ទាន់ហេតុការណ៍
​ឧត្តមសេនីយ៍ឯក រ័ត្ន ស្រ៊ាង បាន​ចាត់​ក្រុមការងារ នាំយក​ស្បៀង​ឧបត្ថម្ភ​ដល់​ប្រជាពលរដ្ឋ​៣១​នាក់ ក្នុង​សង្កាត់​ព្រៃ​ស ដែល​កំពុង​ធ្វើ​ចត្តា​ឡី​ស័ក ព្រោះ​ជាប់​ពាក់ព័ន្ធ ជាមួយ​បុគ្គល​វិជ្ជមាន​ជំងឺ​កូវី​ដ​-១៩ ដែល​ធ្វើការ​នៅ​រោងចក្រ ឌី​ន ហាន​! - អាជ្ញាធរ​សម្រេច Lock Down ផ្សារ​ចាស់ ក្នុង​ខណ្ឌ​ដូនពេញ ក្រោយ​មាន​អ្នក​ឆ្លងកូវី​ដ​. អ្នកពាក់ព័ន្ធ​ត្រូវបាន​យក​សំណាក​ - រដ្ឋបាល​ខណ្ឌដូនពេញ​សំណេះសំណាល​លើក​ទឹកចិត្ត​និង​ផ្តល់​អំណោយ​របស់ ឯកឧត្តម ហ៊ុន ម៉ា​នី និង​ឯកឧត្តម សាយ សំ​អាល់ ជូន​ដល់​លោក​លោកស្រី​ចៅសង្កាត់​ទាំង ១១ - ​សម្តេច​តេជោ ហ៊ុន សែន អញ្ជើញ​ជួប​សន្ទនា​តាម​ប្រព័ន្ធ​វីដេអូ​ជាមួយ​នាយក​រដ្ឋមន្ត្រី​ឡាវ​ - ​អាវុធហត្ថ​រាជធានី​ភ្នំពេញ សម្តែង​ការថ្លែងអំណរគុណ​ចំពោះ ក្រុមហ៊ុន ជី​ហ្គៀ គ្រុប​! - ថ្នាក់ដឹកនាំ​រដ្ឋបាលខេត្ត​តាកែវ អញ្ជើញ​រៀបចំ​ពិធី​បួងសួង​សុំ​សេចក្ដី ពី លោក​តាកែវ លោកយាយ​កែវ ដើម្បី​ឱ្យ​បងប្អូន​ប្រជាពលរដ្ឋ នៅ​ទូទាំង​ខេត្ត ជៀស​ឆ្ងាយ​ពី​ជំងឺ​កូវី​ដ​១៩ - ​នាយ​ឧត្តមសេនីយ៍ វង្ស ពិ​សេន បន្ត​ចុះ​អប់រំ​ផ្សព្វផ្សាយ​វិធានការ​ទប់ស្កាត់​ការរីក​រាលដាល​ជំងឺ​កូវី​ដ​-១៩ ដល់​មន្ត្រី​មូលដ្ឋាន​ស្រុក​ពារាំង​ - ​លោកជំទាវ ឱ វណ្ណឌី​ន ÷ បើ​ចង់ឱ្យ​វ៉ាក់ស៊ាំង​មាន ប្រសិទ្ធភាព​ត្រូវ​តម​រឿង ២ យ៉ាង​នេះ​មុន​ - ​រាជរដ្ឋាភិបាល​កម្ពុជា សម្រេច​បិទ​ការធ្វើដំណើរ​ឆ្លងកាត់​ពី​ខេត្ត​មួយ​ទៅ​ខេត្ត​មួយ​ជា​បណ្តោះអាសន្ន រយៈពេល​១៤​ថ្ងៃ ចាប់ពី​ម៉ោង​សូន្យ​ចូល​ថ្ងៃទី​៧ រហូត​ដល់​ថ្ងៃ​ទី​២០ ខែ​មេសា​ - ​ឧត្តមសេនីយ៍ឯក ហ៊ុន ម៉ា​ណែ​ត ផ្តល់​ស័ង្កសី និង​បញ្ជា​ឱ្យ​កងកម្លាំង ជួយ​សង្គ្រោះ​ប្រជាពលរដ្ឋ រងគ្រោះ​ដោយ​ខ្យល់​កន្ត្រាក់​នៅ​ប៉ោយប៉ែត​
0

សម្តេច​តេជោ ហ៊ុន សែន អញ្ជើញ​ធ្វើ​សន្និសីទ​សារព័ត៌មាន ក្រោយ​ចាក់​វ៉ាក់សាំង​កូវី​ដ​-១៩

សម្តេច​តេជោ ហ៊ុន សែន អញ្ជើញ​ធ្វើ​សន្និសីទ​សារព័ត៌មាន ក្រោយ​ចាក់​វ៉ាក់សាំង​កូវី​ដ​-១៩

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

(​ភ្នំពេញ​) នៅ​ព្រឹក​ថ្ងៃទី​០៤ ខែ​មីនា ឆ្នាំ​២០២១​នេះ ក្រោយពី​ទទួលបាន​វ៉ាក់សាំង​រួចហើយ សម្ដេច​អគ្គមហាសេនាបតី​តេជោ​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​អញ្ជើញ​ធ្វើ​សន្និសីទ​សារព័ត៌មាន​ជុំវិញ​ការ​វិវឌ្ឍន៍​ថ្មីៗ នៃ​ស្ថានភាព​ជំងឺ​កូវី​ដ​-១៩ និង​ការប្រើប្រាស់​វ៉ាក់សាំង​កូវី​ដ​-១៩ នេះ​ផង​ដែរ​។​

​សម្តេច​តេជោ ហ៊ុន សែន បាន​មានប្រសាសន៍ថា កម្ពុជា​អាចមាន​លទ្ធភាព​ក្នុង​ការទទួលបាន​ជំនួយ​វ៉ាក់សាំង​ប្រឆាំង​កូវី​ដ​ឈ្មោះ​(​ស៊ីណូ​ហ្វាម Sinopharm ) ពី​ចិន​លើសពី​១​លាន​ដូស ខណៈ​ចំនួន ៤០​ម៉ឺន​ដូស​បន្ថែម នឹង​មកដល់​កម្ពុជា​មុន​ចូលឆ្នាំ​ខ្មែរ​ខាងមុខនេះ​។ សម្តេច​តេជោ​នាយករដ្ឋមន្ត្រី បាន​មានប្រសាសន៍​បញ្ជាក់​ជា​ថ្មី​អំពី​មូលហេតុ​ដែល​សម្តេច​មិន​អាច​ចាក់​វ៉ាក់សាំង​ស៊ីណូ​ហ្វាម​របស់​ចិន ដោយសារ​តែ​កត្តា​អាយុ​ដែល​កំណត់​គឺ​១៨​ឆ្នាំ​ដល់​៥៩​ឆ្នាំ ហើយ​វ៉ាក់សាំង​ថ្មី​ឈ្មោះ អា​ស្ត្រា​ហ្សេ​នីកា (AstraZeneca )​នេះ មិន​មាន​ការកំណត់​អាយុ​នោះទេ​។​

​សម្តេច​តេជោ​នាយករដ្ឋមន្ត្រី បាន​ថ្លែងអំណរគុណ​ដល់​ដៃគូ​អន្តរជាតិ​នានា ដែល​បាន​ជួយ​សម្រួបសម្រួល​ក្នុង​ការ​ផ្តល់ជំនួយ​វ៉ាក់សាំ​ងដល់​ប្រទេស​កម្ពុជា​នា​ពេល​នេះ​។
​ប្រទេស​កម្ពុជា​ជា​ប្រទេស​ទី​១ នៅ​អាស៊ី​ប៉ាស៊ីហ្វិក ដែល​ទទួលបាន​វ៉ាក់សាំង​ពី​មជ្ឈមណ្ឌល​កូវ៉ាក់ (COVAX Facility) នាពេលនេះ​។​

នៅពេល​ខាងមុខ កម្ពុជា​នឹង​អាចនឹងទទួល វ៉ាក់សាំង​២០​ភាគរយ នៃ​ចំនួន​ប្រជាពលរដ្ឋ ពី​មជ្ឈមណ្ឌល​កូវ៉ាក់ ប៉ុន្តែ​ការទទួល​នេះ នឹង​ធ្វើឡើង​តាម​ដំណាក់កាល​ដែល​ឆមាស​ទី​១ កម្ពុជា​នឹង​បាន​ជាង​១​លាន​ដូស និង​ជំហាន​បន្តបន្ទាប់​ទៀត​។ សម្តេច​តេជោ ហ៊ុន សែន បាន​ស្នើ​ឲ្យ​ក្រសួង​សុខាភិបាល​រៀបចំ​ចាក់​វ៉ាក់សាំង​ឈ្មោះ អា​ស្ត្រា​ហ្សេ​នីកា (AstraZeneca ) ជូន​ប្រជាពលរដ្ឋ​ទូទៅ​ដែល​មាន​អាយុ​ចាប់ពី​៦០​ឆ្នាំ​ឡើង ជាពិសេស​ជំហាន​ដំបូង​អាទិភាព​សំខាន់​គឺ​ខេត្ត​ក្រុង​គោលដៅ​ចំនួន​បី​គឺ​រាជធានី​ភ្នំពេញ ខេត្ត​កណ្តាល និង​ខេត្ត​ព្រះសីហនុ ដែល​ជា​ខេត្ត​ក្រុង​ប្រឈម​នឹង​ការរីក​រាលដាល​ជំងឺ​កូវី​ដ​-១៩ ដែល​ទាមទារ​ឲ្យមាន​ការចាក់ជា​បន្ទាន់ទៅដ​ល់​ប្រជាពលរដ្ឋ​ដែល​កំពុង​ប្រឈម​នឹង​ការឆ្លង​ជំងឺ​នេះ​។​

​សម្តេច​តេជោ​នាយករដ្ឋមន្ត្រី​បាន​មានប្រសាសន៍​បញ្ជាក់​ថា ការ​រក្សាទុក វ៉ាក់សាំង​ស៊ីណូ​ហ្វាម (Sinopharm) មាន​រយៈពេល​១​ឆ្នាំ នឹង​ផុតកំណត់ ចំណែក​វ៉ាក់សាំង អា​ស្ត្រា​ហ្សេ​នីកា (AstraZeneca )​មាន​រយៈពេល​ត្រឹម​៩​ខែ​ប៉ុណ្ណោះ នឹង​ហួសពេល​កំណត់​ហើយ​។
​សម្តេច​តេជោ​បានអនុញ្ញា​ត​ឱ្យ​មន្ត្រី​ទូត ដៃគូ​អភិវឌ្ឍ អង្គការ​សង្គម​ស៊ីវិល​ដែល​កំពុង​បម្រើ​ការងារ និង​រស់នៅ​ក្នុង​ប្រទេស​កម្ពុជា​អាច​ទទួលបាន វ៉ាក់សាំង Astra Zeneca នៅ​កម្ពុជា​បាន ដោយ​មិន​មាន​ការគិតថ្លៃ​អ្វី​នោះ​ទេ​។

សម្តេច​តេជោ​បាន​ប្រកាស​ថា មន្ត្រី និង​ប្រជាពលរដ្ឋ​ទូទៅ ដែល​មាន​អាយុ​ចាប់ពី​៦០​ឆ្នាំ​ឡើង​លើ នឹង​ផ្តល់​លទ្ធភាព​ឱ្យ​ចាក់​វ៉ាក់សាំង ឈ្មោះ អា​ស្ត្រា​ហ្សេ​នីកា (Astra Zeneca ) ចំណែក​អ្នក​អាយុ​៥៩​ឆ្នាំ ចុះក្រោម អនុញ្ញាត​ឱ្យ​ចាក់​វ៉ាក់សាំង​ឈ្មោះ ស៊ីណូ​ហ្វាម​( Sinopharm)​ដោយសារ​ចំនួន​វ៉ាក់សាំង​មាន​កម្រិត​។​

​សម្តេច​តេជោ​នាយករដ្ឋមន្ត្រី​បាន​មានប្រសាសន៍​បញ្ជាក់​ថា ការចាក់​វ៉ាក់សាំង​មិនមែន​ជា​ដំណោះស្រាយ ក្នុង​ការលុបបំបាត់កូ​វីដ​-១៩​ពី​កម្ពុជា​នោះទេ ប៉ុន្តែ​ត្រូវ​បូករួម​ជាមួយ​នឹង​វិធានការ (​បី​កុំ និង​បី​ការពារ )​ថែម​ទៀត​ទើប​ជា​ដំណោះស្រាយ​ដ៏​ល្អ និង​មាន​ប្រសិទ្ធភាព​ដើម្បី​ទប់ស្កាត់​ការរីក​រាលដាល​នៃ​ជំងឺ​កូវី​ដ​-១៩​។ រហូត​ម​ដល់ពេលនេះ មិន​មាន​ប្រភព​ណា​បញ្ជាក់​ច្បាស់​ថា ការចាក់​វ៉ាក់សាំង​នឹង​មាន​ប្រសិទ្ធភាព​ការពារ ក្នុង​រយៈពេល​ណាមួយ ឬ​១​ជីវិត​នោះទេ ដូច្នេះ​មានតែ​វិធី​ការពារ​អនុវត្ត​តាម​ការណែនាំរ​បស់​ក្រសួងសុខាភិបាល​តែ​ប៉ុណ្ណោះ​ទើប​ល្អប្រសើរ​។ សម្តេច​តេជោ ហ៊ុន សែន មានប្រសាសន៍​ប្រកាស​ថា កម្ពុជា​ទទួល​យក​ការផ្គត់ផ្គង់​វ៉ាក់សាំង​១​សែន​ដូសពី​ឥណ្ឌា ប៉ុន្តែ​កម្ពុជា​នឹង​ស្នើ​ទិញ​១​លាន​ដូស​ថែមទៀត នៅ​ខែ​ឧសភា ខាងមុខនេះ​។

ក្រៅពី​វ៉ាក់សាំង​ស៊ីណូ​ហ្វាម និង អា​ស្ត្រា​ហ្សេ​នីកា កម្ពុជា​កំពុង​ពិនិត្យមើល​វ៉ាក់សាំង​ប្រភេទ​ផ្សេងៗ​មួយចំនួន​ទៀត​ផងដែរ​។​

​នៅថ្ងៃនេះ សម្ដេច​តេជោ​នាយករដ្ឋមន្ត្រី បាន​អំពាវនាវ​ដល់​ពលរដ្ឋ កុំ​ធ្វើ​ដំណើរ​ចេញចូល​ខេត្ត​ព្រះសីហនុ បើ​មិន​ចាំបាច់​នោះទេ និង​អំពាវនាវ​ដល់​ពលរដ្ឋ​ខេត្ត​ព្រះសីហនុ កុំ​ចេញ​ឆ្លងខេត្ត​ដទៃទៀត​ក្នុង​មួយ​រយៈពេល​នេះ ដោយសារ​តែ​ជំងឺ​កូវី​ដ​-១៩ កំពុងតែ​មាន​ការឆ្លង​ជា​ហូរហែ​នោះ ។

​ទន្ទឹម​នឹង​នោះ​សម្ដេច​តេជោ ក៏បាន​សម្រេច​ផ្អាក​ការធ្វើដំណើរ​របស់​ប្រជាពលរដ្ឋ​ទេសចរណ៍​ចូល​ខេត្ត​ព្រះសីហនុ ប៉ុន្តែ​ការ​ដឹកទំនិញ​ចេញ​ចូល​នៅ​ប្រព្រឹត្ត​ដដែល និង​បាន​បន្ត​អំពាវនាវ​ជា​ថ្មី​ឱ្យ​ប្រជាពលរដ្ឋ​នៅ​ភ្នំពេញ កុំ​ចេញពីផ្ទះ បើសិនជា​គ្មាន​ភាពចាំបាច់​នោះទេ ដើម្បី​ចូលរួម​ទប់ស្កាត់​ការចម្លង​ជំងឺ​កូវី​ដ​-១៩​ទាំងអស់គ្នា​។ សម្តេច​តេជោ ក៏​បាន​ឯកភាព​ជាមួយ​សំណើ​ក្រសួង​អប់រំ ឱ្យ​បិទ​សាលារៀន នៅ​រាជធានី​ភ្នំពេញ ខេត្ត​កណ្តាល និង​ខេត្ត​ព្រះសីហនុ មួយរយៈ​បន្តទៀត​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 | អ៊ីម៉ែល៖ mailtobot168@gmail.com

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល