រាជធានីភ្នំពេញ៖ ព្រឹកថ្ងៃចន្ទ ៨កើត ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១២ ខែសីហា ឆ្នាំ២០២៤ ដៃគូសហការដែលជាថ្នាក់ដឹកនាំធុរកិច្ច នៃក្រុមហ៊ុនវេលស៍ខបម៉ាឃីធីង ឯ.ក ចំនួន ១៥១នាក់ ដឹកនាំដោយ ឯកឧត្តមបណ្ឌិត សុខ ពិសិទ្ធ ទីប្រឹក្សាក្រសួងមហាផ្ទៃ និងជាស្ថាបនិកក្រុមហ៊ុនវេលស៍ខបម៉ាឃីធីង ឯ.ក ក្រោកឈរជំរុញសេដ្ឋកិច្ចក្រៅប្រព័ន្ធ ស្របតាមគោលនយោបាយរបស់រាជរដ្ឋាភិបាល និងគាំទ្រទាំងស្រុង ចំពោះគោលគោលនយោបាយរបស់រាជរដ្ឋាភិបាលក្នុងការអភិវឌ្ឍប្រទេសលើគ្រប់វិស័យ។
បន្ទាប់មក ឯកឧត្តមបណ្ឌិត សុខ ពិសិទ្ធ ក៏បានប្រកាសបើកវគ្គបណ្ដុះបណ្ដាលពិសេស ជំរុញឱ្យមនុស្សម្នាក់មានជំនាញមួយពិតប្រាកដក្នុងការប្រកបអាជីវកម្មនៅតាមតំបន់រៀងៗខ្លួន។
