នាពេលព្រឹក ថ្ងៃអាទិត្យ ៦រោច ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១២ ខែមីនា ឆ្នាំ២០២៣ ឯកឧត្តម ភឿន ផល្លា ជំនួយការសម្ដេចតេជោហ៊ុនសែន ប្រធានគណៈបក្សប្រជាជនកម្ពុជាអញ្ជើញជាធិបតីភាពក្នុងពិធីចែកវិញ្ញាប័ណ្ណប័ត្របញ្ជាក់ការសិក្សាសិក្ខាកាម ចំនួនប្រមាណ ២០០ នាក់ ។
វាគ្មិនអញ្ញើញចូលរួមក្នុងពិធី រួមមាន លោកស្រីមេធាវី តាំង ស៊ីនហុង ប្រធាន សមាគមខ្មែរដើម្បីអភិវឌ្ឍន៍, ឯកឧត្តម ផុស សុវណ្ណ ប្រតិភូតរាជរដ្ឋាភិបាលកម្ពុជា ទទួលបន្ទប់ជាអគ្គនាយកនៃអគ្គនាយកដ្ឋានព័ត៌មាន និង សោតទស្សន៍, ឯកឧត្តម យ៉ែម ណយ ទីប្រឹក្សាក្រសួងព័ត៌មាននិងជាប្រធាននាយកដ្ឋានមណ្ឌលព័ត៌មាននៃក្រសួងព័ត៌មាន, ឯកឧត្តម មឿន ឈានណារិទ្ធ ទីប្រឹក្សាក្រសួងព័ត៌មាន និងជានាយក វិទ្យាស្ថាន កម្ពុជាសម្រាប់ការសិក្ខាផ្នែកសារព័ត៌មាន, លោកទេស វិបុល ប្រធានសមាគម សេរីភាពអ្នកសារព័ត៍មានកម្ពុជា, លោក ថាំង ប៊ុនសុង ចាងហ្វាង គេហទំព័រព័ត៌មាន ថ្មីពិត និងជា អគ្គលេខាធិការ សមាគមសេរីភាពអ្នកសារព័ត៌មានកម្ពុជា, លោក ហង្ស ចក្រា អនុប្រធានសមាគម AFCJ, ។
នាឱកាសនោះ ឯកឧត្តម មឿន ឈានណារិទ្ធ ទីប្រឹក្សាក្រសួងព័ត៌មាន និងជានាយក វិទ្យាស្ថាន កម្ពុជាសម្រាប់ការសិក្ខាផ្នែកសារព័ត៌មាន ដែលនឹងផ្តល់កិត្តិយសធ្វើជាគ្រូបង្គោលពន្យល់ បកស្រាយ ក្នុងវគ្គបណ្តុះបណ្តាលជំនាញ «សរសេរអត្ថបទវិភាគព័ត៌មានជាតិនិងអន្តរជាតិ» ។
សិក្ខាសាលាបណ្ដុះបណ្ដាលអ្នកសារព័ត៌មាននេះ ផ្តោតទៅលើ «ការវិភាគព័ត៌មានជាតិនិងអន្តរជាតិ» ដែលប្រព្រឹត្តនៅទីស្នាក់ការសមាគមសេរីភាពអ្នកសារព័ត៌មានកម្ពុជា ស្ថិតក្នុងភូមិ ព្រែកក្របៅទី៣ ឃុំព្រែកអំពិល ស្រុកខ្សាច់កណ្តាល ខេត្តកណ្តាល ៕
