ទាន់ហេតុការណ៍
​សម្តេច តេជោ​ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន​ចាក់​វ៉ាក់សាំង​កូវី​ដ​-១៩ AstraZeneca មុនគេ នៅ​កម្ពុជា​ - ​នាយ​ឧត្តមសេនីយ៍ សៅ សុខា បាន​ចាក់​វ៉ាក់សាំង​ការពារ​ជំងឺ​កូវី​ដ​១៩ លើក​ទី​២ - ​ឯកឧត្តម ឃួ​ង ស្រេង អភិបាល នៃ​គណ​:​អភិបាល​រាជធានី​ភ្នំពេញ អញ្ជើញ​ចុះ​សួរសុខទុក្ខ​ក្រុមគ្រូពេទ្យ​និង​សមត្ថកិច្ច​នៅ​ប្រចាំការ​ - អជ្ញាធរ​ខណ្ឌដូនពេញ អនុញ្ញាត​អោយ​រថយន្ត​ធុន​ធំ​ទាំង ៤១​គ្រឿង ត្រឡប់​ទៅ​វិញ​ហើយ​បន្ទាប់​ពី​ធ្វើការ​អប់រំ​ណែនាំ​រួច​! - សម្តេច​ពិជ័យ​សេនា​ទៀ បាញ់​ឧបនាយករដ្ឋមន្ត្រី រដ្ឋមន្ត្រី​ក្រសួង​ការពារជាតិ​អញ្ជើញ​ចុះ​ត្រួតពិនិត្យ​ការចាក់​វ៉ាក់សាំង​បង្ការ​ជំងឺ​កូវី​ដ​.១៩..!! - សម្ដេច​តេជោ ហ៊ុន សែន ថ្ងៃនេះ​គឺជា​ខួប​៤២​ឆ្នាំ នៃ​ការជួបគ្នា​ឡើងវិញ រវាង​ខ្ញុំ​និង​ភរិយា​ខ្ញុំ (២៤ កុម្ភះ ១៩៧៩- ២៤ កុម្ភះ ២០២១) - លោក​ឧត្តមសេនីយ៍ត្រី ឈួន គឹម​សាន និង​មន្ដ្រីក្រោមឱវាទ បាន​អញ្ជើញ ចូលរួម​គោរព​វិញ្ញាណក្ខន្ធ​សព លោក​វរ​:​សេនីយ៍​ទោ លឹម ឆាយ ជា​ប្រធាន​ស្រាវជ្រាវ​ព័ត៌មាន និង​សន្តិសុខ នៅ​ខេត្ត​ព្រៃវែង​! - សម្តេច​តេជោ ហ៊ុន សែន អញ្ជើញ​ថ្លែង​សារ​ពិសេស​ទៅកាន់​បងប្អូន​ជនរួមជាតិ ពាក់ព័ន្ធ​នឹង​ករណី​ជំងឺ​កូវី​ដ​១៩​ឆ្លង​សហគមន៍​២០​កុម្ភៈ - ឧត្តមសេនីយ៍ឯក រ័ត្ន ស្រ៊ាង បំពាក់​ឋានន្តរសក្តិ ជូន​ដល់ នាយទាហាន នាយទាហានរង ពលទាហាន នៃ កងរាជអាវុធហត្ថ​រាជធានី​ភ្នំពេញ - ​សម្ដេច​តេជោ ហ៊ុន សែន បាន​បន្ដ​ផ្ដល់​ជំ​នួន​ថវិកា​ចំនួន​១៥០០​លាន​រៀល សម្ភារ​:​និង​ស្បៀង​មួយចំនួន​ទៀត​ដល់​ខេត្ត​ចំនួន​៤ នៅ​ជាប់​ព្រំដែន​កម្ពុជា​-​ថៃ ដើម្បី​រៀបចំ​ធ្វើ​ចត្តា​ឡី​ស័ក សម្រាប់​ពលករ​ខ្មែរ​ដែល​វិលត្រឡប់ !
0

អភិបាល​ខេត្ត​កំពត ណែនាំ​ដាក់​វិធានការ​ឲ្យ​អាជ្ញាធរ​និង​កងកម្លាំង​សមត្ថកិច្ច​តាម​ព្រំដែន​អនុវត្ត​បទបញ្ជា​សម្ដេច​តេជោ​ហ៊ុន សែន ដើម្បី​បង្ការ​ទប់ស្កាត់​កូវី​ដ​-១៩

អភិបាល​ខេត្ត​កំពត ណែនាំ​ដាក់​វិធានការ​ឲ្យ​អាជ្ញាធរ​និង​កងកម្លាំង​សមត្ថកិច្ច​តាម​ព្រំដែន​អនុវត្ត​បទបញ្ជា​សម្ដេច​តេជោ​ហ៊ុន សែន ដើម្បី​បង្ការ​ទប់ស្កាត់​កូវី​ដ​-១៩

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

(​ខេត្ត​កំពត​)៖ បន្ទាប់ពី​ទទួលបាន​នូវ​បទបញ្ជា​យ៉ាង​ម៉ឺងម៉ាត់​របស់​សម្ដេច​តេជោ​ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ក្នុង​ការដាក់​វិធានការ​រឹតបន្តឹង​ឱ្យ​អាជ្ញាធរ​ខេត្ត ដែល​ជាប់​ព្រំដែន​ជាមួយ​ប្រទេស​ជិតខាង បង្កើន​ស្មារតី​ប្រុងប្រយ័ត្ន​ខ្ពស់​អំពី​បញ្ហា​ការបង្ការ​ទប់ស្កាត់​នៃ​ការ​នាំចូល មេ​រោគកូ​វីដ​១៩​មក​ក្នុង​ប្រទេស ពិសេស​ការ​ផ្ទុះឡើង​នៅ​ក្នុង​សហគម​ន៍​មួយ​ចំនួន​នៃ​ប្រទេស​វៀតណាម​ពេល​ថ្មីៗ​នេះ​។​

​ដើម្បី​អនុវត្ត​ឱ្យ​ទទួលបាន​ប្រសិទ្ធភាព លោក ជាវ តា​យ អភិបាល​ខេត្ត​កំពត អមដំណើរ​ដោយ​អភិបាលរង​ខេត្ត​មួយចំនួន នៅ​ថ្ងៃ​ទី​០៥ ខែ​កុម្ភៈ ឆ្នាំ ២០២១ បាន​ចុះ​ទៅ​ដល់​ច្រកទ្វារ​ព្រំដែន​អន្តរជាតិ​ព្រែក​ចាក បើក​កិច្ចប្រជុំ​បន្ទាន់​មួយ ដាក់​វិធានការ​ឲ្យ​អាជ្ញាធរ​ស្រុក សមត្ថកិច្ច​កងកម្លាំង និង​មន្ត្រី​ពាក់ព័ន្ធ ឈរជើង​តាម​ច្រកទ្វារ និង​តាម​ខ្សែ​បន្ទាត់​ព្រំដែន​កម្ពុជា​វៀតណាម ក្នុង​ភូមិសាស្ត្រ​ខេត្ត​កំពត ដើម្បី​ដាក់​ជា​វិធានការ រឹតបន្ដឹង​ឲ្យ​អនុវត្ត បាន​ម៉ឺងម៉ាត់ ពី​បញ្ហា​ការបង្ការ​ទប់ស្កាត់ ការនាំ​ចូល​មេ​រោគកូ​វីត​១៩​មក​ក្នុង​ប្រទេស​កម្ពុជា​។​

​លោក ជាវ តា​យ អភិបាលខេត្ត បាន​លើក​បញ្ជាក់​ថា បើទោះបី​រយៈពេល​កន្លងមក អាជ្ញាធរ​ស្រុក​ជាប់​ព្រំដែន និង​កងកម្លាំង​សមត្ថកិច្ច​ពាក់ព័ន្ធ ដែល​ឈរជើង​តាម​ច្រកទ្វារ​និង​ខ្សែបន្ទាត់​ព្រំដែន​កម្ពុជា​វៀតណាម បាន​អនុវត្ត​តាម​បទបញ្ជា​របស់​រាជរដ្ឋាភិបាល ក៏ដូចជា​វិធានការ​ណែនាំ​របស់​ក្រសួង​សុខាភិបាល​និង​ក្រសួងមហាផ្ទៃ ក្នុង​ការបង្ការ​ទប់ស្កាត់​ជម្ងឺ​កូវី​ត​១៩​មាន​លក្ខណៈ​ល្អប្រសើរ​យ៉ាងណាក្ដី ។ ប៉ុន្តែ​នៅ​ចំពោះ​មុខ​នេះ គ្រប់​អាជ្ញាធរ​ស្រុក កងកម្លាំង​សមត្ថកិច្ច​ពាក់ព័ន្ធ ដែល​នៅ​ច្រកទ្វារ និង​ឈរជើង​តាម​បណ្ដា​ខ្សែ​បន្ទាប់​ព្រំដែន​គោក​និង​ព្រំដែន​ទឹក កម្ពុជា​-​វៀតណាម ក្នុង​ភូមិសាស្ត្រ​ខេត្ត​កំពត​ទាំងអស់ ត្រូវតែ​បង្កើន​ស្មារតី​យកចិត្តទុកដាក់​អនុវត្ត បទបញ្ជា​របស់​សម្ដេច​តេជោ​ហ៊ុន សែន ក្នុង​ការបង្ការ​ទប់ស្កាត់​ការនាំ​ចូល​នៃ​ជំងឺ​កូវី​ដ​១៩​ពី​បណ្ដា​ប្រទេសជិតខាង​ជាប់​ព្រំដែន​។ ជា ពិសេស​សម្រាប់​ខេត្ត​កំពត​ដែល​ជាប់​ព្រំដែន​ប្រទេស​វៀតណាម​ឲ្យបាន​ម៉ឺងម៉ាត់​និង​មាន​ប្រសិ​ទ្ធភាព​ដាច់ខាត​។​

​លោក​អភិបាលខេត្ត ក៏​បាន​ណែនាំ​ដាក់​ជា​វិធានការ ដល់​កងកម្លាំង​សមត្ថកិច្ច​ឈរជើង តាម​ច្រកទ្វារ​និង​តាម​ខ្សែ​បន្ទាត់​ព្រំដែន​គោក​ព្រំដែន​ទឹក​រវាង​កម្ពុជា​វៀតណាម ក្នុង​ភូមិសាស្ត្រ​ខេត្ត​កំពត​ទាំងអស់​។ ស្ថិតនៅ​ក្នុង​កាលៈទេសៈ​បច្ចុប្បន្ននេះ គឺ​ត្រូវ​ទប់ស្កាត់​ឲ្យបាន​ម៉ឺងម៉ាត់​ចំពោះ​ប្រជាពលរដ្ឋ​កម្ពុជា​ដែល​ចេញ​ទៅ​ប្រទេស​វៀតណាម​ក្នុង​ករណី​ដែល​មិន​មាន​ការចាំបាច់​ធំដុំ​បំផុត ហើយ​ចំពោះ​ការវិល​ចូល​មក កម្ពុជា​វិញ​មិន​ថា​ប្រជា​ពលរដ្ឋ​ខ្មែរ ឬ​បរទេស​ត្រូវ​តែ​អនុវត្ត​ឲ្យបាន​ម៉ឺងម៉ាត់​នូវ​វិធានការ​ចត្តា​ឡីស័​ក​រយៈពេល​១៤​ថ្ងៃ​ជា​ដាច់ខាត​តាម​វិធានការ​ណែនាំ​របស់​ក្រសួង​សុខាភិបាល ដោយ​គ្មាន​ការលើកលែង​។ ពិសេស​ផងដែរ​ក៏​ត្រូវ​រឹតបន្តឹង​ហាមឃាត់​មិន​ត្រូវ​អនុញ្ញាត​ឲ្យមាន​ការលួ​ច​ចេញ​ចូល​តាម​បណ្តា​ច្រករបៀង​ទាំងអស់ ព្រមទាំង​ព្រំដែន​ទឹក​ក៏​ត្រូវមាន​វិធានការ​ម៉ឺងម៉ាត់​ផងដែរ​។​ចំពោះ​រាល់​ទំនិញ​ចេញ​ចូល ត្រូវ​ឱ្យមាន​ដំណើរការ​ធម្មតា ប៉ុន្តែ​ត្រូវ​ត្រួតពិនិត្យ ឲ្យ​ត្រឹមត្រូវ​តាម​ការណែនាំ​របស់​ក្រសួង​សុខាភិបាល​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 | អ៊ីម៉ែល៖ mailtobot168@gmail.com

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល