ទាន់ហេតុការណ៍
សម្តេច​តេជោ ហ៊ុន សែន ជួបពិភាក្សា​ជាមួយ​រដ្ឋមន្ត្រី​កសិកម្ម​, លោក​បណ្ឌិត យ៉ង សាំង​កុមារ និង​លោក ឡឹ​ក សុធា លើ​ការងារ​កសិកម្ម​ដែល​លោក​ទាំង​ពីរ​នាក់ ទើប​មក​រួមរស់​ជាមួយ​គណបក្ស​ប្រជាជន​កម្ពុជា​ - សេចក្តីសម្រេច​ចិត្ត​នៃ​មហាសន្និបាត​វិសាមញ្ញ​តំណាង​ទូទាំង​ប្រទេស​របស់​សហ​ភាព​សហព័ន្ធ​យុវជន​កម្ពុជា​ - ថវិកា​មូលនិធិ​មហា​គ្រួសារ​កងរាជអាវុធហត្ថ ត្រូវបាន​ប្រគល់ជូន​គ្រួសារ​សព​សមាជិក​មន្ត្រី អាវុធហត្ថ​រាជធានី​ភ្នំពេញ​! - កម្ពុជា មុននឹងមានថ្ងៃនេះ | ក្រុងស្វាយរៀង​ ! អរគុណសន្តិភាព! - សម្តេច​តេជោ ហ៊ុន សែន អញ្ជើញ​ជួប​សំណេះសំណាល ជាមួយ មន្ត្រី​គណបក្ស​ប្រជាជន​កម្ពុជា​នៅក្នុង​រាជធានី​ភ្នំពេញ ជាង​៣​ពាន់​នាក់​ - សម្ដេច​តេជោ ហ៊ុន សែន ទទួល​ជួប​ពិភាក្សា​ការងារ​ជាមួយ​ប្រធានរដ្ឋសភា នៃ​សាធារណរដ្ឋ​ប្រជាធិបតេយ្យ​ប្រជាមានិត​ឡាវ - ​អភិបាលខេត្ត​កំពង់ចាម អញ្ជើញ​ចូលរួម​ក្នុង​ពិធីបុណ្យ​ទក្ខិណានុប្បទាន ឧទ្ទិស​កុសល​ដល់​ដួង​វិញ្ញាណក្ខន្ធ សម្តេច​ឧត្តម​ទេ​ពញាន ហ៊ុន ណេង ក្រោម​វត្តមាន​របស់​លោកជំទាវ ព្រមទាំង​កូនចៅ ដែល​ពិធី​នេះ​ធ្វើឡើង​ - ឯកឧត្តម អ៊ុន ចាន់​ដា ÷​កូន​ខ្មែរ​អ្នក​ខេត្តកំពង់ចាម បង្កើត​កីឡា​ថ្មី​មួយ​ប្រភេទ​ឈ្មោះថា កីឡា “​យុវជន​នាគព័ន្ធ​សី​ស្លាប​ខ្មែរ​” - ​ឯកឧត្តម ឈឿន សុ​ចិត្ត បាន​ចាត់តាំង​ក្រុម​ការងារ​យុវជន​ចូលរួម​ប្រជុំ​ស្តីពី​ផែនការ​ឆ្ពោះទៅ​កាន់​ការបោះឆ្នោត​សម្រាប់​ឆ្នាំ​២០២៣ - ឯកឧត្តម ឧត្តមសេនីយ៍ឯក ហ៊ុន ម៉ា​ណែ​ត និង លោកជំទាវ ចាត់​ក្រុមការងារ​នាំយក​អំណោយ​ជូន​ដល់​គ្រួសារ នាយចំណង់ នាង សុខ​បញ្ញា សមាជិក កងរាជអាវុធហត្ថ​រាជធានី​ភ្នំពេញ ដែល​មាន​ប្រពន្ធ​ទើបតែ​សម្រាលកូន​!
0

វគ្គ​បណ្តុះបណ្តាល​ស្តីពី ការអនុវត្តន៍​កម្មវិធី​ឧបត្ថម​សាច់ប្រាក់ ជូន​គ្រួសារ​ងាយ​រង​ហានិភ័យ​ក្នុងអំឡុងពេល​មាន​សម្ពាធ​អតិផរណា

វគ្គ​បណ្តុះបណ្តាល​ស្តីពី ការអនុវត្តន៍​កម្មវិធី​ឧបត្ថម​សាច់ប្រាក់ ជូន​គ្រួសារ​ងាយ​រង​ហានិភ័យ​ក្នុងអំឡុងពេល​មាន​សម្ពាធ​អតិផរណា

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

(​ខេត្ត​កណ្តាល​)៖ ថ្លែង​ក្នុង​ពិធី​បើក​វគ្គ​បណ្តុះបណ្តាល​ស្តីពី ការអនុវត្តន៍​កម្មវិធី​ឧបត្ថម​សាច់ប្រាក់ ជូន​គ្រួសារ​ងាយ​រង​ហានិភ័យ​ក្នុងអំឡុងពេល​មាន​សម្ពាធ​អតិផរណា នៅ​ព្រឹក​ថ្ងៃទី​១៧ ខែវិច្ឆិកា ឆ្នាំ​២០២២ ឯកឧត្តម ប្រាក់ សារ៉ាត់ អភិបាលរង​ខេត្ត​កណ្តាល បានបញ្ជាក់​ថា ការរៀបចំ​វគ្គ​បណ្តុះបណ្តាល​នេះ បាន​បង្ហាញ​ពី​ការយកចិត្ទទុកដាក់ ក្នុងការ​បង្កើន​ចំណេះដឹង ជំនាញ និង​សមត្ថភាព​ដល់​ថ្នាក់ដឹកនាំ និង​មន្ត្រី​ប្រតិបត្តិ​កម្មវិធី​ផ្ទាល់ ដើម្បី​ត្រៀម​លក្ខណៈ​យ៉ាងសកម្ម ក្នុង​ការអនុវត្ត​នូវ​កម្មវិធី​ថ្មី​នេះ ឱ្យ​ទទួលបាន​ជោគជ័យ និង​ប្រកបដោយ​ប្រសិទ្ធភាព​ខ្ពស់​ឆ្លើយតប​ទៅនឹង​សុ​ឆន្ទៈ​របស់​រាជរដ្ឋាភិបាល ក្រោម​ការដឹកនាំ​ប្រកបដោយ​គតិបណ្ឌិត​របស់​សម្តេច​តេ​ជោ និង​ថ្នាក់ដឹកនាំ​របស់​រាជរដ្ឋាភិបាល​កម្ពុជា​។​

​ឯកឧត្តម ប្រាក់ សារ៉ាត់ បាន​ជំរុញ​ដល់ អាជ្ញាធរ​ក្រុង ស្រុក ឃុំ សង្កាត់ និង​មន្ត្រី​ពាក់ព័ន្ធ​ទាំងអស់​ដែល​មាន​វត្តមាន​ក្នុង​វគ្គ​បណ្តុះបណ្តាល​នេះ ត្រូវ​ខិតខំ​យកចិត្តទុកដាក់​សិក្សា​រៀនសូត្រ ត្រូវ​លើកឡើង​ជា​សំណួរ​ទៅកាន់​វាគ្មិន​ក្នុងករណី​ដែល​មិន​ច្បាស់លាស់​លើ​ចំណុច​ណាមួយ ដើម្បី​ទទួលបាន​នូវ​បទពិសោធន៍​ថ្មីៗ ដែល​ធ្វើឱ្យ​ការអនុវត្ត​កម្មវិធី​កាន់តែ​មាន​ប្រសិទ្ធភាព និង​សម្រេចបាន​លទ្ធផល​ល្អ​។ ឯកឧត្តម​ក៏​បាន​ស្នើ​ដល់​មន្ទីរ​ពាក់ព័ន្ធ ត្រូវ​បន្ត​ការតាមដាន ត្រួតពិនិត្យ ដើម្បី​ពង្រឹង​ការអនុវត្ត​មុខងារ តួនាទី ភារកិច្ច ឱ្យ​កាន់តែ​មាន​តម្លាភាព​គណនេយ្យ និង​សុក្រឹត្យភាព ដល់​រដ្ឋបាល​ក្រុង ស្រុក ឃុំ សង្កាត់ និង​មូលដ្ឋាន​សុខាភិបាល​សាធារណៈ ទាំង​លក្ខណៈ​បច្ចេកទេស និង​នយោបាយ ពិសេស​ការគ្រប់គ្រង​ក​រ​ណីមួយដ៏​សមស្រប និង​មាន​ភាព​បទ​បែន លើ​គ្រប់​ទិដ្ឋភាព​សង្គម​។​

​លោកជំទាវ ញ៉េប សុភាព រដ្ឋលេខាធិការ​ក្រសួង​សង្គមកិច្ច បាន​មានប្រសាសន៍ថា រាជរដ្ឋាភិបាល​កម្ពុជា​ថ្មីៗ​នេះ​បាន​ដាក់ចេញ​នូវ​វិធានការណ៍​អន្តរាគមន៍​គាំពារ​សង្គម តាមរយៈ​ការដាក់ចេញ​នូវ​កម្មវិធី​ជំនួយ​សង្គម​ចំនួន ២​បន្ថែម​ទៀត​គឺ​៖ កម្ម​វិធី​ទី​១៖ កម្មវិធី​ឧបត្ថម្ភ​សាច់ប្រាក់​ជូន​គ្រួសារ ងាយ​រង​ហានិភ័យ​ក្នុង​អំឡុង​ពេល​មាន​សម្ពាធ​អតិផរណា និង​កម្ម​វិធី​ទី​២៖ គឺ​កម្មវិធី​ឧបត្ថម្ភ​សាច់ប្រាក់​ជូន​គ្រួសារ​ងាយ រង​ហានិភ័យ​ដែល​រង​ផលប៉ះពាល់​ដោយ​ទឹក​ជំ​នន ដែល​យើង​កំពុង​រៀបចំ​បណ្តុះបណ្តាល​នាពេលនេះ រហូតមកដល់​ពេលនេះ កម្មវិធី​ឧបត្ថម្ភ​សាច់ប្រាក់​ពិតជា​ត្រូវបាន​ទទួលស្គាល់​ជា​យន្តការ​អន្តរាគមន៍​មួយ​ដ៏​មាន​ប្រសិទ្ធភាព​ខ្ពស់​ស្របតាម​តម្រូវការ និង​ស្ថានភាព​ជាក់ស្តែង​ក្នុងសង្គម​។​

​ឆ្លៀត​ក្នុង​ឱកាស​នោះដែរ លោកជំទាវ​បាន កោតសរសើរ និង​វាយតម្លៃ​ខ្ពស់​ចំពោះ លោក លោកស្រី​អភិបាល​នៃ​គណៈ​អភិបាលស្រុក ប្រធានការិយាល័យ​សង្គម​កិច្ច និង​សុខុមាលភាព​សង្គម​ក្រុង​-​ស្រុក មេឃុំ​-​ចៅសង្កាត់ និង​មន្ត្រី​កាន់​កម្មវិធី​ឃុំ​សង្កាត់ ដែល​បាន អញ្ជើញ​ចូលរួម​ក្នុង​វគ្គ​បណ្តុះបណ្ដាល​នាពេលនេះ ទាំងនេះ​បាន​បង្ហាញ​ពី​ការខិតខំ​យកចិត្តទុកដាក់ និង​ទទួលខុសត្រូវ​ខ្ពស់ ក្នុង​ការអនុវត្ត​កម្មវិធី​នានា​ដែល​រាជរដ្ឋាភិបាល​បាន​ដាក់ជូន ជាពិសេស​កម្មវិធី​ឧបត្ថម្ភ​សាច់ប្រាក់​ជូន​គ្រួសារ​ក្រីក្រ​ងាយ​រងគ្រោះ​ដោយ​ហានិភ័យ​ផ្សេងៗ​។​ RT

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល