ទាន់ហេតុការណ៍
​សម្ដេច​តេជោ ហ៊ុន សែន អបអរសាទរ​ទិវា​អន្តរជាតិ​នារី ៨ មីនា ២០២១! ទន្ទឹម​នឹង​ការ​ចូល​រូ​ម​អបអរសាទរ​ថ្ងៃ​ឈប់សម្រាក ៨ មីនា សូម​បងប្អូន​ជនរួមជាតិ​ថែរក្សា​សុខភាព​កុំ​អោយ​ឆ្លង​ជំងឺ​កូវី​ដ​-១៩ - អំណោយ​ប្រចាំខែ របស់លោក​ឧត្ដមសេនីយ៍ឯក រ័ត្ន ស្រ៊ាង បាន​ប្រគល់​ដល់ដៃ​ពលរដ្ឋ​ទីទាល់ក្រ​១៨​គ្រួសារ​! - សម្ដេច ស ខេង និង​លោកជំទាវ បាន​អញ្ជើញ ចាក់​វ៉ាក់សាំង​បង្ការ​ជំងឺ​កូវី​ដ​-១៩ នៅ​មន្ទីរពេទ្យ​កាល់ម៉ែ​ត - សម្តេច​តេជោ ហ៊ុន សែន អញ្ជើញ​ធ្វើ​សន្និសីទ​សារព័ត៌មាន ក្រោយ​ចាក់​វ៉ាក់សាំង​កូវី​ដ​-១៩ - ​សម្តេច តេជោ​ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន​ចាក់​វ៉ាក់សាំង​កូវី​ដ​-១៩ AstraZeneca មុនគេ នៅ​កម្ពុជា​ - ​នាយ​ឧត្តមសេនីយ៍ សៅ សុខា បាន​ចាក់​វ៉ាក់សាំង​ការពារ​ជំងឺ​កូវី​ដ​១៩ លើក​ទី​២ - ​ឯកឧត្តម ឃួ​ង ស្រេង អភិបាល នៃ​គណ​:​អភិបាល​រាជធានី​ភ្នំពេញ អញ្ជើញ​ចុះ​សួរសុខទុក្ខ​ក្រុមគ្រូពេទ្យ​និង​សមត្ថកិច្ច​នៅ​ប្រចាំការ​ - អជ្ញាធរ​ខណ្ឌដូនពេញ អនុញ្ញាត​អោយ​រថយន្ត​ធុន​ធំ​ទាំង ៤១​គ្រឿង ត្រឡប់​ទៅ​វិញ​ហើយ​បន្ទាប់​ពី​ធ្វើការ​អប់រំ​ណែនាំ​រួច​! - សម្តេច​ពិជ័យ​សេនា​ទៀ បាញ់​ឧបនាយករដ្ឋមន្ត្រី រដ្ឋមន្ត្រី​ក្រសួង​ការពារជាតិ​អញ្ជើញ​ចុះ​ត្រួតពិនិត្យ​ការចាក់​វ៉ាក់សាំង​បង្ការ​ជំងឺ​កូវី​ដ​.១៩..!! - សម្ដេច​តេជោ ហ៊ុន សែន ថ្ងៃនេះ​គឺជា​ខួប​៤២​ឆ្នាំ នៃ​ការជួបគ្នា​ឡើងវិញ រវាង​ខ្ញុំ​និង​ភរិយា​ខ្ញុំ (២៤ កុម្ភះ ១៩៧៩- ២៤ កុម្ភះ ២០២១)
0

រដ្ឋបាល​រាជធានី​ភ្នំពេញ កោះ​អញ្ជើញ​មន្ត្រី​សង្កាត់​ទាំង​១០៥ ប្រជុំ​ត្រួតពិនិត្យ​ការងារ​វិនិយោគ​លើ​វិស័យ​សេវា​សង្គម ដើម្បី​ជំរុញ និង​ពង្រឹង​ឱ្យ​កាន់តែ​ប្រសើរឡើង​

រដ្ឋបាល​រាជធានី​ភ្នំពេញ កោះ​អញ្ជើញ​មន្ត្រី​សង្កាត់​ទាំង​១០៥ ប្រជុំ​ត្រួតពិនិត្យ​ការងារ​វិនិយោគ​លើ​វិស័យ​សេវា​សង្គម ដើម្បី​ជំរុញ និង​ពង្រឹង​ឱ្យ​កាន់តែ​ប្រសើរឡើង​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

(​ភ្នំពេញ​)៖ ដើម្បី​ជំរុញ និង​ពង្រឹង​ការបង្កើត​ការវិនិយោគ​លើ​វិស័យ​សេវា​សង្គម​ដល់​សង្កាត់​ទូទាំង​រាជធានី​ភ្នំពេញ ឱ្យ​កាន់តែ​ប្រសើរឡើង​ថែមទៀត​នោះ រដ្ឋបាល​រាជធានី​ភ្នំពេញ បើក​កិច្ចប្រជុំ​ថ្នាក់​មូលដ្ឋាន​សង្កាត់​ទាំង​១០៥ នៅក្នុង​រាជធានី​ភ្នំពេញ ដើម្បី​ត្រួតពិនិត្យ​ការងារ​វិនិយោគ​លើ​វិស័យ​សេវា​សង្គម​ឆ្នាំ​២០២០ នៃ​រដ្ឋបាល​សង្កាត់​ទូទាំង​រាជធានី​ភ្នំពេញ​។​

​កិច្ចប្រជុំ​នេះ​បាន​ធ្វើឡើង នា​ព្រឹក​ថ្ងៃទី​២៦ ខែ​សីហា ឆ្នាំ​២០២០ ក្រោម​វត្តមាន​លោក នួន ផា​រ័ត្ន អភិបាលរង​រាជធានី​ភ្នំពេញ និង​លោកស្រី ឃួន គឹម​នី សមាជិក​ក្រុមប្រឹក្សា​រាជធានី និង​ជា​ប្រធាន​អ្នក​ទទួលបន្ទុក​កិច្ចការនារី និង​កុមារ​ព្រមទាំង មន្ត្រី​ថ្នាក់​សង្កាត់ ជាច្រើន​រយ​នាក់​ទៀត​។​

​លោក នួន ផា​រ័ត្ន បាន​លើកឡើង​ថា ការងារ​វិនិយោគ​លើ​វិស័យ​សេវា​សង្គម​នេះ គឺជា​ការងារ​ដែល​មាន​លក្ខណៈ​សំខាន់​។ យើង​ដឹង​ហើយ​ថា ប្រទេស​មាន​សុខសន្តិភាព ទើប​ប្រជាពលរដ្ឋ​មាន​អាហារ​ហូប​ចុក​គ្រប់គ្រាន់​ទន្ទឹម​នឹង​មាន​អាហារ​ហូប​គ្រប់គ្រាន់​ហើយ​នោះ ប្រជាពលរដ្ឋ​ត្រូវការ​ជីវភាព​ធូរធារ​មួយ​កម្រិត​ថែមទៀត​។ ដូច្នេះ​តួនាទី​នៃ​ការលើកកម្ពស់​សេវា​សង្គម ដល់​រដ្ឋបាល​សង្កាត់​ទូទាំង​រាជធានី​នេះ គឺ​ធ្វើ​យ៉ាងណា​កុំឱ្យ​គម្លាត​រវាង​អ្នកក្រ​និង​អ្នកមាន​នៅ​ឆ្ងាយ​ពី​គ្នា​ខ្លាំងពេក​។ រដ្ឋាភិបាល​បង្កើត​ឱ្យមាន​ការងារ​នេះ​ឡើង គឺ​ដើម្បី​ជួយ​ដល់​ប្រជាពលរដ្ឋ​ក្រីក្រ​ដោយ​ប្រើប្រាស់​ថវិកា​អភិវឌ្ឍ​សង្កាត់ ចំនួន​២០%​។​

​ក្នុង​កិច្ចប្រជុំ​នោះ លោក នួន ផា​រ័ត្ន ក៏​បាន​ស្នើ​ទៅ​ដល់​មន្ត្រី​សង្កាត់​នៅ​ទាំងអស់​ត្រូវ​យកចិត្តទុកដាក់ លើ​ការបម្រើ​សេវា​នេះ​ឱ្យបាន​ល្អ​ប្រសើរ បើទោះបី​ការងារ​សង្កាត់​ឃើញថា ច្រើន​ហើយ​ក្តី​។​

​ក្រៅ​ពី​ការ​ស្នើឡើង​ខាងលើនេះ លោក​នួន ផា​រ័ត្ន ក៏បាន​លើកឡើង​ពី​ជំងឺ​កូវី​ដ​-១៩ ផងដែរ ដោយ​លោក​បាន​ស្នើ​ទៅគ្រប់​សង្កាត់​ទាំងអស់​ដែល​បាន​ចូលរួម​ត្រូវអនុវត្ត​ឱ្យបាន​ម៉ឺងម៉ាត់​ទៅ​តាម​ការណែនាំរ​បស់​ក្រសួងសុខាភិបាល ក្នុង​ការទប់ស្កាត់ ការបង្ការ​នូវ​ការ​ឆ្លងកូវី​ដ​–១៩ ខណៈ​ដែរ នៅ​ប្រទេស​កម្ពុជា ជំងឺ​នេះ​មិនទាន់​បាន​រាលដាល​ទៅ​ដល់​សហគមន៍​នៅ​ឡើយ​។​

​លោកស្រី ឃួន គឹម​នី បាន​លើកឡើង​ផង​ដែរ​ថា គោលបំណង​ដែល​បង្កើត​ឱ្យ​មាន​កិច្ចប្រជុំ​នេះ​ឡើង គឺ​ដើម្បី​ជំរុញ និង​ពង្រឹង​រដ្ឋបាល​សង្កាត់​បង្កើន​ការវិនិយោគ​លើ​វិស័យ​សេវា​សង្គម​ឱ្យបាន​គ្រប់​សង្កាត់​ទូទាំង​រាជធានី ក្នុង​ការបង្កើន​សមាមាត្រ​ឱ្យបាន ២០% លើ​ថវិកា​អភិវឌ្ឍន៍​សង្កាត់ ឆ្លើយតប​ទៅនឹង​តម្រូវការ​របស់​ប្រជាពលរដ្ឋ​។​

​លោកស្រី​បាន​បន្តថា កាលពី​ឆ្នាំ​២០១៩ ដោយ​អ្នកទទួលបន្ទុក​កិច្ចការនារី និង​កុមារ​រាជធានី ពិនិត្យ​ឃើញ​កញ្ចប់​ថវិកា​សេវា​សង្គម​របស់​រដ្ឋបាល​សង្កាត់​ចាប់ពី​អាណត្តិ​ទី​១ ឆ្នាំ​២០០២ រហូត​ដល់​អាណត្តិ​ទី​៤ ក្នុង​ឆ្នាំ​២០១៩ ក្រុមប្រឹក្សា​សង្កាត់​បាន​ប្រើប្រាស់​ថវិកា​៤​លាន​រៀល ក្នុង​មួយ​ឆ្នាំ ដែល​ថវិកា​នេះ ឆ្លើយតប​បាន​តិចតួច​ទៅនឹង​តម្រូវការ​របស់​ប្រជាពលរដ្ឋ និង​ដោយ​យោង​តាម​ស្មារតី​សិក្ខាសាលា​ដៃគូ​រវាង​អង្គកា UNICEF-SIDA និង​រាជរដ្ឋាភិបាល​កម្ពុជា ស្ដីពី​អភិបាលកិច្ច​មូលដ្ឋាន ដើម្បី​ផ្ដល់​សេវា​សង្គម និង​កិច្ច​គាំពារ​សង្គម​សម្រាប់​កុមារ និង​ស្ត្រី​ដែល​ងាយ​រងគ្រោះ​នៅ​កម្ពុជា ព្រមទាំង​បាន​ទទួល​ការគាំទ្រ​ថវិកា ពី​ក្រសួង​មហាផ្ទៃ ក្រោម​គម្រោង​លើកកម្ពស់​សេវា​សង្គម​រាជធានី កាលពី​ថ្ងៃ​ទី​២៣ ខែ​ឧសភា​ឆ្នាំ​២០១៩ អ្នកទទួលបន្ទុក​កិច្ចការនារី និង​កុមារ​រាជធានី បាន​រៀបចំ​ប្រជុំ​ជាមួយ​សង្កាត់ ទូទាំង​រាជធានី ដើម្បី​ណែនាំ និង​ជំរុញ​ដល់​សង្កាត់​បង្កើន​ការវិនិយោគ​លើ​សេវា​សង្គម​ក្នុង​សមាមាត្រ​២០% លើ​ថវិកា​អភិវឌ្ឍន៍​សង្កាត់ ចាប់ពី​ឆ្នាំ​២០២០ ដល់​ឆ្នាំ​២០២៣៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 | អ៊ីម៉ែល៖ mailtobot168@gmail.com

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល