ទាន់ហេតុការណ៍
នាយ​ឧត្តមសេនីយ៍សៅ សុខា​អនុញ្ញាតឱ្យ​នាយ​នគរបាល​ជាន់ខ្ពស់ អូស្ត្រាលី​ចូលជួប​សម្តែង​ការគួរសម និង​ពិភាក្សា​ការងារ - លោកនាយក​រដ្ឋមន្ត្រី ហ៊ុន សែន​៖ ទោះបី​ក្នុង​កាលៈទេសៈ​ណា​ក៏​ដោយ រាជរដ្ឋាភិបាល​កម្ពុជា បន្ដ​រក្សា​ស្ថិរភាព​នយោបាយ និង​ស្ថិរភាព​ម៉ាក្រូសេដ្ឋកិច្ច​ឱ្យបាន​ល្អ​ប្រសើរ​ - សម្តេច​តេជោ ហ៊ុន សែន និង​សម្តេច​កិត្តិ​ព្រឹទ្ធ​បណ្ឌិត​អញ្ជើញ​ទៅ​បុណ្យ​ឆ្លង​ភ្ជុំបិណ្ឌ​នៅ​វត្ត​វាំង​ចាស់​ - ស្អែក​នេះ​សម្តេច​ហ៊ុន​សែន​និង​ភរិយា​នឹង​ទៅ​ចូលរួម​ពិធីបុណ្យ​ភ្ជុំបិណ្ឌ​នៅ​វត្ត​វាំង​ចាស់​ខេត្តកំពង់ស្ពឺ - សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន អញ្ជើញ​បូជា​ទៀន ធូប ផ្កា​ភ្ញី ថ្វាយ​ព្រះ​រតនត្រ័យ និង​នាំយក​នូវ​គ្រឿងឧបភោគ​-​បរិភោគ ចង្ហាន់​បិណ្ឌ​បាត្រ និង​បច្ច័យ​ទៅ​កាន់បិណ្ឌ​វេន​ទី​១៣ នៅ​វត្ត​បទុម​វ​តីរា​ជ​វ​រា​រាម​ - អភិបាលខេត្ត​កណ្ដាល ចូលរួម​ក្នុង​ពិធី​ផ្ដល់​ជីសរីរាង្គ​ដែលជា​អំណោយ​របស់​ក្រុមហ៊ុន​ជប៉ុន ជូន​ដល់​សហគមន៍​កសិកម្ម​ចំនួន ២១ ទូទាំង​ខេត្ត​កណ្ដាល - លំនៅឋាន​ស្តង់ដា​ជប៉ុន ចាប់ផ្តើម​បើក​លក់​ដំណាក់កាល​ទី​២ - ក្រសួង​កសិកម្ម​កំពុង​ប្រឹងប្រែង​យកចិត្តទុកដាក់​ខ្ពស់​លើ​ការស្រាវជ្រាវ​និង​សហការ​ជាមួយ​វិស័យ​ឯកជន​និង​ដៃគូ​អភិវឌ្ឍន៍​បាន​ដាក់​ឲ្យ​ដំណើ​រនូវ​ឧបករណ៍​និង​គ្រឿងយន្ត​មួយចំនួន​បញ្ជ្រាប​ទៅក្នុង​សហគមន៍ - ​អនុ​មោទនា ពិធី​បុណ្យកាន់បិណ្ឌ វេន​ទី​៩ វត្ត​ព្រះពុទ្ធ​ឃោសនា​ចារ្យ (​ហៅ​ចិន​ដំ​ដែក​ខាងត្បូង​) - សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន អញ្ជើញ​ដាក់​បិណ្ឌ​ទី​៩ នៅ​វត្ត​មុនី​សុវណ្ណ ហៅ​ចំពុះក្អែក​
0

​អគ្គស្នងការដ្ឋាន​នគ​របាល​ជាតិ បើក​កិច្ចប្រជុំ​ពិនិត្យ​វាយតម្លៃ​សភាពការណ៍​បទល្មើស លួច ឆក់ ក្នុង​រាជធានី​ភ្នំពេញ​, ខែ​ធ្នូ ឆ្នាំ​២០១៩ បទល្មើស​កើតឡើង​៥៦​ករណី បង្ក្រាបបាន​៤១​ករណី​

​អគ្គស្នងការដ្ឋាន​នគ​របាល​ជាតិ បើក​កិច្ចប្រជុំ​ពិនិត្យ​វាយតម្លៃ​សភាពការណ៍​បទល្មើស លួច ឆក់ ក្នុង​រាជធានី​ភ្នំពេញ​, ខែ​ធ្នូ ឆ្នាំ​២០១៩ បទល្មើស​កើតឡើង​៥៦​ករណី បង្ក្រាបបាន​៤១​ករណី​

(​ភ្នំពេញ​)៖ លេខាធិការដ្ឋាន​បង្ការ ទប់ស្កាត់ និង​បង្ក្រាប​អំពើ​លួច ឆក់ ក្នុង​ភូមិសាស្ដ្រ​រាជធានី​ភ្នំពេញ នៃ​អគ្គស្នងការដ្ឋាន​នគរ​បាល​ជាតិ នៅ​ព្រឹក​ថ្ងៃទី​១៧ ខែ​មករា ឆ្នាំ​២០២០​នេះ បាន​បើក​កិច្ចប្រជុំ​ត្រួតពិនិត្យ​វាយតម្លៃ​សភាពការណ៍​បទល្មើស​លួច ឆក់ នៅ​រាជធានី​ភ្នំពេញ ប្រចាំ​ខែ​ធ្នូ ឆ្នាំ​២០១៩ និង​លើក​ទិសដៅ​បន្ដ​។​

​កិច្ចប្រជុំ​នេះ ដឹកនាំ​ដោយ​លោក​ឧត្តមសេនីយ៍ឯក អ៉ិន បូរ៉ា អគ្គស្នងការ​រង​នគរបាលជាតិ និង​មាន​ការចូលរួម​ពី​ប្រធាន​នាយកដ្ឋាន​ពាក់ព័ន្ធ​, អនុប្រធាននាយកដ្ឋាន​, ស្នងការរង​នគរបាល​រាជធានី​ភ្នំពេញ​, នាយការិយាល័យ នៃ​នាយកដ្ឋាន​ជំនាញ និង​ស្នងការដ្ឋាន​នគរបាល​រាជធានី​ភ្នំពេញ និង​អធិការ​ខណ្ឌ​ទាំង​១៤ ព្រមទាំង​មន្ដ្រី​ពាក់ព័ន្ធ​ជាច្រើន​រូប​ទៀត​ផង​ដែរ​។​

​យោងតាម​របាយការណ៍​របស់ លោក​ឧត្តមសេនីយ៍ទោ ស៊ុយ សុគន្ធា អនុប្រធាននាយកដ្ឋាន​នគរបាល​ព្រហ្មទណ្ឌ និង​ជា​ប្រធាន​លេខាធិការដ្ឋាន​បង្ការ ទប់ស្កាត់ និង​បង្ក្រាប​អំពើ​លួច​ឆក់ នៃ​អគ្គស្នងការដ្ឋាន​នគរ​បាល​ជាតិ បានឲ្យដឹងថា បទល្មើស​ជា​រួម​កើតឡើង​នៅក្នុង​ខែ​ធ្នូ ឆ្នាំ​២០១៩​កន្លងទៅ មាន​ចំនួន​៥៦​ករណី កើន​២​ករណី ក្នុងនោះ​បទ​លួច​២៧​ករណី និង​បទ​ឆក់​២៩​ករណី​។​

​បើ​តាម​លោក​ឧត្តមសេនីយ៍ទោ ស៊ុយ សុគន្ធា ជា​លទ្ធផល​នៃ​ប្រតិបត្តិការ ដោយ​មាន​ការខិតខំ​ប្រឹង​ប្រែង​ពី​កងកម្លាំង​គ្រប់​អង្គភាព​ទាំងអស់ បាន​សហការ​គ្នា​ចូលរួម​បង្ក្រាប ចំនួន​សរុប​៤១​ករណី ចាប់​ជនសង្ស័យ​៥២​នាក់ ក្នុង​នោះ​ជនសង្ស័យ​បង្ក្រាប​បាន​ក្រោយ​ធ្វើតេស្ដ​ធ្លាប់ប្រើ​សារធាតុ​ញៀន មាន​៤៨​នាក់ ស្មើនឹង​៩២​ភាគរយ​។​

​ថ្លែង​ក្នុង​ឱកាស​នោះ លោក​ឧត្តមសេនីយ៍ឯក អ៉ិន បូរ៉ា នៅតែ​បន្ដ​ក្រើនរំលឹក និង​ដាក់បទបញ្ជា​យ៉ាង​ម៉ឹងម៉ាត់​ដោយ កម្លាំង​នាយកដ្ឋាន​ជំនាញ​ពាក់ព័ន្ធ ត្រូវ​សហការ​ជាមួយ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ធ្វើ​យ៉ាងណា​ត្រូវតែ​បង្ការ ទប់ស្កាត់​កុំ​ឲ្យ​បទល្មើស​កើតមាន ហើយ​ប្រសិនបើ​បទល្មើស​កើតឡើង​រួចហើយ ត្រូវតែ​រួម​គ្នា​បង្ក្រាប​ឲ្យខាងតែបាន សម្ដៅ​កាត់បន្ថយ​បទល្មើស​ក្នុង​រាជធានី​ភ្នំពេញ​។​

​អគ្គស្នងការ​រង​នគរបាល​ជាតិ​រូបនេះ ក៏​បាន​កោតសរសើ​រដល់​កងកម្លាំង​គ្រប់​អង្គភាព​ទាំងអស់ ដែល​កន្លង​ទៅ​សហការ​គ្នា​បាន​យ៉ាង​ល្អ ក្នុង​ការបង្ក្រាប​បទល្មើស​ដែល​កើតមាន​។ បន្ថែម​ពី​នេះ លោក​ក៏​បាន​ណែនាំ​ឲ្យ​រិះរ​កនៅ​អ្វី​ដែល​ជា​បញ្ហា​ប្រឈម ដែល​នាំ​ឲ្យ​បទល្មើស​កើតឡើង​។​

​លើសពីនេះ លោក​ឧត្តមសេនីយ៍ឯក អ៉ិន បូរ៉ា បាន​បញ្ជា​ឲ្យ​ពង្រឹង និង​ជំរុញ​ការងារ​គ្រប់គ្រង​មុខសញ្ញា និង​នីតិវិធី​កសាង​សំណុំរឿង ដើម្បី​មាន​ភស្ដុតាង រឹងមាំ​ដាក់បន្ទុក ផ្តន្ទាទោស​ឲ្យបាន​កម្រិត​ខ្ពស់ (​បទឧក្រិដ្ឋ​) ស្រប​តាម​ក្រម​ព្រហ្មទណ្ឌ​។ ពិនិត្យឡើងវិញ​ករណី​មុខសញ្ញា​ឆក់ ដែល​ត្រូវបាន​ដោះលែង ហើយ​ធ្វើ​សកម្មភាព​ឡើងវិញ ដើម្បី​រាយការណ៍​ជូន​ថ្នាក់ដឹកនាំ​មាន​វិធានការ​បន្ដ និង​បន្ដ​ស្រាវជ្រាវ​ស៊ើបអង្កេត​បង្ក្រាប​ករណី​សេសសល់​៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com