(ខេត្តព្រះសីហនុ) ឯកឧត្តម ម៉ោង ស៊ីណេត អភិបាល នៃគណៈ អភិបាលខេត្ត និតឯកឧត្តម វង្ស ធាណាតប្រធានក្រុមប្រឹក្សាខេត្ត អមដំណើរដោយមន្ត្រីរាជការរបស់សាលាខេត្តព្រះសីហនុ បាន អញ្ជើញចូលរួមក្នុងពិធីប្រកាសសមាសភាពគណៈកម្មការ សាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្ត ព្រះសីហនុ ក្រោមអធិបតីភាពដ៏ខ្ពង់ខ្ពស់ សម្តេចកិត្តិសង្គហ បណ្ឌិត ម៉ែន សំអន ឧត្តមក្រុមប្រឹក្សាផ្ទាល់ព្រះមហាក្សត្រ និងជា ប្រធាន សមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្ត ព្រះសីហនុព្រមទាំងលោកជំទាវ ឯកឧត្តម លោកឧកញ៉ា និងមន្ត្រី ជាន់ខ្ពស់ជាច្រើននាក់ទៀត នាព្រឹកថ្ងៃទី២ ខែកុម្ភៈ ឆ្នាំ២០២៥ នៅ សាលប្រជុំធំសាខាគណបក្សប្រជាជនកម្ពុជា ស្ថិតនៅភូមិ៣ សង្កាត់១ ក្រុងព្រះសីហនុ។
ឆ្លៀតក្នុងឱកាសនោះ ឯកឧត្តម ម៉ោង ស៊ីណេត អភិបាលនៃគណៈ ខេត្តព្រះសីហនុ បានឡើងមានមតិស្វាគមន៍ក្នុងអង្គពិធីទាំងមូល ក៏ដូចជារាយ តម្លៃខ្ពស់ចំពោះថ្នាក់ដឹកនាំ សមាជិកាគណៈកម្មការ សាខាសមាគមនារី កម្ពុជា ដើម្បីសន្តិភាព និងអភិវឌ្ឍន៍ខេត្ត ដែល បានខិតខំយកអស់កម្លាំង កាយចិត្ត ប្រាជ្ញាស្មារតី ក្នុងការបំពេញ តួនាទីភារកិច្ច លើកកម្ពស់បរិយាប័ន្ន ។
ឯកឧត្តម អភិបាលខេត្ត ក៏បានសម្តែងនូវការគោរពស្វាគមន៍យ៉ាង កក់ក្តៅប្រកបដោយអត្ថន័យដ៏ជ្រាលជ្រៅចំពោះវត្តមានដ៏ខ្ពង់ខ្ពស់ របស់ សម្តេចកិត្តិសង្គហបណ្ឌិត ម៉ែន សំអន ដែលបាន ចំណាយពេលវេលា ដ៏មានតម្លៃ និងមមាញឹកអញ្ជើញចូលរួមជា អធិបតីដ៏ខ្ពង់ខ្ពស់ក្នុង ពិធី ប្រកាសសមាសភាពគណៈកម្មការ សាខាសមាគមនារីកម្ពុជាដើម្បី សន្តិភាព និងអភិវឌ្ឍន៍ខេត្ត ព្រះសីហនុ ស្របពេលដែលប្រជាជនកម្ពុជា កំពុងទទួលបាននូវ សេចក្តីសោមនស្សរីករាយ ជាមួយនឹងដំណើរការ អភិវឌ្ឍសេដ្ឋកិច្ច សង្គម និងការរស់នៅដ៏សុខសាន្ត ក្រោមម្លប់នៃសន្តិភាព។
លោកជំទាវ មាន សំអាន ប្រធានគណៈកម្មការទី៨ ព្រឹទ្ធសភា និង ជាអនុប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ បានឡើងធ្វើសេចក្តីប្រកាសសមាសភាពប្រធាន/អនុប្រធាន និង សមាជិការសមាគមន៍ដែលបានតែងតាំងទាំង ១៤៥នាក់ ផងដែរ ។
សម្តេច កិត្តិសង្គហបណ្ឌិត ម៉ែន សំអន ឧត្តមក្រុមប្រឹក្សាផ្ទាល់ ព្រះមហាក្សត្រ និងជាប្រធាន សមាគមនារីកម្ពុជាដើម្បីសន្តិភាព ក៏ បានឡើងមានប្រសាសន៍សំណេះសំណាល និងពាំនាំនូវការផ្តាំផ្ញើ សួរសុខទុក្ខរបស់សម្តេចបររធិបតី ហ៊ុន ម៉ាណែត និងលោកជំទាវ បណ្ឌិតដែលតែងតែគិតគូរយកចិត្តទុកដាក់លើមន្ត្រីរាជការ ក៏ដូចជាប្រជាពលរដ្ឋទាំងមូលក្នុងប្រទេស ហើយក៏អបអរសាទរ ដល់ប្អូនដែលចូលរួមស្ម័គ្រចិត្ត ថែមទាំងចំណាយថវិការ និងកម្លាំង ចិត្តដើម្បីជួយដល់កិច្ចការសង្គម ។
ជាងនេះទៅទៀតសម្តេច ម៉ែន សំអន ក៏បានធ្វើការកោតសរសើរជា ខ្លាំងរបស់ថ្នាក់ដឹកនាំខេត្តព្រះសីហនុ ដែលបានរៀបចំពិធីនេះឡើង ដោយមានការអញ្ជើញចូលរួមពីសមាជិកាសមាគមន៍ និងថ្នាក់ដឹក នាំ ព្រមទាំងមន្ត្រីរាជការយ៉ាងច្រើនកុះករ មិនដូចតាមបណ្តាខេត្ត ដទៃទៀត ។
លើសពីនេះ សម្តេច កិត្តិសង្គហបណ្ឌិត ម៉ែន សំអន បានថ្លែង កោតសរសើរ និងគាំទ្រជាខ្លាំងនូវប្រសាសន៍របស់ ឯកឧត្តម ម៉ោង ស៊ីណេត អភិបាលនៃគណៈអភិបាលខេត្តព្រះសីហនុដែលថា”ខេត្ត ព្រះសីហនុ ជាទីក្រុងស្នូលនៃប៉ូលអភិវឌ្ឍជាតិ ប្រកបដោយចីរភាព នៅតំបន់ឆ្នេរសមុទ្រកម្ពុជាក្នុងការជំរុញកំណើន សេដ្ឋកិច្ច អភិវឌ្ឍ ធុរកិច្ច ពាណិជ្ជកម្ម និងទេសចរណ៍ប្រកបដោយ ភាពរស់រវើក ឆ្លាត និងបរិយាបន្ន” ៕
