ទាន់ហេតុការណ៍
សម្តេច​តេជោ ហ៊ុន សែន និង សម្តេច​កិត្តិ​ព្រឹទ្ធ​បណ្ឌិត បាន​រៀបចំ​ពិធីរាប់បាត្រ​ក្នុង​កិច្ច​បង្ហើយ​បុណ្យ​គម្រប់​១០០​ថ្ងៃ ឧទ្ទិស​កុសល​ជូន​វិញ្ញាណក្ខន្ធ​មហា​ឧបាសិកា ប៊ុន ស៊ា​ង​លី​ - ពិធី​បិទ​កិច្ចប្រជុំ​ផ្សព្វផ្សាយ​បទបញ្ជា​លេខ ០១ បប របស់​រាជដ្ឋាភិបាល​កម្ពុជា ស្ដីពី​ការអនុវត្ត​ផែនការ​ដោះស្រាយ​បញ្ហា​កូដកម្ម បាតុកម្ម​នៅ​តាម​មុខសញ្ញា​សម្រាប់​ឆ្នាំ​២០២០-២០២៤ - ពលរដ្ឋ​ត្រូវ​បង្កើន​ការប្រុងប្រយ័ត្ន ដើម្បី​ទប់ស្កាត់​ជំងឺ​កូវី​ដ​១៩ កុំឲ្យ​ឆ្លង​រាលដាល​ក្នុងសហគមន៍ - ឯកឧត្តម អ៊ុន ចាន់​ដា ចុះ​ពិនិត្យ បញ្ហា​វិវាទ​ដី តំបន់​មេទឹក​ក្នុងស្រុក​បាធាយ និង​កំណត់​នីតិវិធី​ឈ្នះ​ឈ្នះ​ដើម្បី​ដោះស្រាយ​ - ​អាជ្ញាធរ​និង​ជំនាញ​ត្រូវ​ឆ្លើយតប​ជា​បន្ទាន់​រាល់​សំណូមពរ​របស់​ប្រជាពលរដ្ឋ​ពី​បញ្ហា​ទាក់ទង​ផ្លូវ និង​ស្ពាន ដែល​ពិបាក​ធ្វើ​ដំណើរ​ - ឯកឧត្តម វេង សាខុន អញ្ជើញ​មក​ជួប​សំណេះសំណាល​ជាមួយ​ប្រជា​ពលរដ្ធ​និង​នាំយក​កូន​ឈើហូប​ផ្លែ​(​ដូង ខ្មុរ មាន ឬ​ស្សី ស្វាយ​ត្របែក និង​ស្តៅ​)​ពូជ មាន់​និង​ចំណី​មាន់មក​ចែក​ជូន​ប្រជា​ពលរដ្ធ​ចំនួន​២០០​គ្រួសារ​ក្នុង​ស្រុក​តា​លោ សែន​ជ័យ​ - ឯកឧត្តម អ៊ុន ចាន់​ដា អញ្ជើញ​ដឹកនាំ​ប្រតិភូ​រដ្ធបាលខេត្ត ជួបប្រជុំ​ជាមួយ​ប្រតិភូ​គណ​:​កម្មា​ការទី​៧ នៃ​ព្រឹទ្ធសភា​ - ជនសង្ស័យ​០៨​នាក់​ដែល​ជា​មុខសញ្ញា​ជួញដូរ ប្រើប្រាស់​គ្រឿងញៀន ត្រូវ​កម្លាំង​សមត្ថកិច្ច​ស្រុក​ឈូក​បង្ក្រាប​ - ទីស្នាក់ការ​គណបក្ស​ប្រជាជន​កម្ពុជា​គោក​រកា តម្លៃ​៦​ម៉ឺន​ដុល្លារ នឹង​សម្ពោធ​ឲ្យប្រើ​ប្រាស់​ ​ក្រោម​អធិបតីភាព​ដ៏​ខ្ពង់ខ្ពស់ ឯកឧត្តម ប៉ា សុជាតិ​វង្ស សមាជិក​គណៈកម្មការ​កណ្តាល និង​ជា​ប្រធាន​គណៈកម្មការ​បក្ស​រាជធានី​ភ្នំពេញ​ - ​ពលរដ្ឋ​ក្រីក្រ​ឃុំ​ស្វាយ​ទង​ខាងត្បូង ស្រុក​កំពង់ត្រាច​ទទួលបាន​ប័ណ្ណ​សមធម៌​ពី​រាជរដ្ឋាភិបាល​
0

អភិបាល​រាជធានី​ភ្នំពេញ ព្រមាន​ដក​ប្រធាន​ផ្សារ និង​ប្រធាន​ចំណត​រថយន្ត​ផ្សារ​ដើមគ​បើ​មិន​សហការ​គ្នា​រៀបចំ​សណ្តាប់ធ្នាប់​

អភិបាល​រាជធានី​ភ្នំពេញ ព្រមាន​ដក​ប្រធាន​ផ្សារ និង​ប្រធាន​ចំណត​រថយន្ត​ផ្សារ​ដើមគ​បើ​មិន​សហការ​គ្នា​រៀបចំ​សណ្តាប់ធ្នាប់​

(​ភ្នំពេញ​) ÷ ឯកឧត្តម ឃួ​ង ស្រេង អភិបាល នៃ​អភិបាល រាជធានី​ភ្នំពេញ បាន​ធ្វើការ​ព្រមាន​ថា​នឹង​ដក​ប្រធាន​ផ្សារ​ដើមគ និង​ប្រធាន​ចំណត​រថយន្ត​ផ្សារ​នេះ​ប្រសិនបើ​ពួកគាត់ នៅ​តែ​ធ្វើការ​មិន​ចុះសម្រុង​គ្នា ដោយ​មិន​សហការ​រៀបចំ​សណ្តាប់ធ្នាប់​ឱ្យបាន​ល្អ​ធ្វើឲ្យ​បាត់បង់​សណ្តាប់ធ្នាប់ ជាពិសេស​ផ្លូវចេញចូល​តែម្តង ព្រមទាំង​បង្ក​ការ​ថ្នាំងថ្នាក់​ដល់​អាជីវករ​ទៀត​នោះ ។​

​ឯកឧត្តម ឃួ​ង ស្រេង បាន​ព្រមាន​បែបនេះ​ក្នុង​ពិធី​សម្ពោធ​ដាក់ឲ្យ​ប្រើប្រាស់​ស្ពាន​អាកាស​ថ្មើរជើង​ផ្សារ​ដើម​គ​កាលពី​ថ្ងៃ​ទី ២៤ ខែកក្កដា ឆ្នាំ​២០២០​។​

​ឯកឧត្តម ឃួ​ង ស្រេង មានប្រសាសន៍ថា ប្រធាន​ចំណតរថយន្ត​ផ្សារ​ដើម​គ ត្រូវ​រៀបចំ​សណ្ដាប់ធ្នាប់ របៀបរៀបរយ​ឲ្យបាន​ល្អ ចៀសវាង​ការ​ថ្នាំងថ្នាក់​ពី សំណាក់​ប្រជាពលរដ្ឋ​និង​អាជីវករ​។​

​ដូច្នេះ​ប្រធាន​ផ្សារ និង​អ្នកគ្រប់គ្រង​បេនឡាន​ផ្សារ​ដើមគ​ត្រូវ​រួមគ្នា​ដើម្បី​រៀបចំ​សណ្ដាប់ធ្នាប់​ឲ្យបាន​ល្អ សំខាន់​ត្រូវ​ឱ្យមាន​ច្រកចេញ​ចូល​ទៅ​ក្នុង​ផ្សារ​ឲ្យបាន​ស្រួល ។​

​បើ​មិន​ដូច្នោះ​ទេ អ្នក​ទាំង​ពីរ​ប្រឈម​នឹង​ការដក​តួនាទី​ចេញពី​ការងារ​នេះ​តែម្តង ។​

​មុន​ចាប់ផ្ដើម​ពិធី​សម្ពោធ​ដាក់ឲ្យ​ប្រើប្រាស់​នូ​វស្ពានអាកាស​ថ្មើរជើង ខាងលើនេះ ឯកឧត្តម ឃួ​ង ស្រេង បាន​ចូល​ទៅ​សំណេះសំណាល​ជាមួយ​បងប្អូន អាជីវករ​នៅ​ក្នុង​ផ្សារ​ដើម​គ ហើយ​ត្រូវបាន​បងប្អូន​ប្រជាពលរដ្ឋ​និង​អាជីវករ​ក្នុង​ផ្សារ​ស្នើសុំ​និង​សំណូមពរ​ឱ្យ​លោក​អភិបាល​រាជធានី​ភ្នំពេញ ជួយ​ធ្វើ​អន្តរាគមន៍​បើកផ្លូវ​ចេញ​ចូល​ផ្សារ ខណៈ​ចំណតរថយន្ត​បាន​យក​រថយន្ត​មក​ចត​បិទបាំង​ផ្លូវ​មិន​អាច​ឲ្យ​ប្រជាពលរដ្ឋ ក៏ដូចជា​អាជីវករ​ចេញចូល​បាន ។

​ផ្ដើមចេញ​ពី​បញ្ហា​នេះ​ទើប​លោក​អភិបាល រាជធានី​ភ្នំពេញ​ធ្វើការ​ព្រមាន​ដក​ប្រធាន​ផ្សារ និង​ប្រធាន​បេនឡាន​ផ្សារ​ដើម​គ​ដោយ​លោក​បញ្ជាក់ថា បើ​ធ្វើ​ការងារ​មិន​ត្រូវ​គ្នា​ទេ បើ​ដក​គឺ​ដក​ទាំង​ពីរ​នាក់​តែម្តង​។​

​លោក​សាំ ពិសិដ្ឋ នាយក​មន្ទីរ​សាធារណការ និង​ដឹកជញ្ជូន​រាជធានី​ភ្នំពេញ បានឲ្យដឹងថា ស្ពាន​អាកាស ថ្មើរជើង​ទល់មុខ​ផ្សារ​ដើម​គនេះ​ជា​គម្រោង មួយ​ក្នុង​ចំណោម​គម្រោង​សាងសង់​ស្ពាន អាកាស​ថ្មើរជើង​ចំនួន​២៧​ទីតាំង​នៅក្នុង​ភូមិសាស្ត្រ​រាជធានី​ភ្នំពេញ ដែល រាជរដ្ឋាភិបាល​អនុញ្ញាត​ឱ្យ​មាន​ការ សាងសង់​តាម​លិខិត​លេខ​៨៩១​ស​ជណ ម​យ​ចុះ ថ្ងៃទី​១៤ ខែមិថុនា ឆ្នាំ​២០១៩ របស់​ទីស្តីការគណៈរដ្ឋមន្ត្រី ហើយ​ស្ពាន​អាកាស​ថ្មើរជើង​នេះ សាងសង់ឡើង ដោយ​ក្រុមហ៊ុន​ជំនាញ​ដោយ​ប្រើប្រាស់​ការសាងសង់​រយៈ​ពេល​៧​ខែ ដែល​ចាប់ផ្តើម​សាងសង់​នៅ​ដើម​ខែ​ធ្នូ ឆ្នាំ​២០១៩ និង​សាងសង់​រួចរាល់​ជា​ស្ថាពរ នៅ​ដើម​ខែ​កក្កដា ឆ្នាំ​២០២០ ។​

​លោក​បន្តថា ស្ពាន​អាកាស​នេះ​បណ្ដោយ​ស្ពាន​មាន​ប្រវែង​២៨​ម៉ែត្រ ទទឹង​ស្ពាន​មាន​ប្រវែង​៣.៤ ម៉ែត្រ ទទឹង​ផ្លូវ​ដើរ​មាន​ប្រវែង​២.៨ ម៉ែត្រ កម្ពស់​ពី​ផ្លូវ​មក បាត​ស្ពាន​៥.៥០​ម៉ែត្រ កម្ពស់​ពី​កម្រាល​ដើរ​ដល់​ពិ​តាន ដំបូល​៣​កញ្ចក់​ស្រោប​អុ​ី​ណុក​៥០​ម៉ែត្រ កម្ពស់ បង្កាន់ដៃ​១.២០​ម៉ែត្រ ព្រមទាំង​រៀបចំ​និង​បំពាក់​កញ្ចក់​ដាក់​ភ្លើង​បំភ្លឺ​នៅលើ​ស្ពាន និង​ក្រោម​ស្ពាន កម្រាល​ថ្មើរជើង​ធ្វើ​អំពី​បេតុង​គ្រោង​ដែក​ក្រាល​ដោយ​ថ្ម​ក្រា​នី​ត ។​

​លោក សាំ ពិសិដ្ឋ បានឱ្យដឹង​ទៀត​ថា ទន្ទឹមនឹងនេះ​ការដ្ឋាន​ថ្មី​មួយទៀត​កំពុង​សាងសង់ គឺ​ស្ពាន​អាកាស​ថ្មើរជើង​នៅ​
​ស្តុបស​ន្ធ​រម៉ុក​ទល់មុខ​សាលាបឋមសិក្សា​សន្ធរម៉ុក​ស្ថិតក្នុង​សង្កាត់​ទឹកល្អក់ ទី​១ ខណ្ឌ​ទួលគោក រាជធានី​ភ្នំពេញ ដែល​គិត​មកដល់ពេលនេះ​សម្រេចបាន​២០% និង​មាន​ផែនការ​បន្ត​ការសាងសង់​ស្ពាន​អាកាស​ថ្មើរជើង​បន្តបន្ទាប់​ចំនួន​២៥ ទីតាំង​ទៀត ដែល​បាន​កំណត់​ក្នុង​លិខិត លេខ ៨៤១ ស​ជណ​.​មួយ​ចុះ​ថ្ងៃទី​១៤ ខែមិថុនា ឆ្នាំ ២០១៨ របស់​ទីស្ដីការគណៈរដ្ឋមន្ត្រី ។​

​មន្ត្រីរដ្ឋបាល​រាជធានី​ភ្នំពេញ បានឲ្យដឹងថា ស្ពាន​អាកាស​ថ្មើរជើង​ផ្សារ​ដើមគ​នេះ ត្រូវបាន​សាងសង់​ឡើង​ដោយ​ក្រុមហ៊ុន មាន​បទពិសោធន៍ និង​ស្នាដៃ​ស្ថាបនា​ស្ពាន​តែម្តង ហើយ​ក្រុមហ៊ុន​នេះ​នឹង​បន្ត​សាងសង់​ស្ពាន​អាកាស​ថ្មើរជើង​នៅ រាជធានី​ភ្នំពេញ​បន្តទៀត ។​

​សូមបញ្ជាក់​ថា មកដល់ពេលនេះ រាជធានី ភ្នំពេញ មាន​ស្ពាន​អាកាស​ថ្មើរជើង​ចំនួន​៤​កន្លែង​ហើយ គឺ ស្ពាន អាកាស​ថ្មើរជើង​នៅ​តំបន់​សាលា​ជម្ពូ​វ័ន​ចំនួន​១ រង្វង់​មូល​នាង​គ​ង្ហី​ង​១ ស្ពាន​អាកាស​ថ្មើរជើង​នៅ​ផ្សារ​ដើម​គ​ដែល​ដាក់​ឱ្យ​ដំណើរការ​ក្នុង​ពេល​នេះ​១ និង​ស្ពាន​អាកាស​ថ្មើរជើង​នៅ​ស្តុបស​ន្ធ​រម៉ុក​ទល់មុខ​សាលាបឋមសិក្សា​សន្ធរម៉ុក ដែល​កំពុង ដំណើរការ​ផងដែរ ៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com