ទាន់ហេតុការណ៍
សម្តេច​តេជោ ហ៊ុន សែន ជួបពិភាក្សា​ជាមួយ​រដ្ឋមន្ត្រី​កសិកម្ម​, លោក​បណ្ឌិត យ៉ង សាំង​កុមារ និង​លោក ឡឹ​ក សុធា លើ​ការងារ​កសិកម្ម​ដែល​លោក​ទាំង​ពីរ​នាក់ ទើប​មក​រួមរស់​ជាមួយ​គណបក្ស​ប្រជាជន​កម្ពុជា​ - សេចក្តីសម្រេច​ចិត្ត​នៃ​មហាសន្និបាត​វិសាមញ្ញ​តំណាង​ទូទាំង​ប្រទេស​របស់​សហ​ភាព​សហព័ន្ធ​យុវជន​កម្ពុជា​ - ថវិកា​មូលនិធិ​មហា​គ្រួសារ​កងរាជអាវុធហត្ថ ត្រូវបាន​ប្រគល់ជូន​គ្រួសារ​សព​សមាជិក​មន្ត្រី អាវុធហត្ថ​រាជធានី​ភ្នំពេញ​! - កម្ពុជា មុននឹងមានថ្ងៃនេះ | ក្រុងស្វាយរៀង​ ! អរគុណសន្តិភាព! - សម្តេច​តេជោ ហ៊ុន សែន អញ្ជើញ​ជួប​សំណេះសំណាល ជាមួយ មន្ត្រី​គណបក្ស​ប្រជាជន​កម្ពុជា​នៅក្នុង​រាជធានី​ភ្នំពេញ ជាង​៣​ពាន់​នាក់​ - សម្ដេច​តេជោ ហ៊ុន សែន ទទួល​ជួប​ពិភាក្សា​ការងារ​ជាមួយ​ប្រធានរដ្ឋសភា នៃ​សាធារណរដ្ឋ​ប្រជាធិបតេយ្យ​ប្រជាមានិត​ឡាវ - ​អភិបាលខេត្ត​កំពង់ចាម អញ្ជើញ​ចូលរួម​ក្នុង​ពិធីបុណ្យ​ទក្ខិណានុប្បទាន ឧទ្ទិស​កុសល​ដល់​ដួង​វិញ្ញាណក្ខន្ធ សម្តេច​ឧត្តម​ទេ​ពញាន ហ៊ុន ណេង ក្រោម​វត្តមាន​របស់​លោកជំទាវ ព្រមទាំង​កូនចៅ ដែល​ពិធី​នេះ​ធ្វើឡើង​ - ឯកឧត្តម អ៊ុន ចាន់​ដា ÷​កូន​ខ្មែរ​អ្នក​ខេត្តកំពង់ចាម បង្កើត​កីឡា​ថ្មី​មួយ​ប្រភេទ​ឈ្មោះថា កីឡា “​យុវជន​នាគព័ន្ធ​សី​ស្លាប​ខ្មែរ​” - ​ឯកឧត្តម ឈឿន សុ​ចិត្ត បាន​ចាត់តាំង​ក្រុម​ការងារ​យុវជន​ចូលរួម​ប្រជុំ​ស្តីពី​ផែនការ​ឆ្ពោះទៅ​កាន់​ការបោះឆ្នោត​សម្រាប់​ឆ្នាំ​២០២៣ - ឯកឧត្តម ឧត្តមសេនីយ៍ឯក ហ៊ុន ម៉ា​ណែ​ត និង លោកជំទាវ ចាត់​ក្រុមការងារ​នាំយក​អំណោយ​ជូន​ដល់​គ្រួសារ នាយចំណង់ នាង សុខ​បញ្ញា សមាជិក កងរាជអាវុធហត្ថ​រាជធានី​ភ្នំពេញ ដែល​មាន​ប្រពន្ធ​ទើបតែ​សម្រាលកូន​!
0

កូន​សត្វ​ខ្លាឃ្មុំ​តូច​ដែល​ជួយ​សង្គ្រោះ​ពី​ខេត្ត​មណ្ឌលគិរី​មាន​សុខភាព​ល្អ និង​កំពុង​ស្ថិត​ក្រោម​ការថែទាំ​របស់​អ្នកជំនាញ​នៃ​អង្គការ Free the Bears

កូន​សត្វ​ខ្លាឃ្មុំ​តូច​ដែល​ជួយ​សង្គ្រោះ​ពី​ខេត្ត​មណ្ឌលគិរី​មាន​សុខភាព​ល្អ និង​កំពុង​ស្ថិត​ក្រោម​ការថែទាំ​របស់​អ្នកជំនាញ​នៃ​អង្គការ Free the Bears

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

ក្រោយ​ពី​ការធ្វើដំណើរ​ដ៏​វែងឆ្ងាយ​ពី​ខេត្ត​មណ្ឌលគិរី កូន​សត្វ​ខ្លាឃ្មុំ​តូច​មួយ​ក្បាល ដែល​ជួយ​សង្គ្រោះ​ដោយ​ពលរដ្ឋ និង​ប្រគល់ជូន​មន្ត្រី​មន្ត្រី​នៃ​មន្ទីរ​បរិស្ថាន​ខេត្ត​មណ្ឌលគិរី ឥឡូវនេះ​បាន​បញ្ជូន​មកដល់​ដៃ​អ្នកជំនាញ​នៃ​អង្គការ Free the Bears នៅ​ក្នុង​មជ្ឈមណ្ឌល​សង្គ្រោះ​សត្វព្រៃ​នៃ​ឧទ្យាន​សួនសត្វ ព្រៃ​ការពារ និង​សួនសត្វ​ភូតគាម​ភ្នំ​តា​ម៉ៅ​ដើម្បី​បន្ត​ការថែទាំ និង​ចិញ្ចឹម​ថែរក្សា​ឱ្យមាន​សុខភាព​ល្អ​។ រូបភាព​ដែល​ទទួលបាន កូន​សត្វ​ខ្លាឃ្មុំ​តូច​មួយ​ក្បាល​នេះ​មាន​សុខភាព​ល្អ និង​កំពុង​ស្ថិត​ក្រោម​ការថែទាំ​ង​យ៉ាង​យកចិត្តទុកដាក់​ពី សំណាក់​អ្នកជំនាញ​ផ្នែក​សត្វ​ខ្លាឃ្មុំ​។ នេះ​គឺជា​ការ​ថ្លែង​ឱ្យដឹង​របស់​ឯកឧត្តម នេត្រ ភ​ក្ត្រា រដ្ឋលេខាធិការ និង​ជា​មន្ត្រី​នាំពាក្យ​ក្រសួងបរិស្ថាន​នៅ​រសៀល​ថ្ងៃ​ទី​២០ ខែវិច្ឆិកា ឆ្នាំ​២០២២ នេះ​។

​ឯកឧត្តម​រដ្ឋលេខាធិកា​រ បាន​វាយតម្លៃ​ខ្ពស់​ចំពោះ​កិច្ចខិតខំ​ប្រឹងប្រែង​របស់​មន្ត្រី​ពាក់ព័ន្ធ​ដែល​បាន​បំពេញ​ការងារ​សង្គ្រោះ​កូន​សត្វ​ខ្លាឃ្មុំ​នេះ និង​ថ្លែងអំណរគុណ​ដល់​ប្រជា​សហគមន៍​នៅ​ក្នុងស្រុក​កែវ​សី​ម៉ា ខេត្តមណ្ឌលគិរី​រួម​នឹង​អង្គការ​ដៃគូ​ដែល​បាន​ចូលរួម​ក្នុង​កិច្ចការ​នេះ​។ ឯកឧត្តម​បាន​ថ្លែងថា នេះ​គឺជា​ការបង្ហាញ​ពី​កិច្ចសហការ​គ្នា​ក្នុង​ជួយសង្គ្រោះ ថែរក្សា អភិរក្ស​សត្វព្រៃ​នៅ​កម្ពុជា និង​ក៏​បាន​បង្ហាញ​ពី​ការយល់ដឹង​របស់​ប្រជាពលរដ្ឋ​លើ​សារប្រយោជន៍​នៃ​ជីវៈចម្រុះ និង​ការចូលរួម​ក្នុង​ការការពារ​និង​អភិរក្ស​ធនធានធម្មជាតិ ព្រៃឈើ និង​សត្វព្រៃ​។ សត្វព្រៃ​ដែលជា​ផ្នែក​យ៉ាងសំខាន់​ក្នុង​ការថែរក្សា​តុល្យភាព​នៃ​បរិស្ថាន និង​ប្រព័ន្ធ​អេកូឡូស៊ី​របស់​ភពផែនដី ដែល​យើង​ទង​អស់​គ្នា​ចាំបាច់​ត្រូវ​ចូលរួម​ថែរក្សា​ការពារ​និង​អភិរក្ស​ឱ្យ បាន​គង់វង្ស​។

​គួររំឭកថា កាលពី​ថ្ងៃ​ទី​១៨ ខែវិច្ឆិកា ឆ្នាំ​២០២២ មន្ត្រី​ឧទ្យានុ​រ​ក្ស​ប្រចាំ​ស្នាក់ការ​មេ​ម៉​ង និង​ស្នាក់ការ​ខ្ទង់​អន្ទ្រ​ង នៃ​ដែនជម្រកសត្វព្រៃ​ភ្នំ​ព្រេច បាន​ទទួល​កូន​សត្វ​ខ្លាឃ្មុំ​តូច​ចំនួន ០១ ក្បាល​មាន​ទម្ងន់ ៧​គី​ឡូ ក្រាម​ពី​ប្រជា​សហគមន៍​តំបន់ការពារធម្មជាតិ​រស់​នៅក្នុង​ស្រុក​កែវ​សី​ម៉ា ដែល​រូបលោក​បាន​ចូល​ក្នុង​ព្រៃ​តាម​ឃ្វាល​សត្វ​ក្របី ហើយ​បាន​ប្រទះ​ឃើញ​កូន​សត្វ​ខ្លាឃ្មុំ​ស្រែកយំ មិនឃើញ​មេ​របស់​វា ដោយ​រូបលោក​ខ្លាច​កូន​ខ្លាឃ្មុំ​ងាប់ លោក​ក៏​បាន​ចាប់​យក​មក​ភូមិ ដើម្បី​ប្រគល់​ឲ្យ​មន្ត្រី​ជំនាញ​ថែរក្សា​។​

​ឯកឧត្តម​រដ្ឋលេខាធិកា​រ​ក្រសួង​បរិស្ថាន​លើកឡើងថា តាមរយៈ​កិច្ចខិតខំ​ប្រឹងប្រែង​ក្នុង​ការផ្សព្វផ្សាយ និង​អប់រំ​នា​ពេលកន្លងមក និង​ជា​ពិសេស​តាមរយៈ​យុទ្ធនាការ​អន្ទាក់​សូន្យ​ដែល​ផ្តួចផ្តើម​និង​ដឹកនាំ​ដោយ​ក្រសួង​បរិស្ថាន ប្រជាពលរដ្ឋ​គ្រប់​មជ្ឈដ្ឋាន​មាន​ការយល់ដឹង​ខ្ពស់​ពី​សារៈសំខាន់​នៃ​ជីវៈចម្រុះ ពី​ផលប៉ះពាល់​នៃ​អន្ទាក់ និង​មាន​ភាព​សកម្ម​ក្នុង​ការចូលរួម​រាយការណ៍​ពី​ការជួញដូរ​សត្វព្រៃ​ខុសច្បាប់ និង​ការជួយ សង្គ្រោះ​សត្វព្រៃ​។ ឯកឧត្តម​រដ្ឋលេខាធិកា​រ​ក៏បាន​អំពាវនាវ​ដល់​ពលរដ្ឋ​ដែល​និយម​សាច់​សត្វព្រៃ​សូម​បញ្ឍប់​ការហូ​បសា​ច់​សត្វព្រៃ​ដើម្បី​ចូលរួម​ការពារ​សត្វព្រៃ និង​ម្យ៉ាងទៀត​សាច់​សត្វព្រៃ​មិន​ផ្តល់​ផល​អ្វី​ល្អ​សម្រាប់ សុខភាព​ឡើយ គឺមាន​តែ​បង្ក​ផលប៉ះពាល់​ដោយសារ​តែ​តាម​ការសិក្សា​បែប​វិទ្យាសាស្ត្រ សាច់​សត្វព្រៃ​មាន វី​រ៉ុស​អាក្រក់ៗ​ច្រើន​៕
#​ខ្លា​ឃ្មុំ #​កម្ពុជា #​មាតុភូមិ​ខ្ញុំ​

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល