ទាន់ហេតុការណ៍
​ជនជាតិ​ចិន​ជិត​៣០​នាក់​ត្រូវបាន​អាវុធហត្ថ​ភ្នំពេញ​ចុះបង្ក្រាប​ - សម្តេច​តេជោ ហ៊ុន សែន និង សម្តេច​កិត្តិ​ព្រឹទ្ធ​បណ្ឌិត បាន​រៀបចំ​ពិធីរាប់បាត្រ​ក្នុង​កិច្ច​បង្ហើយ​បុណ្យ​គម្រប់​១០០​ថ្ងៃ ឧទ្ទិស​កុសល​ជូន​វិញ្ញាណក្ខន្ធ​មហា​ឧបាសិកា ប៊ុន ស៊ា​ង​លី​ - ពិធី​បិទ​កិច្ចប្រជុំ​ផ្សព្វផ្សាយ​បទបញ្ជា​លេខ ០១ បប របស់​រាជដ្ឋាភិបាល​កម្ពុជា ស្ដីពី​ការអនុវត្ត​ផែនការ​ដោះស្រាយ​បញ្ហា​កូដកម្ម បាតុកម្ម​នៅ​តាម​មុខសញ្ញា​សម្រាប់​ឆ្នាំ​២០២០-២០២៤ - ពលរដ្ឋ​ត្រូវ​បង្កើន​ការប្រុងប្រយ័ត្ន ដើម្បី​ទប់ស្កាត់​ជំងឺ​កូវី​ដ​១៩ កុំឲ្យ​ឆ្លង​រាលដាល​ក្នុងសហគមន៍ - ឯកឧត្តម អ៊ុន ចាន់​ដា ចុះ​ពិនិត្យ បញ្ហា​វិវាទ​ដី តំបន់​មេទឹក​ក្នុងស្រុក​បាធាយ និង​កំណត់​នីតិវិធី​ឈ្នះ​ឈ្នះ​ដើម្បី​ដោះស្រាយ​ - ​អាជ្ញាធរ​និង​ជំនាញ​ត្រូវ​ឆ្លើយតប​ជា​បន្ទាន់​រាល់​សំណូមពរ​របស់​ប្រជាពលរដ្ឋ​ពី​បញ្ហា​ទាក់ទង​ផ្លូវ និង​ស្ពាន ដែល​ពិបាក​ធ្វើ​ដំណើរ​ - ឯកឧត្តម វេង សាខុន អញ្ជើញ​មក​ជួប​សំណេះសំណាល​ជាមួយ​ប្រជា​ពលរដ្ធ​និង​នាំយក​កូន​ឈើហូប​ផ្លែ​(​ដូង ខ្មុរ មាន ឬ​ស្សី ស្វាយ​ត្របែក និង​ស្តៅ​)​ពូជ មាន់​និង​ចំណី​មាន់មក​ចែក​ជូន​ប្រជា​ពលរដ្ធ​ចំនួន​២០០​គ្រួសារ​ក្នុង​ស្រុក​តា​លោ សែន​ជ័យ​ - ឯកឧត្តម អ៊ុន ចាន់​ដា អញ្ជើញ​ដឹកនាំ​ប្រតិភូ​រដ្ធបាលខេត្ត ជួបប្រជុំ​ជាមួយ​ប្រតិភូ​គណ​:​កម្មា​ការទី​៧ នៃ​ព្រឹទ្ធសភា​ - ជនសង្ស័យ​០៨​នាក់​ដែល​ជា​មុខសញ្ញា​ជួញដូរ ប្រើប្រាស់​គ្រឿងញៀន ត្រូវ​កម្លាំង​សមត្ថកិច្ច​ស្រុក​ឈូក​បង្ក្រាប​ - ទីស្នាក់ការ​គណបក្ស​ប្រជាជន​កម្ពុជា​គោក​រកា តម្លៃ​៦​ម៉ឺន​ដុល្លារ នឹង​សម្ពោធ​ឲ្យប្រើ​ប្រាស់​ ​ក្រោម​អធិបតីភាព​ដ៏​ខ្ពង់ខ្ពស់ ឯកឧត្តម ប៉ា សុជាតិ​វង្ស សមាជិក​គណៈកម្មការ​កណ្តាល និង​ជា​ប្រធាន​គណៈកម្មការ​បក្ស​រាជធានី​ភ្នំពេញ​
0

រដ្ឋបាល​ខេត្ត​កំពត ប្រារព្ធ​ពិធី​បុណ្យ​មាឃបូជា នៅ​ប្រាសាទ​ដើម​ពោធិ៍ ក្នុង​ក្រុង​កំពត ឆ្នាំ ២០២០

រដ្ឋបាល​ខេត្ត​កំពត ប្រារព្ធ​ពិធី​បុណ្យ​មាឃបូជា នៅ​ប្រាសាទ​ដើម​ពោធិ៍ ក្នុង​ក្រុង​កំពត ឆ្នាំ ២០២០

(​ខេត្ត​កំពត​)៖ នៅ​រសៀល​ថ្ងៃ​សៅរ៍ ១៥​កើត ខែមាឃ​ឆ្នាំកុរ​ឯកស័ក ពុទ្ធ​សករាជ​២៥៦៣​ត្រូវ​នឹង​ថ្ងៃទី​០៨ ខែ​កុម្ភៈ ឆ្នាំ​២០២០ រដ្ឋបាល​ខេត្ត​កំពត​បា​ន​ប្រារព្ធ​នូវ​កម្មវិធី​បុណ្យ​មាឃបូជា ដែល​កម្មវិធី​នេះ​បាន​ធ្វើឡើង​នៅ​ប្រសាទ​ដើម​ពោធិ៍ ស្ថិតនៅក្នុង​ភូមិ ១​ឧសភា សង្កាត់​កំពង់​កណ្ដាល​ក្រុង​កំពត​ខេត្ត​កំពត​។

កម្មវិធី​បុណ្យ​បាន​ប្រារព្ធ​ឡើង​មាន​ការអញ្ជើញ​និង​និមន្ត​ចូលរួម នា​ឱកាស​នោះ​ពី​សំណាក់ លោក ជាវ តា​យ អភិបាល​នៃ​គណៈ​អភិបាលខេត្ត និង​លោកស្រី ព្រមទាំង​មន្ត្រី​សង្ឃ ព្រះសង្ឃ រួម​និង លោក​-​លោកស្រី​ជា​ថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ ក្នុង​ខេត្ត និង​ប្រជា​ពុទ្ធបរិស័ទ លោកគ្រូ អ្នកគ្រូ​សិស្ស​និស្សិត យ៉ាងច្រើន​កុះករ​។​

​ពិធី​បុណ្យ​មាឃបូជា គឺជា​ពិធី​បុណ្យ​មួយ​ដ៏​មាន​សារៈសំខាន់​បំផុត នៅក្នុង​ព្រះពុទ្ធសាសនា ដែលជា​សាសនា​របស់​រដ្ឋ ហើយ​ពិធី​បុណ្យ​មាឃបូជា នេះ​ទៀតសោត គោលបំណង​ចម្បង​គឺ​ប្រារព្ធ​ឡើង សម្រាប់​រំលឹក​ដល់​ថ្ងៃ​មហា​មង្គល​ទាំងពីរ នៃ​ព្រះសម្មាសម្ពុទ្ធ​បរមគ្រូ​នៃ​យើង ដែល​ទ្រង់​ប្រជុំ ចតុរង្គសន្និបាត​និង​ប្រកាស​បាក់​ជន្មាយុ​សង្ខា​រ​។​

​មានប្រសាសន៍​សំណេះសំណាល​នាឱកាស​នោះ​លោក ជាវ តា​យ អភិបាលខេត្ត បាន​លើក​បញ្ជាក់​ថា ព្រះរាជាណាចក្រ​កម្ពុជា​យើង​មាន​បាវចនា​ជាតិ សាសនា ព្រះមហាក្សត្រ​។ ក្នុងនោះ​រាជរដ្ឋាភិបាល​កម្ពុជា​យើង តែង​បាន​លើកកម្ពស់​វិស័យ​ព្រះពុទ្ធសាសនា​ជា​សាសនា​របស់​រដ្ឋ​ទៀតផង​។​

​លោក​អភិបាលខេត្ត​ក៏​បាន​ថ្លែងអំណរគុណ​និង​កោតសរសើរ​ដល់​ព្រះសង្ឃ​ប្រជា​ពុទ្ធបរិស័ទ​រួម​នឹង​ថ្នាក់ដឹកនាំ​មន្ត្រីរាជការ​ក្នុង​ខេត្ត​កំពត​ទាំង​អស់​ដែល​តែងតែបាន​និមន្ត​និង​អញ្ជើញ​ចូលរួម ប្រារព្ធ​ធ្វើឡើង​នៅ​កម្មវិធី​បុណ្យ​សាសនា​ដ៏​មាន​សារសំខាន់​នេះ ជា​រៀងរាល់ឆ្នាំ​មិន​ដែល​អាក់ខាន​។ ព្រោះថា​ព្រះពុទ្ធសាសនា មិន​ត្រឹមតែ​បាន​ធ្វើឱ្យ​បងប្អូន​ប្រជាពលរដ្ឋ បាន​រួមរស់​ជាមួយ​គ្នា​ដោយ​សុខសាន្ត​ខាង​ផ្លូវ​ស្មារតី​ប៉ុណ្ណោះ​ទេ ប៉ុន្តែ​ថែមទាំង​បាន​រួមចំណែក​យ៉ាង​សំខាន់​នៅក្នុង​ការពង្រឹង​សណ្ដាប់ធ្នាប់ សុខសន្តិភាព ស្ថិរភាព​សង្គម ការអភិវឌ្ឍ​លើ​គ្រប់​វិស័យ និង​ថែរក្សា​ការពារ​អត្តសញ្ញាណ​ជាតិ​ទៀត​ផង​។​

​ជាមួយ​ឱកាស​នោះ លោក ជាវ តា​យ​អភិបាលខេត្ត ព្រមទាំង​ថ្នាក់ដឹកនាំ​ខេត្ត មន្ត្រីរាជការ​មន្ទីរ អង្គភាព​ជុំវិញ​ខេត្ត រួម​និង​ប្រជា​ពុទ្ធបរិស័ទ​បាន​នាំនូវ​បច្ច័យ​វេរ​ប្រគេន​ព្រះសង្ឃ​ក្នុង កម្មវិធី​បុណ្យ​សរុប ចំនួន​១២​លាន​រៀល ក្នុងនោះ​សម្រាប់​បច្ច័យ​របស់​រដ្ឋ​បាល​ខេត្ត​មាន​ប្រមាណ ចំនួន​១០​លាន​រៀល និង​បាន​ជូន ថវិកា​មួយចំនួន​ដល់​កងកម្លាំង​នាឱកាស​នោះ​ផង​ដែរ​។​

​សូមបញ្ជាក់​ថា ពិធីបុណ្យ​នា​រសៀល​ថ្ងៃ​សៅរ៍ ១៥​កើត ខែ​មាឃ ឆ្នាំ​កុរ ឯ​កស័ក ពុទ្ធ​សករាជ​២៥៦៣​ត្រូវ​នឹង​ថ្ងៃទី​០៨ ខែ​កុម្ភៈ ឆ្នាំ​២០២០​នេះ គឺ​មាន​ការ​និមន្ត​និង​អញ្ជើញ​ចូលរួម​ពី សំណាក់​ព្រះសង្ឃ​ថ្នាក់ដឹកនាំ​ខេត្ត​រួម​និង​ពុទ្ធបរិស័ទ​បាន​ចូលរួម​ដង្ហែរ​ក្បួន​តាម​ដងផ្លូវ​ក្នុង​ក្រុង​កំពត នឹង​ធ្វើ​ពិធី​វេរ​គ្រឿង​សក្ការៈបូជា​ស្វាធ្យាយ​និង​និមន្ត​ព្រះសង្ឃ​សម្ដែង​ព្រះធម៌​ទេសនា​។ ហើយ​កម្មវិធី​បុណ្យ​នេះ នឹងត្រូវ​បញ្ចប់​នៅ​ព្រឹក​ថ្ងៃអាទិត្យ ១​រោច ខែមាឃ​ឆ្នាំកុរ​ពុទ្ធ​សករាជ​២៥៦៣ ត្រូវ​នឹង​ថ្ងៃទី​០៩ ខែ​កុម្ភៈ ឆ្នាំ ២០២០ ដោយ​មាន​និមន្ត​ព្រះសង្ឃ​ធ្វើ​ពិធី បិណ្ឌបាត​ចំនួន ៥០០​អង្គ​ផង​ដែរ​៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com