ទាន់ហេតុការណ៍
សម្តេច​ធិបតី ហ៊ុន ម៉ា​ណែ​ត អញ្ជើញ​ជា​អធិបតី​ក្នុង​កិច្ចប្រជុំ​លើក​ដំបូង នៃ​ឧត្តម​ក្រុមប្រឹក្សាពិគ្រោះ និង​ផ្ដល់​យោបល់ - ​សម្តេច​ធិបតី ហ៊ុន ម៉ា​ណែ​ត អញ្ជើញ​ជា​អធិបតី ក្នុង​ពិធី​ប្រកាស​ដាក់​ឱ្យ​អនុវត្ត​ជា​ផ្លូវការ “​គោលការណ៍​ណែនាំ​ស្ដី​ពី​ក្របខណ្ឌ​កម្មវិធី​ជាតិ​ជំនួយ​សង្គម​ក្នុង​កញ្ចប់​គ្រួសារ និង គោលការណ៍​ណែនាំ​ស្ដី​ពី​ក្របខណ្ឌ​កិច្ច​គាំពារ​សង្គម​ឆ្លើយតប​នឹង​គ្រោះអាសន្ន ” - ឯកឧត្តម​បណ្ឌិត អ៊ាង សុផល្លែត ជួប​សំណេះសំណាល និង​ឧបត្ថម្ភ​ថវិកា​លើកទឹកចិត្ត​ដល់​សិស្ស​ប្រឡង​ជាប់​និទ្ទេស A និង​សិស្សានុសិស្ស​ប្រឡង សញ្ញាបត្រ​មធ្យមសិក្សា​ទុតិយភូមិ នៅ​ស្រុក​អូររាំងឪ ខេត្ត​ត្បូងឃ្មុំ - ឈ្មោះ ឌី​ណា ម្ចាស់​ល្បែង​បញ្ជាល់មាន់ តាម​អន​ឡា​ញ កំពុងបើក​លេង​យ៉ាង​គំហុក​រាល់ថ្ងៃ ជិត​គល់​ស្ពាន​ព្រែក​តា​ម៉ាក់ រីឯ​លោក អធិការនគរបាល​ស្រុក​មុខកំពូល រក្សា​ភាព​ស្ងៀមស្ងាត់ ! - ពិធី​សម្ពោធ​ដាក់ឱ្យ​ប្រើប្រាស់​ជា​ផ្លូវការ​ផ្លូវ​បេតុង​អា​មេ ២​ខ្សែ ប្រវែង ១,៧៨០​ម៉ែត្រ នៅ​ស្រុក​អង្គស្នួល ខេត្ត​កណ្ដាល​ - ​អាវុធហត្ថ​រាជធានី​ភ្នំពេញ បើក​កិច្ចប្រជុំ​ត្រួតពិនិត្យ​ការអនុវត្ត​តួនាទី​ភារកិច្ច​កងរាជអាវុធហត្ថ​ប្រចាំខែ វិច្ឆិកា និង​ទិសដៅ​ខែ ធ្នូ និង​បូក​សរុប​លទ្ធផល​កិច្ចប្រតិបត្តិការ​ការពា​រ​ព្រះរាជ​ពិធី​បុណ្យ​អុំទូក បណ្តែត​ប្រទីប និង​សំពះ​ព្រះ​ខែ អក​អំបុក ឆ្នាំ​២០២៣! - ​ថវិកា​មូលនិធិ​មហា​គ្រួសារ​កងរាជអាវុធហត្ថ ត្រូវបាន​ប្រគល់ជូន​គ្រួសារ​សព​សមាជិក​មន្ត្រី អាវុធហត្ថ​រាជធានី​ភ្នំពេញ​! - កម្លាំង​អាវុធហត្ថ​រាជធានី​ភ្នំពេញ ប្រលង​កាយសម្បទា តាម​វិធីសាស្ត្រ​ចម្រុះ​ប្រចាំឆមាស​ទី​២ ឆ្នាំ​២០២៣! - យុទ្ធនាការ​កាត់បន្ថយ​ការប្រើប្រាស់​ប្លា​ស្ទិក ក្រោម​ប្រធានបទ «​ថ្ងៃនេះ ខ្ញុំ​មិន​ប្រើ​ថង់ប្លាស្ទិក​ទេ​» «​យើង​រួម​កំលាំង​គ្នា ការពារ​បរិស្ថាន​កម្ពុ​ជា​» «​លា​ហើយ​ប្លា​ស្ទិក​» - សន្និសីទ​កំពូល​ស្តីពី​ការប្រែប្រួល​អាកាសធាតុ COP28 នៅ​ទីក្រុង​ឌូ​បៃ ចាប់ផ្តើម​ហើយ​!
0

សម្តេច​មហា​បវរ​ធិបតី ហ៊ុន ម៉ា​ណែ​ត បន្ត​អញ្ជើញ​ចុះ​ជួប​កម្មករ​ជិត ២​ម៉ឺន​នាក់ នៅ​ខេត្ត​តាកែវ​

សម្តេច​មហា​បវរ​ធិបតី ហ៊ុន ម៉ា​ណែ​ត បន្ត​អញ្ជើញ​ចុះ​ជួប​កម្មករ​ជិត ២​ម៉ឺន​នាក់ នៅ​ខេត្ត​តាកែវ​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

នៅ​ព្រឹក​ថ្ងៃ​អង្គារ ៥​កើត ខែ​ភទ្របទ ឆ្នាំ​ថោះ បញ្ច​ស័ក ព​.​ស​.២៥៦៧ ត្រូវ​នឹង​ថ្ងៃទី​១៩ ខែ​កញ្ញា ឆ្នាំ​២០២៣ នេះ សម្តេច​មហា​បវរ​ធិបតី ហ៊ុន ម៉ា​ណែ​ត នាយករដ្ឋមន្ត្រី​កម្ពុជា បាន​បន្ត​ចុះ​ជួប​សំណេះសំណាល​ជាមួយ​កម្មករ និយោជិត​សរុប ១៨,១០៤​នាក់​ទៀត មកពី​រោងចក្រ សហគ្រាស​នានា ក្នុង​ស្រុក​បាទី ខេត្តតាកែវ​។

​តាម​ការ​អោយ​ដឹង​ពី​ឯកឧត្តម​បណ្ឌិត ហេង សួរ រដ្ឋមន្ត្រីក្រសួង​ការងារ និង​បណ្តុះបណ្តាល​វិជ្ជាជីវៈ បាន​ឱ្យ​ដង​ថា កម្មករ និយោជិត​ដែល​ចូលរួម​ក្នុង​ពិធី​សំណេះសំណាល​នេះ មកពី​រោងចក្រ សហគ្រាស​ចំនួន​១៨​។ រោងចក្រ សហគ្រាស​ទាំង​១៨​នេះ មាន​រោងចក្រ​កាត់ដេរ​ចំនួន​១៣, ផលិតផល​ធ្វើដំណើរ និង​កាបូប​ចំនួន​២, ដេរ​ស្បែកជើង​ចំនួន​២ និង​រោងចក្រ​បោកគក់​សម្លៀកបំពាក់​ចំនួន​១​។​ក្នុងចំណោម​កម្មករ និយោជិត ដែល​ចូលរួម​ក្នុង​ពិធី​សំណេះសំណាល​នោះ មាន​កម្មការិនី​មាន​ផ្ទៃពោះ​ចំនួន ៦៩៤​នាក់​ផង​ដែរ​។​

​សម្ដេច​អធិបតី ហ៊ុន ម៉ា​ណែ​ត ពិតជា​រីករាយ​ដែល​បាន​ជួប​ជាមួយ​បងប្អូន​កម្មករ កម្មការិនី​នៅ​ខេត្តតាកែវ​នា​ថ្ងៃនេះ​។​សម្ដេច​ក៏​បាន​ពាំនាំ​នូវ​ការ​ផ្តាំផ្ញើ​សួរសុខទុក្ខ​ពី​សំណាក់​សម្ដេច​តេជោ ហ៊ុន សែន ជូន​ចំពោះ​បងប្អូន​កម្មករ​កម្មការិនី​នា​ថ្ងៃនេះ​ផងដែរ​។ សម្ត​ច​ធិបតី​ក៏បាន​អរគុណ​អ្នក​ខេត្តតាកែវ ដែល​ចេញ​ទៅ​បោះឆ្នោត​ជូន​គណបក្ស​ប្រជាជន​កម្ពុជា ក្នុង​អត្រា​ខ្ពស់​រហូត​៨៦.៦%​។ អត្រា​បោះឆ្នោត​នេះ បានបង្ហាញ​ថា ប្រជាពលរដ្ឋ​គាំទ្រ​គោលនយោបាយ​របស់​គណ​បក្ស​ប្រជាជន​កម្ពុជា​។​

​នៅថ្ងៃនេះ សម្តេច​ធិបតី ហ៊ុន ម៉ា​ណែ​ត បាន​ថ្លែង​នូវ​ការអបអរសាទរ​ចំពោះ​ប្រាសាទ​កោះ​កេរ​ដែល​ដូនតា​ខ្មែរ​សាងសង់​កាលពី​ជាង​១​ពាន់​ឆ្នាំ​មុន ត្រូវបាន​ដាក់បញ្ចូល​ក្នុង​បញ្ជី​បេតិកភណ្ឌ​ពិភពលោក​។​សម្តេច​ធិ​បាន​អំពាវនាវ​ប្រជាពលរដ្ឋ​ចូលរួម​ក្នុង​ពី​ធី​អបអរសាទរ​ចំពោះ​ព្រឹត្តិការណ៍ ដាក់បញ្ចូល​ប្រាសាទ​កោះ​កេរ ក្នុង​បញ្ជី​សម្បត្តិ​បេតិកភណ្ឌ​ពិភពលោក ដើម្បី​លើក​តម្កើង​ស្មារតី​ជាតិនិយម​។​សម្តេច​ធិបតី ក៏​បាន​អំពាវនាវ​នៅតាម​បណ្តា​ខេត្ត​នានា ដាក់​បញ្ចាំង​ស្លាយ​ជូន​ប្រជាពលរដ្ឋ​បាន​ទស្សនា​ពិធី​អបអរសាទរ​នៃ​ការដាក់​ប្រាសាទ​កោះ​កេរ​ក្នុង​បញ្ជី​សម្បត្តិ​បេតិកភណ្ឌ​ពិភពលោក នៅ​ល្ងាច​ថ្ងៃទី​២០ ខែ​កញ្ញា ស្អែក​នេះ ។​

​សម្តេច​ធិបតី ហ៊ុន ម៉ា​ណែ​ត បាន​ថ្លែងថា សង្គ្រាម​មិន​ត្រឹមតែ​នាំឱ្យ​ប្រជាពលរដ្ឋ​បែកបាក់​គ្នា​នោះ​ទេ សូម្បី​សម្បត្តិ​ដូនតា​ខ្មែរ ក៏​ត្រូវ​បាន​ប្រាត់​ប្រាស់​ឆ្ងាយ​ពី​ប្រទេស​ជាតិ​ដែរ​។ តែ​សន្តិភាព បាន​ធ្វើឱ្យ​ប្រជាពលរដ្ឋ​រួបរួមគ្នា ហើយ​ព្រលឹង​ដូន​ក៏បាន​ត្រឡប់​មក​កាន់​ប្រទេស​វិញ​ដែរ​។​សុខ​សន្តិភាព​មាន​សារៈសំខាន់​លើស​អ្វី​ទាំងអស់ គ្មាន​សន្តិភាព​គ្មាន​ការងារ​នោះ​ឡើយ​។​

​សម្តេច​ធិបតី ហ៊ុន ម៉ា​ណែ​ត បាន​មានប្រសាសន៍ថា សម្តេច​បាន​ណែនាំ​ឱ្យ​មាន​ការអនុគ្រោះ​តម្លៃ​អគ្គិសនី​ជូន​ទៅ​រោងចក្រ សហគ្រាស​ផ្នែក​ឧស្សាហកម្ម និង​កសិកម្ម​ជាង ២​ម៉ឺន​រោងចក្រ សហគ្រាស​ចុងឆ្នាំ​២០២៣​នេះ​។​

​សម្តេច​ធិបតី​បន្តទៀតថា សម្តេច​បាន​ប្រឹងប្រែង​ទៅ​ទាក់ទាញ​អ្នកវិនិយោគ​ពី​ក្រៅ​ប្រទេស​មក​ហើយ ដូច្នេះ​ថ្នាក់ដឹកនាំ​ខេត្ត​នីមួយៗ​ត្រូវ​ប្រឹងប្រែង​ទាក់ទាញ​បន្ត​ទៅ​តាម​ខេត្ត​របស់​ខ្លួន​។ នយោបាយ​របស់​កម្ពុជា​ឈរ​លើ​និរន្ត​ភាព និង​សង្គតិភាព ផ្អែក​លើ​គោលនយោបាយ​មូលដ្ឋាន​អធិបតីភាព ឯករាជ្យ ផ្អែកលើ​ច្បាប់​។​

​សម្តេច​ធិបតី ហ៊ុន ម៉ា​ណែ​ត ថ្លែងថា ប្រទេស​សមាជិក​អង្គការសហប្រជាជាតិ ១៨១​ប្រទេស ប្រកាន់​នយោបាយ​ចិន​តែមួយ មិនមែន​តែ​កម្ពុជា​នោះ​ទេ​។ សម្តេច​ធិបតី​បាន​ថ្លែងថា មិនមែន​តែ​កម្ពុជា​នោះ​ទេ ដែល​ធ្វើ​ពាណិជ្ជកម្ម​ជាមួយ​ចិន​។ មាន​ប្រទេស​ច្រើនណាស់​ធ្វើ​ពាណិជ្ជកម្ម​ជាមួយ​ចិន បើ​អាក្រក់​គេ​មិន​ធ្វើ​ពាណិជ្ជកម្ម​ជាមួយ​ចិន​នោះឡើយ​។​

​សម្តេច​ធិបតី ហ៊ុន ម៉ា​ណែ​ត បាន​ថ្លែងថា សម្តេច​បាន​ជួប​ជាមួយ​នាយក​រដ្ឋមន្ត្រី​ជប៉ុន ប្រធានាធិបតី​កូរ៉េខាងត្បូង និង​ហ្វ​លី​ពី​ន ក៏​ដូច​ជា​មេដឹកនាំ​ប្រទេស​ដទៃ​ទៀត ដោយ​សម្តេច​បាន​បញ្ជាក់​ដូចគ្នា គឺ​នឹង​បន្ត​រក្សា​ទំនាក់ទំនង​ដែល​ធ្លាប់​មាន​ជាមួយគ្នា​។ សម្តេច​ធិបតី ហ៊ុន ម៉ា​ណែ​ត បាន​អំពាវនាវ​ដល់​ប្រជាពលរដ្ឋ ឱ្យ​ជឿ​ទុកចិត្ត​ចុះ​ថា រាជរដ្ឋាភិបាល​ដឹកនាំ​ដោយ​សម្តេច​មិន​ធ្វើឱ្យ​បាត់បង់​ប្រយោជន៍​ប្រជាពលរដ្ឋ និង​ធិបតេយ្យ​ជាតិ​នោះ​ឡើយ​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល