ភ្នំពេញ ៖ នៅព្រឹកថ្ងៃទី១៥ ខែមីនា ឆ្នាំ២០២៥ នៅបុរីប៉េងហួតបឹងស្នោរ ក្នុងខណ្ឌច្បារអំពៅ រាជធានីភ្នំពេញ មានប្រារព្ធព្រឹត្តិការណ៍ រត់ម៉ារ៉ាតុង ដើម្បីមនុស្សធម៌ ក្រោមអធិបតីភាពដ៏ខ្ពង់ខ្ពស់ ឯកឧត្ដម នេត្រ ភក្ត្រា រដ្ឋមន្ត្រី ក្រសួងព័ត៌មាន ។
ព្រឹត្តិការណ៍នេះ មានការអញ្ជើញចូលរួមពីមន្ដ្រីជាន់ខ្ពស់ ក្រសួងព័ត៌មាន សមាគមសារព័ត៌មាន អ្នកសារព័ត៌មាន និងមហាជនប្រមាណជាង ១០០០នាក់ ហើយថវិកាដែលទទួលបានពីការបរិច្ចាគនឹងប្រគល់ជូនមន្ទីរពេទ្យគន្ធបុប្ផា ដើម្បីសង្គ្រោះកុមារ។
ក្នុងព្រឹត្តិការណ៍រត់ម៉ារ៉ាតុងដើម្បីមនុស្សធម៌ លោកបណ្ឌិត ហោ គន្ធា ប្រធានសមាគមអភិវឌ្ឍន៍វិជ្ជាជីវៈអ្នកសារព័ត៌មានកម្ពុជា ក៏បានដឹកនាំសមាជិក ចូលរួមគាំទ្រ និងបរិច្ចាគផងដែរ ៕
