ទាន់ហេតុការណ៍
សម្តេច​មហា​បវរ​ធិបតី ហ៊ុន ម៉ា​ណែ​ត អញ្ជើញ​ជា​អធិបតី​អបអរសាទរ​ខួប​១០​ឆ្នាំ​នៃ​ការបង្កើត​អង្គការ​ចាត់តាំង​យុវជន​គណបក្ស​ប្រជាជន​កម្ពុជា​នៅ​ក្រៅប្រទេស​ - លោកជំទាវ​បណ្ឌិត ពេ​ជ ចន្ទ​មុន្នី ហ៊ុន​ម៉ា​ណែ​ត អញ្ជើញ​ជា​អធិបតីភាព​ពិធីបុណ្យ​សម្ពោធ​ឆ្លង​បណ្ណាល័យ សមិទ្ធផល​នានា និង​ចម្រើន​ព្រះជន្ម​ប្រគេន ព្រះគ្រូ​ធម្ម​តេ្ថ​រោ សែម សា​រិន្ទ នៅ​វត្ត​វេឡុ​វន (​ហៅ​ត្រពាំង​ខ្នារ​) - ក្រុមហ៊ុន​កូរ៉េ​លើកកម្ពស់​ការប្រើប្រាស់​ទោចក្រយានយន្ត​អគ្គិសនី​នៅ​កម្ពុជា រួមចំណែក​កាត់បន្ថយ​ឧស្ម័ន​ផ្ទះ​កញ្ចក់​និង​ការ​សាយភាយ​ឧស្ម័ន​ពុល​នៅក្នុង​បរិយាកាស​ - ឯកឧត្តម​បណ្ឌិត អ៊ាង សុផល្លែត អញ្ជើញ​សម្ពោធ​ឆ្លង​មហា​កុដិ និង​សមិទ្ធផល​នានា ក្នុង​វត្ត​តេជ​សុវណ្ណ​ភូមិ នៅ​ទី​រួម​ខេត្ត​ត្បូងឃ្មុំ​ - ​មហាជន ពិតជា​អស់ជំនឿ​លើ​ចំណាត់ការ​ច្បាប់ របស់​ស្ថាប័ន​ពាក់ព័ន្ធ ជុំវិញ​ករណី​អ្នកល​ក់ឡេ​ឈ្មោះ ឆេង ស្រីរត្ន័ ហៅ .Love  Riya..? - មន្ទីរ​បរិស្ថាន​ខេត្ត​កំពង់ឆ្នាំង បាន​រៀបចំ​កម្មវិធី​យុទ្ធនាការ​« កំពង់ឆ្នាំង​ស្អាត ខ្មែរ​ធ្វើ​បាន » ដោយ​មាន​អ្នកចូលរួម ១.២៥៥ នាក់​ - 12 ចំណុច​ដែល​ធ្វើឱ្យ​អ្នក​ជោគជ័យ​ក្នុង​ឆ្នាំ 2025 - ឯកឧត្តម គួច ចំរើន អភិបាល នៃ​គណៈ​អភិបាលខេត្ត​កណ្ដាល អញ្ជើញ​សួរសុខទុក្ខ​ប្រជាពលរដ្ឋ​ក្រីក្រ ចំនួន ៣​គ្រួសារ នៅ​ស្រុក​ខ្សាច់កណ្ដាល​ - ឯកឧត្តម​បណ្ឌិត សុខ ពិ​សិទ្ធ ព្រមទាំង​សហការី ជួប​សម្ដែង​ការគួរសម​និង​សុំ​យោបល់​ពី លោកជំទាវ អគ្គ​មហា​ឧបាសិកា​ពុទ្ធ​សាសនូបត្ថម្ភក៍ ហ៊ុន ប៊ុនធឿន - តើ Love Riya ត្រឹម​ធ្វើ​កិច្ចសន្យា សុំទោស​ហើយ​រួចផុត​ពី​សំណាញ់​ច្បាប់​មែនដែរ​ទេ​? មហាជន​ឆ្ងល់​ថា តើ​ច្បាប់​អនុវត្ដ​ស្ដង់ដារ​ពីរ ឬ​យ៉ាងណា​?
0

ខ្លឹមសារ​នៃ​ជំនួប​ពិភាក្សា​ការងារ​តាម​ទូរស័ព្ទ​រវាង សម្តេច​មហា​បវរ​ធិបតី ហ៊ុន ម៉ា​ណែ​ត នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង ឯកឧត្តម មី​ហ្គែល ឌី​យ៉ាស​-​ខា​ណែ​ល ប៊ឺ​មូ​ដេស (Miguel Diaz-Canel Bermudez) ប្រធានាធិបតី នៃ​សាធារណរដ្ឋ​គុយបា​

ខ្លឹមសារ​នៃ​ជំនួប​ពិភាក្សា​ការងារ​តាម​ទូរស័ព្ទ​រវាង សម្តេច​មហា​បវរ​ធិបតី ហ៊ុន ម៉ា​ណែ​ត នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង ឯកឧត្តម មី​ហ្គែល ឌី​យ៉ាស​-​ខា​ណែ​ល ប៊ឺ​មូ​ដេស (Miguel Diaz-Canel Bermudez) ប្រធានាធិបតី នៃ​សាធារណរដ្ឋ​គុយបា​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង097 72 88 071 | 076 44 44 373

http://www.rasmeistoengtrang.com

នា​ល្ងាច ថ្ងៃទី​៩ ខែ​កញ្ញា ឆ្នាំ​២០២៣ នៅ​ខុទ្ទកាល័យ​នាយករដ្ឋមន្ត្រី ក្រុង​តាខ្មៅ​, សម្តេច​មហា​បវរ​ធិបតី ហ៊ុន ម៉ា​ណែ​ត នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​ជួបពិភាក្សា​ការងារ​តាម​ទូរស័ព្ទ​ជាមួយ ឯកឧត្តម មី​ហ្គែល ឌី​យ៉ាស​-​ខា​ណែ​ល ប៊ឺ​មូ​ដេស ប្រធានាធិបតី នៃ​សាធារណរដ្ឋ​គុយបា ស្របពេល​ដែល​ចំណងមិត្តភាព និង​កិច្ចសហប្រតិបត្តិកា​ររ​វា​ង​ប្រទេស​ទាំង​ពីរ​កាន់តែ​ត្រូវបាន​ពង្រឹង និង​លើកកម្ពស់​ក្នុង​រយៈកាល​ប៉ុន្មាន​ឆ្នាំ​ចុងក្រោយ​នេះ ដូច​ដែល​ឆ្លុះបញ្ចាំង​តាមរយៈ​ការផ្លាស់ប្តូរ​ទស្សនកិច្ច និង​ការជួប​ពិភាក្សា​ការងារ ជា​ញឹកញាប់ រវាង​ថ្នាក់ដឹកនាំ​ជាន់ខ្ពស់​នៃ​ប្រទេស​ទាំង​ពីរ​។

​ជា​កិច្ច​ចាប់ផ្តើម​, ឯកឧត្តម ប្រធានាធិបតី​គុយបា បាន​សម្តែង​នូវ​ការអបអរសាទរ​ជូន​ចំពោះ សម្តេច​ធិបតី ដែល​ត្រូវបាន​ជ្រើសតាំង​ជា នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង​បាន​ផ្តាំផ្ញើ​នូវ​ការសួរសុខទុក្ខ និង​អបអរសាទរ​ជូន សម្តេច​តេជោ ហ៊ុន សែន ប្រធាន​គណបក្ស​ប្រជាជន​កម្ពុជា ដែល​ទទួលបាន​ជ័យជម្នះ​ក្នុង​ការបោះឆ្នោត​ជ្រើសតាំង​តំណាងរាស្ត្រ សម្រាប់​នីតិកាល​ទី​៧ នៃ​រដ្ឋសភា កាលពី​ថ្ងៃ​ទី​២៣ ខែកក្កដា ឆ្នាំ​២០២៣ កន្លងទៅ​។

​ក្នុង​ជំនួប​នេះ​, ឯកឧត្តម ប្រធានាធិបតី ក៏​បាន​គូសបញ្ជាក់​ឡើងវិញ​អំពី​ការប្តេជ្ញាចិត្ត​ក្នុង​ការបន្ត​កិច្ចសហប្រតិបត្តិការ​ល្អ​ជាមួយ​កម្ពុជា ដោយ​ផ្អែក​លើ​ទំនាក់ទំនង​ជា​ប្រវត្តិសាស្ត្រ​ដ៏​យូរលង់ និង អំពី​ការ​បន្ត​គាំទ្រ​គ្នា​ទៅវិញទៅមក នៅក្នុង​វេទិកា​ពហុភាគី​នានា​។ ទន្ទឹមគ្នានេះ​, ឯកឧត្តម ប្រធានាធិបតី ក៏​បាន​រំឭក​នូវ​អនុស្សាវរីយ៍​ល្អៗ ក្នុងអំឡុងពេល​នៃ​ដំណើរ​ទស្សនកិច្ច​ផ្លូវការ​របស់ សម្តេច​តេជោ នៅ​សាធារណរដ្ឋ​គុយបា កាលពី​ខែ​កញ្ញា ឆ្នាំ​២០២២ ដែល​ត្រូវបាន​ចាត់ទុក​ថា​ជា​ឆ្នាំ​ដ៏​សំខាន់​នៃ​ការលើកកម្ពស់​ទំនាក់ទំនង​រវាង​ប្រទេស​ទាំង​ពីរ ដូច​ស្តែងឡើង​តាមរយៈ​ការចុះ​អនុស្សរណៈ​នៃ​ការយោគយល់​គ្នា លើ​វិស័យ​ជាច្រើន ដូចជា កសិកម្ម​, សុខាភិបាល​, អប់រំ និង​កីឡា ជាដើម​។​

​ជា​ការឆ្លើយតប​, សម្តេច​ធិបតី បាន​ថ្លែងអំណរគុណ​ចំពោះ​ការផ្តួចផ្តើម​ឱ្យមាន​ជំនួប​តាម​ទូរស័ព្ទ​, ការអបអរសាទរ និង​បាន​ជម្រាបជូន ឯកឧត្តម ប្រធានាធិបតី ផងដែរ នូវ​ការ​ផ្តាំផ្ញើ​សួរសុខទុក្ខ​ពី​សំណាក់ សម្តេច​តេជោ​។ បន្ថែម​លើ​ទំនាក់ទំនង​ប្រវត្តិសាស្ត្រ​ល្អៗ​, សម្តេច​ធិបតី បាន​សម្តែង​នូវ​ការ​អរគុណ​ចំពោះ​ជំនួយ​ឧបត្ថម្ភ និង​ការគាំទ្រ របស់​គុយបា ក្នុងអំឡុងពេល​ដែល​កម្ពុជា​ជួបប្រទះ​នូវ​ការលំបាក​បំផុត ជាពិសេស នៅ​ក្រោយ​ថ្ងៃ​រំដោះ​ចេញពី​របប​ខ្មែរក្រហម ដែល​ទាំងអស់​នេះ​ពិតជា​បាន​ឆ្លុះបញ្ចាំង​អំពី​ទំនាក់ទំនង​ប្រកប​ដោយ​សាមគ្គីភាព និង មិត្តភាព​ដ៏​រឹងមាំ រវាង​ប្រទេស និង​ប្រជាជន ទាំងពីរ​។​

​ក្នុងឋានៈ​ជា​នាយករដ្ឋមន្ត្រី នៃ​ព្រះរាជាណាចក្រ​កម្ពុជា​, សម្តេច​ធិបតី បាន​អះអាង​អំពី​ស្មារតី​នៃ​ការបន្ត និង​ពង្រឹង​កិច្ច​សហ​ប្រត្តិការ​ល្អនៅ​ក្នុង​វិស័យ​ដែល​មាន​ស្រាប់ ព្រម​ជាមួយ​នឹង​ទិសដៅ​ក្នុង​ពង្រីក​បន្ថែម នៅក្នុង​វិស័យ​សក្តានុពល​ផ្សេងៗ​ទៀត​។ ក្នុងន័យនេះ​, សម្តេច​ធិបតី បាន​គាំទ្រ និង​ជំរុញ​ឱ្យមាន​ការរៀបចំ​កិច្ច​ពិគ្រោះ​យោបល់​នយោបាយ​លើ​ក​ទី​៣ រវាង​ក្រសួង​ការបរទេស​នៃ​ប្រទេស​ទាំង​ពីរ នៅក្នុង​ពេល​ឆាប់ៗ​ខាងមុខ ដើម្បី​ជំរុញ​ការអនុវត្ត​អនុស្សរណៈ​នៃ​ការយោគយល់​គ្នា និង​កិច្ចព្រមព្រៀង​នានា ដែល​ត្រូវបាន​ចុះហត្ថលេខា​រួច ឱ្យមាន​ប្រសិទ្ធភាព និង​ប្រសិទ្ធ​ផល​ខ្ពស់​។​

​ជា​ចុងបញ្ចប់​, ឯកឧត្តម ប្រធានាធិបតី បាន​អញ្ជើញ សម្តេច​ធិបតី ធ្វើ​ទស្សនកិច្ច​ផ្លូវការ នៅ សាធារណរដ្ឋ​គុយបា ក្នុងពេល​សមស្រប​ណាមួយ ។ ជា​ការឆ្លើយតប​នឹង​ការអញ្ជើញ​, សម្តេច​ធិបតី បាន​ថ្លែងអំណរគុណ និង​បាន​គូសបញ្ជាក់ថា សាធារណរដ្ឋ​គុយបា ជា​ប្រទេស​ដែល សម្តេច​ធិបតី មានបំណង​ចង់​អញ្ជើញ​ទៅ ហើយ សម្តេច​ធិបតី នឹង​កំណត់​ពេលវេលា​សមស្រប​ណាមួយ ក្នុង​ពេល​ឆាប់​ខាងមុខ​។​
#​ហ៊ុន​ម៉ា​ណែ​ត #Hunmanet
#​កម្ពុជា #Cambodia

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 097 72 88 071 / 076 44 44 373 ឬ តាម Whatsapp | Telegram : 097 72 88 071 / 076 44 44 373 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 097 72 88 071 / 076 44 44 373 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល