ខេត្តព្រះសីហនុ ៖ ថ្ងៃសុក្រ ទី៣១ ខែមីនា ឆ្នាំ២០២៣ ដោយទទួលបានការអនុញ្ញាតពីគណៈកម្មាធិការប្រតិបត្តិសមាគមរាជសីហ៍ លោក ម៉ាត់ ណើសៀត អគ្គលេខាធិការរង និងជាប្រធានផ្នែកទទួលបន្ទុកឥស្លាមកម្ពុជា នៃសមាគមរាជសីហ៍ និង លោក យ៉ែម សល អនុប្រធានសមាគមរាជសីហ៍សាខាខេត្តព្រះសីហនុ និងសហការី បានចុះសួរសុខទុក្ខ និងនាំយកអំណោយទៅជូន លោកស្រី សឹម ទីហាយេីត ជាសមាជិកាសាខាខេត្តព្រះសីហនុ ដែលទើបសំរាលកូនដោយជោគជ័យ នៅមន្ទីរពេទ្យអន្តរជាតិក្រុងព្រះសីហនុ ។
អំណោយរួមមាន ៖
– ទឹកសុទ្ធ ចំនួន ១កេស
– ទឹកដោះគោខាប់ ចំនួន ៤កំប៉ុង
– ទឹកដោះគោឆៅ ចំនួន ២យួរ
– ថវិការ ចំនូន ១៧០,០០០៛ ( មួយរយ ចិតសិប ពាន់រៀលគត់ ) ។
ក្រុមគ្រួសារលោកស្រី សឹម ទីហាយើត បានសម្តែងនូវក្តីរំភើបជាអនេក និងសូមថ្លែងអំណរគុណ យ៉ាងជ្រាលជ្រៅចំពោះសមាគមរាជសីហ៍ ដែលតែងតែយកចិត្តទុកដាក់គិតគូរពីសុខទុក្ខ និងនៅជាប់ជាមួយសមាជិកគ្រប់រូប ។
សូមជូនពរ ថ្នាក់ដឹកនាំ និងសមាជិកសមាគមរាជសីហ៍ទាំងអស់ មានសុខភាពល្អ និងទទួលបានជោគជ័យគ្រប់ភារកិច្ច ដើម្បីបន្តសកម្មភាព សប្បុរសធម៌ និង មនុស្សធម៌ នៅក្នុងសង្គម ៕
