ទាន់ហេតុការណ៍
លោក ហ៊ុន ម៉ា​នី បាន​ធ្វើ​ការផ្តែផ្តាំ​ដល់​សិស្ស​និស្សិត​ដែល​ត្រៀម​ទៅ​បន្ត​កម្មសិក្សា​នៅ​ប្រទេស​អ៉ីស្រាអែល អោយ​ខិតខំ​ក្រេប​យក​ចំណេះវិជ្ជា បទពិសោធន៍ ដែល​ទទួលបាន មក​ប្រើប្រាស់​ដើម្បី​ជួយ​ខ្លួនឯង គ្រួសារ និង​ចូលរួម​ជាមួយ​រាជរដ្ឋាភិបាល​ក្នុង​ការអភិវឌ្ឍ​សង្គមជាតិ​ - ក្រសួង​សុខាភិបាល​កម្ពុជា បាន​ដកចេញ​វិធានការ​សុខាភិបាល ដែល​កន្លង​ទៅ ដែល​តម្រូវ​អោយ ជន​បរទេស​ទាំងអស់​ដែល​ចូលមក​ដល់​កម្ពុជា ត្រូវ​បង្ហាញប័​ណ្ឌ​ចាក់​វ៉ាក់សាំ​ង ឬ​សេចក្តីប្រកាស​សុខភាព​ - ករណី​រំលោភ​សេពសន្ថវៈ​នៅ​ខេត្តព្រៃវែង​តាំងពី​ឆ្នាំ​២០១៦ មក​អស់លក្ខណ៍​នៅ​ភ្នំពេញ​ឆ្នាំ​២០២២! - ពិធី​សំណេះសំណាល​ជាមួយ​ក្រុមការងារ​យុវជន​គណបក្ស​ប្រជាជន​កម្ពុជា​ទូទាំង​ស្រុក​កៀនស្វាយ​ - កម្លាំង​គណៈបញ្ជាការ​ឯកភាព​ខណ្ឌ​ព្រែក​ព្នៅ​ដឹកនាំ​ដោយ​លោក សុខ បាន ដឹកនាំ​គ្រឿងចក្រ ស្តារ និងកាយ​ប្រឡាយ​រំដោះ​ទឹក មិនឲ្យ​មាន​ការលេចល​ង់​ - ប្អូនស្រី ឈរ​ងងឹតមុខ ដួល​ចូល​ខ្ទះ​លីង​អង្ករ រលួយ​រលះ​គួរអោយ​អាសូរ ! ប្រសិន​បងប្អូន​មាន​សទ្ធា​ជ្រះថ្លា សូមមេត្តា​ជួយ​តាម​លទ្ធភាព​! - ​សម្តេច​តេជោ ហ៊ុន សែន អញ្ជើញ​ប្រគល់​សញ្ញាបត្រ ដល់​និស្សិត​វិទ្យាស្ថាន​វ៉ាន់ដា ជិត​៤​ពាន់​នាក់​ - ​ឯកឧត្តម អ៊ុន ចាន់​ដា ប្រធាន​គណៈកម្មាធិការ​គណបក្ស​ខេត្ត​កំពង់ចាម អញ្ជើញ​ជា​អធិបតី​ក្នុង​ពិធី បិទ​វគ្គ​អប់រំ​នយោបាយ សម្រាប់​ថ្នាក់ដឹកនាំ​មូលដ្ឋាន​ឃុំ ភូមិ ក្នុង​ស្រុក​កងមាស​ - អបអ​សាទរ ពិធី​ប្រកាស​តែងតាំង​ប្រធាន អនុប្រធាន គណៈកម្មាធិការ​គណបក្ស និង​ប្រធាន​រណ​:​សិរ្ស​សាមគ្គី អភិវឌ្ឍ​កម្ពុជា​ស្រុក ស្រុក​ព្រៃឈរ​ - ក្រុមការងារ អាវុធហត្ថ​រាជធានី​ភ្នំពេញ នាំយក​អំណោយ​ចុះសួរសុខទុក្ខ គ្រួសារ​សមាជិក ដែល​កូន​មាន​ជំងឺ​កំពុង​សម្រាក​ព្យាបាល​នៅ​គេហដ្ឋាន​!
0

ប្រកាស​ចូល​កាន់​មុខតំណែង​អភិបាលរង នៃ​គណៈ​អភិបាលខេត្ត​ឧត្ដរមានជ័យ ក្រោម​អធិបតីភាព ឯកឧត្ដម ប៊ុន ហុន រដ្ឋលេខាធិការ និង​ជា​តំណាង​ដ៏​ខ្ពង់ខ្ពស់ សម្ដេច​ក្រឡាហោម ស ខេង​

ប្រកាស​ចូល​កាន់​មុខតំណែង​អភិបាលរង នៃ​គណៈ​អភិបាលខេត្ត​ឧត្ដរមានជ័យ  ក្រោម​អធិបតីភាព ឯកឧត្ដម ប៊ុន ហុន រដ្ឋលេខាធិការ និង​ជា​តំណាង​ដ៏​ខ្ពង់ខ្ពស់ សម្ដេច​ក្រឡាហោម ស ខេង​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

(​ឧត្ដរមានជ័យ​) ៖ នា​ព្រឹក​ថ្ងៃ​អង្គារ ១០​រោច ខែ​ភទ្របទ ឆ្នាំ​ខាល ចត្វា​ស័ក ព​.​ស​. ២៥៦៦ ត្រូវ​នឹង ថ្ងៃទី​២០ ខែ​កញ្ញា ឆ្នាំ​២០២២ រដ្ឋបាល​ខេត្ត​ឧត្ដរមានជ័យ ធ្វើ​ពិធី​ប្រកាស​ចូល​កាន់​មុខតំណែង​អភិបាលរង នៃ​គណៈ​អភិបាលខេត្ត​ឧត្ដរមានជ័យ ក្រោម​អធិបតីភាព ឯកឧត្ដម ប៊ុន ហុន រដ្ឋលេខាធិការ និង​ជា​តំណាង​ដ៏​ខ្ពង់ខ្ពស់ សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ ក្នុងនោះដែរ​ក៏​មាន​ការអញ្ជើញ​ចូលរួម​ពី​សំណាក់​ឯកឧត្ដម ប៉ែន កុសល្យ អភិបាល នៃ​គណៈ​អភិបាលខេត្ត​ឧត្ដរមានជ័យ និង​ឯកឧត្ដម ស៊ី ប្រា​សិទ្ធ ប្រធាន​ក្រុមប្រឹក្សា​ខេត្ត និង​មន្ត្រីរាជការ​ក្នុង​ខេត្ត​បាន​អញ្ជើញ​ចូលរួម​ផង​ដែរ​។
​ ​
​យោងតាម​អនុក្រឹត្យ​លេខ ៧២០ អនក្រ​.​ត​ត ចុះ​ថ្ងៃ​ទី​៥​ខែ​កញ្ញា ឆ្នាំ​២០២២ គឺ​សម្រេច​តែងតាំង​មន្ត្រី​រាជការ​៤​រូប ឱ្យ​កាន់​មុខ​តំណែង​អភិបាលរង នៃ​គណៈ​អភិបាលខេត្ត​ឧត្តរមានជ័​យ​រួមមាន​៖
•*​ទី​១៖ លោក អ៊ុន សុភ័​ក្រ ឋានន្តរ​សក្កិ​ឧត្តមមន្ត្រី​ថ្នាក់​លេខ​៥ ជា​អភិបាលរង​ខេត្ត​
•*​ទី​២៖ លោក ហោ ជិន​វរៈ​យុទ្ធ ឋានន្តរ​សក្កិ​ឧត្តមមន្ត្រី​ថ្នាក់​លេខ​៦ ជា​អភិបាលរង​ខេត្ត​
•*​ទី​៣៖ លោក ផៃ ប៊ុន​វណ្ណៈ ឋានន្តរ​សក្កិ​ឧត្តមមន្ត្រី​ថ្នាក់​លេខ​៤ ជា​អភិបាលរង​ខេត្ត​
•*​ទី​៤៖ លោក គង់ កន្នារិទ្ធ ឋាន្តរសក្កិ​ឧ្តមមន្ត្រី​ថ្នាក់​លេខ​៣ ជា​អភិបាលរង​ខេត្ត​

​នៅក្នុង​ឱកាស​នេះ​ដែរ ឯកឧត្ដម ប៉ែន កុសល្យ បាន​ថ្លែង​លើកទឹកចិត្ត និង​ផ្តាំផ្ញើ​ដល់​លោក​អភិបាលរង​ខេត្ត ដែល​ទើប​ប្រកាស​ចូល​កាន់​មុខតំណែង​ថ្មី ត្រូវ​យកចិត្តទុកដាក់​អនុវត្ត តួនាទី ភា​រ​:​កិច្ច ក្នុង​ការបំពេញ​ការងា​រ ប្រកប​ដោយ​មន សិការ វិជ្ជាជីវ​: និង​មាន​ការទទួលខុសត្រូវ​ខ្ពស់ ព្រមទាំង​មាន​កិច្ចសហការ​ល្អ មាន​សាមគ្គីភាព និង​ឯកភាព​ផ្ទៃក្នុង និង​ចូលរួម​ចំណែក​ធ្វើឲ្យ​ការអនុវត្ត​ការងារ​ក្នុង​ជួរ​គណៈ​អភិបាលខេត្ត កាន់​ត​មាន​ប្រសិទ្ធភាព​ខ្ពស់ ដើម្បី​ជំរុញ​ការអនុវត្ត​កម្មវិធី​កំណែទម្រង់​នានា​របស់​រាជរដ្ឋាភិបាល​។​

​ជាពិសេស​ការលើកកម្ពស់​ការផ្ដល់សេវា​សាធារណៈ ជូន​ប្រជាពលរដ្ឋ និង​ការអភិវឌ្ឍ​ខេត្ត ឲ្យ​កាន់តែ​មាន​ការរីកចម្រើន​ប្រកប​ដោយ​បរិយាប័​ន្ន និង​សមធម៌​សង្គម ឆ្លើយតប​ទៅនឹង​សេចក្តីត្រូវការ និង​សំណូមពរ​ជាក់ស្តែង ពិតប្រាកដ​របស់​ប្រជាពលរដ្ឋ​នៅ​មូលដ្ឋាន​ឲ្យបាន​កាន់តែ​ល្អ​ជាង​មុន ប្រសិទ្ធភាព​ជាង​មុន និង​ទទួលបាន​ផល​ច្រើនជាង​មុន​។ ជា​ពិសេស​ត្រូវ​ប្រកាន់ខ្ជាប់​នូវ​អភិក្រម​របស់​សម្តេច​តេជោ ហ៊ុន សែន នាយករដ្ឋមន្ត្រី នៃ​កម្ពុជា គឺ «​ឆ្លុះ​កញ្ចក់ ងូតទឹក ដុស​ក្អែល ព្យាបាល និង​វះកាត់​» និង​បាវចនា​ពីរ​គឺ «​កែទម្រង់​ខាងក្នុង និង​បង្កើត​មិត្ត​ខាងក្រៅ​» ដោយ​ស្មារតី​ឯករាជ្យ​។​

​ឯកឧត្ដម ប៊ុន ហុន រដ្ឋលេខាធិការ​ក្រសួងមហាផ្ទៃ បាន​ថ្លែង​លើកឡើងថា ដើម្បី​ពង្រឹង​ប្រសិទ្ធភាព​ការងារ​ដឹកនាំ​គ្រប់គ្រង នៅ​រដ្ឋបាល​ថ្នាក់ក្រោម​ជាតិ រាជរដ្ឋាភិបាល បាន​រៀបចំ​ច្បាប់ ស្តីពី​វិសោធន៍កម្ម​ច្បាប់​មាត្រ​១៤០ នៃ​ច្បាប់​ស្តីពី ការគ្រប់គ្រង​រដ្ឋបាល​រាជធានី ខេត្ត ក្រុង ស្រុក ខណ្ឌ ក្នុង​គោលបំណង​កែសម្រួល​ចំនួន​គណៈ​អភិបាល​រាជធានី​ខេត្ត ក្រុង ស្រុក ខណ្ឌ ក្នុង​ការបង្កើន​ធនធានមនុស្ស ក្នុង​ជួរ​គណៈ​អភិបាល ដែល​ជា​អង្គ​ប្រតិបត្តិ​ឱ្យមាន​ចំនួន​សមស្រប តាម​ស្ថានភាព​នៃ​កំណើនសេដ្ឋកិច្ច កំណើន​ប្រជាពលរដ្ឋ និង​ភូមិសាស្ត្រ នៃ​រដ្ឋបាល​ថ្នាក់ក្រោម​ជាតិ​នីមួយៗ ដើម្បី​ធានា​រាប់​រង​អនុវត្ត​មុខងារ និង​ធនធាន​ដែល​បាន​ផ្ទេរ​ពី​ក្រសួង ស្ថាប័ន​ថ្នាក់​ជាតិ​តំណាង​រាជរដ្ឋាភិបាល ក្រសួង ស្ថាប័ន ដូចជា​៖ ការងារ​សន្តិសុខ របៀបរៀបរយ​សាធារណ​: ច្បាប់ និង​លិខ​តិ​បទដ្ឋាន​គតិយុត្តនា​នា ឱ្យ​កាន់តែ​មាន​ប្រសិទ្ធភាព ឆ្លើយតប​តាម​តម្រូវការ​របស់​ប្រជាពលរដ្ឋ និង​ការអភិវឌ្ឍ​សេដ្ឋកិច្ច​សង្គម​នៅ​មូលដ្ឋាន​។​

​ឯកឧត្ដម​រដ្ឋលេខាធិកា​រ បាន​សម្តែង​ការកោតសរសើ និង​វាយតម្លៃ​ខ្ពស់ ចំពោះ​ក្រុមប្រឹក្សា​ខេត្ត គណៈ​អភិបាលខេត្ត និង​មន្ត្រីរាជការ​គ្រប់​លំដាប់ថ្នាក់​ក្នុង​ខេត្ត​ឧត្តរមានជ័យ ដែល​បាន​រួម​សាមគ្គី​សហការគ្នា ខិតខំ​ប្រឹងប្រែង​យ៉ាង​សកម្ម ក្នុង​ការអនុវត្ត​កម្មវិធី​នយោបាយ និង​យុទ្ធសាស្ត្រ​ចតុកោណ​របស់​រាជរដ្ឋាភិបាល​កម្ពុជា ដោយ​បាន​ជំរុញ​អភិវឌ្ឍ​ខេត្ត ឲ្យមាន​ការរីកចម្រើន​លើ​គ្រប់​វិស័យ និង​រក្សាបាន​នូវ​សន្តិសុខ សណ្ដាប់ធ្នាប់​សាធារណៈ​សង្គម បាន​ល្អប្រសើរ សំដៅលើ​កម្ពស់​ជីវភាព​របស់​ប្រជាពលរដ្ឋ និង​កាត់បន្ថយ​ភាពក្រីក្រ ជាពិសេស​ការខិតខំ​ប្រឹង​ប្រែង​របស់​រដ្ឋបាល​ខេត្ត ដែល​មិន​ត្រឹមតែ​បាន​ជំរុញ​ការកសាង​អភិវឌ្ឍន៍​ហេដ្ឋារចនាសម្ព័ន្ធ ទាំង​ទីក្រុង និង​ជនបទ​ប៉ុណ្ណោះ​ទេ ប៉ុន្តែ​ក៍​បាន​ធ្វើ​ការកែលម្អ​សោភ័ណភាព​ក្នុង​ខេត្ត យ៉ាង​ស្រស់បំព្រង​ផងដែរ​ ។

 

 

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល