កំពុងធំ ÷ ម៉ាស៊ីនអារច្រៀកឈើជាច្រើនកន្លែងនៅក្នុងភូមិស្នោខ្លី ក្នុងដែនគ្រប់គ្រងលោកសូ រ៉ាត់ នាយសង្កាត់រដ្ឋបាលព្រៃឈើតាំង ក្រសាំង ស្រុកសន្ទុក ខេត្តកំពង់ធំ នឹងលោកផល នាយផ្នែករដ្ឋបាលព្រៃឈើកំពង់ថ្ម ដែលថៅកែម៉ាស៊ីន ឈ្មោះអាត បានឆ្លើយដាក់ថាបានបង់បាយទឹក ឱ្យជារៀងរាល់ខែ ។
ចំពោះបញ្ហានេះលោក សូ រ៉ាត់ បានបដិសេធថាមិនដឹងទេ ចំណែកលោក ផល នាយផ្នែករដ្ឋបាលព្រៃឈើកំពង់ថ្ម ទូរស័ព្ទតេចូលហើយគ្មានអ្នកលើក បើលោក ប៊ុន សុធី នាយខណ្ឌរដ្ឋបាលព្រៃឈើកំពង់ធំ តេចូលហើយមិនលើកទូរស័ព្ទឡើយ។
បងប្អូនប្រជាពលរដ្ឋដែលស្នេហាលើវិស័យធនធានធម្មជាតិឃើញសកម្មភាពដែលដឹកឈើចូលមកអារច្រៀកនៅតាមរោងម៉ាស៊ីន ដែលមានទីតាំងខាងលើនេះ សូមសំណូមពរទៅឯកឧត្តម ងួន រតនៈ អភិបាលនៃគណៈអភិបាលខេត្តកំពង់ធំមេត្តាមានបទបញ្ជា ផងទាន មិនមែនជាលក្ខណៈគ្រួសារទេនេះជាឈ្មួញបានធ្វើសកម្មភាពយ៉ាងអាណាធិបតេយ្យ រាប់ឆ្នាំមកហើយនៅក្នុងភូមិ ស្នោខ្លី ប្រភពជាឆ្នាំងបាយ របស់ លោកផល នាយផ្នែករដ្ឋបាលព្រៃឈើកំពង់ថ្ម និងលោកសូ រ៉ាត់ នាយសង្កាត់រដ្ឋបាលព្រៃឈើតាំងក្រសាំងតែប៉ុណ្ណោះ ៕