ទាន់ហេតុការណ៍
​ឯកឧត្តម ជាវ តា​យ អភិបាល​ខេត្ត​កំពត បាន​ដឹកនាំ​កិច្ចប្រជុំ​ផ្សព្វផ្សាយ​ស្តីពី​ការប្រើប្រាស់​កម្មវិធី​ព័ត៌មានវិទ្យា​សម្រាប់​ការគ្រប់គ្រង និង​ផ្តល់​សេវា​ក្នុង​អង្គភាព​ច្រកចេញចូល​តែ​មួយ​របស់​រដ្ឋបាល​ខេត្ត​កំពត​ - នាយ​ឧត្តមសេនីយ៍សៅ សុខា​អនុញ្ញាតឱ្យ​នាយ​នគរបាល​ជាន់ខ្ពស់ អូស្ត្រាលី​ចូលជួប​សម្តែង​ការគួរសម និង​ពិភាក្សា​ការងារ - លោកនាយក​រដ្ឋមន្ត្រី ហ៊ុន សែន​៖ ទោះបី​ក្នុង​កាលៈទេសៈ​ណា​ក៏​ដោយ រាជរដ្ឋាភិបាល​កម្ពុជា បន្ដ​រក្សា​ស្ថិរភាព​នយោបាយ និង​ស្ថិរភាព​ម៉ាក្រូសេដ្ឋកិច្ច​ឱ្យបាន​ល្អ​ប្រសើរ​ - សម្តេច​តេជោ ហ៊ុន សែន និង​សម្តេច​កិត្តិ​ព្រឹទ្ធ​បណ្ឌិត​អញ្ជើញ​ទៅ​បុណ្យ​ឆ្លង​ភ្ជុំបិណ្ឌ​នៅ​វត្ត​វាំង​ចាស់​ - ស្អែក​នេះ​សម្តេច​ហ៊ុន​សែន​និង​ភរិយា​នឹង​ទៅ​ចូលរួម​ពិធីបុណ្យ​ភ្ជុំបិណ្ឌ​នៅ​វត្ត​វាំង​ចាស់​ខេត្តកំពង់ស្ពឺ - សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន អញ្ជើញ​បូជា​ទៀន ធូប ផ្កា​ភ្ញី ថ្វាយ​ព្រះ​រតនត្រ័យ និង​នាំយក​នូវ​គ្រឿងឧបភោគ​-​បរិភោគ ចង្ហាន់​បិណ្ឌ​បាត្រ និង​បច្ច័យ​ទៅ​កាន់បិណ្ឌ​វេន​ទី​១៣ នៅ​វត្ត​បទុម​វ​តីរា​ជ​វ​រា​រាម​ - អភិបាលខេត្ត​កណ្ដាល ចូលរួម​ក្នុង​ពិធី​ផ្ដល់​ជីសរីរាង្គ​ដែលជា​អំណោយ​របស់​ក្រុមហ៊ុន​ជប៉ុន ជូន​ដល់​សហគមន៍​កសិកម្ម​ចំនួន ២១ ទូទាំង​ខេត្ត​កណ្ដាល - លំនៅឋាន​ស្តង់ដា​ជប៉ុន ចាប់ផ្តើម​បើក​លក់​ដំណាក់កាល​ទី​២ - ក្រសួង​កសិកម្ម​កំពុង​ប្រឹងប្រែង​យកចិត្តទុកដាក់​ខ្ពស់​លើ​ការស្រាវជ្រាវ​និង​សហការ​ជាមួយ​វិស័យ​ឯកជន​និង​ដៃគូ​អភិវឌ្ឍន៍​បាន​ដាក់​ឲ្យ​ដំណើ​រនូវ​ឧបករណ៍​និង​គ្រឿងយន្ត​មួយចំនួន​បញ្ជ្រាប​ទៅក្នុង​សហគមន៍ - ​អនុ​មោទនា ពិធី​បុណ្យកាន់បិណ្ឌ វេន​ទី​៩ វត្ត​ព្រះពុទ្ធ​ឃោសនា​ចារ្យ (​ហៅ​ចិន​ដំ​ដែក​ខាងត្បូង​)
0

​អាជ្ញាធរ​និង​ជំនាញ​ត្រូវ​ឆ្លើយតប​ជា​បន្ទាន់​រាល់​សំណូមពរ​របស់​ប្រជាពលរដ្ឋ​ពី​បញ្ហា​ទាក់ទង​ផ្លូវ និង​ស្ពាន ដែល​ពិបាក​ធ្វើ​ដំណើរ​

​អាជ្ញាធរ​និង​ជំនាញ​ត្រូវ​ឆ្លើយតប​ជា​បន្ទាន់​រាល់​សំណូមពរ​របស់​ប្រជាពលរដ្ឋ​ពី​បញ្ហា​ទាក់ទង​ផ្លូវ និង​ស្ពាន ដែល​ពិបាក​ធ្វើ​ដំណើរ​

(​ខេត្ត​កំពត​)៖ អភិបាល​ខេត្ត​កំពត​បា​ន​ជំរុញ​ដល់​អាជ្ញាធរ មន្ត្រី​ជំនាញ និង​ពាក់ព័ន្ទ ឲ្យ​ដោះស្រាយ និង​ឆ្លើយតប​ជាបន្ទាន់ នៅពេល​ទទួលបាន​សំណូមពរ​ផ្សេងៗ​ពិសេស​បញ្ហា​ទាក់ទង​នឹង​ផ្លូវ ឬ​ស្ពាន ពិបាក​ការធ្វើដំណើរ​ឆ្លងកាត់រ​បស់​ប្រជាពលរដ្ឋ ទៅ​ប្រកបមុខរបរ​រកស៊ី​ទ​ទួល​ទាន ឬ​ទៅ​ក្នុង​គោលបំណង​ផ្សេងៗ​ទៀត​នោះ​។

​ការជំរុញ​បែបនេះ ខណៈ​ឯកឧត្តម ជាវ តា​យ​អភិបាល​នៃ​គណៈ​អភិបាលខេត្ត​កំពត ក្នុងឱកាស​នៃ​ដំណើរ​ចុះ​សួរសុខទុក្ខ និង​ស្វែងយល់ បញ្ហា​សំណូមពរ បញ្ហា​ប្រឈម បញ្ហា​កង្វល់​របស់​ប្រជាពលរដ្ឋ ក្នុង​ឃុំ​ត្រពាំង​សង្កែ និង​ឃុំ​ត្រពាំង​ព្រីង ស្រុក​ទឹកឈូ ខេត្ត​កំពត នៅ​ថ្ងៃ​ទី​០៩ ខែ​សីហា ឆ្នាំ​២០២០ ដោយ​មាន​ការចូលរួម​ពី​
​អភិបាលរង​ខេត្ត ថ្នាក់ដឹកនាំ​មន្ទីរ​អង្គភាព​ជំនាញ​ពាក់ព័ន្ធ ដើម្បី​ជំរុញ​ដល់​ការដោះស្រាយ​បញ្ហា សំណូមពរ​មួយ​ចំនួន ទា​ក់ទង់​ផ្លូវថ្នល់ និង​ស្ពាន ពិបាក​ធ្វើដំណើរ​ឆ្លងកាត់​ពិសេស​ក្នុង​រដូវវស្សា​ភ្លៀង​ធ្លាក់​របស់​ប្រជាពលរដ្ឋ​ក្នុង​មូលដ្ឋាន​។

​ឯកឧត្តម ជាវ តា​យ អភិបាលខេត្ត បាន​បន្ត​បញ្ជាក់ដែរថា រាជរដ្ឋាភិបាល​កម្ពុជា ក្រោម​ការដឹកនាំ​របស់​សម្ដេច​តេជោ ហ៊ុន សែន គឺ​សម្ដេច​តេជោ​តែងតែ ក្រើនរំលឹក​ដល់​មន្ត្រី​គ្រប់​លំដាប់ថ្នាក់​ឲ្យមាន​ការយកចិត្តទុកដាក់​រួមសុខ​រួមទុក្ខ ដោះស្រាយ​រាល់​បញ្ហា សំណូមពរ ក្តីកង្វល់ ការលំបាក​ជូន​ប្រជាពលរដ្ឋ​នៅ​គ្រប់​មូលដ្ឋាន​ទូទាំង​ប្រទេស​។ ជាងនេះទៅទៀត ការកសាង​ហេដ្ឋារចនាសម្ព័ន្ធ​ផ្លូវថ្លល់ ត្រូវបាន​រាជរដ្ឋាភិបាល​ចាត់ទុក​ជា​ការងារ​អាទិ​ភាព​មួយ ហើយ​ជានិច្ចកាល​សម្តេច​តែងតែ​បាន​លើកឡើង​ថា “ មាន​ផ្លូវ គឺ​មាន​សង្ឃឹម ” ។ យ៉ាងណាមិញ សម្រាប់​ខេត្ត​កំពត ក៏​ដូចគ្នា​ដែរ រាល់​បញ្ហា និង​សំណូមពរ​អាជ្ញាធរ​និង​ជំនាញ​ពាក់ព័ន្ធ ត្រូវតែ​ប្រញាប់​ដោះស្រាយ និង​ឆ្លើយតប​ទៅ​ប្រជាពលរដ្ឋ​ជាបន្ទាន់ ពិសេស​បញ្ហា​ទាក់ទង​ផ្លូវថ្នល់ និង​ស្ពាន សម្រាប់​ធ្វើដំណើរ​ទៅ​មក​ប្រចាំថ្ងៃ ។

​ឯកឧត្តម​អភិបាល​ក៏​បាន​បញ្ជាក់ទៀតថា រាល់​ការដោះស្រាយ​បញ្ហា​ផ្សេងៗ មិន​មាន​បញ្ហា​អ្វី ជា​ឧបសគ្គ​ដែល​ដោះស្រាយ​មិន​បាន​នោះឡើយ ឱ្យតែ​មាន​ឆន្ទៈ​និង​កិច្ចសហការ សាមគ្គី​គ្នា​ល្អ ទាំង​ថ្នាក់​ដឹកនាំ មន្ត្រីរាជការ កងកម្លាំង និង​អាជ្ញា​ធរមាន​សមត្ថកិច្ច​គ្រប់​លំដាប់ថ្នាក់ ព្រមទាំង​ប្រជាពលរដ្ឋ​ក្នុង​មូលដ្ឋាន ។ ដូច្នេះ​ការដោះស្រាយ​បញ្ហា​ទាំងឡាយ​ណា​ដែល​កើត​នៅក្នុង​មូលដ្ឋាន​នី​មួយៗ គឺ​ត្រូវ​ទាមទារ​ឲ្យមាន​ការយកចិត្តទុកដាក់ រួម​គ្នា​គិត រួមគ្នា​ធ្វើ រួម​គ្នា​ទទួលខុសត្រូវ ដើម្បី​ផលប្រយោជន៍​រួម គឺ​ដំណោះស្រាយ ត្រូវ​តែ​អាច​កើត​ចេញ​បាន​ជា​លទ្ធផល​ពុំខាន​ឡើយ​។

​ជាមួយ​លទ្ធផល​នៃ​ការដោះស្រាយ​រាល់​បញ្ហា​សំណូមពរ​របស់​ប្រជាពលរដ្ឋ​នា​ឱកាស​នោះ ឯកឧត្តម ជាវ តា​យ​អភិបាលខេត្ត​បាន​ដោះស្រាយ និង​ឆ្លើយតប​សំណូមពរ​ពលរដ្ឋ​ទាំងពីរ ឃុំ​ចំនួន​៤​ចំនុច ៖ ទី​១-​អាជ្ញាធរ មន្ត្រី​ជំនាញ និង​ពាក់ព័ន្ធ ត្រូវបាន​ដាក់លូ​ដោះ​ទឹក​ដើម្បីឲ្យ​ប្រជាពលរដ្ឋ​អាច​ឆ្លងកាត់​បាន​ខណៈ​ដែល​ស្ពាន នៅលើ​ផ្លូវ​លេខ ១៣៩ ដែល​កំពុង​សាងសង់​នៅមុខ​សាលាឃុំ​ត្រពាំង​ព្រីង​ជា​បណ្ដោះអាសន្ន​, ទី​២-​អាជ្ញាធរ​ឃុំ​ត្រូវ​ជម្រុញ​ការសាងសង់​ផ្លូវ​១​ខ្សែ ប្រវែង ១០០០​ម៉ែត្រ​ក្នុង​ភូមិ​អង្គ ឃុំ​ត្រពាំង​ព្រីង​ឲ្យបាន​ឆាប់រហ័ស ដោយ​ប្រើប្រាស់​ថវិកា​មូលនិធិ​ប្រចាំឆ្នាំ​របស់​ឃុំ​.​ទី​៣- បាន​សម្របសម្រួល​ដោះស្រាយ​ជាមួយ​ប្រជាពលរដ្ឋ​ដើម្បី​ពង្រីក​ការសាងសង់​ផ្លូវ​បេតុង​ប្រវែង​ជិត​៣០០​ម៉ែត្រ ទទឹង​២​ម៉ែត្រ ចូល​ផ្ទះ​ពលរដ្ឋ​ប្រមាណ​ចំនួន​២០​គ្រួសារ​តាម​ការស្នើសុំ និង​ទី​៤-​ដោះស្រាយ​ឆ្លើយតប​តាម​សំណើ​របស់​ប្រជាពលរដ្ឋ ដើម្បី​ពង្រីក​និង​ចាក់​គ្រួស​ក្រហម លើ​ផ្លូវ​ចូល​ផ្ទះ​របស់​ពួកគាត់​ក្រោម​ការឧបត្ថម្ភ​ថវិកា​របស់​ឯកឧត្តម​អភិបាលខេត្ត​៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com