ទាន់ហេតុការណ៍
លោក អភិបាលរាជធានីភ្នំពេញ បានអញ្ជើញចុះ ត្រួតពិនិត្យ មើលវឌ្ឍភាពការងារស្ថាបនាផ្លូវនៅមុខទីស្តីការគណៈរដ្ឋមន្រ្តី - ​លោក សោម ពិសិដ្ឋ ដឹកនាំ​កិច្ចប្រជុំ​គណ​:​បញ្ជាការ​ឯកភាព រដ្ឋបាល​ខេត្ត​កែប​ - សេចក្តីជូនដំណឹង - ​ឯកឧត្តម​ឧត្តមសេនី​យ៍​ឯក​ហ៊ុន​ម៉ាណែត និង​លោកជំទាវ​ឧបត្ថម្ភ​រថយន្ត​សង្គ្រោះ​មួយ​គ្រឿង​ដល់​ស្នងការដ្ឋាន​នគរបាល​ខេត្ត​កណ្តាល​ - ​ប្រជាពលរដ្ឋ​ជួប​បញ្ហា​ខ្វះខាត ចំនួន​១០​គ្រួសារ នៅ​ភូមិ​កោះ​សោម ឃុំ​អង្កោល បាន​ទទួល​អំណោយ​ពី​សហភាព​សហព័ន្ធ​យុវជន​កម្ពុជា​ខេត្ត​កែប​ - លោក គង់សោភ័ណ្ឌអភិបាល ខេត្តកណ្តាល បានអញ្ជើញ ក្នុងកិច្ចប្រជុំ ពិភាក្សាដោះស្រាយ ដីធ្លីមួយ ចំនួនក្នុងស្រុក កៀនស្វាយ ខេត្តកណ្តាល - លោក នុត ពុធដារ៉ា អភិបាលរង ខេត្តកណ្ដាល ជំរុញអោយអភិបាលក្រុង/ ស្រុក និងមន្ទីរ អង្គភាព ពាក់ព័ន្ធ ត្រូវឆ្លើយតបនូវរាល់លិខិតរបស់ក្រសួងមហាផ្ទៃ ពាក់ព័ន្ធ នឹងការចុះផ្សាយរបស់សារព័ត៌មាន អោយបានលឿន និង ទទួលយកបាន! - លោក គីម រិទ្ធី អញ្ជើញជាអធិបតីភាព ក្នុងពិធីប្រកាសតែងតាំង លោក ខណ្ណារ៉ា អេលីត ជាប្រធានការិយាល័យគយ និង រដ្ឋករជ្រៃធំ នៃសាខាគយរដ្ឋករ ខេត្តកណ្ដា ជំនួសលោក មួង ដារ៉ា - ​កិច្ចប្រជុំ​ស្តីពី​ការចុះ​ធ្វើ​សវនកម្ម​លើ​ការគ្រប់គ្រង​ហិរញ្ញវត្ថុ និង​ការគ្រប់គ្រង​ទ្រព្យសម្បត្តិ​រដ្ឋ សម្រាប់​ការិយបរិច្ឆេទ​ឆ្នាំ ២០១៩ និង​ឆ្នាំ​ពាក់ព័ន្ធ​របស់​រដ្ឋបាល​ខេត្ត​ - សម្ដេច​តេជោ ហ៊ុន សែន អបអរសាទរ​ទិវា​មច្ឆា​ជាតិ ថ្ងៃទី​១ ខែកក្កដា ឆ្នាំ​២០២០
0

ពិធី​ប្រកាស​ចូល​កាន់តំណែង​ប្រធាន​មន្ទីរ​រៀបចំ​ដែនដី​នគរូបនីយកម្ម សំណង់ និង​សុរិយោដី​ខេត្ត​កែប​

ពិធី​ប្រកាស​ចូល​កាន់តំណែង​ប្រធាន​មន្ទីរ​រៀបចំ​ដែនដី​នគរូបនីយកម្ម សំណង់ និង​សុរិយោដី​ខេត្ត​កែប​

(​ខេត្ត​កែប​)៖ នៅ​ព្រឹក​ថ្ងៃ​ចន្ទ ទី​១៥ ខែមិថុនា ឆ្នាំ​២០២០ រដ្ឋបាល​ខេត្ត​កែប បាន​រៀបចំ​ពិធី​ប្រកាស​ចូល​កាន់តំណែង ប្រធាន​មន្ទីរ​រៀបចំ​ដែនដី នគរូបនីយកម្ម​សំណង់ និង​សុរិយោដី​ខេត្ត​កែប ដោយ​ពិធី​ប្រកាស​នេះ​ស្ថិតក្រោម​អធិបតីភាព លោក ឆាន់ សាផាន រដ្ឋលេខាធិការ​ប្រចាំការ តំណាង​ដ៏​ខ្ពង់ខ្ពស់ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រី​ក្រសួង​រៀបចំ​ដែនដី​នគរូបនីយកម្ម និង​សំណង់ លោក សោម ពិសិដ្ឋ អភិបាល​នៃ​គណៈ​អភិបាលខេត្ត​កែប និង លោក សំ សារី​ន ប្រធាន​ក្រុមប្រឹក្សា​ខេត្ត និង​ក៏​មាន​ការអញ្ជើញ​ចូលរួម ពី​សំណាក់ លោក លោកស្រី ជា​អភិបាលរង​ខេត្ត ប្រធាន អនុប្រធាន​មន្ទីរ អង្គភាព​ជុំវិញ​ខេត្ត កងកម្លាំងប្រដាប់អាវុធ​ទាំង​បី​ប្រភេទ អភិបាលក្រុង ស្រុក ក្រុម​យុវជន​ទាំង​បី និង​មន្ត្រីរាជការ​ចំណុះ​ក្នុង​រដ្ឋបាល​ខេត្ត​កែប​ផង​ដែរ​។​

​យោងតាម​សេចក្តីប្រកាស​របស់​រាជ​រដ្ឋាភិបាល ត្រូវបានតែងតាំង លោក សុទ្ធ ពុទ្ធិ​ម៉ា​នី​ន ជា​ប្រធាន​មន្ទីរ​រៀបចំ​ដែនដី​នគ​រូ​នីយកម្ម សំណង់ និង​សុរិយោដី​ខេត្ត​កែប ជំនួស​លោក វ៉ៅ សុខា ដែល​ត្រូវ​ទទួល​មុខតំណែង​ថ្មី ជា​អភិបាលរង​ខេត្ត​កែប​។​

​បន្ទាប់​ពី​ប្រតែង​តាំង​រួចមក លោក សុទ្ធ ពុទ្ធិ​ម៉ា​នី​ន ប្រធាន​មន្ទីរ​រៀបចំ​ដែនដី​នគរូបនីយកម្ម សំណង់ និង​សុរិយោដី​ខេត្ត​កែប ក៏​សូម​ថ្លែងអំណរគុណ​ដល់​ថ្នាក់ដឹកនាំ​គ្រប់​លំដាប់ថ្នាក់​នៃ​រដ្ឋបាល​ខេត្ត​កែប និង​សូម​ថ្លែងអំណរគុណ​និង​ដឹងគុណ​យ៉ាង​ជ្រាលជ្រៅ​ចំពោះ ឯកឧត្តម ឧបនាយករដ្ឋមន្ត្រី ជា​សុផារ៉ា រដ្ឋមន្ត្រី​ក្រសួង​រៀបចំ​ដែនដី​នគរូបនីយកម្ម និង​សំណង់ ដែល​បាន​ផ្តល់​កិត្តិយស តែងតាំង​រូបលោក​ជា​ប្រធាន​មន្ទីរ​នាពេលនេះ​។​ដោយ​ខណៈ​នេះ លោក​សូម​ប្តេជ្ញាចិត្ត​ថា ត្រូវ​ពង្រឹង​សាមគ្គីភាព​ផ្ទៃក្នុង​ឱ្យបាន​ល្អ , មាន​កិច្ចសហការ​ជាមួយ​មន្ទីរ អង្គភាព​ជុំវិញ​ខេត្ត អាជ្ញាធរ​គ្រប់​លំដាប់ថ្នាក់ , មាន​របៀបរបប​ធ្វើ​ការងារ​ឱ្យបាន​ត្រឹមត្រូវ ស្រប​តាម​ប្រកាស និង​សេចក្តីណែនាំ​, ត្រូវ​មាន​គំនិត​ផ្តួចផ្តើម និង​សិក្សា​ស្រាវជ្រាវ​ស្វែង​យល់​ពាក់ព័ន្ធ​នឹង​ច្បាប់ និង​លិខិត​បទដ្ឋាន​បន្ថែមទៀត ពិសេស​វិស័យ​សំណង់ និង​ដីធ្លី​ដោយ​ពិនិត្យ​ឱ្យ​ល្អិតល្អន់ ព្រមទាំង​ពន្លឿ​ននីតិវិធី ក្នុង​ការបម្រើ​សេវា​ជូន​ប្រជាពលរដ្ឋ ,​យកចិត្តទុកដាក់​ក្នុង​ការកែលម្អ​សោភ័ណភាព អនាម័យ​បរិស្ថាន និង​បន្ត​អនុវត្ត​ការងារ​ចុះបញ្ជី​ដីធ្លី​មាន​លក្ខណៈ​ជា​ប្រព័ន្ធ​ឱ្យបាន​ឆាប់​រួចរាល់​តាម​ផែនការ​ដែល​បានកំណត់​។​

​ក្នុងឱកាស​នោះ លោក សោម ពិសិដ្ឋ អភិបាលខេត្ត​កែប បាន​សំដែង​ការស្វាគមន៍​យ៉ាង​កក់ក្តៅ​ចំពោះ​វត្តមាន​ថ្នាក់ដឹកនាំ​នៃ​ក្រសួង​រៀបចំ​ដែនដី​នគរូបនីយកម្ម និង​សំណង់ និង​សូម​កោតសរសើរ​ចំពោះ លោក វ៉ៅ សុខា ប្រធាន​មន្ទីរ​ចាស់ ដែល​កន្លងមក​បាន​ដឹកនាំ​មន្ទីរ ក្នុង​ការអនុវត្ត​ការងារ​តាម​តួនាទី ភារកិច្ច​របស់​ខ្លួន​ដែល​បានកំណត់ និង​ទទួលបាន​លទ្ធផល​យ៉ាង​ល្អប្រសើរ​។ ដោយឡែក លោក សុទ្ធ ពុទ្ធិ​ម៉ា​នី​ន ដែល​ត្រូវបាន​តែងតាំង​ជា​ប្រធាន​មន្ទីរ​រៀបចំ​ដែនដី នគរូបនីយកម្ម សំណង់ និង​សុរិយោដី​ខេត្ត​កែប​នាពេលនេះ ក៏​ជា​មន្ត្រី​សកម្ម​ការងារ មានចំណេះដឹង និង​មាន​បទពិសោធន៍​សមស្រប​ក្នុង​ការដឹកនាំ គ្រប់គ្រង អំឡុង​ពេល​កន្លងមក​ផងដែរ​។​

​ក្នុងឱកាស​នោះ លោក ឆាន់ សាផាន រដ្ឋលេខាធិការ​ក្រសួង​រៀបចំ​ដែនដី​នគរូបនីយកម្ម និង​សំណង់ ក៏បាន​លើកឡើង​ដោយ​វាយតម្លៃ​ខ្ពស់​ចំពោះ​កិច្ចខិតខំ​ប្រឹងប្រែង​របស់​ថ្នាក់ដឹកនាំ​គ្រប់​លំដាប់ថ្នាក់​ក្នុងខេ​ត្ត មន្ទីរ​អង្គភាព​នានា ពិសេស​មន្ទីរ​រៀបចំ​ដែនដី​ខេត្ត​កែប ដែល​អនុវត្ត​ការងារ​បាន​ល្អប្រសើរ និង​បម្រើសេវា​ជូន​ប្រជាពលរដ្ឋ​បាន​ឆាប់រហ័ស​។​

​ទន្ទឹមនឹងនេះ លោក​ក៏​បាន​កោតសរសើរ​ដល់ លោក វ៉ៅ សុខា អតីត​ប្រធាន​មន្ទីរ​រៀបចំ​ដែន​ដី​ចាស់ ដែល​កន្លងមក​ខិតខំ​ប្រឹងប្រែង​អនុវត្ត​ការងារ​សម្រេច​បាន​លទ្ធ​ផល​យ៉ាង​ល្អ​ល្អប្រសើរ​ជូន​អង្គភាព​។​ចំពោះ លោក សុទ្ធ ពុទ្ធិ​ម៉ា​នី​ន ប្រធាន​មន្ទីរ​ដែល​ទើប​តែងតាំង​ថ្មី ត្រូវតែ​ខិតខំ​បន្ត​អនុវត្ត​ភារកិច្ច​របស់​ខ្លួន ពិសេស​ការពង្រឹង​សាមគ្គីភាព​ផ្ទៃក្នុង​ឱ្យបាន​កាន់តែ​ប្រសើរ​ថែម​ទៀត ដើម្បី​សហការ​គ្នា​ជួយ​ពង្រឹង​ការងារ​លើ​វិស័យ​សំណង់​ឱ្យ​កាន់តែ​មាន​ភាព​រីកចម្រើន​៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com