ទាន់ហេតុការណ៍
ឧត្តមសេនីយ៍ឯក រ័ត្ន ស្រ៊ាង ទទួល​ស្វាគមន៍ គណៈប្រតិភូ​ប៉ូលីស​ប្រដាប់អាវុធ នៃ​កងទ័ព​រំដោះប្រជាជន​ចិន​! - ប្រធាន​គណបក្ស​នយោបាយ​និង​អង្គការ​សង្គម​ស៊ីវិល​ចូលរួម​គាំទ្រ​បណ្តុះ​គំនិត​ស្អាត បៃតង និង​ចីរភាព នៅក្នុង​ប្រទេស​កម្ពុជា​ - ឯកឧត្តម ឆាយ ឫទ្ធិ​សែន ចុះ​ពិនិត្យ​ស្ថានភាព​ផ្លូវ និង​ស្ពាន​ទ្រុឌទ្រោម ក្នុង​ស្រុក​ព្រះស្ដេច និង​ស្រុក​ស្វាយជ្រំ​ - ល្បែងស៊ីសង​មាន់​ជ​ល់អន​ឡាញ និង​ឡូតូ​8888 ស្ថិត​នៅ​ផ្សារ​ដី​ថ្មី ចំណុច​តារាង​បាល់ទះ ភូមិ​ដំណាក់​ធំ​២ សង្កាត់​ស្ទឹងមានជ័យ​៣ ខណ្ឌមានជ័យ រាជធានី​ភ្នំពេញ បើ​លេង​យ៉ាង​សប្បាយ មិន​ខ្វល់​ពី​អាជ្ញាធរ​ក្នុង​មូលដ្ឋាន​..! - ឧត្តមសេនីយ៍ឯក រ័ត្ន ស្រ៊ាង ចាត់​ក្រុមការងារ​ប្រគល់​ថវិកា​ឧបត្ថម្ភ​ដល់​សមាជិក ដែល​មាន​ប្រពន្ធ​ទើប​សម្រាលកូន​! - មេបញ្ជាការ អាវុធហត្ថ​ខណ្ឌទួលគោក ដឹកនាំ​ក្រុម​ការងារ​ចុះសួរសុខទុក្ខ​មេបញ្ជាការរង​ខណ្ឌ ជួប​គ្រោះថ្នាក់​ចរាចរណ៍​បណ្តាលឲ្យ​ដាច់ស​សៃ និង​បាក់​ឆ្អឹងដងកាំបិត​! - លោកស្នងការ ឈឿន សុ​ចិត្ត និង​លោក​ស្នងការរង​នគរបាល​ខេត្តកណ្ដាល​អញ្ជើញ​ចូលរួម​ក្នុង​កិច្ចប្រជុំ​ត្រៀម​រៀបចំ​កម្មវិធី​!! - បុរស​ម្នាក់​បានបាត់បង់ជីវិត​ភ្លាមៗ ខណៈ​ជិះ​ម៉ូតូ​ដួល ហើយ​ត្រូវ​ជះ​ចូលទៅ​ក្រោម​រថយន្ត​ក្នុងទិសដៅ​បញ្ច្រាស​គ្នា​ - ឯកឧត្តម​បណ្ឌិត អ៊ាង សុផល្លែត រដ្ឋមន្ត្រី​ក្រសួង​បរិស្ថាន​បាន​អញ្ជើញ​ជា​គណៈអធិបតី​ក្នុង​សន្និបាត​សាខា​កាកបាទក្រហម​ខេត្ត​ត្បូងឃ្មុំ អាណត្តិ​ទី​៣២០២៤-២០២៩ - លោក​អភិបាល​ស្រុក​កោះ​ធំ​រង​ការរិះគន់​ថា ធ្វើ​របាយការណ៍​ភូតកុហក​អភិបាលខេត្ត​កណ្តាល ករណី​ដណ្តើម​តូប​គ្នា​
0

​សម្ដេច​តេជោ ហ៊ុន សែន អនុញ្ញាត​ឱ្យ ឯកអគ្គរដ្ឋទូត​សាធារណរដ្ឋ​កូរ៉េ ចូលជួប​សម្ដែង​ការគួរសម និង​ពិភាក្សា​ការងារ​

​សម្ដេច​តេជោ ហ៊ុន សែន អនុញ្ញាត​ឱ្យ ឯកអគ្គរដ្ឋទូត​សាធារណរដ្ឋ​កូរ៉េ ចូលជួប​សម្ដែង​ការគួរសម និង​ពិភាក្សា​ការងារ​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង097 72 88 071 | 076 44 44 373

http://www.rasmeistoengtrang.com

នៅ​ព្រឹក​ថ្ងៃ​ព្រហស្បតិ៍ ១៥ រោច ខែ​ពិសាខ ឆ្នាំ​រោង ឆ​ស័ក ពុទ្ធ​សករាជ ២៥៦៨ ត្រូវ​នឹង​ថ្ងៃទី​៦ ខែមិថុនា ឆ្នាំ​២០២៤ សម្តេច​អគ្គមហាសេនាបតី​តេជោ ហ៊ុន សែន ប្រធានព្រឹទ្ធសភា នៃ​ព្រះរាជាណាចក្រ​កម្ពុជា អនុញ្ញាត​ឱ្យ ឯកឧត្តម ផាក ជុង​វុក (Park Jung-wook) ឯកអគ្គរដ្ឋទូត​សាធារណរដ្ឋ​កូរ៉េ​ប្រចាំ​ព្រះរាជាណាចក្រ​កម្ពុជា ចូលជួប​សម្ដែង​ការគួរសម និង​ពិភាក្សា​ការងារ នៅ​វិមាន​ព្រឹទ្ធសភា រាជធានី​ភ្នំពេញ​។

​ជា​កិច្ច​ចាប់ផ្ដើម សម្ដេច​តេជោ​ប្រធានព្រឹទ្ធសភា បាន​ស្វាគមន៍ និង​សម្តែង​ការរីករាយ​ដែល​បាន​ជួប ឯកឧត្ដម ឯកអគ្គរដ្ឋទូត​នៃ​សាធារណរដ្ឋ​កូរ៉េ​ជាថ្មី បន្ទាប់​ពី​ជំនួប​លើក​មុន​នៅឯ​វិមាន​វិមាន​សន្តិភាព ហើយ​ពេលនេះ​ជួប នៅ​វិមាន​ព្រឹទ្ធសភា​ក្នុង​តួនាទី សម្ដេច ជា​ប្រធាន​ព្រឹទ្ធសភា​។ សម្ដេច​តេជោ បាន​ថ្លែងអំណរគុណ​ចំពោះ ឯកឧត្ដម ឯកអគ្គរដ្ឋទូត ដែល​បាន​ជួយ​រៀបចំ​ដំណើរ​ទស្សនកិច្ច​ដំបូង​របស់ សម្ដេច​ធិបតី នាយករដ្ឋមន្ត្រី ទៅ​កាន់​សាធារណរដ្ឋ​កូរ៉េ​កាលពី​ពេល​កន្លង​ទៅ​ថ្មីៗ​នេះ ដែល​ជា​ការ​បន្ត​នូវ​និរន្តរភាព​នៃ​ទំនាក់ទំនង​រវាង​ប្រទេស​ទាំង​ពីរ ពី​រាជរដ្ឋាភិបាល​ចាស់ ទៅ​រាជរដ្ឋាភិបាល​ថ្មី​។

​ឯកឧត្ដម​ឯកអគ្គរដ្ឋទូត បាន​ថ្លែងអំណរគុណ​ចំពោះ សម្ដេច​តេជោ ដែល​បាន​អនុញ្ញាត​ឱ្យ ឯកឧត្តម​និង​សហការី ចូលជួប​សម្ដែង​ការគួរសម ហើយ​ក៏​សម្ដែង​ការរីករាយ ដែល​បាន​ជួប សម្ដេច​តេជោ ជាថ្មី​ម្ដងទៀត ។ ឯកឧត្តម​បាន អបអរសាទរ សម្ដេច​តេជោ ដែល​ត្រូវបាន​ជ្រើសតាំង​ជា​ប្រធាន​ព្រឹទ្ធសភា​នៃ​ព្រះរាជាណាចក្រ​កម្ពុជា និង បាន​ជូន សម្តេច នូវ​លិខិត​អបអរសាទរ​ពី​អតីត​ប្រធាន​សភាជាតិ​សាធារណរដ្ឋ​កូរ៉េ​។

​ឯកឧត្តម​អគ្គរដ្ឋទូត បាន​សម្តែង​នូវ​ការកោតសរសើរ​ចំពោះ សម្តេច​តេជោ ដែល​បាន​ដឹកនាំ​ប្រទេស​កម្ពុជា​ជាង ៣០​ឆ្នាំកន្លងមក នាំមក​នូវ​ភាព​រីកចម្រើន និង​ការអភិវឌ្ឍ​ឥតឈប់ឈរ ។ នៅក្នុង​តួនាទី​ជា​ប្រធានព្រឹទ្ធសភា ឯកឧត្តម ជឿជាក់ថា សម្តេច​តេជោ នឹង​បន្ត​ដឹកនាំ​ឱ្យមាន​ការរីកចម្រើន​សេដ្ឋកិច្ច​សង្គម​បន្ថែមទៀត សម្រាប់​ប្រជាជន​កម្ពុជា​។

​ឯកឧត្តម បាន​រំលឹក​ផង​ដែរ​ជាមួយ​នឹង​អំណរគុណ​យ៉ាង​ជ្រាលជ្រៅ​ចំពោះ​ការប្រឹងប្រែង​និង​ការរួមចំណែក​របស់​ស​ម្ដេច​តេជោ ក្នុង​ការភ្ជាប់​ឡើងវិញ​នូវ​ទំនាក់ទំនង​ការទូត​ជាមួយ​នឹង​សាធារណរដ្ឋ​កូរ៉េ​កាលពី​ឆ្នាំ ១៩៩៧​។ ឯកឧត្តម ឯកអគ្គរដ្ឋទូត សម្ដែង​នូវ​ក្ដី​រីករាយ​ថា ឯកឧត្តម ពិតជា​មាន​កិត្តិយស​ណាស់​ដែល​បាន​អម សម្ដេច​ធិបតី​នាយករដ្ឋមន្ត្រី អញ្ជើញ​ទៅ​បំពេញ​ទស្សនកិច្ច​ផ្លូវការ​លើក​ទី​១ នៅ​សាធារណរដ្ឋ​កូរ៉េ​។ ឯកឧត្តម ក៏​បាន​បញ្ជាក់​ពី​ភាព​ជោគជ័យ​នៃ​ដំណើរ​ទស្សនកិច្ច​ដំបូង​ទៅ​កាន់​សាធារណរដ្ឋ​កូរ៉េ របស់​សម្តេច​ធិបតី នាយករដ្ឋមន្ត្រី តាមរយៈ​លទ្ធផល​នៃ​ជំនួប​កំពូល​របស់​សម្តេច​ធិបតី ជាមួយ​ឯកឧត្តម Yoon Suk Yeol ប្រធានាធិបតី​សាធារណរដ្ឋ​កូរ៉េ ដោយ​បាន​ឯកភាព​ដំឡើង​កម្រិត​ទំនាក់ទំនង​ទៅជា “​ភាព​ជា​ដៃគូ​យុទ្ធសាស្ត្រ​” និង​បាន​ចុះហត្ថលេខា​លើ​កិច្ចព្រមព្រៀង និង​អនុស្សរណៈ​នៃ​ការយោគយល់​គ្នា​សំខាន់ៗ​ជាច្រើន ដើម្បី​លើកកម្ពស់ និង​កាន់តែ​ស៊ីជម្រៅ​ថែមទៀត​នូវ​កិច្ចសហប្រតិបត្តិការ ផ្នែក​សេដ្ឋកិច្ច វិនិយោគ ទេសចរណ៍ ទំនាក់ទំនង​ប្រជាជន​និង​ប្រជាជន បណ្ដុះបណ្ដាល​លើ​ជំនាញ​នានា​កិច្ចសហប្រតិបត្តិការ​លើ​វេទិកា​តំបន់ ពហុភាគី និង បញ្ហា​អន្តរជាតិ​។

​ឯកឧត្តម​អគ្គរដ្ឋទូត បាន​ជម្រាប​អំពី​កំណើន​ការវិនិយោគ​កូរ៉េ​នៅ​កម្ពុជា និង​កំណើន​ពាណិជ្ជកម្ម​ទ្វេភាគី តាមរយៈ​កិច្ចព្រមព្រៀង​ពាណិជ្ជកម្ម​សេរី​កម្ពុជា​-​កូរ៉េ និង​កិច្ចព្រមព្រៀង​ភាព​ជា​ដៃគូ​សេដ្ឋកិច្ច​គ្រប់​ជ្រុងជ្រោយ​តំបន់ (RCEP)​។ គណៈកម្មាធិការ​ចម្រុះ CKFTA បាន​រៀបចំ​កិច្ចប្រជុំ​លើក​ទី​១ ដោយ​ជោគជ័យ និង​បាន​ពិនិត្យ​គម្រោង​នានា ដែល​ក្នុងនោះ​ក៏​មាន​គម្រោង​ស្ពាន​មិត្តភាព​កម្ពុជា​-​កូរ៉េ ដែល​ជា​គម្រោង​ស្នើ​ដោយ​សម្តេច​តេជោ​ផ្ទាល់ ក្នុង​ឆ្នាំ​២០២២​។ ស្ថានទូត​សាធារណរដ្ឋ​កូរ៉េ និង​បន្ត​ធ្វើការ​យ៉ាង​ជិតស្និទ្ធ​ជាមួយ​គណៈកម្មាធិការ​ចម្រុះ CKFTA និង​ក្រុមប្រឹក្សា​អភិវឌ្ឍន៍​កម្ពុជា​។

​ជា​ការឆ្លើយតប សម្តេច​តេជោ ប្រធានព្រឹទ្ធសភា បាន​អរគុណ​ដល់​ការយកចិត្តទុកដាក់រ​បស់​សាធារណរដ្ឋ​កូរ៉េ ចំពោះ​ប្រទេស​កម្ពុជា ទោះបីជា​មាន​ការផ្លាស់ប្តូ​រ​ថ្នាក់ដឹកនាំ និង​ចាត់ទុកថា​នេះ​ជា​មរតក ដែល​សម្តេច​បាន​ផ្តល់ តាមរយៈ ការប្រឹងប្រែង​ភ្ជាប់​ទំនាក់ទំនង​ការទូត​ជាមួយ​សាធារណរដ្ឋ​កូរ៉េ​ឡើងវិញ បន្ទាប់ពី​សម្តេច​ធ្វើ​ទស្សនកិច្ច​លើកដំបូង​ទៅ​សាធារណរដ្ឋ​កូរ៉េ​ក្នុង​ឆ្នាំ​១៩៩៦​។ សម្តេច មាន​ការជឿជាក់​ខ្ពស់​ថា កំណើន​នៃ​ទំនាក់ទំនង​សេដ្ឋកិច្ច និង​ពាណិជ្ជកម្ម​ជាមួយ​សាធារណរដ្ឋ​កូរ៉េ ប្រាកដជា​នាំមក​នូវ​កំណើន​នៃ​ទំនាក់ទំនង​ផ្នែក​នយោបាយ​។

​សម្តេច​តេជោ បាន​លើកឡើង​ថា កត្តា​សន្តិភាព និង​ស្ថិរភាព​នយោបាយ គឺជា​អ្វី​ដែល​អ្នកវិនិយោគ​ត្រូវការ ហើយ​ប្រទេស​កម្ពុជា ក្រោម​ការគិតគូរ និង​ការលះបង់​ធំធេង​របស់​សម្តេច ទោះបីជា​មាន​ការផ្ទេរអំណាច​ទៅឱ្យ​ថ្នាក់​ដឹកនាំ​វ័យក្មេង ក៏​ប្រទេស​កម្ពុជា​នៅតែ​មាន​សន្តិភាព និង​ស្ថិរភាព​នយោបាយ​រយៈពេល​វែង​។ ជាក់ស្តែង​៩ ខែ​កន្លងមកនេះ ប្រទេស​កម្ពុជា មាន​សន្តិភាព ស្ថិរភាព​នយោបាយ និង​ម៉ាក្រូសេដ្ឋកិច្ច ព្រមទាំង​បន្ត​មាន​កំណើន​សេដ្ឋកិច្ច និង​ការកើនឡើង​នៃ​ការនាំចេញ និង​ប្រាក់​ចំណូល ដែល​នាំឱ្យ​ប្រទេស​បន្តដំណើរ​ទៅ​មុខ​បាន​ជា​ប្រក្រតី​។

​សម្តេច​តេជោ បាន​លើកឡើង​ថា​ភាគី​ទាំង​ពីរ​ខិតខំ​អនុវត្ត​កិច្ចព្រមព្រៀង​ដែល​មាន​ជាមួយគ្នា​ជា​ពិសេស​គឺ​តាមរយៈ​ការអនុវត្ត​កិច្ចព្រមព្រៀង​ពាណិជ្ជកម្ម​សេរី​ដែល​នឹង​ជួយ​ធ្វើឱ្យ​ប្រទេស​ទាំង​ពីរ​កាន់តែ​មាន​ជំនឿ​ទុកចិត្ត​គ្នា និង​មាន​តម្លៃ​នយោបាយ​ផង​ដែរ​។ សម្ដេច​តេជោ បាន​ផ្ដល់​អនុសាសន៍​ឱ្យ​អ្នកវិនិយោគទុន​កូរ៉េ​ពិនិត្យ​លើ​ការបង្កើត​នូវ​តំបន់​សេដ្ឋកិច្ច​ពិសេស​របស់​ក្រុមហ៊ុន​កូរ៉េ​តាម​រូបមន្ត​មួយ​បូក​នៅ​កម្ពុជា​។ សម្តេច ក៏​បាន​បង្ហើប​ពី​បំណង​ចូល​ជួប​ជាមួយ​ប្រធានាធិបតី​សាធារណរដ្ឋ​កូរ៉េ ដែល​អាច​ចាត់ទុកថា​ជា​មិត្ត​ចាស់​របស់​សម្តេច នៅក្នុង​ដំណើរ​ទស្សនកិច្ច​របស់​សម្តេច​ទៅ​សាធារណរដ្ឋ​កូរ៉េ នៅ​ខែ​កញ្ញា ឆ្នាំ​២០២៤​ខាងមុខ ដើម្បី​ចូលរួម​វេទិកា​ចំណេះដឹង​ពិភពលោក (World Knowledge Forum) នៅ​រដ្ឋធានី​សេ​អ៊ូ​ល និង​ទទួល​សញ្ញាបត្រ​បណ្ឌិត​កិត្តិយស ពី​សាកលវិទ្យាល័យ Dongguk University Wise នៅ​ទីក្រុង Gyeonju​។

​សម្ដេច​ក៏​បាន​រំលឹក​ផងដែរ​នូវ​មេរៀន ដែល​កម្ពុជា​ត្រូវ​ចងចាំ​និង​កត់​ត្រាទុក ចំពោះ​ការជួយ​របស់​សាធារណរដ្ឋ​កូរ៉េ នៅពេល​ដែល​ពិភពលោក​ប្រឈម​នឹង​ជំងឺ​រាតត្បាត​កូវី​ដ​១៩ ។ បណ្ដា​ប្រទេស​នានា​បាន​បិទ​ខ្ទប់ ជាពិសេស​បិទ​ការហោះហើរ គឺមាន​តែ​សាធារណរដ្ឋ​កូរ៉េ​ទេ ដែល​រក្សា​ជើងហោះហើរ​រវាង​ភ្នំពេញ​និង​សាធារណរដ្ឋ​កូរ៉េ ដែលជា​ច្រកចេញ​ចូល​សម្រាប់​កម្ពុជា ក៏ដូចជា​សម្រាប់​ទំនាក់​ទំនង​ជាមួយ​បណ្ដា​ប្រទេស​ផ្សេង​ទៀត​។ សម្តេច​តេជោ បាន​ចាត់ទុកថា សម្ដេច​នៅ​ជំពាក់​គុណ​សាធារណរដ្ឋ​កូរ៉េ​ចំពោះ​ការជួយ​ដ៏​ធំ​នេះ ដែល​បាន​អនុញ្ញាត​ឱ្យ​កម្ពុជា​មាន​ដង្ហើម​ដក​នៅពេលនោះ​។ ជាមួយគ្នានេះដែរ សម្ដេច​តេជោ ក៏​បាន​ថ្លែងអំណរគុណ​ចំពោះ​ជំនួយ​នានា​ជា ឥណទាន​សម្បទាន ជា​ជំនួយ​ឥត​សំណង ដែល​សាធារណរដ្ឋ​កូរ៉េ​បាន​ជួយ​នៅក្នុង​វិស័យ​ហេដ្ឋារចនាសម្ព័ន្ធ ការកសាង​ផ្លូវ​ថ្នល់ ការជួយ​បណ្តុះបណ្តាល​ធនធានមនុស្ស នឹង​ការទទួលយក​ពលករ​កម្ពុជា​ទៅ​ធ្វើការ​នៅ​សាធារណរដ្ឋ​កូរ៉េ​ជាដើម​។

​សម្តេច​សង្ឃឹមថា សម្តេច​នឹង​បាន​ឃើញ​ដោយ​ផ្ទាល់​ភ្នែក​ក្នុងពេល​ឆាប់ៗ​ខាង​មុខ​នូវ ស្ពាន​មិត្តភាព​កម្ពុជា​-​កូរ៉េ ឆ្លងកាត់​ទន្លេ​ពីរ​នេះ ដែល​សម្តេច​ជា​អ្នក​ស្នើ​ឡើង​ដោយ​ផ្ទាល់​។ សម្ដេច​តេជោ ក៏បាន​លើកឡើង​ផងដែរ​ថា ប្រទេស​យើង​ទាំងពីរ កម្ពុជា​-​សាធារណរដ្ឋ​កូរ៉េ ជា​ប្រទេស​ដន្លង​នឹង​គ្នា ដោយ​ស្ត្រី​កម្ពុជា​ជាច្រើន​បាន​រៀបការ​ជាមួយនឹង​បុរស​ជនជាតិ​កូរ៉េ ដូច្នេះ គួរ​ធ្វើ​យ៉ាងណា​ឱ្យ​កូនកាត់​កម្ពុជា​-​កូរ៉េ​ទាំង​នោះ អាច​ចេះ​ទាំង​២​ភាសា​គឺ​ភាសា​កម្ពុជា និង​ភាសា​កូរ៉េ ដើម្បីឱ្យ​គេ​ស្គាល់​អត្តសញ្ញាណ​របស់​គេ​។

​ឯកឧត្តម​ឯកអគ្គរដ្ឋទូត បាន​ថ្លែងអំណរគុណ​ចំពោះ​សម្ដេច​តេជោ ដែល​បាន​ផ្ដល់​នូវ​ការចងចាំ និង​ចំណាប់អារម្មណ៍​ជុំវិញ​ទំនាក់ទំនង​រវាង​ប្រទេស​ទាំង​ពីរ ជាពិសេស​អនុស្សាវរីយ៍​នានា​របស់​សម្ដេច​ជាមួយ​នឹង​ប្រធាន​សភាជាតិ ប្រធានាធិបតី ជា​បន្តបន្ទាប់​និង​ឥស្សរជន​នានា​នៃ​សាធារណរដ្ឋ​កូរ៉េ​។ ទាក់ទង​នឹង​គម្រោង​ស្ពាន មិត្តភាព​កម្ពុជា​-​កូរ៉េ ឯកឧត្តម​ឯកអគ្គរដ្ឋទូត បាន​គោរព​ជម្រាបជូន សម្ដេច​តេ​ជោថា ឯកឧត្តម តែងតែ​តាមដាន​ដំណើរការ​នេះ​យ៉ាង​យកចិត្តទុកដាក់ និង​បាន​លើកឡើង​ថា​ការរៀបចំ​សាងសង់​ស្ពាន​នេះ​មាន​ដំណើរការ​ទៅ​រលូន ហើយ​នឹង​ចុះ​បឋមសិលា​ចាប់ផ្ដើម​សាងសង់​នៅ​ឆ្នាំ​២០២៥​ខាងមុខនេះ​។

​ជាមួយគ្នា​នោះ ឯកឧត្តម​ក៏​បាន​សម្តែង​ការរីករាយ​ដោយ​ក្រុម​មិត្តភាព​អន្តរ​សភា​កូរ៉េ​-​កម្ពុជា​ត្រូវបាន​បង្កើតឡើង ហើយ​ដោយ​ទទួល​ដំណឹង​ថា សម្ដេច​តេជោ​នឹង​អញ្ជើញ​ទៅ​ចូលរួម​នៅក្នុង​វេទិកា​ចំណេះដឹង​ពិភពលោក និង​ទទួល​សញ្ញាបត្រ​បណ្ឌិត​កិត្តិយស ពី​សាកលវិទ្យាល័យ Dongguk University Wise នៅ​ទីក្រុង Gyeonju នៅ​ខែ​កញ្ញា​ខាងមុខនេះ​។ ឯកឧត្តម សន្យាថា​នឹង​រៀបចំ​ឱ្យមាន​ជំនួប​នានា​ជាមួយ​ប្រមុខ​ដឹកនាំ ឥស្សរជន របស់​សាធារណរដ្ឋ​កូរ៉េ ក្នុង​អំឡុង​ពេល​នេះ​។

​ជា​ចុងក្រោយ សម្តេច​តេជោ​ប្រធានព្រឹទ្ធសភា បាន​ស្នើសុំ ឯកឧត្ដម​ឯកអគ្គរដ្ឋទូត ពាំនាំ​ការ​ផ្ដាំផ្ញើ​ការសួរសុខទុក្ខ​ក៏ដូចជា​ពរ​ជ័យ​ជូន​ចំពោះ ឯកឧត្តម ប្រធានាធិបតី និង​ប្រធាន​សភាជាតិ​ថ្មី​នៃ​សាធារណរដ្ឋ​កូរ៉េ​។ សម្ដេច​តេជោ ក៏​បាន​សម្ដែង​សេចក្ដីសង្ឃឹម​ថា ក្នុង​ដំណើរ​ទស្សនកិច្ច​របស់​សម្ដេច​ទៅ​ចូលរួម​វេទិកា​ចំណេះដឹង​ពិភពលោក​នា​ពេលខាងមុខ​នេះ សម្ដេច​នឹង​មាន​ឱកាស​បាន​ជួប​ជាមួយ​នឹង​ប្រធានាធិបតី ក៏​ដូចជា​ប្រធាន​សភាជាតិ​ថ្មី​នៃ​សាធារណរដ្ឋ​កូរ៉េ ផងដែរ ។

​ឯកឧត្តម ឯកអគ្គរដ្ឋទូត បាន​ថ្លែងអំណរគុណ​ចំពោះ សម្ដេច​តេជោ ដែល​បាន​ចែករំលែក​នូវ​គំនិត​និង​បទពិសោធន៍​របស់​សម្ដេច និង​សូម​គោរព​ជូន​ពរ​សម្ដេច​តេជោ មាន​សុខភាព​ល្អ ដោយសារតែ​សុខភាព​របស់​សម្តេច មាន​សារៈសំខាន់​ណាស់​សម្រាប់​សន្តិភាព ការរីកចម្រើន​របស់​កម្ពុជា និង​ដើម្បី​បន្ត​រួម​ចំណែក​កសាង​សន្តិភាព ស្ថិរភាព​ក្នុង​តំបន់​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 097 72 88 071 / 076 44 44 373 ឬ តាម Whatsapp | Telegram : 097 72 88 071 / 076 44 44 373 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 097 72 88 071 / 076 44 44 373 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល