខណៈក្នុងការបើកដំណើរប្រទេសឡើងវិញ ការបើកឲ្យចរាចរណ៍ចេញចូល នៃប្រជាពលរដ្ឋនៅតាមច្រកទ្វារព្រំដែនអន្តរជាតិ៕
