ទាន់ហេតុការណ៍
​ឯកឧត្តម​សមូហ​ក​បណ្ឌិត ឡី សុភាព​ប្រធាន​គណៈកម្មការ អភិវឌ្ឍន៍​សេដ្ឋកិច្ច​ក្រៅ​ប្រព័ន្ធ ថ្នាក់កណ្តាល ចាត់ទុក​សេដ្ឋកិច្ច​ក្រៅ​ប្រព័ន្ធ គឺជា​ចលករ​មួយ​ដ៏​ធំ សំ​រាប់ការ​កំណែទម្រង់​សេដ្ឋកិច្ចជាតិ​ - មន្ត្រី​ចំនួន ០៣​រូប របស់​គណបក្ស​ភ្លើងទៀន នៅ​ស្រុក​ស្ទឹងហាវ ខេត្ត​ព្រះសីហនុ បាន​ចាកចេញ​ពី​គណបក្ស​ភ្លើងទៀន មក​ចូលរួម​ជីវភាព​នយោបាយ​ជាមួយ​គណបក្ស​ប្រជាជន​កម្ពុជា - ឯកឧត្តម រ័ត្ន ស្រ៊ាង ប្រកាស​គាំទ្រ​យ៉ាង​ពេញទំហឹង ចំពោះ​វិធានការ​ដ៏​ម៉ឺងម៉ាត់ របស់​សម្តេច​ធិបតី ហ៊ុន ម៉ា​ណែ​ត ក្នុង​ការប្រយុទ្ធ​ប្រឆាំង​គ្រឿងញៀន តាម​ក្រសួង​ស្ថាប័ន និង​រដ្ឋបាល​ថ្នាក់ក្រោម​ជាតិ ហើយ​បើ​រកឃើញ​នឹង​បណ្តេញចេញ​ពី​ក្រប​ខណ្ឌ​ - មេបញ្ជាការ អាវុធហត្ថ​ខណ្ឌ​ព្រែក​ព្នៅ ចុះសួរសុខទុក្ខ​សមាជិក ដែល​បាន​ជួប​គ្រោះថ្នាក់​ចរាចរណ៍​! - គណប្រតិភូ​ក្រសួង​រៀបចំ​ដែនដី នគរូបនីយកម្ម និង​សំណង់ អញ្ជើញ​ទៅ​ទស្សនកិច្ច​នៅ​ទីភ្នាក់ងារ​រុករក​លំហ​អាកាស​ជប៉ុន (JAXA) និង​អាជ្ញាធរ​ព័ត៌មាន​ភូមិសាស្ត្រ​នៃ​ប្រទេស​ជប៉ុន (GSI) នៅ​ទីស្នាក់ការ​ក្នុង​ក្រុង​តូ​ក្យូ - ​ឯកឧត្តម​បណ្ឌិត គឹម សន្តិភាព រដ្ឋលេខាធិការ​ក្រសួង​យុត្តិធម៌ និង​ជា​ប្រធាន​គណៈប្រតិភូ​នៃ​គណៈកម្មការ​ថ្នាក់​ជាតិ ពិនិត្យ និង​វាយតម្លៃ​បញ្ជី​ឈ្មោះ​ទណ្ឌិត ស្នើសុំ​បន្ធូរបន្ថយ​ទោស និង​លើកលែងទោស អញ្ជើញ​ដឹកនាំ​ក្រុមការងារ​ចុះ​ទៅ​ពិនិត្យ​ស្ថានភាព​ទណ្ឌិត​មាន​ជម្ងឺ​រ៉ាំរ៉ៃ ចាស់ជរា នៅ​ពន្ធនាគារ​ខេត្ត​កោះកុង​ - សម្តេច​ធិបតី ហ៊ុន ម៉ា​ណែ​ត​៖ យើង​ត្រូវ​រួមគ្នា​ថែរក្សា​សន្តិភាព​ឱ្យបាន​ទោះ​ក្នុង​តម្លៃ​ណាក៏ដោយ​ - សម្តេច​ធិបតី ហ៊ុន ម៉ា​ណែ​ត អញ្ជើញ​បើក​ការដ្ឋាន​សាងសង់​ស្ពាន​ឆ្លង​ទន្លេបាសាក់ (​ចាក់អង្រែ​ក្រោម​-​ព្រែកប្រា​) - ជនសង្ស័យ​ម្នាក់ ធ្លាប់​ពន្ធនាគារ​០៥​លើក ត្រូវបាន​អាវុធហត្ថ​រាជធានី​ភ្នំពេញ ឃាត់ខ្លួន​បញ្ជូន​ចូល​ពន្ធនាគារ​ជា​លើក​ទី​០៦! - ឧត្តមសេនីយ៍ឯក រ័ត្ន ស្រ៊ាង បើក​កិច្ចប្រជុំ​ពង្រឹង​កិច្ចការ​ជំនាញ​ស្រាវជ្រាវ​និង​បង្ក្រាប​បទល្មើស​!
0

សម្ដេច​ក្រឡាហោម ស ខេង អញ្ជើញ​ជា​អធិបតី​ក្នុង​ទិវា​សប្តាហ៍​ជាតិ​សុវត្ថិភាព​ចរាចរណ៍​ផ្លូវគោក​លើក​ទី​១៤ ប្រារព្ធ​នៅ​ក្រុង​តាខ្មៅ​

សម្ដេច​ក្រឡាហោម ស ខេង អញ្ជើញ​ជា​អធិបតី​ក្នុង​ទិវា​សប្តាហ៍​ជាតិ​សុវត្ថិភាព​ចរាចរណ៍​ផ្លូវគោក​លើក​ទី​១៤ ប្រារព្ធ​នៅ​ក្រុង​តាខ្មៅ​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

(​កណ្ដាល​) ៖ នា​ព្រឹក​ថ្ងៃ​ព្រហស្បតិ៍ ៦​កើត ខែ​ជេស្ឋ ឆ្នាំ​ថោះ បញ្ច​ស័ក ព​.​ស​២៥៦៧ ត្រូវ​នឹង​ថ្ងៃទី​២៥ ខែ​ឧសភា ឆ្នាំ​២០២៣​នេះ សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ អញ្ជើញ​ជា​អធិបតី​ក្នុង​ទិវា​សប្តាហ៍​ជាតិ​សុវត្ថិភាព​ចរាចរណ៍​ផ្លូវគោក​លើក​ទី​១៤ ប្រារព្ធ​នៅ​ក្រុង​តាខ្មៅ ខេត្ត​កណ្ដាល​។​

​ឯកឧត្តម គង់ សោភ័ណ្ឌ អភិបាល​នៃ​គណៈ​អភិបាលខេត្ត​កណ្ដាល បាន​ធ្វើ​របាយការណ៍​ជូន​សម្ដេច​ក្រឡាហោម និង​អង្គពិធី​អំពី​សមិទ្ធផល​ខេត្ត​សម្រេចបាន​ក្នុង​រយៈពេល​៥​ឆ្នាំ នៃ​រាជរដ្ឋាភិបាល​នីតិកាល​ទី​៦ ដូច​ជា​ការរួមចំណែក​ថែរក្សា​សុខសន្តិភាព ស្ថេរភាព​នយោបាយ ការអភិវឌ្ឍ​សេដ្ឋកិច្ច និង​សង្គម រួមទាំង​ការផ្ដល់សេវា​សាធារណៈ​ជូន​ប្រជាពលរដ្ឋ​។

​ពាក់ព័ន្ធ​នឹង​ការងារ​សុវត្ថិភាព​ចរចរ​ណ៍​ក្នុង​ខេត្ត​កណ្ដាល ឯកឧត្តម បានឱ្យដឹង​ថា​គិត​ត្រឹម​ត្រីមាស​ទី​១ ដើមឆ្នាំ​២០២៣ ធៀប​នឹង​រយៈពេល​ដូចគ្នា​ឆ្នាំ​២០២២ គ្រោះថ្នាក់​ចរាចរណ៍​កើតមាន​៣៣ លើ​៥៩​លើក ថយចុះ​២៦​លើក ស្មើ​៤៤​ភាគរយ កម្រិត​ស្រាល​១៥ លើ​២០​លើក បណ្ដាលឱ្យ​ស្លាប់​និង​របួស​សរុប​៥៧​លើ​១១២​នាក់ ក្នុង​នោះ​ស្លាប់​១៩​នាក់ ថយចុះ​២៣​នាក់​។​

​ឯកឧត្តម បាន​ទាញ​ការកត់សម្គាល់ថា​ក្នុង​ចំណោម​អ្នក​ស្លាប់​១៩​នាក់​នោះ មាន​អ្នកបើកបរ​ម៉ូតូ​១៤​នាក់ មិន​ពាក់​មួកសុវត្ថិភាព ៩​នាក់ អ្នករួមដំណើរ​ម៉ូតូ​២​នាក់​មិន​ពាក់មួក​សុវត្ថិភាព អ្នកបើកបរ​រថយន្ត​២​នាក់ និង​អ្នកថ្មើ​ជើង​ម្នាក់ ខណៈ​មូលហេតុ​នៃ​គ្រោះថ្នាក់​គឺ​បើកបរ​លើស​ល្បឿន​កំណត់ មិន​ប្រកាន់​ស្ដាំ មិន​គោរព​សិទ្ធិ​អាទិភាព ប្រជែង​គ្រោះថ្នាក់ កត្តា​យានយន្ត និង​ស្រវឹង​ជាដើម​។
​សម្រាប់​រយៈពេល​៣​ខែ​នៃ​គ្រោះថ្នាក់​ចរាចរណ៍​ក្នុង​ខេត្ត​កណ្ដាល​នេះ ឯកឧត្តម គង់ សោភ័ណ្ឌ បានឱ្យដឹង​ទៀត​ថា​បាន​បណ្ដាលឱ្យ​ខូច​ថយ​ន្ត​៣៨​គ្រឿង ម៉ូតូ​៣២​គ្រឿង ព្រមទាំង​បន្សល់ទុក​នូវ​វិបត្តិ​សង្គម​ដូច​ជា​ជន​មាន​ពិការភាព កុមារកំព្រា ស្ត្រី​មេម៉ាយ ចាស់ជរា​ឥត​ទីពឹង និង​បង្កឱ្យមាន​ផលប៉ះពាល់​ដល់​សេដ្ឋកិច្ច និង​សង្គម​។​

​ទោះបីជា​តួលេខ​មាន​ការថយចុះ ប៉ុន្តែ​ដើម្បី​ទប់ស្កាត់ និង​កាត់បន្ថយ​គ្រោះថ្នាក់​ចរាចរណ៍​តាម​ដងផ្លូវ ឯកឧត្តម​អភិបាលខេត្ត​កណ្ដាល បានឱ្យដឹងថា​អនុគណៈកម្មការ​សុវត្ថិភាព​ចរាចរណ៍​ផ្លូវគោក​ខេត្តកណ្ដាល​បាន​អនុវត្ត​យ៉ាង​ម៉ឺម៉ាត់​នូវ​ច្បាប់​ស្ដីពី​ចរាចរ​ណ៍​ផ្លូវគោក ដើរ​ទន្ទឹម​នឹង​ការអប់រំ​ផ្សព្វផ្សាយ​ជា​ប្រចាំ​ដល់​អ្នកបើកបរ និង​ក្រុម​គោលដៅ រួម​ទាំង​វិធីសាស្ត្រ​នានា ដូចជា​កា​រដកា​ផ្លាក ភ្លើង គំនូស និង​សញ្ញា​ចរាចរណ៍ ព្រម​ទាំ​ភ្លើង​បំភ្លឺ​ផ្លូវ​។ ឯកឧត្តម ក៏​បាន​បង្ហាញ​ការ​ក្ដីសង្ឃឹម និង​ជឿជាក់​ថា​តាមរយៈ​វត្តមាន​ដ៏​ខ្ពង់ខ្ពស់​របស់​សម្ដេច​ក្នុង​ទិវា​សប្ដាហ៍​សុវត្ថិភាព​ចរាចរណ៍​ផ្លូវគោក​នា​ឱកាស​នេះ អនុគណៈកម្មការ​សុវត្ថិភាព​ចរាណ៍​ខេត្ត​កណ្ដាល មន្ត្រី​ពាក់ព័ន្ធ និង​ប្រជាពលរដ្ឋ​ទាំងអស់​នឹង​រួមគ្នា​ធ្វើឱ្យ​បាន​តាម​ទិស​ស្លោក​សម្ដេច​តេជោ ហ៊ុន សែន ដាក់​ចេញ​ថា​«​ថ្ងៃនេះ ថ្ងៃស្អែក កុំឱ្យ​មាន​គ្រោះថ្នាក់​ចរាចរណ៍​»​។​

​ក្នុងឱកាស​នោះ ក្នុងនាម​រាជរដ្ឋាភិបាល​កម្ពុជា និង​ក្នុងនាម​គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក សម្ដេច​ក្រឡាហោម ស ខេង ឧបនាយករដ្ឋមន្ត្រី បាន​មានប្រសាសន៍​កោតសរសើ​រ និង​វាយតម្លៃ​ខ្ពស់​ចំពោះ​កិច្ចខិតខំ​ប្រឹងប្រែង​របស់​មន្ត្រី​នគរបាល​ចរាច​រណ៍​ផ្លូវគោក មន្ត្រី​សាធារណការ​និង​ដឹកជញ្ជូន កងរាជអាវុធហត្ថ និង​អាជ្ញាធរ​ដែនដី​គ្រប់​លំដាប់ថ្នាក់​ដែល​បាន​បំពេញ​តួនាទី​ភារកិច្ច​រក្សា សុវត្ថិភាព​ចរាចរណ៍​ផ្លូវគោក​ប្រកបដោយ​ស្មារតី​ទទួលខុសត្រូវ និង​មនសិការ​វិជ្ជាជីវៈ​ខ្ពស់​។

​សម្ដេច បាន​បន្ត​លើកទឹកចិត្ត​ចំពោះ​ថ្នាក់ដឹកនាំ មន្ត្រី​នៃ​ក្រសួង​ស្ថាប័ន​ពាក់ព័ន្ធ​ទាំងអស់​ដែល​បាន​រួមចំណែក​ក្នុងការ​រឹតបន្តឹង​ការអនុវត្ត​ច្បាប់ ការផ្សព្វផ្សាយ​អប់រំ​ច្បាប់ ការសង្គ្រោះ​ជនរងគ្រោះ​ដោយ​គ្រោះថ្នាក់​ចរាចរណ៍​ផ្លូវគោក និង​កិច្ចការ​សំខាន់ៗ​ជាច្រើន​ទៀត​ប្រកបដោយ​ស្មារតី​ទទួលខុសត្រូវ​ខ្ពស់​។​

​សម្ដេច​ក្រឡាហោម ឧបនាយករដ្ឋមន្ត្រី ក៏​បាន​ទាញ​ការកត់សម្គាល់​ជូន​អង្គពិធី​អំពី​លទ្ធផល​ការងារ​សុវត្ថិភាព​ចរាចរណ៍ ដោយ​បន្តថា​តាមរយៈ​កិច្ចខិតខំ​ប្រឹងប្រែង​ក្នុង​រយៈពេល​៤​ខែ ដើមឆ្នាំ​២០២៣ ធៀប​នឹង រយៈពេល​ដូចគ្នា​នៃ​ឆ្នាំ​២០២២ ស្ថានភាព​គ្រោះថ្នាក់​ចរាច​រណ៍​ត្រូវបាន​កាត់បន្ថយ ចំនួន ១៥៤​លើក ស្មើ​១៣%(១.០១១/១.១៦៥​លើក​) អ្នកស្លាប់​ថយ​១៨០​នាក់ ស្មើ​២៦% (៥០២/៦៨២​នាក់​) អ្នករបួស​ថយ ៣០១​នាក់ ស្មើ​១៨% (១.៣៦៣/១.៦៦៤​នាក់​)​។ ជាមួយគ្នានេះ សម្ដេច​បាន​ថ្លែងអំណរគុណ​ចំពោះ​អង្គការ​ជាតិ និង​អន្តរជាតិ បណ្ដាញ​សារព័ត៌មាន ក្រុមហ៊ុន​ឯកជន រោងចក្រ​សហគ្រាស និង​ប្រជាពលរដ្ឋ​ទាំងអស់​ដែល​បាន​ចូលរួម​យ៉ាង​សកម្ម​ក្នុង​តាម​ការអំពាវនាវ ឬ​សេចក្តីប្រកាស របស់​គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក ក្នុង​បំណង​ជំរុញ​ការរក្សា​សុវត្ថិភាព ចរាចរណ៍​ផ្លូវគោក​ឱ្យ​កាន់តែ​ប្រសើរឡើង​ជា​លំដាប់​។​

​ពី​វេទិកា​អធិបតី​នោះ សម្ដេច​ក្រឡាហោម ស ខេង ក៏​បាន​មានប្រសាសន៍​បញ្ជាក់​ទៅ​កាន់​អង្គពិធី​ថា​ក្រោម​ការដឹកនាំ​ប្រកបដោយ​គតិបណ្ឌិត​របស់ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា រាជរដ្ឋាភិបាល​បាន​យកចិត្តទុកដាក់ និង​គាំទ្រ​ឱ្យ​មាន​ការ​ប្រារព្ធ​ទិវា​សប្ដាហ៍​ជាតិ​សុវត្ថិភាព​ចរាចរណ៍​ផ្លូវគោក​នេះ​ជា​រៀងរាល់ឆ្នាំ ដើម្បី​លើកកម្ពស់​ការយល់ដឹង​របស់​ប្រជាពលរដ្ឋ​អំពី​ហានិភ័យ​នៃ​គ្រោះថ្នាក់​ចរាចរណ៍​ដែល​បាន​បង្ក​អន្តរាយ​ដល់​អាយុជីវិត​មនុស្ស ខូចខាត​ទ្រព្យសម្បត្តិ​និង​ពេលវេលា​ជាច្រើន​របស់​ឯកជន​និង​សាធារណៈ ព្រមទាំង​បំផុសស្មារតី​ឱ្យ​ប្រជាពលរដ្ឋ​គោរព​ច្បាប់​ចរាច​រណ៍ បើកបរ​ប្រកាន់ខ្ជាប់​នូវ​សីលធម៌ ចេះ​យោគយល់​អធ្យាស្រ័យ គោរព​សិទ្ធិ​គ្នា និង​បង្កើន​ការប្រុងប្រយ័ត្ន​ខ្ពស់ ដើម្បី​ចូលរួម​ទប់ស្កាត់​បញ្ហា​គ្រោះថ្នាក់​ចរាចរណ៍​ឱ្យ​ស្ថិតនៅ​ក្នុង​អត្រា​ទាប​បំផុត​។​

​សម្ដេច​បន្តថា ក្នុងស្ថានភាព​ដែល​ប្រទេស​កម្ពុជា​រក្សាបាន​នូវ​សុខសន្តិភាព និង​ស្ថិរភាព​នយោបាយ វិស័យសេដ្ឋកិច្ច និង​វិស័យ​គមនាគមន៍​មាន​ការរីកចម្រើន​ជា​លំដាប់ ព្រម​ជាមួយ​កំណើន​យានយន្ត​គ្រប់​ប្រភេទ​បាន​កើនឡើង​ជា​រៀងរាល់ឆ្នាំ ហើយ​បញ្ហា​គ្រោះថ្នាក់​ចរាចរណ៍​ក៏​នៅតែ​កើតមាន​ជា​រៀងរាល់ថ្ងៃ បើទោះបីជា​វា​មាន​កម្រិត​មួយ​ទាប​ជាង​មុន​ក៏ដោយ​។ សម្ដេច បន្ថែម​ថា​ព្រោះ​ហេតុដូច្នេះ​ហើយ ប្រមុខ​រាជរដ្ឋាភិបាល​បាន​ណែនាំ​អង្គភាព​ពាក់ព័ន្ធ ទាំងអស់​រួម​គ្នា​ធ្វើ​យ៉ាងណា​ទប់ស្កាត់ និង​កាត់បន្ថយ​បញ្ហា​ចរាចរណ៍​នេះ​អោយ​នៅ​ត្រឹម​កម្រិត​អប្ប​បរិ​មា​ជាទីបំផុត​។​

​ក្នុងន័យនេះ សម្ដេច​បាន​អំពាវនាវ​ពលរដ្ឋ​ទាំង​អស់​ដែលជា​អ្នក​ប្រើប្រាស់​ផ្លូវ ក៏​ដូចជា​ក្រុមហ៊ុន​ដឹកជញ្ជូន​ទាំង​អស់ សូម​ចូលរួម​គោរព​អនុវត្តតាម​អនុសាសន៍​ដ៏​ថ្លៃថ្លា​របស់ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា «​ថ្ងៃនេះ ថ្ងៃ ស្អែក កុំឱ្យ​មាន​គ្រោះថ្នាក់​ចរាចរណ៍​» ក្នុងនោះ​ត្រូវ​អនុវត្ត​វិធានការ​សំខាន់ៗ ដែលមាន ដូចជា មិន​ត្រូវ​បើកបរ​លើស​ល្បឿន​កំណត់ មិន​ត្រូវ​បើកបរ​ក្រោម​ឥទ្ធិពល​គ្រឿងញៀន ឬ​គ្រឿង​ស្រវឹង និង​ប្រើប្រាស់​យាន្ត​ជំនិះ​អោយបាន​ត្រឹមត្រូវ​តាម​ស្តង់ដារ​លក្ខណៈ​បច្ចេកទេស ដែល​បាន​កំណត់ ពោល​គឺ​រួមគ្នា​គោរព​អនុវត្ត​ច្បាប់​ចរាចរណ៍ មិនមែន​ខ្លាច​មន្ត្រី​នគរបាល​ចរាច​រណ៍​នោះទេ​។​

​សម្ដេច​ក៏​បាន​ណែនាំ​មន្ត្រី​នគរបាល​ចរាច​រណ៍​ទាំងអស់បន្ត​ការពន្យ​ល់ អប់រំ ណែនាំ​ប្រជាពលរដ្ឋ​មុននឹង​ធ្វើ​ការផាកពិន័យ​បទល្មើស​ចរាចរណ៍ និង​ត្រូវ​គោរព​សិទ្ធិ​ប្រជាពលរដ្ឋ​។ សម្ដេច​បន្ថែមថា ការផាកពិន័យ​បទល្មើស​ចរាចរណ៍​ត្រូវ​ផ្អែកលើ​គោលការណ៍​ច្បាប់​ដែល​មាន​ជា​ធរមាន និង​អនុវត្ត​ឱ្យបាន​ស្មើភាព​គ្នា ដោយ​មិន​ប្រកាន់ ឬ​បែងចែក​បក្ខពួក​នោះទេ ហើយ​រាល់​ការផាកពិន័យ​ត្រូវ​ចេញ​វិក័យ​ប​ត្រ និង​យោង​មាត្រា​ច្បាប់​ឱ្យបាន​ត្រឹមត្រូវ ចៀសវាង​ការយក​ច្បាប់​ចរាចរណ៍​ធ្វើ​ជា​អាជីវកម្ម ដើម្បី​បម្រើ​ប្រយោជន៍​ផ្ទាល់ខ្លួន​។​

​ដូចគ្នា​ដែរ អាជ្ញាធរ​មូលដ្ឋាន​នៅ​ទូទាំង​រាជធានី​-​ខេត្ត​ទាំងអស់ ក៏​ត្រូវបាន​សម្ដេច​ណែនាំ​ឱ្យ​ខិតខំ​ធ្វើ​ការផ្សព្វផ្សាយ អប់រំ​ច្បាប់​ចរាចរណ៍​ផ្លូវគោក​ឱ្យបាន​ទូលំទូលាយ​ដល់​ប្រជាពលរដ្ឋ​គ្រប់ៗ​គ្នា ត្រូវ​យកចិត្ត ទុកដាក់ និង​ពិនិត្យ​ឡើងវិញ​ចំពោះ​អាជីវកម្ម​មួយចំនួន​ដែល​បង្ករ​ផល​រំខាន ឬ​ផលប៉ះពាល់ ដល់​សុវត្ថិភាព​ចរាច​រណ៍ និង​សណ្ដាប់ធ្នាប់​សាធារណៈ​របស់​ប្រជាពលរដ្ឋ និង​ពិនិត្យមើល ចំពោះ ការផ្សព្វផ្សាយ​ផលិតផល​ទាំងឡាយណា​ដែលមាន​ឥទ្ធិពល​អវិជ្ជមាន ឬ​ហានិភ័យ ដល់​សុវត្ថិភាព​ចរាច​រណ៍​។

​សម្ដេច​ក៏​អំពាវនាវ​ឱ្យ​អនុគណៈកម្មការ​សុវត្ថិភាព​ចរាចរណ៍​ផ្លូវគោក រាជធានី​-​ខេត្ត ដែល​មាន​កំណើន​ខ្ពស់​នូវ​គ្រោះថ្នាក់​ចរាចរណ៍​និង​ជនរងគ្រោះ ត្រូវ​ចាត់ វិធានការ​ឱ្យបាន​ម៉ឺងម៉ាត់​ក្នុង​ការកាត់បន្ថយ​គ្រោះថ្នាក់​ជា​បន្ទាន់​តាម​ទិសដៅ​ការងារ​ឆ្នាំ​២០២៣ របស់ គ​.​ស​.​ច​.​គ​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល