ទាន់ហេតុការណ៍
លោក អភិបាលរាជធានីភ្នំពេញ បានអញ្ជើញចុះ ត្រួតពិនិត្យ មើលវឌ្ឍភាពការងារស្ថាបនាផ្លូវនៅមុខទីស្តីការគណៈរដ្ឋមន្រ្តី - ​លោក សោម ពិសិដ្ឋ ដឹកនាំ​កិច្ចប្រជុំ​គណ​:​បញ្ជាការ​ឯកភាព រដ្ឋបាល​ខេត្ត​កែប​ - សេចក្តីជូនដំណឹង - ​ឯកឧត្តម​ឧត្តមសេនី​យ៍​ឯក​ហ៊ុន​ម៉ាណែត និង​លោកជំទាវ​ឧបត្ថម្ភ​រថយន្ត​សង្គ្រោះ​មួយ​គ្រឿង​ដល់​ស្នងការដ្ឋាន​នគរបាល​ខេត្ត​កណ្តាល​ - ​ប្រជាពលរដ្ឋ​ជួប​បញ្ហា​ខ្វះខាត ចំនួន​១០​គ្រួសារ នៅ​ភូមិ​កោះ​សោម ឃុំ​អង្កោល បាន​ទទួល​អំណោយ​ពី​សហភាព​សហព័ន្ធ​យុវជន​កម្ពុជា​ខេត្ត​កែប​ - លោក គង់សោភ័ណ្ឌអភិបាល ខេត្តកណ្តាល បានអញ្ជើញ ក្នុងកិច្ចប្រជុំ ពិភាក្សាដោះស្រាយ ដីធ្លីមួយ ចំនួនក្នុងស្រុក កៀនស្វាយ ខេត្តកណ្តាល - លោក នុត ពុធដារ៉ា អភិបាលរង ខេត្តកណ្ដាល ជំរុញអោយអភិបាលក្រុង/ ស្រុក និងមន្ទីរ អង្គភាព ពាក់ព័ន្ធ ត្រូវឆ្លើយតបនូវរាល់លិខិតរបស់ក្រសួងមហាផ្ទៃ ពាក់ព័ន្ធ នឹងការចុះផ្សាយរបស់សារព័ត៌មាន អោយបានលឿន និង ទទួលយកបាន! - លោក គីម រិទ្ធី អញ្ជើញជាអធិបតីភាព ក្នុងពិធីប្រកាសតែងតាំង លោក ខណ្ណារ៉ា អេលីត ជាប្រធានការិយាល័យគយ និង រដ្ឋករជ្រៃធំ នៃសាខាគយរដ្ឋករ ខេត្តកណ្ដា ជំនួសលោក មួង ដារ៉ា - ​កិច្ចប្រជុំ​ស្តីពី​ការចុះ​ធ្វើ​សវនកម្ម​លើ​ការគ្រប់គ្រង​ហិរញ្ញវត្ថុ និង​ការគ្រប់គ្រង​ទ្រព្យសម្បត្តិ​រដ្ឋ សម្រាប់​ការិយបរិច្ឆេទ​ឆ្នាំ ២០១៩ និង​ឆ្នាំ​ពាក់ព័ន្ធ​របស់​រដ្ឋបាល​ខេត្ត​ - សម្ដេច​តេជោ ហ៊ុន សែន អបអរសាទរ​ទិវា​មច្ឆា​ជាតិ ថ្ងៃទី​១ ខែកក្កដា ឆ្នាំ​២០២០
0

​សម្ភារៈ​សិក្សា​ជាច្រើន ត្រូវបាន​ផ្តល់ជូន​សិស្សានុសិស្ស សម្រាប់​អបអរ​ក្នុង​ទិវា​កុមារ​អន្តរជាតិ ១​មិថុនា​

​សម្ភារៈ​សិក្សា​ជាច្រើន ត្រូវបាន​ផ្តល់ជូន​សិស្សានុសិស្ស សម្រាប់​អបអរ​ក្នុង​ទិវា​កុមារ​អន្តរជាតិ ១​មិថុនា​

(​ខេត្ត​កែប​)៖ សម្ភារ​:​សិក្សា មានដូចជា​ប៊ិច សៀវភៅ ខ្មៅ​ដៃ និង​សម្ភារៈ​ផ្សេង​ទៀត​ត្រូវបាន​ចែកជូន​ដល់ សិស្សសាលា​បឋមសិក្សា​ចំនួន​៣ គឺ​សាលា​បឋមសិក្សា​ព្រៃ​តា​កុយ សាលាបឋមសិក្សា​ត្រពាំង​ឈូក និង សាលាបឋមសិក្សា​ចំការ​ស្វាយ ដែល​ពិធី​នេះ​ធ្វើឡើង​នៅ​ព្រឹក​ថ្ងៃទី​១៩ ខែមិថុនា ឆ្នាំ​២០២០ នៅក្នុង​បរិវេណ​សាលាបឋមសិក្សា​ព្រៃ​តា​កុយ ស្ថិតក្នុងា​ឃុំ​ពងទឹក ស្រុក​ដំណាក់​ចង្អើរ ខេត្ត​កែប ក្រោម​អធិបតីភាព លោក ងិន ងិន​ដា អភិបាលរង​ខេត្ត តំណាង​ដ៏​ខ្ពង់ខ្ពស់ លោក សោម ពិសិដ្ឋ អភិបាលខេត្ត​កែប​។​

​ពិធី​នេះ​បាន​រៀបចំ​ឡើង​ដើម្បី​អបអរសាទរ​នៃ​ការរៀបចំ​ទិវា​កុមារ​អន្តរជាតិ ១​មិថុនា ខួប​លេីក​ទី​៧១ ទិវា​ពិភពលោក​ប្រឆាំង​ពលកម្ម​កុមារ ១២ មិថុនា លេីក​ទី ១៩ និង​ទិវា​កុមារ​កម្ពុជា ២០២០​។​

​បន្ទាប់ពី​បាន​អាន​សារលិខិត របស់​សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ស្តីពី ទិវា​កុមារ​អន្តរជាតិ ១ មិថុនា ខួប​លេីក​ទី​៧១ ទិវា​ពិភពលោក​ប្រឆាំង​ពលកម្ម​កុមារ ១២ មិថុនា លេីក​ទី​១៩ និង​ទិវា​កុមារ​កម្ពុជា ២០២០ រួចមក លោក ងិង ងិង​ដា មានប្រសាសន៍ថា កុមារ​គឺជា​ធនធាន​មនុស្ស​ជា​ទំពាំង​ស្នង​ឫស្សី​ដែល​មិន​អាច​ខ្វះ​បាន​សម្រាប់​ការអភិវឌ្ឍ​ប្រទេសជាតិ​នា​ពេលអនាគត ហេតុនេះហើយ យើង​ត្រូវតែ​ផ្តល់​កិច្ច​ការពារ និង​អភិវឌ្ឍ​កុមារ​ឲ្យបាន​ល្អ​ប្រសើរ​។ ការអប់រំ ការពារ​គឺជា​ភារកិច្ច​យ៉ាងសំខាន់​ដែល​តម្រូវឲ្យ​មាន​ការអនុវ​ត្ត​តាម​បែប​ពហុ​វិស័យ មិនមែន​តែ​វិស័យ​អប់រំ​ម្នាក់​ឯង​នោះ​ទេ គឺ​ត្រូវ​មាន​ការតាមដាន ការពង្រឹង និង​ពង្រីក​សេវា​អប់រំ និង​ថែរក្សា​សុខភាព​អា​នាម័យ ដោយ​ផ្តោត​ជាពិសេស​លើ​កុមារ​ដែល​រងគ្រោះ និង​ងាយ​រងគ្រោះ សំខាន់​ជាង​នេះ គឺ​ទប់ស្កាត់​ការចម្លង​ជំងឺ​កូវី​ដ​១៩ ទៅ​ក្នុង​សហគមន៍ និង​ចម្លង​ទៅ​កុមារ​។​

​លោក​អភិបាលរង​ខេត្ត បាន​បន្ថែមទៀតថា រាជរដ្ឋាភិបាល​កម្ពុជា បាន​ខិតខំ​ទប់ស្កាត់​អំពើ​ហិង្សា​លើ​កុមារ ដូច​ជា​ការលើកកម្ពស់​ការយល់ដឹង​របស់​សារ​ធា​រណ​ជន​លើ​កុមារ បណ្តុះបណ្តាល អាជ្ញាធរ​ពាក់ព័ន្ធ ដើម្បី​ផ្លាស់ប្តូរ​ឥរិយាបថ​សង្គម ការអប់រំ​ឪពុកម្តាយ ក្នុងការ​ថែទាំ​កុមារ តាម​បែប​វិជ្ជមាន​ជំនាញ និង​ការដោះស្រាយ​បញ្ហា​សម្រាប់ប្តី​ប្រពន្ធ​ផងដែរ​៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com