ទាន់ហេតុការណ៍
លោក អភិបាលរាជធានីភ្នំពេញ បានអញ្ជើញចុះ ត្រួតពិនិត្យ មើលវឌ្ឍភាពការងារស្ថាបនាផ្លូវនៅមុខទីស្តីការគណៈរដ្ឋមន្រ្តី - ​លោក សោម ពិសិដ្ឋ ដឹកនាំ​កិច្ចប្រជុំ​គណ​:​បញ្ជាការ​ឯកភាព រដ្ឋបាល​ខេត្ត​កែប​ - សេចក្តីជូនដំណឹង - ​ឯកឧត្តម​ឧត្តមសេនី​យ៍​ឯក​ហ៊ុន​ម៉ាណែត និង​លោកជំទាវ​ឧបត្ថម្ភ​រថយន្ត​សង្គ្រោះ​មួយ​គ្រឿង​ដល់​ស្នងការដ្ឋាន​នគរបាល​ខេត្ត​កណ្តាល​ - ​ប្រជាពលរដ្ឋ​ជួប​បញ្ហា​ខ្វះខាត ចំនួន​១០​គ្រួសារ នៅ​ភូមិ​កោះ​សោម ឃុំ​អង្កោល បាន​ទទួល​អំណោយ​ពី​សហភាព​សហព័ន្ធ​យុវជន​កម្ពុជា​ខេត្ត​កែប​ - លោក គង់សោភ័ណ្ឌអភិបាល ខេត្តកណ្តាល បានអញ្ជើញ ក្នុងកិច្ចប្រជុំ ពិភាក្សាដោះស្រាយ ដីធ្លីមួយ ចំនួនក្នុងស្រុក កៀនស្វាយ ខេត្តកណ្តាល - លោក នុត ពុធដារ៉ា អភិបាលរង ខេត្តកណ្ដាល ជំរុញអោយអភិបាលក្រុង/ ស្រុក និងមន្ទីរ អង្គភាព ពាក់ព័ន្ធ ត្រូវឆ្លើយតបនូវរាល់លិខិតរបស់ក្រសួងមហាផ្ទៃ ពាក់ព័ន្ធ នឹងការចុះផ្សាយរបស់សារព័ត៌មាន អោយបានលឿន និង ទទួលយកបាន! - លោក គីម រិទ្ធី អញ្ជើញជាអធិបតីភាព ក្នុងពិធីប្រកាសតែងតាំង លោក ខណ្ណារ៉ា អេលីត ជាប្រធានការិយាល័យគយ និង រដ្ឋករជ្រៃធំ នៃសាខាគយរដ្ឋករ ខេត្តកណ្ដា ជំនួសលោក មួង ដារ៉ា - ​កិច្ចប្រជុំ​ស្តីពី​ការចុះ​ធ្វើ​សវនកម្ម​លើ​ការគ្រប់គ្រង​ហិរញ្ញវត្ថុ និង​ការគ្រប់គ្រង​ទ្រព្យសម្បត្តិ​រដ្ឋ សម្រាប់​ការិយបរិច្ឆេទ​ឆ្នាំ ២០១៩ និង​ឆ្នាំ​ពាក់ព័ន្ធ​របស់​រដ្ឋបាល​ខេត្ត​ - សម្ដេច​តេជោ ហ៊ុន សែន អបអរសាទរ​ទិវា​មច្ឆា​ជាតិ ថ្ងៃទី​១ ខែកក្កដា ឆ្នាំ​២០២០
0

​អាជ្ញាធរ​មូលដ្ឋាន​និង​មន្ត្រី​ពាក់ព័ន្ធ​ត្រូវ​បន្ត​ខិតខំ​ដោះស្រាយ​រាល់​សំណូមពរ និង​បញ្ហា​ប្រឈម​នានា​ជូន​ប្រជាពលរដ្ឋ​ឲ្យបាន​ឆាប់រហ័ស​

​អាជ្ញាធរ​មូលដ្ឋាន​និង​មន្ត្រី​ពាក់ព័ន្ធ​ត្រូវ​បន្ត​ខិតខំ​ដោះស្រាយ​រាល់​សំណូមពរ និង​បញ្ហា​ប្រឈម​នានា​ជូន​ប្រជាពលរដ្ឋ​ឲ្យបាន​ឆាប់រហ័ស​

(​ខេត្ត​កំពត​)៖ ប្រធាន​ក្រុមការងារ រាជរដ្ឋាភិបាល​ចុះ​មូលដ្ឋាន​ក្រុង​កំពត​បាន​ក្រើនរំលឹក​ជំរុញ​ដល់​អាជ្ញាធរ​និង មន្ត្រី​នៃ​មន្ទីរ អង្គភាព​ពាក់ព័ន្ធ​ទាំងអស់ ត្រូវ​បន្ត​ខិតខំ​យកចិត្តទុកដាក់ ដោះស្រាយ​រាល់ សំណើ សំណូមពរ​បញ្ហា​កង្វល់ បញ្ហា​ប្រឈម នានា​ដែល​នៅ​សេសសល់ ទទួលបាន​ពី​ប្រជាពលរដ្ឋ​ក្នុង​វេទិកា​សាធារណៈ​កន្លងមកឲ្យ​បាន​ឆាប់​រហ័ស​។​

​នេះ​ជា​ការលើកឡើង​របស់​លោក ម៉ាន សុ​គ្រី ប្រធាន​ក្រុមការងារ​រាជរដ្ឋាភិបាល​ចុះ​មូលដ្ឋាន​ក្រុង​កំពត និង​ជា​រដ្ឋលេខាធិការ ក្រសួង​កសិកម្ម​រុក្ខា​ប្រមាញ់​និង​នេសាទ​បាន​ថ្លែង​ជំរុញ​បែបនេះ​នៅក្នុង​ឱកាស កិច្ចប្រជុំ​បូក​សរុប​ត្រួតពិនិត្យ​វាយតម្លៃ​លទ្ធផល​ការងារ​របស់ ក្រុមការងារ​រាជរដ្ឋាភិបាល ចុះ​មូលដ្ឋាន​ក្រុង​កំពត ដើមឆ្នាំ​២០២០​ក្នុង​ឆមាស​ទី​១​និង​ទិសដៅ​អនុវត្តន៍​បន្ត​ឆមាស​ទី​២ កាលពី​រសៀល​ថ្ងៃ​ទី​១៩ ខែមិថុនា ឆ្នាំ​២០២០ នៅ​សាលាក្រុង​កំពត​ខេត្ត​កំពត​។ ដែល​កិច្ចប្រជុំ​នេះ​មាន​ការចូលរួម​ពី​លោក លោកស្រី អនុប្រធាន​ក្រុមការងារ​រាជរដ្ឋាភិបាល​ចុះ​មូលដ្ឋាន​ក្រុង​កំពត មន្ទីរ អង្គភាព ពាក់ព័ន្ធ កងកម្លាំង​មាន​សមត្ថកិច្ច​អាជ្ញាធរ​ក្រុង និង​សង្កាត់​ទាំង​៥ ដើម្បី​ត្រួតពិនិត្យ ពិភាក្សា​លើ​លទ្ធផល​ការងារ​ធ្វើយ៉ាងណា ជំរុញ​ការដោះស្រាយ​រាល់​សំណើ សំណូមពរ និង​បញ្ហា​កង្វល់​ជូន​ប្រជាពលរដ្ឋ​ឲ្យបាន​ឆាប់រហ័ស ដែល​នៅ​សេសសល់ របស់​ប្រជាពលរដ្ឋ​បាន​លើកឡើង​ក្នុង​អង្គ​វេទិកាសាធារណៈ​កន្លងមក​។​

​លោក ម៉ាន សុ​គ្រី ក៏​បាន​ដាក់​ទិសដៅ​និង​ជំរុញ​បន្ថែម ដល់​សមាជិក សមាជិកា​ក្រុមការងារ អាជ្ញាធរ​ក្រុង និង​សង្កាត់​ទាំង​៥​នៃ​ក្រុង​កំពត ក្នុងនោះ​រួមមាន​បញ្ហា​ការបន្ត​សម្របសម្រួល​ទំនាក់ទំនង​រវាង​ប្រជាពលរដ្ឋ​និង​ប្រជាពលរដ្ឋ បង្រួម​បញ្ហា បង្កើន​ការដោះស្រាយ​តាម​ការជាក់ស្ដែង និង​បន្ត​ធ្វើ​វេទិកា​សាធារណៈ​នៅ​គ្រប់​ភូមិ ដោយ​ផ្សព្វផ្សាយ​គោលនយោបាយ​ភូមិ ឃុំ មាន​សុ​វត្ថ​ភាពឲ្យបាន​ទូលំទូលាយ ព្រមទាំង​សហការ​ជាមួយ​ដៃគូ​អភិវឌ្ឍន៍​នានា ដើម្បី​អភិវឌ្ឍ​នៅ​មូលដ្ឋាន ក្រុង សង្កាត់​ឲ្យបាន​កាន់តែ​រីកចម្រើន និង​បន្ត​ដោះស្រាយ​សំណើ​សំណូមពរ បញ្ហា​ប្រឈម​នានា ដោយ​រក​គ្រប់​មធ្យោបាយ​ដើម្បី​ឆ្លើយតប​ឲ្យបាន​ទាន់​ពេលវេលា​ជូន​ប្រជាពលរដ្ឋ​។​

​ជាមួយគ្នា​នោះ​ដែរ​ក៏​ត្រូវ​យកចិត្តទុកដាក់​ជម្រុញ​ណែនាំ​ដល់​ប្រជាពលរដ្ឋ រួមគ្នា​ថែរក្សា សន្តិសុខ សណ្ដាប់ធ្នាប់​សង្គម ជាពិសេស​សុខសន្តិភាព ស្ថេរភាព នឹង​បន្ត​ធ្វើ​ការផ្សព្វផ្សាយ​អប់រំ​ណែនាំ​ដល់​ប្រជាពលរដ្ឋ​ក្នុង​មូលដ្ឋាន​របស់​ខ្លួន​ឲ្យ​អនុវត្ត​នូវ​វិធានការ​របស់​រាជរដ្ឋាភិបាល ក៏​ដូច​ក្រសួង​សុខាភិបាល ដើម្បី​រក្សាបាន​នូវ​អនាម័យ​ល្អ ដើម្បី​ការពារ​សុខភាព​ខ្លួន ជៀសផុត​ពី​ជំងឺ​ផ្សេងៗ​ពិសេស​ជំងឺ​កូវី​ដ​១៩ ឱ្យបាន​ជា​ប្រចាំ​ទាំងអស់គ្នា ជៀសវាង​កុំឱ្យ​មាន​កើត​ជំងឺ​ដ៏​កាច​សាហាវ​នេះ​នៅក្នុង​សហគមន៍​យើង​ជា​ដាច់ខាត​។​

​ជាមួយនេះ លោក ម៉ាន សុ​គ្រី ក៏​បាន​ផ្ដាំផ្ញើ​បន្ថែម​ដល់ អាជ្ញាធរ និង​មន្ត្រី​ក្រុមការងារ ឲ្យ​បន្ត​យកចិត្តទុកដាក់​សហកា​រ​គ្នា​តាមដាន ពិនិត្យ​លទ្ធភាព ដើម្បី ចូលរួម​ចំណែក​ជួយ ជីវភាព​ខ្វះខាត​របស់​ប្រជាពលរដ្ឋ ដោយសារ រង​ផលប៉ះពាល់ ក្នុងស្ថានភាព នៃ​ការទប់ស្កាត់​ការរីក​រាលដាល​ជំងឺ កូវី​ដ​១៩ ក្នុង​មូលដ្ឋាន​ឲ្យបាន​ទាន់ពេ​ល​វេលា​។

​លោក ម៉ាន សុ​គ្រី ក៏​បាន​កោតសរសើរ​វាយតម្លៃ​ខ្ពស់ ចំពោះ​លទ្ធផល​ការងារ​ដែល​សមាជិក សមាជិកា​ក្រុមការងារ​គ្រប់​ថ្នាក់​គ្រប់​ផ្នែក​បាន​យកចិត្តទុកដាក់​ចុះ​ធ្វើ​វេទិកា​សាធារណៈ​ស្វែងយល់​និង​ធ្វើការ​ដោះស្រាយ​បាន​ល្អ ទាន់ពេលវេលា​ពី​តម្រូវការ​និង​សំណូមពរ ព្រមទាំង​បញ្ហា​ប្រឈម​នានា​របស់​ប្រជាពលរដ្ឋ​ដើម្បី​ឆ្លើយតប ស្របទៅតាម​គោលនយោបាយ​រាជរដ្ឋាភិបាល​ប្រកបដោយ​ប្រសិទ្ធភា ។

​ក្នុងឱកាស​នោះ​ដែរ លោក ម៉ាន សុ​គ្រី និង​សមាជិក​ក្រុម​ការងារ​ក៏​បាន​នាំយក​នូវ​សៀវភៅ គម្ពីរ​អាល់​កូរ​អាន បកប្រែ​ជា​ភាសា​ខ្មែរ ដែល​ជា​អំណោយ​របស់ លោក​ទេសរដ្ឋមន្ត្រី អូស្មាន់ ហាសាន់ ប្រធាន​អង្គការ​មូលនិធិ​អភិវឌ្ឍ​ឥស្លាម​កម្ពុជា ផ្ដល់​តាមរយៈ​ឯកឧត្តម​ផ្ទាល់​ក្នុង​នោះ បកប្រែ​ជា​ភាសា​ខ្មែរ​ចំនួន ២៤០​គម្ពី​រ និង​មួយចំនួនទៀត​ជា​ភាសា​អារ៉ាប់​សរុប​ចំនួន​ជាង​៥០០​គម្ពីរ​សម្រាប់​បែងចែក​ជូន​សាសនិក​ឥស្លាម ហា​តុ​កឹម​តួន នៅតាម​សូ​រ៉ាវ ម៉ា​ស្ទិតក្នុង​ក្រុងកំព​តនិ​ង​នៅ​មន្ទីរ​ពន្ធនាគារ​ខេត្ត​កំពត មួយចំនួន​ផង​ដែរ​៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com