ព្រឹកថ្ងៃទី៣ ខែឧសភា ឆ្នាំ២០២៤ ឯកឧត្តម សុខ ចាន់ភក្តី រដ្ឋលេខាធិការក្រសួងព័ត៌មាន និងឯកឧត្តម លោកជំទាវជាថ្នាក់ដឹកនាំក្រសួង អញ្ជើញចូលរួមជាមួយ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន គោរពវិញ្ញាណក្ខន្ធ នៅស្តូបអនុស្សាវរីយ៍ ដើម្បីរំលឹកដល់អ្នកសារព័ត៌មានចំនួន៣៧នាក់ ដែលបានបាត់បង់ជីវិត និងបាត់ខ្លួន នៅក្នុងសម័យសង្គ្រាមនៅកម្ពុជា ចន្លោះឆ្នាំ១៩៧០ ដល់ឆ្នាំ១៩៧៥ ក្នុងឱកាសនៃខួបលើកទី៣១ នៃទិវាសេរីភាពសារព័ត៌មានពិភពលោក ក្រោមប្រធានបទ “សារព័ត៌មានសម្រាប់ផែនដី៖ សារព័ត៌មានក្នុងស្ថានភាព នៃវិបត្តិបរិស្ថាន” (៣ ឧសភា ១៩៩៣ – ៣ ឧសភា ២០២៤)។ ក្នុងឱកាសនោះដែរ ក៏មានការចូលរួមពីតំណាង ឯកអគ្គរាជទូត រដ្ឋទូតបរទេស តំណាសមាគមអ្នកសារ័ត៌មាននៅកម្ពុជា ព្រមទាំងអ្នកសារព័ត៌មានជាច្រើននាក់ផងដែរ ដែលកម្មវិធីបានប្រព្រឹត្តទៅ នៅបរិវេណសួនច្បារ មុខស្ថានទូតបារាំង រាជធានីភ្នំពេញ៕
#បណ្តាញយុវជនក្នុងវិស័យព័ត៌មាន៖ ចូលរួមផ្សព្វផ្សាយព័ត៌មានពិត ប្រឆាំងព័ត៌មានក្លែងក្លាយ
https://t.me/MoiYouthni
