ទាន់ហេតុការណ៍
កាន់​ប្លែក បែកធ្លាយ ក្រុមការងារ​ចុះ​ជួយ​ឃុំ​សំបុក ស្រុក​ចិត្រ​បុរី បែរជា​មក​ជួប​សំណេះសំណាល​ជាមួយ​ប្រជាពលរដ្ឋ​ជា​សមាជិក​បក្ស​នៅ ភូមិ ត្រពាំង​ឈូក ឃុំ​ឃឹម ស្រុក​ស្នួល ទៅវិញ តើ​មាន​គោលបំណង​អ្វី​ឲ្យ​ពិតប្រាកដ​ - ឯកឧត្តម​បណ្ឌិត អ៊ាង សុផល្លែត រដ្ឋមន្ត្រី​ក្រសួង​បរិស្ថាន បាន​អនុញ្ញាឱ្យ​សមាគមយុវជ​ន​លើកកម្ពស់​សេដ្ឋកិច្ច​ប្រជាជន​កម្ពុជា (YAEP) ចូលជួប​សម្តែង​ការគួរសម និង​ទទួល​ស្តាប់​នូវ​អនុសាសន៍​ដ៏​ខ្ពង់ខ្ពស់​ពី​ឯកឧត្តម​រដ្ឋមន្ត្រី នៅ​ទីស្តីការ​ក្រសួង​បរិស្ថាន​ - រថយន្ត​សាំ​យ៉ុង​កែច្នៃ​ដឹក​ឈើ​របស់​មេ​ឈ្មួញ​ឈ្មោះ ធា ត្រូវ​អស់លក្ខណ៍​ជាប់អន្ទាក់​កម្លាំង​បរិស្ថាន​ - ​ឧបនាយករដ្ឋមន្ដ្រី ហ៊ុន ម៉ា​នី តំណាង​សម្ដេច​តេជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប្រគល់​ផ្ទះ​មួយ​ខ្នង​ជូន​យុវជន អន ផានិត ដែល​ប្រឡង​ជាប់​និទ្ទេស A នៅ​ខេត្ត​កំពត​ - សម្តេច​ធិបតី ហ៊ុន ម៉ា​ណែ​ត អនុញ្ញាត​ឱ្យ​ប្រធាន​សមាគម​មិត្តភាព​ឡាវ​-​កម្ពុជា ចូលជួប​សម្តែង​ការគួរសម និង​ពិភាក្សា​ការងារ​នៅ​រដ្ឋធានី​វៀង​ចន្ទន៍ សាធារណរដ្ឋ​ប្រជាធិបតេយ្យ​ប្រជាមានិត​ឡាវ​ - ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​! - ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​! - ​ឯកឧត្តម​បណ្ឌិត អ៊ាង សុផល្លែត ដឹកនាំ​ប្រតិភូ​ក្រសួង​បរិស្ថាន​ចុះ​ត្រួតពិនិត្យ​ទីតាំង​ភូមិសាស្ត្រ​ដើម្បី​ត្រៀម​រៀបចំ​ដាំ​ដុះ ស្តារ​ព្រៃឈើ​ឡើង​វិញ​នៅ​រដូវវស្សា​ - អាងខ្នង​ប៉ុណ្ណា បាន​ជា​អ្នកគ្រប់គ្រង​រោងចក្រ​កែច្នៃ​ស្បែក​សត្វ​បំពុល​ទឹក​ព្រែក​សង្កែ នៅ​សោយសុខ​ក្នុង​ទង្វើ​អាក្រក់​បំពុលបរិស្ថាន​បាន ៦​ឆ្នាំ​?​និង​មិន​ចុះហត្ថលេខា​លើ​កំណត់ហេតុ​??? - ឯកឧត្តម នេត្រ ភ​ក្ត្រា ៖ «​គ្រប់​សាសនា​ទាំងអស់​បាន​រស់​ឡើង​វិញ​និង​រីកលូតលាស់​ធំធាត់​ដោយសារតែ​មាន​ថ្ងៃ​ជ័យជម្នះ ៧ មករា​ហើយ​ ​ប្រជាពលរដ្ឋ​មាន​សិទ្ធិសេរីភាព​ពេញលេញ​ក្នុង​ការប្រតិបត្តិ​ជំនឿ​សាសនា​របស់​ខ្លួន​ដោយសារ​តែ​កត្តា​សុខ​សន្តិភាព​ពេញលេញ​ដែល​កម្ពុជា​សម្រេចបាន​ដោយ​ការអនុវត្ត​នយោបាយ​ឈ្នះ​-​ឈ្នះ​ដាក់ចុះ​ដោយ​សម្តេច​តេជោ ហ៊ុន សែន​»​
0

សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន អញ្ជើញ​ដាក់​បិណ្ឌ​ទី​៩ នៅ​វត្ត​មុនី​សុវណ្ណ ហៅ​ចំពុះក្អែក​

សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន អញ្ជើញ​ដាក់​បិណ្ឌ​ទី​៩ នៅ​វត្ត​មុនី​សុវណ្ណ ហៅ​ចំពុះក្អែក​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

(​ភ្នំពេញ​) ៖​ក្នុង​ព្រឹក​ថ្ងៃ​កាន់បិណ្ឌ​ទី​៩ នៃ​ពិធី​បុណ្យកាន់បិណ្ឌ និង​ភ្ជុំបិណ្ឌ សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន ប្រធាន​កាកបាទក្រហមកម្ពុជា បាន​អញ្ជើញ​នាំយក​នូវ​ចង្ហាន់​បិណ្ឌ​បាត្រ បច្ច័យ ទេយ្យវត្ថុ និង​ទេយ្យទាន ជាច្រើន​មុខ ទៅ​ប្រគេន​ព្រះសង្ឃ នៅ​វត្ត​មុនី​សុវណ្ណ ហៅ​ចំពុះក្អែក ខណ្ឌ​ច្បារអំពៅ រាជធានី​ភ្នំពេញ​។​

​បុណ្យ​ភ្ជុំបិណ្ឌ គឺជា​ពិធី​បុណ្យ​មួយ ក្នុងចំណោម​ពិធីបុណ្យ​ធំៗ​ដទៃទៀត ដែល​ប្រជារាស្ត្រ​ខ្មែរ​ទូទាំង​ប្រទេស តែងតែ​ប្រារព្ធ​មិន​ដែល​ខាន​ឡើយ​តាំងពី​បុរាណកាល​មក គឺ ចាប់ពី​ថៃ្ង ១​រោច ខែ​ភទ្របទ រហូត​ដល់​ថៃ្ង​ទី ១៥​រោច មាន​រយៈពេល​១៥​ថៃ្ង ដែល​នៅ​ថ្ងៃ​១៥​រោច ជា​ថៃ្ង “​ភ្ជុំ​បិណ្ឌ​”​។​បុណ្យ​កាន់បិណ្ឌ និង​ភ្ជុំបិណ្ឌ ត្រូវបាន​ធ្វើឡើង​តាម​បែប ទក្ខិណានុប្បទាន នៃ ព្រះពុទ្ធសាសនា​។ ជា​រៀងរាល់ឆ្នាំ នៅ​ពេល​ដល់​ថ្ងៃ ខែ ដែល​ត្រូវ​ប្រារព្ធ​ពិធី​បុណ្យ​ភ្ជុំ​បិណ្ឌ គ្រប់​បងប្អូន កូនចៅ សាច់ញាតិ សន្ដាន​ទាំងអស់ ទោះ​នៅ​ទីជិត ឬ​ទី​ឆ្ងាយ តែងតែ​ធ្វើ​ដំណើរ​ទៅ​ជួបជុំគ្នា ជា​ពិសេស​ឪពុក ម្ដាយ ដោយ​បាន​រៀបចំ​ម្ហូបអាហារ បាយ​សម្ល ចង្ហាន់ យក​ទៅ​ប្រគេន​ព្រះសង្ឃ​ដែល​គង់នៅ​ទី​វត្ត​អារាម​។

​វត្តមាន​ដ៏​ថ្លៃថ្លា​របស់​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន រួម​ដំណើរ​ដោយ​ក្រុម​គ្រួសារ បង ប្អូន សាច់ញាតិ និង​មន្ត្រី​អ្នកមុខអ្នកការ ដែល​អញ្ជើញ​មក​ដាក់​បិណ្ឌ​នៅ​វត្ត​មុនី​សុវណ្ណ ហៅ​ចំពុះក្អែក​នាពេលនេះ ក៏ដូចជា​ការអញ្ជើញ​ទៅ​កាន់​ទី​វត្ត​អារាម​ផ្សេងៗ នា​ពេលកន្លងមក ជា​សក្ខីកម្ម​បាន​ឆ្លុះបញ្ចាំង​ឱ្យឃើញ​ពី​ការយកចិត្តទុកដាក់​ដ៏​ខ្ពង់ខ្ពស់ អំពី​ការគោរព​ប្រតិបត្តិ​យ៉ាង​ជ្រាលជ្រៅ​ចំពោះ​ព្រះពុទ្ធសាសនា ដែលជា​សាសនា​របស់​រដ្ឋ ជាមួយនឹង​ប្រជាពលរដ្ឋ​ដែលជា​អ្នក​កាន់​ព្រះពុទ្ធសាសនា​ប្រមាណ​ជាង​៩០% នៅ​ទូទាំង​ប្រទេស​។ វត្តមាន​របស់​សម្តេច អញ្ជើញ​មក​កាន់​វត្ត​អារាម នានា សម្តេច​តែងតែ​នាំនូវ បច្ច័យ ទេយ្យទាន ទេយ្យវត្ថុ សំភារៈ បរិក្ខារ យ៉ាងច្រើន​សន្ធឹកសន្ធាប់ ប្រគេន​ព្រះសង្ឃ និង​សម្រាប់​បន្ត​ចូលរួម​អភិវឌ្ឍ​កសាង​សមិទ្ធផល​នានា​ទាំង​នៅក្នុង​វិស័យ​ពុទ្ធចក្រ និង​អាណាចក្រ ឱ្យ​រីកចម្រើន​រុងរឿង​ជា​បន្តបន្ទាប់​ផងដែរ​។​

​សម្តេច​កិត្តិ​ព្រឹទ្ធ​បណ្ឌិត ព្រមទាំង បុត្រា បុត្រី ចៅប្រុស ចៅស្រី និង​ក្រុមគ្រួសារ រួម​ជាមួយនឹង​ថ្នាក់ដឹកនាំ​ជាច្រើន​ទៀត បាន​អញ្ជើញ​ធ្វើ​កិច្ច​តាម​ប្រពៃណី នៃ​ព្រះពុទ្ធសាសនា ដោយ​បាន​អញ្ជើញ​រាប់បាត្រ បូជា​បច្ច័យ ទេយ្យវត្ថុ ទេយ្យទាន បង្សុកូល វេរ​ប្រគេន​ព្រះសង្ឃ ឧទ្ទិស​នូវ​ផល្លា​អានិ​សង្ឃ ជូន​ទៅ​ដល់​ដួង​វិញ្ញាណក្ខន្ធ បុព្វការី​ជន មាន មាតា បិតា ជីដូន ជីតា ញាតិ​ការ​ទាំង​៧​សន្តាន ដែល​បាន​ចែក​ឋាន​ទៅកាន់​លោក​ខាង​មុខ​ហើយ​នោះ សូម​ឱ្យ​វិញ្ញាណក្ខន្ធ​របស់​អស់លោក​អ្នក​ទាំងនោះ​បាន​ទទួលយក កុំបី​អាក់ខាន​ឡើយ​។​

​តាមរយៈ​មនុញ្ញផល​ដ៏​ថ្លៃថ្លា​នៅក្នុង​វេន​កាន់បិណ្ឌ​ទី​៩​នៅ​វត្ត​មុនី​សុវណ្ណ ហៅ​ចំពុះក្អែក សម្តេច ថ្នាក់ដឹកនាំ និង​មន្ត្រី​ចូលរួម​បុណ្យ​ក៏​បាន​ឧទ្ទិស សូម​ឱ្យ​ដួង​វិញ្ញាណក្ខន្ធ បុព្វការី​ជន បាន​យោង​យកកំណើត​កើត​នៅក្នុង​ទីឋាន​ដ៏​ខ្ពង់ខ្ពស់ និង​ងាកក្រោយ​ឱ្យ​ពរជ័យ ដល់​កូន ចៅ​បាន​សេចក្តីសុខ សេចក្តីចម្រើន ជាពិសេស​សូមឱ្យ​ព្រះ​បារមី​ដ៏​សក្ដិ​សិទ្ធិ​នៅ​ក្នុង​លោក ព្រះ​បារមី នៃ​វត្ត​មុនី​សុវណ្ណ ហៅ​ចំពុះក្អែក តាម​ជួយ​បីបាច់​ថែរក្សា​សម្តេច​ទាំង​ពីរ មាន​សុខភាព​ល្អ​បរិបូរណ៍ ជន្មាយុ​យឺនយូរ ដើម្បី​សម្តេច​បាន​ស្ថិត​នៅ​គ្រប់គ្រង ការពារ​ព្រះរាជាណាចក្រ​កម្ពុជា ឱ្យ​រក្សា​បាន​ជា​និរន្តរ៍ នូវ​សន្តិភាព ស្ថេរភាព​នយោបាយ សន្តិសុខ​សណ្តាប់ធ្នាប់​សាធារណៈ​និង ការអភិវឌ្ឍ រីកចំរើន​ថ្មីៗ​បន្ថែមទៀត ដើម្បី​ជា​សេចក្តីសុខ សេចក្តីចម្រើន របស់​ប្រជាពលរដ្ឋ​ខ្មែរ​ទូទាំង​ប្រទេស ។​មួយវិញទៀត តាមរយៈ​មនុញ្ញផល​នៃ​ថ្ងៃ​ដាក់​បិណ្ឌ​ទី​៩ នៅ​វត្ត​ចំពុះក្អែក​នេះ ក៏​សូម​ឧទ្ទិស​នូវ​មហា​កុសលផល​បុណ្យ​ដែល​សម្តេច​បាន​ធ្វើ​ឱ្យបាន​ដល់​វិញ្ញាណក្ខន្ធ​វីរៈ​កម្មាភិបាល យុទ្ធជន យុទ្ធ​នារី អ្នកស្នេហាជាតិ ដែល​បាន​បាត់បង់​ជីវិត​ដើម្បី​បុព្វហេតុ​ជាតិ​មាតុភូមិ​ជាតិ​ស្នេហា​នៃ​យើង​ផង​ដែរ​។​

​ក្នុង​ឱកាស​បុណ្យ​ដាក់​បិណ្ឌ​ទី​៩ នៅ​វត្ត​មុនី​សុវណ្ណ ហៅ​ចំពុះក្អែក​នេះ សម្តេច​មាន​សទ្ធា​ជ្រះថ្លា​បាន​ប្រគេន​ទេយ្យទាន ទេយ្យវត្ថុ សរុប​ចំនួន​២២​មុខ ដែល​ក្នុង​មួយ​មុខៗ​មាន​មួយចំនួនធំ រួម​នឹង​បច្ច័យ​សង្កត់​បិណ្ឌ​៥​លាន​រៀល និង​បច្ច័យ​សម្រាប់​រៀបចំ​ចង្ហាន់​ព្រះសង្ឃ​បូករួម​នឹង​បច្ច័យ​ជាង​១៩​លាន ៨​សែន​រៀល និង​៣​ម៉ឺន​៦​ពាន់​៨៥០​ដុល្លារ​អាមេរិក​បន្ថែម​ទៀត ដែល​បានមកពី លោកជំទាវ ឯកឧត្តម មន្ត្រី​អ្នក​មុខ អ្នក​ការ ដែល​បាន​អញ្ជើញ​ចូលរួម​នា​ឱកាស​នោះ​ផង​ដែរ​។ សរុប​បច្ច័យ​ទាំងអស់​ក្នុង​បិណ្ឌ​ទី​៩ នៅ​វត្ត​មុខ​នី​សុវណ្ណ ហៅ​ចំពុះក្អែក សម្រាប់​ការកសាង​សមិទ្ធផល ក្នុង​វិស័យ​ព្រះពុទ្ធ​សាសនា​មាន​ជាង​២៤​លាន​៨​សែន​រៀល និង​ប្រាក់​ដុល្លារ​៣​ម៉ឺន​៦​ពាន់​៨៥០​ដុល្លារ​អាមេរិក​។​ក្រៅពីនេះ សម្តេច​ក៏​បាន​ប្រគេន​ព្រះសង្ឃ​១៨០​អង្គ​ក្នុង​១​អង្គៗ​មាន​ទេយ្យទាន និង​បច្ច័យ​៥​ម៉ឺន​រៀល​,​យាយជី​តាជី​១៧០​នាក់ ម្នាក់ៗ​ទទួលបាន​ក្រណាត់ស និង​ថវិកា​៥​ម៉ឺន​រៀល​។​

​វិស័យ​ព្រះពុទ្ធសាសនា មាន​ការរីកចម្រើន​រុងរឿង​រហូតមក​ដល់​សព្វថ្ងៃនេះ ក៏​អាស្រ័យ​ដោយ​ជំនឿ និង​ស្ថានភាព​ជីវភាព​រស់នៅ​របស់​ប្រជាពលរដ្ឋ​មាន​ការរីកចម្រើន​។ ដូច្នេះ វិស័យ​ទាំង​ពីរ​នេះ គឺ ពុទ្ធចក្រ និង អាណាចក្រ មិន​អាច​កាត់ផ្តាច់​ចេញ​ពី​គ្នា​បាន​ទេ​ព្រោះថា​ព្រះសង្ឃ និង​ទី​វត្ត​អារាម គឺជា​ស្រែបុណ្យ​សម្រាប់​អប់រំ​ទូន្មាន ប្រៀនប្រដៅ​អោយ​មនុស្ស​ទូទៅ​ឱ្យ​ប្រព្រឹត្ត​តែ​អំពើ​ល្អ ប្រកាន់ខ្ជាប់​នូវ​សាមគ្គីធម៌ រួមរស់​ក្នុង​សង្គម​ជាតិ​មួយ​ប្រកបដោយ​សុខដុមរមនា​។ សូមបញ្ជាក់​ថា ៖ វត្ត​មុនី​សុវណ្ណ ហៅ​ចំពុះក្អែក កាលពី​នៅក្នុង​របប​កម្ពុជា​ប្រជាធិបតេយ្យ គេ​បាន​យក​ទី​អារាម​នេះ ទាំងមូល​ប្រែក្លាយ​អោយទៅ​ជា​មន្ទីរឃុំឃាំង និង​កាប់សម្លាប់​មនុស្ស យ៉ាង​អយុត្តិធម៌ និង​សាហាវព្រៃផ្សៃ​ជាទីបំផុត​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល