(កំពង់ចាម) ៖ នៅព្រឹកថ្ងៃទី៣ ខែតុលា ឆ្នាំ២០២៣នេះ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម និង លោកជំទាវ ញូង ចរិយា អ៊ុន ចាន់ដា ប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តកំពង់ចាម និង ឯកឧត្តម ខ្លូត ផន ប្រធានក្រុមប្រឹក្សាខេត្ត ដោយមានការអញ្ជើញចូលពីសមាជិក ក្រុមប្រឹក្សាខេត្ត អភិបាលរងខេត្ត មន្ត្រីរាជការ ជុំវិញខេត្ត អាជ្ញាធរមូលដ្ឋាន និងប្រជាពុទ្ធបរិស័ទ បានអញ្ជើញចូលរួមក្នុងពិធីកាន់បិណ្ឌវេនទី៤ នៅវត្តខេមវន្តបឹងស្នាយ និងវត្តបូទុមរតនៈដីដុះ ស្ថិតក្នុងក្រុងកំពង់ចាម។
ក្នុងឱកាសនោះ ថ្នាក់ដឹកនាំខេត្ត បាននាំយកបច្ច័យ ទេយ្យទាន និងបរិក្ខាមួយចំនួន វេប្រគេនព្រះសង្ឃ ដើម្បីបង្សុកូលឧទ្ទិសកុសលជូនដួងវិញ្ញាណក្ខន្ធ ថ្នាក់ដឹកនាំ បុព្វការីជន ញាតិមិត្ត ជិតឆ្ងាយ កម្មាភិបាល យុទ្ធជន យុទ្ធនារី ដែលបានពលីជិវិតដើម្បីបុព្វហេតុជាតិមាតុភូមិ។
សូមលោកយាយ លោកតា ពូមីង បងប្អូនទាំងអស់ទទួលបានកុសលបុណ្យទាំងអស់គ្នា ៕
