ទាន់ហេតុការណ៍
ប្រជា​ពលរដ្ឋ​ខ្មែរ​ជាច្រើន​កំពុងតែ​បាន​មេខ្យល់​ជម្លៀស​ឆ្លងដែន​ដោយ​ខុសច្បាប់​ស្ទើរតែ​រាល់ថ្ងៃ ហាក់បីដូចជា​មិន​មាន​ការរំខាន​ដល់​អាជ្ញាធរ​ឬ​សមត្ថកិច្ច​ពាក់ព័ន្ធ​ទាល់តែសោះ​.. - ឯកឧត្តម សុខ ចាន់​ភក្ដី អញ្ជើញ​ចូលរួម​ក្នុង​កិច្ចប្រជុំ​រវាង​ថ្នាក់ដឹកនាំ​ក្រសួង​ព័ត៌មាន និង​សមាគម​អ្នកសារព័ត៌មាន​នៅ​កម្ពុជា​លើក​ទី​០២ ក្រោម​អធិបតីភាព ឯកឧត្តម នេត្រ ភ​ត្ត្រា រដ្ឋមន្ត្រីក្រសួង​ព័ត៌មាន​ - ឯកឧត្តម គង់ សោភ័ណ្ឌ អភិបាល​នៃ​គណៈ​អភិបាលខេត្ត​កណ្ដាល បាន​អញ្ជើញ​ចូលរួម​ក្នុង​ពិធី​ផ្សព្វផ្សាយ​របាយការណ៍​ជាតិ​ការងារ​ប្រយុទ្ធប្រឆាំង​អំពើ​ជួញដូរ​មនុស្ស​ - បញ្ជូន​ខ្លួន​ជនសង្ស័យ​ម្នាក់​ទៅ​ពន្ធនាគារ ក្រោម​បទ​កាត់​រូបរាង​ឈូសឆាយ​ដី​ព្រៃ​យក​ធ្វើជា​កម្មសិទ្ធិ ស្ថិតនៅ​ឃុំ​អូរ​កណ្ដៀរ​សែន​ជ័យ ស្រុក​អូរ​គ្រៀង​សែន​ជ័យ ខេត្ត​ក្រចេះ​. - កាន់​ប្លែក បែកធ្លាយ ក្រុមការងារ​ចុះ​ជួយ​ឃុំ​សំបុក ស្រុក​ចិត្រ​បុរី បែរជា​មក​ជួប​សំណេះសំណាល​ជាមួយ​ប្រជាពលរដ្ឋ​ជា​សមាជិក​បក្ស​នៅ ភូមិ ត្រពាំង​ឈូក ឃុំ​ឃឹម ស្រុក​ស្នួល ទៅវិញ តើ​មាន​គោលបំណង​អ្វី​ឲ្យ​ពិតប្រាកដ​ - ឯកឧត្តម​បណ្ឌិត អ៊ាង សុផល្លែត រដ្ឋមន្ត្រី​ក្រសួង​បរិស្ថាន បាន​អនុញ្ញាឱ្យ​សមាគមយុវជ​ន​លើកកម្ពស់​សេដ្ឋកិច្ច​ប្រជាជន​កម្ពុជា (YAEP) ចូលជួប​សម្តែង​ការគួរសម និង​ទទួល​ស្តាប់​នូវ​អនុសាសន៍​ដ៏​ខ្ពង់ខ្ពស់​ពី​ឯកឧត្តម​រដ្ឋមន្ត្រី នៅ​ទីស្តីការ​ក្រសួង​បរិស្ថាន​ - រថយន្ត​សាំ​យ៉ុង​កែច្នៃ​ដឹក​ឈើ​របស់​មេ​ឈ្មួញ​ឈ្មោះ ធា ត្រូវ​អស់លក្ខណ៍​ជាប់អន្ទាក់​កម្លាំង​បរិស្ថាន​ - ​ឧបនាយករដ្ឋមន្ដ្រី ហ៊ុន ម៉ា​នី តំណាង​សម្ដេច​តេជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប្រគល់​ផ្ទះ​មួយ​ខ្នង​ជូន​យុវជន អន ផានិត ដែល​ប្រឡង​ជាប់​និទ្ទេស A នៅ​ខេត្ត​កំពត​ - សម្តេច​ធិបតី ហ៊ុន ម៉ា​ណែ​ត អនុញ្ញាត​ឱ្យ​ប្រធាន​សមាគម​មិត្តភាព​ឡាវ​-​កម្ពុជា ចូលជួប​សម្តែង​ការគួរសម និង​ពិភាក្សា​ការងារ​នៅ​រដ្ឋធានី​វៀង​ចន្ទន៍ សាធារណរដ្ឋ​ប្រជាធិបតេយ្យ​ប្រជាមានិត​ឡាវ​ - ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​!
0

សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ បាន​អញ្ជើញ​ជា​អធិបតីភាព​ក្នុង​ពិធី​បើក​សិក្ខាសាលា​ជាតិ​ស្ដីពី​ការពិគ្រោះ​យោបល់​លើ​សេចក្ដីព្រាង​ឯកសារ​ទស្សនទាន​សម្រាប់​រៀបចំ​កម្មវិធី​ជាតិ​សម្រាប់​ការអភិវឌ្ឍ​តាម​បែប​ប្រជាធិបតេយ្យ​នៅ​ថ្នាក់ក្រោម​ជាតិ​ដំណាក់កាល​ទី​២

សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ បាន​អញ្ជើញ​ជា​អធិបតីភាព​ក្នុង​ពិធី​បើក​សិក្ខាសាលា​ជាតិ​ស្ដីពី​ការពិគ្រោះ​យោបល់​លើ​សេចក្ដីព្រាង​ឯកសារ​ទស្សនទាន​សម្រាប់​រៀបចំ​កម្មវិធី​ជាតិ​សម្រាប់​ការអភិវឌ្ឍ​តាម​បែប​ប្រជាធិបតេយ្យ​នៅ​ថ្នាក់ក្រោម​ជាតិ​ដំណាក់កាល​ទី​២

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង097 72 88 071 | 076 44 44 373

http://www.rasmeistoengtrang.com

នៅ​ព្រឹក​ថ្ងៃ​សុក្រ ៦​រោច ខែ​ក​ក្ដិក ឆ្នាំ​ជូត ទោ​ស័ក ព​.​ស​២៥៦៤ ត្រូវ​នឹង​ថ្ងៃទី​៦ ខែវិច្ឆិកា ឆ្នាំ​២០២០​នេះ សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ បាន​អញ្ជើញ​ជា​អធិបតីភាព​ក្នុង​ពិធី​បើក​សិក្ខាសាលា​ជាតិ​ស្ដីពី​ការពិគ្រោះ​យោបល់​លើ​សេចក្ដីព្រាង​ឯកសារ​ទស្សនទាន​សម្រាប់​រៀបចំ​កម្មវិធី​ជាតិ​សម្រាប់​ការអភិវឌ្ឍ​តាម​បែប​ប្រជាធិបតេយ្យ​នៅ​ថ្នាក់ក្រោម​ជាតិ​ដំណាក់កាល​ទី​២ នៅ​ទីស្ដីការ​ក្រសួង​មហាផ្ទៃ​។​

​អញ្ជើញ​មានប្រសាសន៍​នា​ឱកាស​នោះ សម្ដេច​ក្រឡាហោម ឧបនាយករដ្ឋមន្ត្រី បាន​ថ្លែងអំណរគុណ និង​កោតសរសើរ​ភាគី​ពាក់ព័ន្ធ​របស់​រដ្ឋ​ទាំង​ថ្នាក់​ជាតិ ថ្នាក់ក្រោម​ជាតិ ដៃគូ​អភិវឌ្ឍន៍ អង្គការ​សង្គម​ស៊ីវិល ដែល​បាន​ផ្តល់​ការគាំទ្រ និង​ចូលរួម​អនុវត្ត​យ៉ាង​សកម្ម​ក្នុង​ដំណើរការ​កំណែ ទម្រង់​វិមជ្ឈការ និង​វិសហមជ្ឈការ​ក្នុង​រយៈពេល​២​ទសវត្សរ៍​កន្លងមក​នេះ ដោយ​បាន​ជំរុញ​ឱ្យ​កំណែទម្រង់​នេះ​មាន​ការវិវឌ្ឍ​ជា​ជំហានៗ ស្រប​តាម​ដំណាក់កាល​នី​មួយៗ​ដែល​បាន​កំណត់​ក្នុង​កម្មវិធី នយោបាយ និង​យុទ្ធសាស្ត្រ​ចតុកោណ​របស់​រាជរដ្ឋាភិបាល ព្រម​ទាំង​កម្មវិធី​ជាតិ​សម្រាប់​ការអភិវឌ្ឍ តាម​បែប​ប្រជាធិបតេយ្យ​នៅ​ថ្នាក់ក្រោម​ជាតិ​រយៈពេល​១០​ឆ្នាំ​ដំបូង​២០១០-២០២០​។​

​សម្ដេច​ក្រឡាហោម​ក៏បាន​គូសបញ្ជាក់​លម្អិត​ជូន​អង្គ​សិក្ខាសាលា​ជាតិ អំពី​សមិទ្ធផល​សំខាន់ៗ ដែល​សម្រេចបាន​ក្នុង​រយៈកាល​កន្លងមក រួមមាន ការរៀបចំ​ក្របខ័ណ្ឌ​ច្បាប់ និង​លិខិត​បទដ្ឋាន​គតិយុត្ត​, ការរៀបចំ​ស្ថាប័ន​នៅ​ថ្នាក់ក្រោម​ជាតិ​, ការផ្ទេរ​មុខងារ និង​ការផ្តល់​សេវា​របស់​រដ្ឋ​បាល​ថ្នាក់ក្រោម​ជាតិ​, វិមជ្ឈការ​ហិរញ្ញវត្ថុ​, កា​រៀបចំ​ប្រព័ន្ធ​កសាង​ផែនការ​របស់​រដ្ឋបាល​ថ្នាក់ក្រោម​ជាតិ​, ការពង្រឹង​គណនេយ្យភាព​របស់​រដ្ឋបាល​ថ្នាក់ក្រោម​ជាតិ​។ ដោយ​លែ​ក​បញ្ហា​ប្រឈម​ជា​គន្លឹះ​មួយ​ចំនួន​ដែល​ត្រូវ​រួម​គ្នា​បន្ត​ដោះស្រាយ​នោះ​រួមមាន បញ្ហា​ប្រឈម​ពាក់ព័ន្ធ​នឹង​ការរៀបចំ​ស្ថាប័ន​រដ្ឋបាល​ថ្នាក់ក្រោម​ជាតិ​, បញ្ហា​ប្រឈម​ពាក់ព័ន្ធ​នឹង​ការផ្ទេរ​មុខងារ​, បញ្ហា​ពាក់ព័ន្ធ​នឹង​ការធ្វើ​គណនេយ្យភាព​ចំពោះ​ប្រជាពលរដ្ឋ​៖ , បញ្ហា​ពាក់ព័ន្ធ​នឹង​ភាព​ជា​ដៃគូ​ជាមួយ​សង្គម​ស៊ីវិល និង​ផ្នែក​ឯកជន​, បញ្ហា​ពាក់ព័ន្ធ​ប្រព័ន្ធ​បច្ចេកវិទ្យា​ព័ត៌មានវិទ្យា​៖

​សម្ដេច​បាន​សង្កត់ធ្ងន់​ថា​ដើម្បី​ធានា​សម្រេច​បាន​ចក្ខុវិស័យ​រាជរដ្ឋាភិបាល​សម្រាប់​រយៈពេល​១០​ឆ្នាំ​ខាង​មុខ​ចាំបាច់​ត្រូវ​បន្ត​ធ្វើ​កំណែទម្រង់​រចនា​សម្ព័ន្ធ​រដ្ឋបាល​សាធារណៈ​ឱ្យ​កាន់តែ​ស៊ីជម្រៅ និង​មាន​ប្រសិទ្ធភាព ដែល​ការរៀបចំ​រចនាសម្ព័ន្ធ និង​ប្រព័ន្ធ​គ្រប់គ្រង​រដ្ឋបាល សាធារណៈ គឺជា​កត្តា​ដ៏​មាន​សារៈសំខាន់ ពោល​គឺ កម្មវិធី​ជាតិ​ដំណាក់កាល​ទី​២​នឹងត្រូវ​កំណត់​ឱ្យបាន​ច្បាស់លាស់​នូ​វ​ការទទួលខុសត្រូវ រវាង​ក្រសួង​ស្ថាប័ន​នៅ​ថ្នាក់ជាតិ និង​រដ្ឋបាល​ថ្នាក់ក្រោម​ជាតិ និង​រវាង​រដ្ឋបាល​ថ្នាក់ក្រោម​ជាតិ នី​មួយៗ ដើម្បី​ចៀសវាង​ឱ្យបាន​នូវ​ភាព​មិន​ច្បាស់លាស់​នៃ​ការទទួលខុសត្រូវ និង​ភាព​ត្រួតស៊ីគ្នា​នៃ ការទទួលខុសត្រូវរ​វាង​រដ្ឋបាល​ថ្នាក់​ជាតិ និង​រដ្ឋបាល​ថ្នាក់ក្រោម​ជាតិ និង​រវាង​រដ្ឋបាល​ថ្នាក់ក្រោម ជាតិ​នីមួយៗ​។​

​សម្បី​សម្រេច​ការងារ​នេះ សម្ដេច​បាន​មានប្រសាសន៍ថា គ​.​ជ​.​អ​.​ប​. បាន​ចាត់ចែង​ឱ្យមាន​ការសិក្សា និង​រៀបចំសេចក្តី ព្រាង​ឯកសារ​ទស្សនទាន​សម្រាប់​ជា​មូលដ្ឋាន​តម្រង់​ទិស​ដល់​ការរៀបចំ​តាក់តែង​កម្ម​វិធី​ជាតិ​សម្រាប់ រយៈពេល​១០​ឆ្នាំ​ដំណាក់កាល​ទី​២ ពី​ឆ្នាំ​២០២១​ដល់​ឆ្នាំ​២០៣០ ដោយ​បាន​ប្រើប្រាស់​ពេលវេលា​ជាង​៦​ខែ ដើម្បី​សិក្សា​រៀបចំ​ឯកសារ​ទស្សនទាន​នេះ ដោយ​មាន​ការពិភាក្សា និង​ពិគ្រោះ​យោបល់​ជាមួយ​មន្ត្រី​បច្ចេកទេស​នៃ​ក្រសួង ស្ថាប័ន​នៅ​ថ្នាក់ជាតិ និង​ថ្នាក់​ក្រោម​ជាតិ ដៃគូ​អភិវឌ្ឍន៍ អង្គការ​សង្គម​ស៊ីវិល និង​អ្នកពាក់ព័ន្ធ​មួយចំនួន​។​

​ដើម្បីឱ្យ​ឯកសារ​ទស្សនទាន​នេះ ទទួលបាន​នូវ​ធាតុ​ចូល​បន្ថែមទៀត សម្ដេច​ក្រឡាហោម​បានផ្ដល់​ចក្ខុវិស័យ​គន្លឹះ​សំខាន់​ជូន​អង្គ​សិក្ខាសាលា​ពិចារណា ពាក់ព័ន្ធ​នឹង​ការពិនិត្យ​ឡើងវិញ​នូវ​មុខងារ និង​រចនាសម្ព័ន្ធ​គ្រប់គ្រង​នៃ​រដ្ឋបាល​សាធារណៈ​នៅ​ថ្នាក់​ក្រសួង ស្ថាប័ន​ថ្នាក់​ជាតិ រដ្ឋបាល​រាជធានី រដ្ឋបាលខេត្ត រដ្ឋបាល​ក្រុង ស្រុក និង​ឃុំ សង្កាត់​, ការរៀបចំ​ធនធាន និង​កិច្ច​ការ​ពាក់ព័ន្ធ​ចាំបាច់​នានា​៖, អភិបាលកិច្ច​តាម​ប្រព័ន្ធ​អេឡិចត្រូនិក និង​កិច្ចការ​អន្តរ​វិស័យ​។ សម្ដេច​សង្ឃឹមថា​សិក្ខាសាលា​ជាតិ​នា​ថ្ងៃនេះ​នឹង​ទទួលបាន​នូវ​មតិយោបល់​ដែលជា​ធាតុ​ចូល​ដ៏​មាន​សារៈសំខាន់​ជា​ច្រើន​បន្ថែមទៀត​សម្រាប់​ការកំណត់​ចក្ខុវិស័យ និង​កិច្ចការ​ជា​អាទិភាព​នានា នៃ​កម្មវិធី​ជាតិ​ដំណាក់កាល​ទី​២ ឱ្យ​កាន់តែ​មាន​ភាពជាក់លាក់ ច្បាស់លាស់ និង​អាច​សម្រេចបាន​នៅក្នុង​រយៈពេល​១០​ឆ្នាំ​ខាងមុខនេះ​។​

​ពី​វេទិការ​អធិបតី​នៃ​សិក្ខាសាលា​នេះ​ដែរ សម្ដេច​ក្រឡាហោម ស ខេង ឧបនាយករដ្ឋមន្ត្រី​ក៏​បាន​បន្ត​មាន​ប្រសាសន៍​ក្រើនរំលឹក​ដល់​ប្រធាន​ស្ថាប័ន ជាពិសេស​រដ្ឋបាល​ថ្នា់ក្រោម​ជាតិ​គ្រប់លំដាប់​ថ្នាក់សូម​តាមដាន និង​ក្ដាប់​ព័ត៌មាន​ឱ្យ​បាន​ជាប់​ពាក់ព័ន្ធ​នឹង​បញ្ហា​ប្រឈម ក្ដីកង្វល់ និង​សំណូមពរ​ប្រជាពលរដ្ឋ ហើយ​ដោះស្រាយ​បញ្ហា​ទាំងនោះ​ឱ្យ​បាន​លឿន និង​ប្រកបដោយ​ប្រសិទ្ធភាព​។ សម្ដេច​ក៏​បាន​កោតសរសើ​រ​រដ្ឋបាល​ថ្នាក់ក្រោម​ជាតិ​ដែល​មាន​ភាព​ម្ចាស់​ការចូល​រួម​ទប់ស្កាត់​ការឆ្លង​រាលដាល​នៃ​ជំងឺ​កូវី​ដ​-១៩ និង​ការចាត់វិធានការ និង​កៀរគរ​ការគាំទ្រ​ពី​ស្ថាប័ន​ពាក់ព័ន្ធ​នានា ក្នុង​ការជួយ​សង្គ្រោះ​ប្រជាពលរដ្ឋ​ពី​គ្រោះ​ទឹកជំនន់​យ៉ាង​ទាន់ពេលវេលា ស្រប​ទៅតាម​ស្ថានភាព និង​តម្រូវការ​ជាក់ស្ដែង​របស់​មូលដ្ឋាន​នីមួយៗ​។​

​មុន​នឹង​បញ្ចប់ សម្ដេច​ក៏​បាន​មានប្រសាសន៍​ជូនពរ​សម្ដេច​តេជោ ហ៊ុន សែន នាយករដ្ឋមន្ត្រី និង​សម្ដេច​កិត្ត​ព្រឹទ្ធ​បណ្ឌិត ព្រមទាំង​ក្រុមគ្រួសារ រួម​ទាំង​ថ្នាក់​ដឹកនាំ មន្រ្តី និង​អ្នក​ពាក់ព័ន្ធ​ផ្សេងទៀត ជាមួយនឹងឯឧត្តមរដ្ឋមន្រ្តីក្រសួងការបរទេស និង​ពាណិជ្ជ​កម្ម​ហុងគ្រី​ដែលត្រូវបានរកឃើញថាមានជំងឺកូវីដ១៩ បន្ទាប់ពីទើប​តែ​បញ្ចប់ទស្សនកិច្ច​នៅ​កម្ពុជា សូមមានសុខភាពល្អ និងចៀសផុតពីជំងឺដ៏កាចសាវហានេះ។

សម្ដេចក៏បានថ្លែងអំពាវនាវជាថ្មីទៀតដល់បងប្អូន ប្រជាពលរដ្ឋ សូមបន្ ​ប្រកាន់ខ្ជាប់​ការអនុវត្ត​វិធានការ​ទប់ស្កាត់​ជំងឺកូវីដ​១៩​តាម​ការ​ណែនាំ​របស់ក្រសួងសុខាភិបាល ជាពិសេសដើម្បីបញ្ចៀសការឆ្លងចូលសហគមន៍ ៕​

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 097 72 88 071 / 076 44 44 373 ឬ តាម Whatsapp | Telegram : 097 72 88 071 / 076 44 44 373 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 097 72 88 071 / 076 44 44 373 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល