ទាន់ហេតុការណ៍
សម្តេច​តេជោ ហ៊ុន សែន អញ្ជើញ​គោរព​វិញ្ញាណក្ខន្ធ ឯកឧត្តម Nguyen Phu Trong អគ្គលេខាធិការ គណៈកម្មាធិការ​មជ្ឈឹមបក្ស​កុម្មុយនីស្ត​វៀតណាម​ - ក្រសួង​ព័ត៌មាន​បើក​សិក្ខាសាលា​ស្តីពី ពិគ្រោះ​យោបល់​បន្ត​លើ​សេចក្តីព្រាង «​ធម្មនុញ្ញ​វិជ្ជាជីវៈ​សារព័ត៌មាន >> ក្រោម​អធិបតីភាព ឯកឧត្តម នេត្រ ភ​ក្ត្រា រដ្ឋមន្ត្រីក្រសួង​ព័ត៌មាន​ - ឯកឧត្តម រ័ត្ន ស្រ៊ាង ចេញ​ញត្តិ​គាំទ្រ​សារ​ពិសេស សម្តេច​តេជោ ហ៊ុន សែន ស្តីពី​កិច្ចសហប្រតិបត្តិការ​អភិវឌ្ឍ​តំបន់​ត្រីកោណ​កម្ពុជា​-​ឡាវ​-​វៀតណាម និង​ថ្កោលទោស​ជន​ដែល​ញុះញង់ និង​បំភ្លៃ​ការពិត​ - ​សម្តេច​តេជោ ហ៊ុន សែន អញ្ជើញ​ថ្លែង​សារ​ពិសេស ពាក់ព័ន្ធ​តំបន់​អភិវឌ្ឍន៍​ត្រីកោណ (CLV) កម្ពុជា ឡាវ វៀតណាម​ - ឯកឧត្តម​បណ្ឌិត អ៊ាង សុផល្លែត​៖ កម្ពុជា​ត្រូវ​មាន​ការចូលរួម​ពី​អ្នកពាក់ព័ន្ធ​ក្នុង​ការថែទាំ​សុខភាព​សមុទ្រ​ - សម្ដេច​តេជោ ហ៊ុន សែន អនុញ្ញាត​ឱ្យ ឯកឧត្តម Atul KHARE អគ្គលេខាធិការរង នៃ​អ​.​ស​.​ប​. ទទួលបន្ទុក​ផ្នែក​គាំទ្រ​ប្រតិបត្តិការ ចូលជួប​សម្ដែង​ការគួរសម​ - សម្តេច​ធិបតី ហ៊ុន ម៉ា​ណែ​ត​៖ អាកាសយានិក​ចំនួន ២ រូប ដែល​បាន​បាត់​ការទាក់ទង​អស់​រយៈពេល ១២ ថ្ងៃ មកទល់ពេលនេះ គឺ​មិន​មាន​មួយ​វិនាទី​ណា ត្រូវបាន​បំភ្លេច​នោះ​ទ្បើយ​ - ក្រុមការងារ​អាវុធហត្ថ​រាជធានី​ភ្នំពេញ បន្ត​ចុះ​ធ្វើការ​ផ្សព្វផ្សាយ​តាម​សាលា ស្តីពី​បញ្ហា​ក្មេង​ទំនើង និង​បញ្ហា​គ្រឿងញៀន​! - ​ឧត្តមសេនីយ៍ឯក រ័ត្ន ស្រ៊ាង ចាត់​ឲ្យ​ក្រុមការងារ នាំយក​អំណោយ ចុះសួរសុខទុក្ខ លោក​ប្រធាន​មន្ទីរ ដែល​ព្យាបាល​ដោយ​វះកាត់​សាច់​ដុះ​ក្នុង​ច្រមុះ​នៅ​មន្ទីរពេទ្យ​! - យោធា​ជើង​ខ្លាំង​កាន់​AK ទៅ​គំរាមកំហែង​ពលរដ្ឋ ត្រូវបាន​អាវុធហត្ថ​រាជធានី​ភ្នំពេញ​បញ្ជូន​ដល់​តុលាការ​!
0

ឯកឧត្តម នេត្រ ភ​ក្ត្រា រដ្ឋមន្ដ្រីក្រសួង​ព័ត៌មាន ៖ ការ​រក្សាទុក​អ្នក​ជំនាន់​មុន​ជា​ទីប្រឹក្សា គឺ​ដើម្បី​ផ្ទេរ​ចំណេះ និង​ជំនាញ មក​ឱ្យ​ក្មេងជំនាន់ក្រោយ​

ឯកឧត្តម នេត្រ ភ​ក្ត្រា រដ្ឋមន្ដ្រីក្រសួង​ព័ត៌មាន ៖ ការ​រក្សាទុក​អ្នក​ជំនាន់​មុន​ជា​ទីប្រឹក្សា គឺ​ដើម្បី​ផ្ទេរ​ចំណេះ និង​ជំនាញ មក​ឱ្យ​ក្មេងជំនាន់ក្រោយ​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង097 72 88 071 | 076 44 44 373

http://www.rasmeistoengtrang.com

(​ភ្នំពេញ​) ៖ ក្នុងឱកាស​អញ្ជើញ​ជួប​សំណេះសំណាល​ជាមួយ​ទីប្រឹក្សា​ក្រសួង​ព័ត៌មាន នា​ព្រឹក​ថ្ងៃទី​១៨ ខែ​កញ្ញា ឆ្នាំ​២០២៣ នៅ​សាលចតុម្មុខ ឯកឧត្តម នេត្រ ភ​ក្ត្រា រដ្ឋមន្ត្រីក្រសួង​ព័ត៌មាន​ថ្លែងថា ការ​រក្សាទុក​អ្នក​ជំនាន់​មុន​ជា​ទីប្រឹក្សា គឺ​ដើម្បី​ផ្ទេរ​ចំណេះ​និង​ជំនាញ​របស់​លោក អ៊ុំ ពូ មីង ដែល​មាន​វ័យ​ចំណាស់ មក​ឱ្យ​ក្មេងជំនាន់ក្រោយ ដែល​ជា​ការ​រក្សា​នូវ​អ្វី​ដែល​ជា​ចំណេះ​ជំនាញ​នៅក្នុង​ក្រោម​ខណ្ឌ​ក្រសួង​ព័ត៌មាន ពី​ជំនាន់​មួយ ទៅ​ជំនាន់​មួយទៀត ។​

​គួរបញ្ជាក់​ថា នា​ព្រឹក​ថ្ងៃទី​១៨ ខែ​កញ្ញា ឆ្នាំ​២០២៣ នៅ​សាលចតុម្មុខ​មង្គល មាន​រៀបចំ​ពិធី​ជួប​សំណេះសំណាល​ជាមួយ​ទីប្រឹក្សា​ក្រសួង​ព័ត៌មាន ក្រសួង​ព័ត៌មាន ក្រោម​អធិបតីភាព ឯកឧត្តម នេត្រ ភ​ក្ត្រា រដ្ឋមន្ត្រីក្រសួង​ព័ត៌មាន ។ ពិធី​ជួប​សំណេះសំណាល​នេះ គឺ​ដើម្បី​ពិនិត្យ​មើល​ពី​សមិទ្ធផល​ដែល​សម្រេចបាន​ក្នុង​រយៈពេល​កន្លងមក ក្តោប​ក្តាប់​បញ្ហា​ប្រឈម និង​ស្វែងរក​ដំណោះស្រាយ​ឆ្លើយតប ព្រមទាំង​គិតគូ​រួម​គ្នា​ពី​ចក្ខុវិស័យ​វែងឆ្ងាយ ក្នុង​គោលដៅ​ប្រែក្លាយ​ក្រសួង​ព័ត៌មាន ឱ្យទៅ​ជា​ស្ថាប័ន​ទំនាក់ទំនង​សាធារណៈ​របស់​រាជរដ្ឋាភិបាល​ដែល សកម្ម បុរេ​សកម្ម អន្តរ​សកម្ម ហើយ​ប្រកបដោយ​គុណភាព និង​ប្រសិទ្ធភាព​ខ្ពស់ ។​

​ឯកឧត្តម នេត្រ ភ​ក្ត្រា បាន​គួសបញ្ជាក់​ថា សម្រាប់​មន្ត្រីរាជការ​ដែល​បាន​បំពេញ​កិច្ច​ការងារ​តាំងពី​គ្រា​លំបាក រហូត​មក​ចូល​និវត្តន៍ គឺ​មនុស្ស​សំខាន់​សម្រាប់​មន្ត្រី​ជំនាន់​ក្រោយ ហើយ​បើសិនជា​គាត់​មិន​នៅ​ជា​ទីប្រឹក្សា​ក្នុង​ការផ្តល់​យោបល់​ផ្នែក​បច្ចេកទេស​នោះទេ​គឺ​នឹង​ជួប​ការលំបាក​។
​ឯកឧត្ដម​រដ្ឋមន្ដ្រី​បាន​ថ្លែង​បញ្ជាក់ថា សម្រាប់​មន្ត្រីរាជការ​ដែល​បាន​បំពេញ​កិច្ច​ការងារ​តាំងពី​គ្រា​លំបាក​ឆ្នាំ​១៩៧៩ រហូត​មក​ចូល​និវត្តន៍ គឺ​មនុស្ស​សំខាន់​សម្រាប់​មន្ត្រី​ជំនាន់​ក្រោយ​នេះ​ដកស្រង់​បទពិសោធន៍​ការងារ ជា​ជ​ន្ទ​ល់​រឹងមាំ បើសិនជា​គាត់​មិន​នៅ​ជា​ទីប្រឹក្សា​ក្នុង​ការផ្តល់​យោបល់​ផ្នែក​បច្ចេកទេស​នោះទេ​គឺ​នឹង​ជួប​ការលំបាក ។ ឯកឧត្តម​រដ្ឋមន្ត្រី​បានចាត់ទុក​អ៊ុំ ពូ មីង អ្នក​ជំនាន់​ដែល​នៅ​មកដល់​បច្ចុប្បន្ន​នេះ គឺជា​បេតិកភណ្ឌ​រស់ ជា​វចនានុក្រម​បច្ចេកទេស​របស់​ក្រសួង​ព័ត៌មាន ដែល​រស់ ព្រោះ​ក្មេងៗ​ជំនាន់​ក្រោយ​មិន​ចាំបាច់​ទៅ​សិក្សា​ច្រើន​លើ​កិច្ច​ការងារ​ខ្លះ​នោះ​ទេ គ្រាន់តែ​សួរ មតិយោបល់​របស់​គាត់​នោះ​ការងារ​នឹង​ដំណើរការ​ទៅ​លឿន​។

​ឯកឧត្ដម នេត្រ ភ​ក្ដ្រា បាន​លើកឡើង​ថា ការផ្តល់​ងារ​ជា​ទីប្រឹក្សា​នេះ​ដែរ គឺជា​ការផ្តល់​នូវ​កិត្តិយស​ដល់ អ្នក​ជំនាន់​មុន​ដែល​បាន​បំពេញ​ការងារ​តាំងពី​ឆ្នាំ​១៩៧៩ មក​បាន​លះបង់​គ្រប់បែបយ៉ាង តស៊ូ​រហូត​មក​ពេល​នេះ ដើម្បី​ផលប្រយោជន៍​ប្រទេសជាតិ ។

​ទន្ទឹមនេះ ឯកឧត្តម បាន​រម្លឹក​ឡើងវិញ​ពី​ព្រះរាជក្រឹត្យ​ស្តីពី​គោលការណ៍​សម្រាប់​ការតែងតាំង​ទីប្រឹក្សា និង​ជំនួយការ នៅក្នុង​អង្គការ​នីតិប្រតិបត្តិ ដោយ​ក្នុង​ព្រះរាជក្រឹត្យ​នេះ កំណត់​អំពី​គោលការណ៍ លក្ខខណ្ឌ និង​បែបបទ​សម្រាប់​ការតែងតាំង​ទីប្រឹក្សា និង​ជំនួយការ នៅក្នុង​អង្គការ​នីតិប្រតិបត្តិ ក្នុង​គោលបំណង​ពង្រឹង​គោលការណ៍​ឋានានុក្រម​រដ្ឋបាល សំដៅ​លើកកម្ពស់​ប្រសិទ្ធភាព​ការងារ​ក្នុង​រដ្ឋបាល​សាធារណៈ ក៏ដូចជា លើកកម្ពស់​ប្រសិទ្ធភាព​ការងារ​របស់​ទីប្រឹក្សា និង​ជំនួយការ​នៅក្នុង​អង្គការ នីតិប្រតិបត្តិ​។​

​ឯកឧត្តម​រដ្ឋមន្ដ្រី​បាន​បន្ថែមថា ក្រៅពី​ការបែងចែក​ភារកិច្ច​តាម​មុខ​ជំនាញ​ដល់​ថ្នាក់​ដឹកនាំ​ជា រដ្ឋលេខាធិការ អនុរដ្ឋលេខាធិកា​រទាំ​ង​អស់​រួច​មក ដោយឡែក​ចំពោះ ទីប្រឹក្សា និង​ជំនួយការ​ក្រសួង​ព័ត៌មាន ក៏​ត្រូវ​បែងចែក​ភារកិច្ច​ផងដែរ ព្រោះ​ជា​ការកែទម្រង់​រដ្ឋបាល​សាធារណៈ​របស់​រាជរដ្ឋាភិបាល​អាណត្តិ​ទី​៧​។
​ឯកឧត្ដម​រដ្ឋមន្ដ្រី​ក៏​បាន​ជំរុញ​ដល់​ទីប្រឹក្សា​ក្រសួង​ព័ត៌មាន​ទាំងអស់ ត្រូវ​មាន​ការចូលរួម​ទាំងអស់គ្នា ក្នុង​ការបំពេញ​តូ​នាទី ឱ្យមាន​ប្រសិទ្ធភាព តាមរយៈ​ចក្ខុវិស័យ គឺ​ធ្វើ​យ៉ាងណា​ប្រែក្លាយ​ក្រសួង​ព័ត៌មាន ឱ្យទៅ​ជា​ស្ថាប័ន​ទំនាក់ទំនង​សាធារណៈ​របស់​រាជរដ្ឋាភិបាល​មួយ​ដែល​ប្រកបដោយ បុរេ​សកម្ម សកម្ម អន្តរ​សកម្ម ប្រសិទ្ធភាព និង​គុណភាព​។ ស្ថាប័ន​ទំនាក់ទំនង​សាធារណៈ​របស់​រាជរដ្ឋាភិបាល គឺ​សំដៅ​ទៅលើ​ច្រកចេញ​-​ចូល​នៃ​ទំនាក់ទំនង​ព័ត៌មាន​រវាង​រដ្ឋាភិបាល​និង​សាធារណជន គឺ​សំដៅ​ទៅលើ​ប្រជាពលរដ្ឋ​ទូទៅ​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 097 72 88 071 / 076 44 44 373 ឬ តាម Whatsapp | Telegram : 097 72 88 071 / 076 44 44 373 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 097 72 88 071 / 076 44 44 373 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល