ក្នុងឱកាសអបអរសាទរបុណ្យចូលឆ្នាំថ្មីប្រពៃណីជាតិខ្មែរ ឆ្នាំម្សាញ់ សប្ពស័ក ពុទ្ធសករាជ ២៥៦៨ គ្រិស្តសករាជ ២០២៥ ដែលនឹងឈានមកដល់នាពេលខាងមុខ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន សូមថ្លែងអំណរព្រះគុណ និងអរគុណ ប្រគេនព្រះថេរានុថេរៈគ្រប់ព្រះអង្គ និងជូនដល់ថ្នាក់ដឹកនាំ និងមន្ត្រីរាជការទាំងអស់ របស់ក្រសួងបរិស្ថាន និងរបស់ក្រសួង ស្ថាប័នពាក់ព័ន្ធ រដ្ឋបាលថ្នាក់ក្រោមជាតិ អាជ្ញាធរមូលដ្ឋានគ្រប់ថ្នាក់ អង្គការដៃគូសហការជាតិ និងអន្តរជាតិវិស័យកជន សិស្សានុសិស្ស យុវជន ព្រះសង្ឃ កម្មករកម្មការិនី សង្គមស៊ីវិល យុវជនកាកបាទក្រហម យុវជនកាយប្ញទ្ធិ និងប្រជាពលរដ្ឋទូទាំងប្រទេស ដែលបានគាំទ្រ និងចូលរួមអនុវត្តយុទ្ធសាស្ត្រចក្រាវិស័យបរិស្ថាន ដែលឈរលើសសរស្តម្ភចំនួនបីគឺ «ភាពស្អាត ភាពបៃតង និងចីរភាព» និងយុទ្ធនាការរបស់ក្រសួងបរិស្ថានដែលបានដាក់ចេញជាបន្តបន្ទាប់រួមមាន៖ យុទ្ធនាការ «ថ្ងៃនេះ ខ្ញុំមិនប្រើថង់ប្លាស្ទិកទេ» យុទ្ធនាការ «កម្ពុជាស្អាត ខ្មែរធ្វើបាន» និងយុទ្ធនាការសម្អាតផ្លូវជាតិ «ផ្លូវជាតិគ្មានសំរាម និងសំណល់ប្លាស្ទិក» យ៉ាងផុសផុលសម្អាតផ្ទះរបស់យើងទាំងអស់គ្នា ឈានឆ្ពោះទៅភាពស្អាតរបស់សង្គមជាតិ និងនាំឱ្យប្រទេសកម្ពុជាស្អាត៕
