ទាន់ហេតុការណ៍
ឯកឧត្តម​បណ្ឌិត អ៊ាង សុផល្លែត រដ្ឋមន្ត្រី​ក្រសួង​បរិស្ថាន បាន​អញ្ជើញ​ចូលរួម ក្នុង​ព្រះរាជ​ពិធី​សម្ពោធ​វិមាន​រដ្ឋ​ធម្មនុញ្ញ​ - ក្រសួងបរិស្ថានបន្ដយុទ្ឋនាការ​ ពន្លកបៃតង​ អមសងខាងផ្លូវ​ ព្រំដែន​ នៅខេត្តត្បូងឃ្មុំ - ឯកឧត្តម ង៉ូវ បូរី​ណា អញ្ជើញ​ចូលរួម​ដាំ​កូន​ត្នោត​ចំនួន ៥០០០​ដើម តាម​បន្ទាត់​ព្រំដែន កម្ពុជា​-​វៀតណាម - ឯកឧត្តម​បណ្ឌិត អ៊ាង សុផល្លែត និង​លោកជំទាវ រួម​ទាំង​ថ្នាក់​ដឹកនាំ មន្ត្រីរាជការ​នៃ​ក្រសួង​បរិស្ថាន អញ្ជើញ​ចូលរួម​ពិធី​បុណ្យកាន់បិណ្ឌ​វេន​ទី​១ នៅ​វត្ត​កំសាន្ត ក្នុង​រាជធានី​ភ្នំពេញ​ - ឯកឧត្ដម នេត្រ ភ​ក្ត្រា រដ្ឋមន្ត្រីក្រសួង​ព័ត៌មាន អញ្ជើញ​ជា​អធិបតី​ក្នុង​កម្មវិធី​បិទ​វគ្គ​បណ្ដុះបណ្ដាល​ពិសេស​ជូន​សិក្ខាកាម ចំនួន​៦៨៤​នាក់ - ឯកឧត្តម រដ្ឋមន្ត្រី នេត្រ ភ​ក្ត្រា អញ្ជើញ​ជា​អធិបតី ក្នុង​ពិធី​បិទ​វគ្គ និង​ចែក​វិញ្ញាបនប័ត្រ ជូន​សិក្ខាកាម «​វគ្គ​បណ្ដុះបណ្ដាល​វគ្គ​ពិសេស អំពី​មូលដ្ឋានគ្រឹះ​សម្រាប់​គ្រប់គ្រង​វិស័យ​ព័ត៌មាន​បែប​ឌីជីថល​» - ​ឯកឧត្តម​អភិ​សន្តិ​បណ្ឌិត ស សុខា ៖ មាន​រោងចក្រ​ធំៗ ចំនួន ៣ គ្រោង​មក​វិនិយោគ​នៅក្នុង​ខេត្ត​ព្រៃវែង - សមាគម​សារព័ត៌មាន​ចំនួន​០៥ បើក​វគ្គ​បណ្ដុះបណ្ដាល​ជូន​សិក្ខាកាម​ចំនួន ៦៨៤​នាក់ នៅ​រាជបណ្ឌិត្យសភាកម្ពុជា​ - លោក​ឧត្តមសេនីយ៍ឯក រ័ត្ន ស្រ៊ាង ៖ សូម​បង្ហាញ​នៅ​រូបភាព ដែល​បាន​ធ្វើអោយ​ខ្ញុំ មាន​អារម្មណ៍​រំភើប​ក្តុកក្តួល​រំជួលចិត្ត​នឹកស្មាន​មិន​ដល់ ! - ឯកឧត្តម​អភិ​សន្តិ​បណ្ឌិត ស សុខា និង​លោកជំទាវ អញ្ជើញ​ជា​អធិបតី​កម្មវិធី​ពិនិត្យ​និង​ព្យាបាល​ជំងឺ​ជូន​ពលរដ្ឋ ដោយ​ឥតគិតថ្លៃ នៅ​ស្រុក​ពាម​រក៍
0

ឯកអគ្គរដ្ឋទូត​សាធារណរដ្ឋ​កូរ៉េ​បេ្ត​ជ្ញា​ជំរុញ​ទំនាក់ទំនង​កម្ពុជា​-​កូរ៉េ ឱ្យ​កាន់តែ​រីកចម្រើន​ថែម​ទៀត​

ឯកអគ្គរដ្ឋទូត​សាធារណរដ្ឋ​កូរ៉េ​បេ្ត​ជ្ញា​ជំរុញ​ទំនាក់ទំនង​កម្ពុជា​-​កូរ៉េ ឱ្យ​កាន់តែ​រីកចម្រើន​ថែម​ទៀត​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង097 72 88 071 | 076 44 44 373

http://www.rasmeistoengtrang.com

ភ្នំពេញ ៖ នា​ព្រឹក​ថ្ងៃទី ១៣ សីហា ឆ្នាំ ២០២៤ សម្តេច​ធិបតី ហ៊ុន ម៉ា​ណែ​ត នាយករដ្ឋមន្ត្រី នៃ​ព្រះរាជាណាចក្រ​កម្ពុជា បានអនុញ្ញាត​ឲ្យ ឯកឧត្តម ផាក ជុង​វុក (Park Jung-Wook) ឯកអគ្គរដ្ឋទូត​សាធារណរដ្ឋ​កូរ៉េ ប្រចាំ​ព្រះរាជាណាចក្រ​កម្ពុជា ចូលជួប និង​ពិភាក្សា​ការងារ នៅ​វិមាន​សន្តិភាព ។​

​ក្នុងឱកាស​នៃ​ជំនួប ឯកឧត្តម ផាក ជុង​វុក (Park Jung-Wook) ឯកអគ្គរដ្ឋទូត​សាធារណរដ្ឋ​កូរ៉េ ប្រចាំ​ព្រះរាជាណាចក្រ​កម្ពុជា បាន​វាយតម្លៃ​ខ្ពស់​ចំពោះ​ទស្សនកិច្ច​ផ្លូវការ របស់​សម្ដេច​ធិបតី​នៅ​សាធារណរដ្ឋ​កូរ៉េ កាលពី​ខែ​ឧសភា ឆ្នាំ​២០២៤ ដែល​ជា​មូលដ្ឋាន​ក្នុង​ការបន្ត​ពង្រឹង និង​ពង្រីក​កិច្ចសហប្រតិបត្តិកា​ររ​វា​ង​ប្រទេស​ទាំង​ពីរ ឱ្យ​កាន់តែ​រឹងមាំ​បន្ថែម​ទៀត​។

​ឯកឧត្តម​ឯកអគ្គរដ្ឋទូត​បាន​ប្ដេជ្ញា​ខិតខំ​ប្រឹងប្រែង​ជំរុញ​ទំនាក់ទំនង​សាធារណរដ្ឋ​កូរ៉េ​-​កម្ពុជា​ឱ្យ​កាន់តែ​រីកចម្រើន​ថែម​ទៀត តាមរយៈ​កិច្ចសម្របសម្រួល​យ៉ាង​ជិតស្និទ្ធ​ជាមួយនឹង​ក្រសួង​-​សា្ថប័ន​ពាក់ព័ន្ធ​របស់​កម្ពុជា ដើម្បី​អនុវត្ត​ប្រកបដោយ​ប្រសិទ្ធភាព​នូវ​កិច្ចព្រមព្រៀង និង​គំនិត​ផ្ដួចផ្ដើម​នានា ដែល​បាន​សម្រេច​ក្នុង​ដំណើរ​ទស្សនកិច្ច​ផ្លូវការ​ខាងលើ​។

​សម្ដេច​ធិបតី​បាន​កោត​ស​សើរ​ចំពោះ​ការចូលរួម​យ៉ាង​សកម្ម​របស់​ឯកឧត្តម ឯកអគ្គរដ្ឋទូត ក្នុង​ការពង្រឹង និង​ពង្រីក​ទំនាក់ទំនង​កម្ពុជា​-​សាធារណរដ្ឋ​កូរ៉េ​។ សម្តេច​ធិបតី​បាន​សម្តែង​ក្តីរីករាយ​ចំពោះ​ភាព​រីកចម្រើន​ជា​លំដាប់ និង​ជា​បន្តបន្ទាប់​នៃ​ទំនាក់ទំនង​រវាង​ប្រទេស​ទាំង​ពីរ ដែល​ត្រូវបាន​តម្លើង​កម្រិត​ដល់ “​ភាព​ជា​ដៃគូ​យុទ្ធសាស្ត្រ​” នៅក្នុង​ឆ្នាំ​២០២៤​នេះ​។ សម្ដេច​ធិបតី បាន​អរគុណ​រដ្ឋាភិបាល និង​ប្រជាជន​នៃ​សាធារណរដ្ឋ​កូរ៉េ ដែល​បាន​ចូលរួម​គាំទ្រ និង​រួមចំណែក​ក្នុង​ការអភិវឌ្ឍ​សង្គម​-​សេដ្ឋកិច្ច​របស់​កម្ពុជា​។

​សម្ដេច​ធិបតី និង​ឯកឧត្តម​ឯកអគ្គរដ្ឋទូត ក៏​បាន​ពិភាក្សា​គ្នា​អំពី​កិច្ចសហប្រតិបត្តិការ​សំខាន់ៗ​មួយចំនួន រួមមាន​៖ វិស័យ​ពាណិជ្ជកម្ម និង​វិនិយោគ​, វិស័យ​ការពារ​ជាតិ​និង​សន្តិសុខ​, វិស័យ​ទេសចរណ៍​, ការផ្លាស់ប្ដូរ​ប្រជាជន​និង​ប្រជាជន ព្រមទាំង​ការបណ្តុះបណ្តាល​ជំនាញ​បច្ចេកទេស និង​វិជ្ជាជីវៈ​។ ឯកឧត្តម​ឯកអគ្គរដ្ឋទូត​បាន​កោ​ត​សរសើរ​កិច្ចខិតខំ​ប្រឹងប្រែង​របស់​សម្តេច​ធិបតី ក្នុងការ​ធ្វើ​ឱ្យ​កាន់តែ​ប្រសើរឡើង​នូវ​បរិយាកាស​អំណោយផល​ដល់​ការវិនិយោគ​នៅ​កម្ពុជា តាមរយៈ​ការដាក់ចេញ​នូវ​គោលនយោបាយ​លើកទឹកចិត្ត និង​យន្តការ​សម្របសម្រួល​ជាច្រើន សំដៅ​បង្កើន​ទំនុកចិត្ត​និង​ជោគជ័យ​របស់​វិនិយោគិន​កូរ៉េ​ដែល​បណ្តាក់ទុន​នៅ​ប្រទេស​កម្ពុជា​។ ឯកឧត្តម​ឯកអគ្គរដ្ឋទូត​ក៏​បាន​គូសបញ្ជាក់ថា វិនិយោគិន​កូរ៉េ​មាន​ការចាប់អារម្មណ៍​ចំពោះ​ប្រទេស​កម្ពុជា បន្ទាប់​ពី​ដំណើរ​ទស្សនកិច្ច​ផ្លូវការ​របស់​សម្តេច​ធិបតី​, សិក្ខាសាលា និង​វេទិកា​ធុរកិច្ច​ជា​បន្តបន្ទាប់​៕

 

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 097 72 88 071 / 076 44 44 373 ឬ តាម Whatsapp | Telegram : 097 72 88 071 / 076 44 44 373 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 097 72 88 071 / 076 44 44 373 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល