ទាន់ហេតុការណ៍
ឯកឧត្តម គង់ សោភ័ណ្ឌ អភិបាល​នៃ​គណៈ​អភិបាលខេត្ត​កណ្ដាល បាន​អញ្ជើញ​ចូលរួម​ក្នុង​ពិធី​ផ្សព្វផ្សាយ​របាយការណ៍​ជាតិ​ការងារ​ប្រយុទ្ធប្រឆាំង​អំពើ​ជួញដូរ​មនុស្ស​ - បញ្ជូន​ខ្លួន​ជនសង្ស័យ​ម្នាក់​ទៅ​ពន្ធនាគារ ក្រោម​បទ​កាត់​រូបរាង​ឈូសឆាយ​ដី​ព្រៃ​យក​ធ្វើជា​កម្មសិទ្ធិ ស្ថិតនៅ​ឃុំ​អូរ​កណ្ដៀរ​សែន​ជ័យ ស្រុក​អូរ​គ្រៀង​សែន​ជ័យ ខេត្ត​ក្រចេះ​. - កាន់​ប្លែក បែកធ្លាយ ក្រុមការងារ​ចុះ​ជួយ​ឃុំ​សំបុក ស្រុក​ចិត្រ​បុរី បែរជា​មក​ជួប​សំណេះសំណាល​ជាមួយ​ប្រជាពលរដ្ឋ​ជា​សមាជិក​បក្ស​នៅ ភូមិ ត្រពាំង​ឈូក ឃុំ​ឃឹម ស្រុក​ស្នួល ទៅវិញ តើ​មាន​គោលបំណង​អ្វី​ឲ្យ​ពិតប្រាកដ​ - ឯកឧត្តម​បណ្ឌិត អ៊ាង សុផល្លែត រដ្ឋមន្ត្រី​ក្រសួង​បរិស្ថាន បាន​អនុញ្ញាឱ្យ​សមាគមយុវជ​ន​លើកកម្ពស់​សេដ្ឋកិច្ច​ប្រជាជន​កម្ពុជា (YAEP) ចូលជួប​សម្តែង​ការគួរសម និង​ទទួល​ស្តាប់​នូវ​អនុសាសន៍​ដ៏​ខ្ពង់ខ្ពស់​ពី​ឯកឧត្តម​រដ្ឋមន្ត្រី នៅ​ទីស្តីការ​ក្រសួង​បរិស្ថាន​ - រថយន្ត​សាំ​យ៉ុង​កែច្នៃ​ដឹក​ឈើ​របស់​មេ​ឈ្មួញ​ឈ្មោះ ធា ត្រូវ​អស់លក្ខណ៍​ជាប់អន្ទាក់​កម្លាំង​បរិស្ថាន​ - ​ឧបនាយករដ្ឋមន្ដ្រី ហ៊ុន ម៉ា​នី តំណាង​សម្ដេច​តេជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប្រគល់​ផ្ទះ​មួយ​ខ្នង​ជូន​យុវជន អន ផានិត ដែល​ប្រឡង​ជាប់​និទ្ទេស A នៅ​ខេត្ត​កំពត​ - សម្តេច​ធិបតី ហ៊ុន ម៉ា​ណែ​ត អនុញ្ញាត​ឱ្យ​ប្រធាន​សមាគម​មិត្តភាព​ឡាវ​-​កម្ពុជា ចូលជួប​សម្តែង​ការគួរសម និង​ពិភាក្សា​ការងារ​នៅ​រដ្ឋធានី​វៀង​ចន្ទន៍ សាធារណរដ្ឋ​ប្រជាធិបតេយ្យ​ប្រជាមានិត​ឡាវ​ - ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​! - ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​! - ​ឯកឧត្តម​បណ្ឌិត អ៊ាង សុផល្លែត ដឹកនាំ​ប្រតិភូ​ក្រសួង​បរិស្ថាន​ចុះ​ត្រួតពិនិត្យ​ទីតាំង​ភូមិសាស្ត្រ​ដើម្បី​ត្រៀម​រៀបចំ​ដាំ​ដុះ ស្តារ​ព្រៃឈើ​ឡើង​វិញ​នៅ​រដូវវស្សា​
0

​សម្ដេច​តេជោ ហ៊ុន សែន អញ្ជើញ​ជួបពិភាក្សា​ការងារ​ជា​ទ្វេភាគី​ជាមួយ​ប្រធានាធិបតី​ចិន​

​សម្ដេច​តេជោ ហ៊ុន សែន អញ្ជើញ​ជួបពិភាក្សា​ការងារ​ជា​ទ្វេភាគី​ជាមួយ​ប្រធានាធិបតី​ចិន​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

(​ភ្នំពេញ​) នៅ​ព្រឹក​ថ្ងៃទី​២៩ ខែ​មេសា ឆ្នាំ​២០១៩​នេះ មុនពេល​ចាកចេញ​ពី​ទីក្រុង​ប៉េកាំង សាធារណរដ្ឋ​ប្រជាមានិត​ចិន​នោះ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​អញ្ជើញ​ជួបពិភាក្សា​ការងារ​ជា​ទ្វេភាគី​ជាមួយ ឯកឧត្តម ស៊ី ជិន​ពីង ប្រធានាធិបតី នៃ​សាធារណរដ្ឋ​ប្រជាមានិត​ចិន ដែល​ជំនួប​នេះ​ត្រូវបាន​ធ្វើឡើង​នៅ​មហា​វិមាន​ប្រជាជន​ចិន​។​

ក្នុង​ជំនួប​នេះ ឯកឧត្តម​ប្រធានាធិបតី​ចិន បាន​មានប្រសាសន៍​ថ្លែងអំណរគុណ​យ៉ាង​ជ្រាលជ្រៅ​ចំពោះ​សម្តេច​តេជោ ហ៊ុន សែន ដែល​បាន​ឆ្លើយតប​តាម​ការអញ្ជើញ​របស់​ថ្នាក់ដឹកនាំ​ចិន អញ្ជើញ​មក​ចូលរួម​ក្នុង​វេទិកា​ស្តីពី​«​ខ្សែក្រវ៉ាត់ និង​ផ្លូវ​»​លើក​ទី​២ ស្តីពី​សហប្រតិបត្តិការ​អន្តរជាតិ នៅ​ទីក្រុង​ប៉េកាំង ប្រទេស​ចិន​នាពេលនេះ​។ ឯកឧត្តម​មាន​ប្រសាសន៍​បន្ត​ថា វត្តមាន​របស់​សម្តេច​តេជោ បាន​រួមចំណែក​ដល់​ភាពជោគជ័យ​របស់​វេទិកា​ដែល​យើង​បាន​បញ្ចប់​នាពេលនេះ​។ ឯកឧត្តម មានប្រសាសន៍​បន្ត​ថា យើង​នឹង​ជួប​គ្នា​ក្នុង​កិច្ចប្រជុំ និង​វេទិកា​ក្រោយៗ​ទៀត ដើម្បី​បន្ត​កិច្ចការ​នៃ​ប្រទេស​ទាំង​ពីរ​ឲ្យ​កាន់តែ​រឹងមាំ​ថែម​ទៀត​។

លោក​ប្រធានាធិបតី​ចិន ឯកឧត្តម ស៊ី ជិន​ពីង ក៏​បាន​អបអរសាទរ​ចំពោះ​សម្ដេច​តេជោ​ក្នុង​ការបន្ត​ដឹកនាំ​ប្រទេស​កម្ពុជា​ជា​បន្ត​ទៀត​ក្នុង​អណត្តិ​ថ្មី ហើយ​ឯកឧត្តម គាំទ្រ​សម្តេច​តេជោ ជានិច្ច​។ ប្រទេស​ចិន នឹង​បន្ត​គាំទ្រ​ដល់​ប្រទេស​កម្ពុជា​ជាពិសេស​ក្នុង​ក្របខ័ណ្ឌ​យុទ្ធសាស្ត្រ​គ្រប់​ជ្រុងជ្រោយរ​វា​ង​ប្រទេស​យើង​ទាំង​ពីរ​។​

ជា​ការឆ្លើយតប សម្តេច​តេជោ​នាយករដ្ឋមន្ត្រី មានប្រសាសន៍ថា កម្ពុជា​កំពុង​ទទួលបាន​នូវ​ភាពជោគជ័យ​ជា​បណ្តើរៗ ពី​គោលនយោបាយ​«​ខ្សែក្រវ៉ាត់ និង​ផ្លូវ​» តាមរយៈ​ការតភ្ជាប់​លើ​គ្រប់​វិស័យ​។

សម្តេច​តេជោ មានប្រសាសន៍​បន្ត​ថា យុទ្ធសាស្ត្រ​ខ្សែ​ក្រ​វ៉ាត និង​ផ្លូវ ស្របគ្នា​និង​យុទ្ធសាស្ត្រ​ចតុកោណ​របស់​រាជរដ្ឋាភិបាល​កម្ពុជា ដែល​មាន​ទិសដៅ​ក្នុង​ការតភ្ជាប់​លើ​គ្រប់ផ្នែក និង​គ្រប់​វិស័យ​ទាំងអស់​។

សម្តេច​តេជោ បាន​អរគុណ ឯកឧត្តម​ប្រធានាធិបតី​ដែល​បាន​ទទួល​សម្ដេច និង​គណៈប្រតិភូ ហើយ​សម្តេច​បាន​អបអរសាទរ​ពី​ភាព​ជោគជ័យ​នៃ​ការ​នៃ​វេទិកា​ខ្សែក្រវ៉ាត់ និង​ផ្លូវ​លើក​ទី​២​នេះ ដែល​ជា​គំនិត​ផ្ដួចផ្ដើម​របស់​ប្រទេស​ចិន ក៏ដូចជា ឯកឧត្តម​ប្រធានាធិបតី​ផ្ទាល់ ដែល​វា​បាន​ក្លាយទៅជា​ការងា​ររ​បស់​យើងទាំងអស់គ្នា ហើយ​វេទិកា​ខ្សែក្រវ៉ាត់ និង​ផ្លូវ​នេះ​គឺ​បាន​ចូលរួមចំណែក​ជាច្រើន​ដល់​កម្ពុជា សម្រាប់​ការអភិវឌ្ឍ​ប្រទេស​។

សម្ដេច​តេជោ​នាយករដ្ឋមន្ត្រី ក៏​បាន​អរគុណ​ដល់ ឯកឧត្តម​ប្រធានាធិបតី ស៊ី ជីន​ពីង ដែល​បាន​ចូលរួម​ជួយ​ដល់​កម្ពុជា​ដែល​នឹង​ត្រូវ​ប្រឈម​ជាមួយនឹង​ការ EBA របស់​សហភាព​អឺរ៉ុប ដែល​ចំណុច​នេះ ឯកឧត្ដម​នាយករដ្ឋមន្ត្រី​ចិន លី ខឺ​ឈាង ក៏​បាន​បញ្ជាក់​ពី​ការខិតខំ​របស់ ឯកឧត្តម ក្នុង​ការជួយ​ដល់​ប្រទេស​កម្ពុជា​ផងដែ​។

ក្នុងឱកាស​នោះ​សម្តេច​តេជោ ក៏​បាន​ជម្រាបជូន ឯកឧត្ដម​ប្រធានាធិបតី ថា​កម្ពុជា​កំពុង​ធ្វើការ​កែទម្រង់​ផ្ទៃក្នុង​ដើម្បី​ធ្វើយ៉ាងណា​ឲ្យ​កម្ពុជា​មាន​លក្ខណៈ​ប្រកួតប្រជែង ក្នុង​គោលបំណង​សម្រួល​ដល់​ការធ្វើ​ពាណិជ្ជកម្ម របស់​អ្នក​វិនិយោគិន​បរទេស​នៅ​ក្នុង​ប្រទេស​កម្ពុជា​។

សម្ដេច​ក៏​បាន​ស្នើ​ដល់​ក្រុមហ៊ុន​ចិន​មក​ធ្វើ​ពាណិជ្ជកម្ម​នៅ​ក្នុង​ប្រទេស​កម្ពុជា​ជា​បន្ត​ទៀត ជាពិសេស​យ៉ាងណា​ឲ្យ​ទីផ្សា​រចិន​មាន​ការបើកចំហ​ជាង​មុន​សម្រាប់​ការ​នាំចូល​ផលិតផល​កសិផល​ពី​ប្រទេស​កម្ពុជា​ផងដែរ ដើម្បី​រក្សា​នូវ​ទំហំ​ពាណិជ្ជកម្ម​រវាង​ប្រទេស​ទាំង​ពីរ​។​

​ឯកឧត្តម​ប្រធានាធិបតី​ចិន ស៊ី ជីន​ពីង បាន​មានប្រសាសន៍ថា កម្ពុជា និង​ចិន​ជា​មិត្ត​ដ៏​ល្អ​នឹង​គ្នា​។ ប្រទេស​យើង​ទាំង​២​បាន​ចុះហត្ថលេខា​លើ​ឯកសារ​សំខាន់ៗ ជាពិសេស​កិច្ចសហប្រតិបត្តិការ​រួម​គ្នា​ដែល​យើង​អាច​បន្ត​ធ្វើ​ការងារ​ជាមួយ​គ្នា​តាម​ផែនការ​សកម្មភាព ហើយ​យើង​ត្រូវតែ​បន្ត​ថែទាំ​មិត្តភាព​នៃ​ប្រទេស​ទាំង​ពីរ​អោយបាន​ល្អ​។

ឯកឧត្តម ស៊ី​ជិន​ពីង ក៏បាន​លើកឡើង​អំពី​ព្រះរាជទស្សនកិច្ច​របស់ សម្ដេចព្រះ​នរោត្តម​សីហ​មុនី ដែល​ព្រះអង្គ​នឹង​ត្រូវ​យាង​មក​ប្រទេស​ចិន​ដើម្បី​ចូលរួម​កិច្ចប្រជុំ​សំខាន់ៗ​មួយ​នៅ​ពាក់កណ្តាល​ខែ​ឧសភា​ខាងមុខនេះ​។

ពាក់ព័ន្ធ​នឹង​គំនិត​ផ្តួចផ្តើម​ខ្សែក្រវ៉ាត់ និង​ផ្លូវ​នេះ គឺ​ចិន នឹង​ជំរុញ​ការកសាង​ក្នុង​តំបន់​សេដ្ឋកិច្ច​ដូចជា​ការកសាង​ព្រលានយន្តហោះ ផ្លូវ​ល្បឿន​លឿន ជាពិសេស​ក្នុងការ​នាំចូល​អង្ករ​ពី​ប្រទេស​កម្ពុជា​តាម​គោលការណ៍​ដែល​ផ្ដល់ជូន​។ ចិន​នឹង​បន្ត​គាំទ្រ​ជួយ​ដល់​វិស័យ​ការពារ​ជាតិ​ដល់​ប្រទេស​កម្ពុជា​ផងដែរ ហើយ​ក្នុង​ន័យ​នេះ ឯកឧត្តម​ប្រធានាធិបតី​ចិន បានប្រកាសថា​ចិន​នឹង​ជួយ ៦០០​លាន​យ័ន ដល់​វិស័យ​ការពារ​ជាតិ​កម្ពុជា​។ ភាគី​ទាំងពីរ​នឹង​បន្ត​ធ្វើការ​ជាមួយគ្នា​ជាពិសេស​ការផ្លាស់ប្ដូ​រទ​ស្សនៈ​កិច្ច​នៃ​ប្រទេស​ទាំង​ពីរ ហើយ​ឯកឧត្តម បានបញ្ជាក់​ថា ថ្មីៗ​នេះ​ប្រទេស​ចិន និង​សិង្ហ​បុរី​បានធ្វើការ​ជាមួយគ្នា​ក្នុង​ការបង្កើត​របៀង​សេដ្ឋកិច្ច ដើម្បី​ជំរុញ​សមាហរណកម្ម​សេដ្ឋកិច្ច ហើយ​ក្នុង​ន័យ​នេះ គឺ​ចិន​ស្វាគមន៍​កម្ពុជា​ចូលទៅ​ក្នុង​របៀង​សេដ្ឋកិច្ច​ផង​ដែរ​។​

សម្តេច​តេជោ ហ៊ុន សែន ក៏​បាន​បាន​អរគុណ​ដល់ ឯកឧត្តម​ប្រធានាធិបតី​ចិន ក៏​ដូច​ជា​រដ្ឋាភិបាល​ចិន ដែល​កន្លងមក​តែងតែ​ចូលរួមចំណែក​ក្នុង​ការកសាង​អភិវឌ្ឍន៍​ប្រទេស​កម្ពុជា ហើយ​សម្តេច​ក៏​បាន​គូសបញ្ជាក់​ផងដែរ​ថា ស្ថានភាព​ផ្ទៃក្នុង ក៏​ដូចជា​សេដ្ឋកិច្ច​កម្ពុជា​នៅតែ​មាន​ភាព​ល្អប្រសើរ​ហើយ​បច្ចុប្បន្ន​គឺ​ល្អប្រសើរ​ជាង​កាល​បោះឆ្នោត​ឆ្នាំ​១៩៩៨ ហើយ​សេដ្ឋកិច្ច​កម្ពុជា​ឆ្នាំ​២០១៨​នេះ គឺ​កាន់តែ​មាន​ភាពល្អប្រសើរ ហើយ​សម្រាប់​បី​ខែ​ដំបូង​នៃ​ឆ្នាំ​២០១៩ សេដ្ឋកិច្ច​កម្ពុជា​ក៏​នៅតែ​មាន​លក្ខណៈ​ល្អប្រសើរ​ផងដែរ​។

ដូច្នេះ​តាមរយៈ​ជំនួប​នេះ​គឺ​បាន​ប្រព្រឹត្តទៅ​ជា​ផ្លែផ្កា​ដែល​ប្រទេស​ទាំង​ពីរ នឹង​សហការ​គ្នា​ជា​មិត្តភាព ជា​មិត្ត​ដែក​ថែប ជា​ដៃគូ​សហប្រតិបត្តិការ​យុទ្ធសាស្ត្រ​គ្រប់​ជ្រុងជ្រោយ​ជា​បន្តបន្ទាប់​ទៀត​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល