ទាន់ហេតុការណ៍
សម្តេច​អគ្គមហាសេនាបតី​តេជា ហ៊ុន សែន ​ប្រកាស​ជូនដំណឹង ​បងប្អូន កុំចាញ់បោកជនខិលខូច​ដែលបាន​និង​កំពុង​ក្លែងតេ​ឡេ​ក្រាម (telegram) សម្តេច​តេជោ ហ៊ុន សែន ដោយ​យក​រូបថត សម្តេច និង សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន និង​ដាក់​ឈ្មោះ @HUN SEN 24 - លិខិត​ថ្លែងអំណរគុណ របស់លោក ឃឹម រដ្ឋា ចាងហ្វាង​គេហទំព័រ​រស្មី​ស្ទឹងត្រង់ ចំពោះសប្បុរសន ​ដែល​បាន​ចូលរួម​ថវិកា ដល់​កម្មវិធី​បុណ្យសព លោក​វរសេនីយ៍ត្រី មុំ សុវណ្ណា​រ៉ាត់ អធិការរង នៃ​អធិការដ្ឋាន​ភូមិ​ខ្លំ ឃុំ​ពាម​មន្ទា​រ ស្រុក​កំពង់ត្របែក ខេត្ត​ព្រៃវែង - រដ្ឋបាល​ស្រុក​កៀនស្វាយ​បើក​កិច្ចប្រជុំ​ពិភាក្សា​ការងារ​បរិស្ថាន​(​សំរាម​) និង​ការត្រៀម​បើក​យុទ្ធ​ការដាំ​កូនឈើ​ក្នុង​មូលដ្ឋាន​ស្រុក​! - ​ទីតាំង​ល្បែងស៊ីសង​មាន់​ជល់ តាម​អន​ឡា​ញ នៅក្នុង​ឃុំ​អង្គរ​ទ្រេត សង្ស័យ​ឆ្នាំងបាយ​របស់​លោក​អ៊ុន​ផាន អធិការ​ស្រុក​ស្វាយ​អន្ទរ - ឯកឧត្តម សាយ សំ​អាល់​៖ កម្ពុជា​អាច​លក់​កាបូន​បាន គឺជា​របត់​ថ្មី​មួយ ដែល​កម្ពុជា​អាច​រក​ចំណូល​បាន​ពី​ការ​អភិរក្ស​ធនធានធម្មជាតិ​ - ល្បែង​អន​ឡា​ញ ជល់​មាន់​តាម​កញ្ចក់​ទូរទស្សន៍ មួយ​កន្លែង​ស្ថិតនៅ​ភូមិ​បឹង​រ៉ាត់ ឃុំ​អង្គរ​ទ្រេត ស្រុក​ស្វាយ​អន្ទរ បើក​លេង យ៉ាង​ពពាក់ពពូន អាជ្ញា​ធរមាន​សមត្ថកិច្ច​មិន​បង្ក្រាប​(​វគ្គ​១) - អធិការដ្ឋាន​នគរបាល​ក្រុង​តាខ្មៅ​ឃាត់ខ្លួន​ជនសង្ស័យ​មួយរូប ករណី ជួញដូរ​ដោយ​ខុស​ច្បាប់​នូវ​សារធាតុ​ញៀន​ - ​សម្តេច​តេជោ ហ៊ុន សែន និង​សម្តេច​កិត្តិ​ព្រឹទ្ធ​បណ្ឌិត អញ្ជើញ​បូជា​គ្រឿង​សក្ការៈ​ចេតីយ៍​តម្កល់ស​ព​សម្តេច​ឧត្តម​ទេ​ពញាណ ហ៊ុន ណេង​ - តើ​ខ្នងបង្អែក​ម្ចាស់​ទីតាំង​ល្បែង អន​ឡាញ​ជល់​មាន់​តាម​កញ្ចក់​ទូរទស្សន៍ មួយកន្លែង ស្ថិតនៅ​ភូមិ​ថ្នល់​បំបែក ខាងជើង​ឃុំ​ស្វាយទាប ស្រុក​ចំការលើ ខេត្ត​កំពង់ចាម​ជា​អ្នកណា​.?​ហ៊ាន​ផ្គើន​នៅ​កិច្ចសន្យា​បន្តរ​បើក​លេង​ដោយ​រលូន​បែបនេះ​(​វគ្គ​២) - ​សម្តេច​តេជោ ហ៊ុន សែន និង​សម្តេច​កិត្តិ​ព្រឹទ្ធ​បណ្ឌិត អញ្ជើញ​បូជា​គ្រឿង​សក្ការៈ​ចេតីយ៍​តម្កល់ស​ព​សម្តេច​ឧត្តម​ទេ​ពញាណ ហ៊ុន ណេង​
0

សម្តេច​តេជោ ហ៊ុន សែន អញ្ជើញ​ព្រលែង​កូន​ត្រី ក្នុង​ទិវា​មច្ឆជាតិ​១​កក្កដា នៅ​អាង​ត្រពាំងថ្ម ខេត្ត​បន្ទាយមានជ័យ​

សម្តេច​តេជោ ហ៊ុន សែន អញ្ជើញ​ព្រលែង​កូន​ត្រី ក្នុង​ទិវា​មច្ឆជាតិ​១​កក្កដា នៅ​អាង​ត្រពាំងថ្ម ខេត្ត​បន្ទាយមានជ័យ​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

នៅ​ព្រឹក ថ្ងៃ​សុក្រ ៣​កើត ខែ​អាសាឍ ឆ្នាំ​ខាល ចត្វា​ស័ក ព​.​ស​. ២៥៦៦ ត្រូវ​នឹង ថ្ងៃទី​១ ខែកក្កដា ឆ្នាំ​២០២២ នេះ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​អញ្ជើញ​ជា​អធិបតី​ក្នុង​ពិធី​អបអរសាទរ​ទិវា​មច្ឆជាតិ ១​កក្កដា ឆ្នាំ​២០២២ ដែល​បាន​ប្រារព្ធ​ឡើង​នៅ​ទីតាំង​អាងទឹក ត្រពាំងថ្ម ភូមិ​ត្រពាំងថ្ម ឃុំ​ប៉ោយចារ ស្រុក​ភ្នំស្រុក ខេត្ត​បន្ទាយមានជ័យ​។​

​តាម​របាយការណ៍​របស់​ឯកឧត្តម វេង សាខុន រដ្ឋមន្ត្រី​ក្រសួង​កសិកម្ម រុក្ខា​ប្រមាញ់ និង​នេសាទ បានឱ្យដឹងថា កូន​ត្រី និង​ត្រី​មេ​ពូជ​ប្រមាណ ១​លាន​ក្បាល​ដែល​ត្រូវ​លែង​នា​ថ្ងៃ​នេះ​រួមមាន​៖ ប្រភេទ​ត្រី​ឆ្ពិន ត្រី​ព្រលូង ត្រី​កាហែ ត្រី​ប្រា និង​ត្រី​កន្ធរ រួម​ទាំង​ប្រភេទ​វា​រី​សត្វ​ជិត​ផុត​ពូជ​មានដូចជា​ត្រី​គល់រាំង អណ្តើក កន្ធា​យ និង​កង្កែប​ជាដើម​។ ក្រៅតែពី​លែង​កូន​ត្រី និង​ត្រី​មេ​ពូជ​ហើយ កម្មវិធី​នេះ​ក៏​មាន​ការលែង​កូន​បង្កង​ទឹកសាប​ជាថ្មី ប្រមាណ ២០​ម៉ឺន​ក្បាល​បន្ថែម​ទៀត​ផង​ដែរ​។​

​សម្តេច​តេជោ ហ៊ុន សែន ពិតជា​រីករាយ ដែល​បាន​អញ្ជើញ​មក​ព្រលែង​កូន​ត្រី និង​អបអ​សាទរ​ទិវា​មច្ឆជាតិ​១​កក្កដា​នាពេលនេះ​។ សម្តេច​តេជោ​នាយករដ្ឋមន្ត្រី​បាន​មានប្រសាសន៍ថា វត្តមាន​របស់​សម្តេច​នៅ​អាង​ត្រពាំងថ្ម​នាពេលនេះ គឺជា​វត្តមាន​លើ​ក​ទី​២​ហើយ ខណៈ​លើក​ទី​១ សម្តេច​តេជោ បាន​អញ្ជើញ​សម្ពោធ​ដាក់​ឱ្យ​ដំណើរការ​អាង​នេះ បន្ទាប់​ពី​ជួសជុល និង​កែលំអរ​រួចរាល់ កាលពី​អំឡុង​ខែ​មីនា ឆ្នាំ​២០០៦​។​

​សម្តេច​តេជោ​នាយករដ្ឋមន្ត្រី​បាន​មានប្រសាសន៍ថា ការ​ព្រលែង​កូន​ត្រី និង​ត្រី​មេ​ពូជ​នា​ថ្ងៃនេះ គឺជា​រឿង​ល្អ​មួយ​សម្រាប់​បង្កើន​ផល​ត្រី​សម្រាប់​ប្រជាពលរដ្ឋ ហើយ​ការលែង​ត្រី​មិនមែន​ធ្វើ​តែ​ក្នុង​ទិវា​មច្ឆជាតិ​១​កក្កដា​នោះ​ទេ គឺ​អាច​ធ្វើ​រាល់​ថ្ងៃ អោយតែ​មាន​កន្លែង​ព្រលែង​(​ទឹក​) និង​មានពូជ​ត្រី​សម្រាប់​ព្រលែង​។ ការដាំ​កូនឈើ​ក៏​ដូចគ្នា​ដែរ មិនមែន​ធ្វើ​តែ​នៅក្នុង​រុក្ខ​ទិវា​៩​កក្កដា​នោះ​ទេ គឺ​អាច​ធ្វើ​បាន​រាល់ថ្ងៃ​។​

​ជាថ្មី​ម្តងទៀត សម្តេច​តេជោ ហ៊ុន សែន បាន​បន្ត​ក្រើនរំលឹក​ដល់​អភិបាលខេត្ត​ជុំវិញ​បឹង​ទន្លេសាប ទាំងអស់​ត្រូវ​អនុវត្ត​ន៍​ឱ្យបាន​ច្បាស់លាស់​លើ​ការ​កាត់​ឆ្វៀល​ដី​តំបន់​អភិរក្ស​នៅ​បឹង​ទន្លេសាប ជូន​ប្រជាពលរដ្ឋ​ដែល​កាន់កាប់​យូរ​ឆ្នាំ​មកហើយ​នោះ តាម​អ្វី​ដេល​សម្តេច​បាន​ដាក់ចេញ​នូវ​បទបញ្ជា​កន្លងទៅនេះ​។ សម្តេច​តេជោ ក៏​ថ្លែង​នូវ​ការអំពាវនាវ​អោយ​ប្រជាពលរដ្ឋ​នៅ​បឹង​ទន្លេសាប កុំឱ្យ​មាន​ការកាប់​ទន្ទ្រាន​យក​ដី​អភិរក្ស​តំបន់​២ និង​៣​បន្តទៀត​។

​នៅថ្ងៃនេះ សម្តេច​តេជោ​នាយករដ្ឋមន្ត្រី ក៏​បាន​ប្រកាស និង​ចេញ​បទបញ្ជា​ឱ្យ​អាជ្ញាធរ​មីន និង​វិស័យ​ឯកជន ក្នុង​ការដោះមីន​នៅ​ឃុំ​ប៉ោយចារ និង​តំបន់​អាង​ត្រពាំងថ្ម នេះ ដោយ​ត្រូវ​ដោះ​ឱ្យអស់​នៅ​ចុងឆ្នាំ​២០២២​នេះ និង​ត្រូវ​ប្រែក្លាយ​តំបន់​នេះ​ជា​តំបន់​ដែល​គ្មាន​មីន​តទៅទៀត​។ ជាមួយគ្នា​នោះ សម្តេច​តេជោ ក៏​បាន​ណែនាំ​ឱ្យ​អាជ្ញាធរ​ខេត្ត​បន្ទាយមានជ័យ​រៀបចំ​ដាក់​គម្រោង​ជួសជុល​ស្ពាន​ដែល​ខូចខាត​កន្លងមក​ដោយ​ទឹក​ជំនន់​នៅ​ខេត្ត​បន្ទាយមានជ័យ នេះ ក្នុង​កញ្ចប់​ថវិកា​សម្រាប់​ក្រសួង​អភិវឌ្ឍន៍​ជនបទ​នៅ​ឆ្នាំ​២០២៣​។​

​នៅថ្ងៃនេះ សម្តេច​តេជោ ហ៊ុន សែន បាន​ថ្លែងអំណរគុណ​ដល់​ប្រជាពលរដ្ឋ​ខេត្ត​បន្ទាយមានជ័យ​ក៏ដូចជា​ប្រជាពលរដ្ឋ​ទូទាំងប្រទេស​ដែល​បាន​បោះឆ្នោត​ជូន​គណបក្ស​ប្រជាជន​កម្ពុជា​កន្លង​ទៅ​ថ្មីៗ​នេះ​។ សម្តេច​តេ​ជោបាន​មានប្រ​សាសន៍ថា ការបោះឆ្នោត​របស់​ប្រជាពលរដ្ឋ​ក្នុង​ការគាំទ្រ​គណបក្ស​ប្រជាជន​កម្ពុជា គឺជា​ការបោះឆ្នោត​ជ្រើសរើស​យក​សុខសន្តិភាព និង​ការអភិវឌ្ឍ​។ សម្តេច​តេជោក៏បាន​បង្ហាញ​ក្តីសង្ឃឹ​ម​ថា ប្រជា​ពលរដ្ឋ​នឹង​បន្ត​បោះឆ្នោត​ជូន​គណបក្ស​ប្រជាជន​កម្ពុជា​ជា​បន្ត​ទៀត នៅ​ឆ្នាំ​២០២៣​ខាងមុខនេះ​។

​ព័ន្ធ​ទៅនឹង​ជំងឺ​កូវី​ដ​-១៩ សម្តេច​តេជោ ហ៊ុន សែន បានប្រកាសថា ថ្ងៃទី​៣០ ខែមិថុនា ម្សិលមិញ កម្ពុជា​បន្ត​រក​ឃើញ​អ្នក​ឆ្លងកូវី​ដ​-១៩ ចំនួន​៣​ករណី​។ សម្តេច​តេជោ បន្ត​អំពាវនាវ​អោយ​ប្រជាពលរដ្ឋ​ទៅ​ចាក់​វ៉ាក់សាំង​បង្ការ​ជំងឺ​កូវី​ដ​-១៩ ជា​បន្ត​ទៀត ហើយ​សម្តេច​តេជោ​បញ្ជាក់ថា ទោះ​ចាក់​ដល់​ដូសទី​២០ ក៏ដោយ ក៏​រដ្ឋាភិបាល​មិន​យក​លុយ​ពី​ប្រជាជន​ខ្លួន​ដែរ​។​

​ទាក់ទង​នឹង​អ្នក​បំពុល​រឿងកូ​វីដ​-១៩ នៅថ្ងៃនេះ សម្តេច​តេជោ ហ៊ុន សែន បាន​មានប្រសាសន៍ថា មាន​បុគ្គល​ម្នាក់​ត្រូវបាន​ចាប់ខ្លួន​ហើយ បន្ទាប់​ពី​បំពុល​ព័ត៌មាន​តាម Tik Tok ពាក់ព័ន្ធ​នឹង​ការ​លើ​ឡើង​ថា​មាន​អ្នក​ស្លាប់​ដោយសារ​ជំងឺ​កូវី​ដ​-១៩​នៅ​ខេត្ត​កោះកុង​។ សម្តេច​តេជោ​នាយករដ្ឋមន្ត្រី ហាម​ដាច់ខាត​មិន​ឱ្យ​យក​ករណី​ជំងឺ​កូវី​ដ​-១៩ ទៅ​បំភ្លើស ឬ​លេងសើច​លើ​បណ្តាញ​សង្គម​នោះ​ឡើយ បើ​យក​ទៅ​លេងសើច ឬ​បំភ្លៃ​ការពិត គឺ​មិន​អាច​រួចខ្លួន​នោះឡើយ គឺ​ត្រូវតែ​អនុវត្ត​ច្បាប់​។​

​មុន​នឹង​បញ្ចប់ ជាមួយនឹង​ការ​អបអរសាទរ​ទិវា​មច្ឆជាតិ ១​កក្កដា ឆ្នាំ​២០២២ សម្ដេច​តេជោ ហ៊ុន សែន ក៏​បាន​ប្រកាស និង​ព្រលែង​កូន​ត្រី​ប្រមាណ​ជាង​១​លាន​ក្បាល​ចូលទៅ​ក្នុង​អាងទឹក​ត្រពាំងថ្ម​នា​ថ្ងៃនេះ ក្នុង​បរិយាកាស​រីករាយ​ក្រៃលែង និង​អំពាវនាវ​អោយ​បងប្អូន​ប្រជាពលរដ្ឋ​ចូលរួម​ថែរក្សា​មច្ឆជាតិ​ទាំងអស់គ្នា​អោយបាន​គង់វង្ស​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 | អ៊ីម៉ែល៖ mailtobot168@gmail.com

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល