ទាន់ហេតុការណ៍
ប្រជា​ពលរដ្ឋ​ខ្មែរ​ជាច្រើន​កំពុងតែ​បាន​មេខ្យល់​ជម្លៀស​ឆ្លងដែន​ដោយ​ខុសច្បាប់​ស្ទើរតែ​រាល់ថ្ងៃ ហាក់បីដូចជា​មិន​មាន​ការរំខាន​ដល់​អាជ្ញាធរ​ឬ​សមត្ថកិច្ច​ពាក់ព័ន្ធ​ទាល់តែសោះ​.. - ឯកឧត្តម សុខ ចាន់​ភក្ដី អញ្ជើញ​ចូលរួម​ក្នុង​កិច្ចប្រជុំ​រវាង​ថ្នាក់ដឹកនាំ​ក្រសួង​ព័ត៌មាន និង​សមាគម​អ្នកសារព័ត៌មាន​នៅ​កម្ពុជា​លើក​ទី​០២ ក្រោម​អធិបតីភាព ឯកឧត្តម នេត្រ ភ​ត្ត្រា រដ្ឋមន្ត្រីក្រសួង​ព័ត៌មាន​ - ឯកឧត្តម គង់ សោភ័ណ្ឌ អភិបាល​នៃ​គណៈ​អភិបាលខេត្ត​កណ្ដាល បាន​អញ្ជើញ​ចូលរួម​ក្នុង​ពិធី​ផ្សព្វផ្សាយ​របាយការណ៍​ជាតិ​ការងារ​ប្រយុទ្ធប្រឆាំង​អំពើ​ជួញដូរ​មនុស្ស​ - បញ្ជូន​ខ្លួន​ជនសង្ស័យ​ម្នាក់​ទៅ​ពន្ធនាគារ ក្រោម​បទ​កាត់​រូបរាង​ឈូសឆាយ​ដី​ព្រៃ​យក​ធ្វើជា​កម្មសិទ្ធិ ស្ថិតនៅ​ឃុំ​អូរ​កណ្ដៀរ​សែន​ជ័យ ស្រុក​អូរ​គ្រៀង​សែន​ជ័យ ខេត្ត​ក្រចេះ​. - កាន់​ប្លែក បែកធ្លាយ ក្រុមការងារ​ចុះ​ជួយ​ឃុំ​សំបុក ស្រុក​ចិត្រ​បុរី បែរជា​មក​ជួប​សំណេះសំណាល​ជាមួយ​ប្រជាពលរដ្ឋ​ជា​សមាជិក​បក្ស​នៅ ភូមិ ត្រពាំង​ឈូក ឃុំ​ឃឹម ស្រុក​ស្នួល ទៅវិញ តើ​មាន​គោលបំណង​អ្វី​ឲ្យ​ពិតប្រាកដ​ - ឯកឧត្តម​បណ្ឌិត អ៊ាង សុផល្លែត រដ្ឋមន្ត្រី​ក្រសួង​បរិស្ថាន បាន​អនុញ្ញាឱ្យ​សមាគមយុវជ​ន​លើកកម្ពស់​សេដ្ឋកិច្ច​ប្រជាជន​កម្ពុជា (YAEP) ចូលជួប​សម្តែង​ការគួរសម និង​ទទួល​ស្តាប់​នូវ​អនុសាសន៍​ដ៏​ខ្ពង់ខ្ពស់​ពី​ឯកឧត្តម​រដ្ឋមន្ត្រី នៅ​ទីស្តីការ​ក្រសួង​បរិស្ថាន​ - រថយន្ត​សាំ​យ៉ុង​កែច្នៃ​ដឹក​ឈើ​របស់​មេ​ឈ្មួញ​ឈ្មោះ ធា ត្រូវ​អស់លក្ខណ៍​ជាប់អន្ទាក់​កម្លាំង​បរិស្ថាន​ - ​ឧបនាយករដ្ឋមន្ដ្រី ហ៊ុន ម៉ា​នី តំណាង​សម្ដេច​តេជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប្រគល់​ផ្ទះ​មួយ​ខ្នង​ជូន​យុវជន អន ផានិត ដែល​ប្រឡង​ជាប់​និទ្ទេស A នៅ​ខេត្ត​កំពត​ - សម្តេច​ធិបតី ហ៊ុន ម៉ា​ណែ​ត អនុញ្ញាត​ឱ្យ​ប្រធាន​សមាគម​មិត្តភាព​ឡាវ​-​កម្ពុជា ចូលជួប​សម្តែង​ការគួរសម និង​ពិភាក្សា​ការងារ​នៅ​រដ្ឋធានី​វៀង​ចន្ទន៍ សាធារណរដ្ឋ​ប្រជាធិបតេយ្យ​ប្រជាមានិត​ឡាវ​ - ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​!
0

សម្ដេច​តេជោ ហ៊ុន សែន អញ្ជើញ​សម្ពោធ​ដាក់ឲ្យ​ប្រើប្រាស់​ជា​ផ្លូវការ​ស្ពានបេតុង​ខ្សែកាប​ឆ្លងកាត់​ទន្លេសាប និង​ស្ពាន​អាកាស​ឫស្សីកែវ

សម្ដេច​តេជោ ហ៊ុន សែន អញ្ជើញ​សម្ពោធ​ដាក់ឲ្យ​ប្រើប្រាស់​ជា​ផ្លូវការ​ស្ពានបេតុង​ខ្សែកាប​ឆ្លងកាត់​ទន្លេសាប និង​ស្ពាន​អាកាស​ឫស្សីកែវ

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង097 72 88 071 | 076 44 44 373

http://www.rasmeistoengtrang.com

នៅ​ព្រឹក ថ្ងៃ​ពុធ ១២​កើត ខែ​ជេស្ឋ ឆ្នាំ​ថោះ បញ្ច​ស័ក ព​.​ស​. ២៥៦៧ ត្រូវ​នឹង ថ្ងៃទី​៣១ ខែ​ឧសភា ឆ្នាំ​២០២៣ នេះ សម្ដេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​អញ្ជើញ​ជា​អធិបតីភាព​ដ៏​ខ្ពង់ខ្ពស់ ក្នុង​ពិធី​សម្ពោធ​ដាក់ឲ្យ​ប្រើប្រាស់​ជា​ផ្លូវការ នូវ​ស្ពានបេតុង​ខ្សែកាប ឆ្លងកាត់​ទន្លេសាប និង​ស្ពាន​អាកាស​ឫស្សីកែវ​។

​សម្ដេច​តេជោ ហ៊ុន សែន ពិតជា​រីករាយ​ដែល​បាន​អញ្ជើញ​មក​សម្ពោធ​ដាក់ឲ្យ​ប្រើប្រាស់​ជា​ផ្លូវការ នូវ​ស្ពានបេតុង​ខ្សែកាប​ឆ្លងកាត់​ទន្លេសាប​មក​តំបន់​អភិវឌ្ឍន៍​ជ្រោយចង្វារ និង​ស្ពាន​អាកាស​នៅ​ផ្លូវជាតិ​លេខ​៥​ឫស្សីកែវ បន្ទាប់ពី​សម្ដេច​បាន​អញ្ជើញ​បើក​ការដ្ឋាន​ស្ពាន​ទាំង​ពីរ​នេះ នា​ពេល​កន្លង​ទៅ​។​សម្តេច​តេជោ បាន​មានប្រសាសន៍​រំលឹក​គ្រា​អតីតកាល នៃ​តំបន់​ជ្រោយចង្វារ និង​ឫស្សីកែវ ដែល​ជា​កន្លែង​ជ្រក​ពួន និង​លាក់ខ្លួន របស់​ខ្មែរក្រហម ដែល​តែង​លបលួច​ចូល​វាយប្រហារ​កន្លែង​ស្តុក​សាំង និង​ចូល​មក​កាន់​រាជធានី​ភ្នំពេញ​។​

​សម្តេច​តេជោ​នាយករដ្ឋមន្ត្រី​បាន​មានប្រសាសន៍កោត​សរសើរ​ចំពោះ​កិច្ច​ខិត​សំ​ប្រឹងប្រែង និង​វិធីសាស្ត្រ​យក​ស្លឹកត្នោត​ខ្ចប់​ស្ករត្នោត ឬ​យក​រាជធានី​ភ្នំពេញ​ចិញ្ចឹម​រាជធានី​ភ្នំពេញ ដែល​ធ្វើឱ្យ​រាជធានី​ភ្នំពេញ​មាន​ការរីកចម្រើន​ពីមួយថ្ងៃ​ទៅមួយថ្ងៃ​។​សម្ដេច​តេជោ​មានប្រសាស​ន៍​ទៀត​ថា​រាជធានី​ភ្នំពេញ​កំពុង​ដើរ​លើ​ផ្លូវ​ដ៏​ត្រឹមត្រូវ​មួយ​លើ​ការអភិវឌ្ឍ​ក្រោម​គោលនយោបាយ និង​យុទ្ធសាស្ដ្រ «​ស្លឹកត្នោត​ខ្ចប់​ស្ករត្នោត​» ដោយ​យក​ធនធាន​ផ្ទាល់​នៅ​ទីនេះ​ដើម្បី​អភិវឌ្ឍន៍​ឡើងវិញ និង​កសាង​ហេដ្ឋារចនាសម្ព័ន្ធ​លើ​គ្រប់​វិស័យ បម្រើ​ដល់​ការរស់នៅ​របស់​ប្រជាពលរដ្ឋ​។

​ថ្ងៃនេះ សម្តេច​តេជោ ហ៊ុន សែន បាន​មានប្រសាសន៍​ប្រកាស​ពី​គម្រោង និង​ដំណើរការ​ស្ថាបនា​ផ្លូវ​ល្បឿន​លឿន​ភ្នំពេញ​-​បាវិត ដែល​ជា​ផ្នែក​មួយ នៃ​ការតភ្ជាប់ និង​លំហូរ នៃ​ការធ្វើ​ដំណើរ​បាន​ឆាប់រហ័ស ដែល​ផ្លូវ​នេះ​នឹង​ត្រូវ​បើក​ការដ្ឋាន​នៅ​ថ្ងៃ​៧ មិថុនា​ខាង​មុខ​នេះ​ផងដែរ​។

​សម្ដេច​តេជោ​នាយករដ្ឋមន្ត្រី​ក៏​សូមការ​អធ្យាស្រ័យ​ដល់​អ្នក​រត់​ទូកដ និង​សា​ឡង់​ទាំងឡាយ​ដែល​រាជរដ្ឋាភិបាល​បាន​សាងសង់​ស្ពាន​ជាច្រើន​ឆ្លងកាត់​ទន្លេ ដែល​ធ្វើឱ្យ​ផ្ដាច់​មុខរបរ​អ្នករត់​ទូកដ និង​សាឡាង​នៅ​រាជធានី​ភ្នំពេញ ខណៈ​គម្រោង​សាងសង់​ស្ពាន​មួយ​ចំនួន​ទៀត​ដូចជា ស្ពាន​ត​ភ្ជាប់​ពី​រាជធានី​ភ្នំពេញ​ទៅ​អរិយ្យ​ក្សត្រ និង​ស្ពាន​ត​ភ្ជាប់​នៅ​តំបន់​ច្បារអំពៅ​ជាដើម ដែល​នឹង​ត្រូវ​សាងសង់​នៅពេល​ខាងមុខ​។ សម្ដេច​តេ​ជោបាន​ផ្ដាំផ្ញើ​អ្នក​បន្តវេន​នាំ​ក្រោយ កុំ​ភ្លេច​ប្រើប្រាស់ ឬ​វិភា​ជ​ថវិកា​ទៅលើ​ហេដ្ឋារចនាសម្ព័ន្ធ​ពន្លឿន​សេដ្ឋកិច្ច ក្នុងពេល​ដឹកនាំ​ប្រទេស ឬ​ស្ថាប័ន ឬ​ហៅ​ថា «​បែងចែក​ថវិកា​នៅ​កំណើនសេដ្ឋកិច្ច​ប្រកបដោយ​សមធម៌​» ដោយ​គួរតែរៀបចំ​មិន​ត្រូវ​ប្រើប្រាស់​ថវិកា​ខ្ចះខ្ជាយ​ឡើយ​។​

​ទាក់ទង​ទៅនឹង​ព្រឹត្តិការណ៍​ស៊ី​ហ្គេម​នៅ​កម្ពុជា សម្តេច​តេជោ ហ៊ុន សែន បាន​មានប្រសាសន៍ថា ស៊ី​ហ្គេម គឺជា​កាតព្វកិច្ច​របស់​រដ្ឋ​ជា​សមាជិក​អាស៊ាន ដែល​ត្រូវ​ផ្លាស់ប្តូរ​វេន​គ្នា​សម្រាប់​រៀបចំ​ព្រឹត្តិការណ៍​កីឡា​នេះ​។​ហើយ​គិត​ត្រឹម​ថ្ងៃ​នេះ​ទី​៣១ ឧសភា នេះ កម្ពុជា​សល់​តែ​៣ ថ្ងៃ​ទៀត​តែ​ប៉ុណ្ណោះ​នឹង​ត្រូវ​រៀបចំ​ព្រឹត្តិការណ៍​កីឡា​អាស៊ាន​ប៉ា​រ៉ា​ហ្គេម ឬ​កីឡា​សម្រាប់​បងប្អូន​ជនពិការ​នៅ​កម្ពុជា ដែល​ត្រូវ​ធ្វើជា​ម្ចាស់ផ្ទះ​ជា​បន្ត​ទៀត​។ សម្តេច​តេជោ ហ៊ុន សែន បាន​អំពាវនាវ​ដល់​បងប្អូន​ប្រជាពលរដ្ឋ​ខ្មែរ​ទាំងអស់ សូម​គាំទ្រ និង​លើកទឹកចិត្ត​បន្ថែមទៀត​ដល់​កីឡាករ​-​កីឡា​ការិនី ដែល​ជា​កីឡា​ជនពិការ​។​សម្ដេច​តេជោ បាន​ណែនាំ​ដល់​រដ្ឋមន្ដ្រី​ក្រសួង​ទេសចរណ៍ និង​ក្រុមការងារ​រៀបចំ​ព្រឹត្តិការ​កីឡា​អាស៊ាន​ប៉ា​រ៉ា​ហ្គេម ត្រូវ​រៀបចំ​ទស្សនីយភាព​ពិធី​បើក​ព្រឹត្តិការណ៍​នេះ​ឱ្យបាន​ល្អ និង​បាញ់​កាំជ្រួច​ឱ្យបាន​ច្រើន ខណៈ​រដ្ឋមន្ដ្រី​ក្រសួង​ទេសចរណ៍​បញ្ជាក់ថា ការបាញ់​កាំជ្រួច​ក្នុងពេល​បើក​ព្រឹត្តិការណ៍​អាស៊ាន​ប៉ា​រ៉ា​ហ្គេម គឺ​មាន​ចំនួន​ច្រើន​ជាង​ព្រឹត្តិការណ៍​បើក​ស៊ី​ហ្គេម​ទៅទៀត​។​

​ទាក់ទង​ទៅនឹង​ការការពារ​សន្តិសុខ​ជាតិ សម្ដេច​តេជោ​នាយករដ្ឋមន្ត្រី​បាន​មានប្រសាសន៍ព្រមា​ន​សារជាតិ​ថ្មី​ទៅ​ដល់​អ្នក​ដែល​មាន​បំណង​ចង់​បំផ្លាញ​សន្តិភាព​ថា នរណា​ក៏​ដោយ ឲ្យតែ​ហ៊ាន​ធ្វើ​ចលនា ដែល​នាំឲ្យ​អសន្តិសុខ​សាធារណៈ និង​មាន​ចេតនា​ចង់​បំផ្លាញ​សុខសន្តិភាព នឹង​មិន​លើកលែង​ឲ្យ​នោះ​ទេ​។

​ជាមួយនឹង​ការប្រកាស​ដាក់ឲ្យ​ប្រើប្រាស់​ជា​ផ្លូវការ នៃ​សមិទ្ធផល​ស្ពាន​ទាំង​ពីរ​នេះ សម្ដេច​តេជោ ហ៊ុន សែន បាន​ជូនពរ​បងប្អូន​ប្រជាពលរដ្ឋ​ទូទាំង​ប្រទេស ជួបតែ​សេចក្តីសុខ សេចក្តីចម្រើន និង​ប្រកាស​បើក​សម្ពោធ​ស្ពាន​ទាំងពីរ​នេះ ចាប់ពី​ពេលនេះ​តទៅ​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 097 72 88 071 / 076 44 44 373 ឬ តាម Whatsapp | Telegram : 097 72 88 071 / 076 44 44 373 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 097 72 88 071 / 076 44 44 373 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល