កណ្ដាល ៖ នៅវេលាម៉ោង 4 ល្ងាចថ្ងៃទី27 ខែកញ្ញា ឆ្នាំ2021 នៅភូមិកណ្ដាលលើ ឃុំបន្ទាយដែក ស្រុកកៀនស្វាយ ខេត្តកណ្ដាល នៅចំនុចគីឡូម៉ែត្រ 30 នឹង31 មានករណីគ្រោះថ្នាក់ចរាចរណ៍រវាងរថយន្តតូរីសពណ៌សពាក់ស្លាកលេខភ្នំពេញ2F 2136និងម៉ូតូ ដ្រីមសង់011ពណ៌ខ្មៅពាក់ស្លាកលេខតាកែវ 1F 0492 បណ្ដាលឲ្យបុរសម្នាក់បាត់បង់ជីវិតនៅនឹងកន្លែងកើតហេតុភ្លាមៗ ។
បើតាមប្រភពអ្នកដែលបានឃើញហេតុការណ៍បានឲ្យដឹងថា មុនពេលកើតហេតុ គេឃើញរថយន្តតូរីពណ៌សពាក់ស្លាកលេខខាងលើបានធ្វើដំណើរពីកើតទៅលិចរីឯម៉ូតូឌ្រីមសង់ធ្វើដំណើរពីលិចទៅកើតបញ្ច្រាស់ទិសគ្នាដល់ចំណុចកើតហេតុម៉ូតូក៏បុកគ្នាជាមួយឡានតូរីសផ្នែកខាងឆ្វេងចង្កៀងយ៉ាងពេញទំហឹងបណ្ដាលឲ្យបុរសម្នាក់ស្លាប់នៅនឹងកន្លែងកើតហេតុភ្លាមៗជនរងគ្រោះដែលបានស្លាប់បាត់បង់ជីវិតនោះឈ្មោះ ងៀង វ៉ាងឡុក ដែលរស់នៅក្នុងឃុំសំរោងធំម្ដុំជីផ្កាយប្រាំ គឺជាជនជាតិវៀតណាម ។ រីឯតៃកុងរថយន្តតូរីសបានចតរថយន្តចំងាយប្រហែល150ម៉ែត្រកន្លែងពីកើតហេតុរត់គេចខ្លួនបាត់ពីហេតុភ្លាមៗក្រោយកើតហេតុភ្លាមៗនោះក៏មានការចុះមកដល់ផ្ទាល់ដល់កន្លែងកើតហេតុភ្លាមៗពីលោកអធិការស្រុកកៀនស្វាយ លោកវីរៈសេនីយ៍ឯក ព្រំសំណាង និងលោកមេប៉ុស្តិ៍បន្ទាយដែក អនុសេនីយ៍ឯក សុខ ណេត នឹងលោកអធិការរងទទួលបន្ទុកចរាចរណ៍ស្រុកកៀនស្វាយធ្វើការវាស់វែងរថយន្តនិងម៉ូតូយកទៅរក្សាទុកនៅអធិការដ្ឋានស្រុកកៀនស្វាយរង់ចាំការដោះស្រាយតាមនីតិវិធីច្បាប់ចំណែកឯជនរងគ្រោះដែលបានបាត់បង់ជីវិតនោះក៏ត្រូវបានសមត្ថកិច្ចប្រគល់អោយក្រុមគ្រួសារយកទៅធ្វើពិធីបុណ្យសពតាមប្រពៃណី។
ជាចុងក្រោយសូមបងប្អូនទាំងអស់គ្នាបើកបរដោយប្រុងប្រយ័ត្នទាំងអស់គ្នា កុំប្រហែស កុំព្រហើន រក្សាជីវិតយើងទាំងអស់គ្នា សូមចូលរួមគោរពច្បាប់ចរាចរណ៍ទាំងអស់គ្នា ៕
