ទាន់ហេតុការណ៍
​ឧត្តមសេនីយ៍ឯក រ័ត្ន ស្រ៊ាង បាន​ចាត់​ក្រុមការងារ នាំយក​ស្បៀង​ឧបត្ថម្ភ​ដល់​ប្រជាពលរដ្ឋ​៣១​នាក់ ក្នុង​សង្កាត់​ព្រៃ​ស ដែល​កំពុង​ធ្វើ​ចត្តា​ឡី​ស័ក ព្រោះ​ជាប់​ពាក់ព័ន្ធ ជាមួយ​បុគ្គល​វិជ្ជមាន​ជំងឺ​កូវី​ដ​-១៩ ដែល​ធ្វើការ​នៅ​រោងចក្រ ឌី​ន ហាន​! - អាជ្ញាធរ​សម្រេច Lock Down ផ្សារ​ចាស់ ក្នុង​ខណ្ឌ​ដូនពេញ ក្រោយ​មាន​អ្នក​ឆ្លងកូវី​ដ​. អ្នកពាក់ព័ន្ធ​ត្រូវបាន​យក​សំណាក​ - រដ្ឋបាល​ខណ្ឌដូនពេញ​សំណេះសំណាល​លើក​ទឹកចិត្ត​និង​ផ្តល់​អំណោយ​របស់ ឯកឧត្តម ហ៊ុន ម៉ា​នី និង​ឯកឧត្តម សាយ សំ​អាល់ ជូន​ដល់​លោក​លោកស្រី​ចៅសង្កាត់​ទាំង ១១ - ​សម្តេច​តេជោ ហ៊ុន សែន អញ្ជើញ​ជួប​សន្ទនា​តាម​ប្រព័ន្ធ​វីដេអូ​ជាមួយ​នាយក​រដ្ឋមន្ត្រី​ឡាវ​ - ​អាវុធហត្ថ​រាជធានី​ភ្នំពេញ សម្តែង​ការថ្លែងអំណរគុណ​ចំពោះ ក្រុមហ៊ុន ជី​ហ្គៀ គ្រុប​! - ថ្នាក់ដឹកនាំ​រដ្ឋបាលខេត្ត​តាកែវ អញ្ជើញ​រៀបចំ​ពិធី​បួងសួង​សុំ​សេចក្ដី ពី លោក​តាកែវ លោកយាយ​កែវ ដើម្បី​ឱ្យ​បងប្អូន​ប្រជាពលរដ្ឋ នៅ​ទូទាំង​ខេត្ត ជៀស​ឆ្ងាយ​ពី​ជំងឺ​កូវី​ដ​១៩ - ​នាយ​ឧត្តមសេនីយ៍ វង្ស ពិ​សេន បន្ត​ចុះ​អប់រំ​ផ្សព្វផ្សាយ​វិធានការ​ទប់ស្កាត់​ការរីក​រាលដាល​ជំងឺ​កូវី​ដ​-១៩ ដល់​មន្ត្រី​មូលដ្ឋាន​ស្រុក​ពារាំង​ - ​លោកជំទាវ ឱ វណ្ណឌី​ន ÷ បើ​ចង់ឱ្យ​វ៉ាក់ស៊ាំង​មាន ប្រសិទ្ធភាព​ត្រូវ​តម​រឿង ២ យ៉ាង​នេះ​មុន​ - ​រាជរដ្ឋាភិបាល​កម្ពុជា សម្រេច​បិទ​ការធ្វើដំណើរ​ឆ្លងកាត់​ពី​ខេត្ត​មួយ​ទៅ​ខេត្ត​មួយ​ជា​បណ្តោះអាសន្ន រយៈពេល​១៤​ថ្ងៃ ចាប់ពី​ម៉ោង​សូន្យ​ចូល​ថ្ងៃទី​៧ រហូត​ដល់​ថ្ងៃ​ទី​២០ ខែ​មេសា​ - ​ឧត្តមសេនីយ៍ឯក ហ៊ុន ម៉ា​ណែ​ត ផ្តល់​ស័ង្កសី និង​បញ្ជា​ឱ្យ​កងកម្លាំង ជួយ​សង្គ្រោះ​ប្រជាពលរដ្ឋ រងគ្រោះ​ដោយ​ខ្យល់​កន្ត្រាក់​នៅ​ប៉ោយប៉ែត​
0

លោកស្រី ឱ វណ្ឌ​ឌី​ន អំពាវនាវ​ដល់​ប្រជាពលរដ្ឋ សូម​ប្រុងប្រយ័ត្ន​ខ្ពស់​ចំពោះ​វីរុស​កូវី​ដ​១៩ បំប្លែង​ថ្មី កាច​សាហាវ បើ​មិន​ចាំបាច់​កុំ​ចេញពីផ្ទះ ការជួប​ជុំរៀប​មង្គល​ការ ឡើងផ្ទះ និង​បុណ្យទាន សូម​ពន្យារ​ពេល​សិន​

លោកស្រី ឱ វណ្ឌ​ឌី​ន អំពាវនាវ​ដល់​ប្រជាពលរដ្ឋ សូម​ប្រុងប្រយ័ត្ន​ខ្ពស់​ចំពោះ​វីរុស​កូវី​ដ​១៩ បំប្លែង​ថ្មី កាច​សាហាវ បើ​មិន​ចាំបាច់​កុំ​ចេញពីផ្ទះ ការជួប​ជុំរៀប​មង្គល​ការ ឡើងផ្ទះ និង​បុណ្យទាន សូម​ពន្យារ​ពេល​សិន​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

(​ភ្នំពេញ​) ​លោកស្រី​ឱ វណ្ណឌី​ន រដ្ឋលេខាធិការ និង​ជា​អ្នកនាំពាក្យ​ក្រសួង​សុខាភិបាល នៅ​ព្រឹក​ថ្ងៃទី​១៣ ខែ​មីនា ឆ្នាំ​២០២១​នេះ បាន​អំពាវនាវ​ជា​ថ្មី​ម្តង​ហើយ​ម្តងទៀត សូមឲ្យ​បងប្អូន​ប្រជាពលរដ្ឋ​ទាំងអស់ បន្ត​ការប្រុងប្រយ័ត្ន​ខ្ពស់ ចំពោះ​វីរុស​កូវី​ដ​១៩ បំប្លែង​ថ្មី ដែល​កំពុង​ចា​រាចរ​សកម្ម​ខ្លាំងក្លា​បំផុត នៅ​ប្រទេស​កម្ពុជា​។​

​លោកស្រី​បន្ថែមថា ដើម្បី​ទប់ស្កាត់​ការរីក​រាលដាល​នៃ​ជំងឺ​កូវី​ដ​១៩ បំប្លែង​ថ្មី​នេះ កុំ​ឲ្យ​កាន់តែ​ធ្ងន់ធ្ងរ​ឡើង គឺមាន​តែ​ការចូលរួម​ពី​ប្រជាពលរដ្ឋ​គ្រប់រូប ដោយ​ត្រូវ​នៅផ្ទះ និង​មិន​ត្រូវ​ធ្វើការ​ចល័ត​ពី​កន្លែង​មួយ​ទៅ​កន្លែង​មួយ ចំពោះ​ការជួបជុំ​គ្នា​ច្រើន​វិញ ដូចជា​ពី​ធី​មង្គលការ ឡើងផ្ទះ បុណ្យ​សាសនា​ផ្សេងៗ សូម​ពន្យារ​ពេល​សិន​។​

​លោកស្រី ឱ វណ្ឌ​ឌី​ន បាន​ថ្លែង «​ខ្ញុំ​សូម​ធ្វើការ​អំពាវនាវ​ហើយ​អំពាវនាវ​ទៀត សូម​បងប្អូន​ប្រជាពលរដ្ឋ​ទាំងអស់ បន្ត​ការប្រុងប្រយ័ត្ន​ខ្ពស់​មែនទែន លើ​ស្ថានភាព​ឆ្លង​បច្ចុប្បន្ននេះ ដែល​ខ្ញុំ​ធ្លាប់​បាន​ពន្យល់​រួចហើយ គឺ​វីរុស​កូវី​ដ​-១៩ បំប្លែង​ថ្មី កំពុងតែ​ចរាចរ​យ៉ាង​សកម្ម​ខ្លាំង​ក្លា​នៅក្នុង​ប្រទេស​កម្ពុជា ដោយ​យើង​មិនដឹងថា វា​នៅ​ទី​ណាខ្លះ​នោះទេ ជាពិសេស​នៅ​រាជធានី​ភ្នំពេញ​នេះ​តែម្តង ដែល​មាន​ការចម្លង​បន្ត​គ្នា​លឿន​ណាស់ និង​ឆ្លង​បន្ត​ទៅ​ខេត្ត​មួយចំនួន​រួចទៅហើយ​។

ដូច្នេះ​ពេល​នេះ នៅផ្ទះ និង​កុំ​ធ្វើការ​ចល័ត​ពី​កន្លែង​មួយ​ទៅ​កន្លែង​មួយ ហើយ​មិន​ត្រូវ​បង្ក​ការជួបជុំ​គ្នា​ច្រើន​ណាមួយ​នោះ​ទេ ដូចជា​ពី​ធី​មង្គលការ ឡើងផ្ទះ បុណ្យ​សាសនា​ផ្សេងៗ ដោយ​ពន្យារពេល គឺ​ត្រូវតែ​ធ្វើ​នៅ​ពេល​នេះ​ជា​ចាំបាច់​បំផុត ដែល​ជា​វិធានការ​ជួយ​ដល់​ការ​កាត់ផ្តាច់ បាន​នូវ​ការចម្លង​ពី​បុគ្គល​ម្នាក់ ទៅ​បុគ្គល​ម្នាក់​ទៀត​បាន​ជា​អតិប្បរិមា​។ ជ្រើសរើស​យក​ការបញ្ឈប់​ការជួបជុំ ឬ​ការពន្យា​ពេល​នៃ​ការរៀបចំ​ពិធី​នានា ល្អប្រសើរ​ជាជាង​ការឆ្លង​ហើយ​អាច​ស្លាប់ បាន​គ្រប់ពេលវេលា​នាពេលនេះ​»​។​

​អ្នកនាំពាក្យ​រូប​នេះ​បន្តថា សូម​ចងចាំ​ថា​វីរុស​បំប្លែង​ថ្មី​នេះ សាហាវ​ជាង និង​ខ្លាំង​ជាង​វីរុស​នា​ពេល​មុនៗ ដែល​អាច​ធ្វើឱ្យ​បុគ្គល​ស្លាប់​បាន​គ្រប់ពេលវេលា ដែល​ថ្មីៗ​នេះ យើង​មាន​ករណី​ស្លាប់​មួយ​នាក់​រួច​ទៅ​ហើយៗ ក៏​នៅ​មាន​អ្នក​ដែល​ស្ថិតក្នុង​សភាព​ធ្ងន់ធ្ងរ​មួយ​ចំនួន​ទៀត​ដែរ ដែល​ក្រុមគ្រូពេទ្យ​កំពុងតែ​ជួយសង្គ្រោះ យ៉ាង​មមាញឹក​ជាទីបំផុត​។​

​លោកស្រី​បាន​សូមឲ្យ​បងប្អូន​ប្រជាពលរដ្ឋ​ថែរក្សា​សុខភាព និង​មើល​កូនចៅ​ឱ្យបាន​ល្អ កុំ​ឱ្យ​ដើរ​ចេញ​ក្រៅ​រហេតរហូត សម្រាប់​មនុស្សពេញវ័យ បើ​មិន​មាន​ការចាំបាច់​ទេ​នោះ​សូម​នៅផ្ទះ ល្អ​ជាង​ការ​ចល័ត​ទៅ​កន្លែង​នេះ​កន្លែង​នោះ ដែល​មិន​មាន​ភាពចាំបាច់ ដែល​មាន​ហានិភ័យ​ចម្លង​វីរុស​បម្លែង​ថ្មី​នេះ​ខ្ពស់​ណាស់ សម្រាប់​លោក​អ្នក​នាពេល​នេះ​។​

​ដំណាក់កាល​នេះ ជា​ដំណាក់​លំបាក​ដែល​បុគ្គល​គ្រប់រូប មាន​កាតព្វកិច្ច​ចាំបាច់ ក្នុង​ការចូលរួម​អនុវត្តន៍​វិធានការ​សុខាភិបាល និង​វិធានការ​ផ្សេងៗ​ទៀត ដែល​លោកនាយក​រដ្ឋមន្ដ្រី ហ៊ុន សែន និង​ក្រសួង​សុខាភិបាល​បាន​ដាក់ចេញ ដូច​ជា​ការអំពាវនាវ​ខាងលើ​នេះ​ជាដើម ហើយ​រួម​សាមគ្គី​គ្នា​ប្រយុទ្ធ​នឹង​សត្រូវ​អត់​ស្រមោល និង​មិន​ដឹង​ថា​នៅ​ទីណា​នោះ​ទាំងអស់គ្នា ដែល​យើង​អាច​ឆ្លងកាត់​ការលំបាក​នាពេលនេះ​ទាំងអស់​។​

​លោកស្រី​សង្កត់ធ្ងន់ថា បរាជ័យ ឬ​ជោគជ័យ​លើ​ការប្រយុទ្ធ​នឹង​ស​ត្រូវកូ​វីដ​-១៩ បំប្លែង​ថ្មី​នាពេលនេះ គឺ​អាស្រ័យ​លើ​ការចូលរួម​របស់​បង​ប្អូន​ទាំងអស់គ្នា និង​សូម​បងប្អូន​ប្រជាពលរដ្ឋ​ទាំងអស់​មាន​សុខភាព​ល្អ និង​ចៀសផុត​ពី​ការចម្លង​វីរុស​កូវី​ដ​-១៩ បម្លែង​ថ្មី​នា​ពេលនេះ​ផងដែរ ៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 | អ៊ីម៉ែល៖ mailtobot168@gmail.com

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល