ទាន់ហេតុការណ៍
​សម្តេច​តេជោ​ហ៊ុន​សែន​អញ្ជើញ​បើក​យុទ្ធនាការ​ចាក់​ថ្នាំ​បង្ការ​ជំងឺ​កូវី​ដ​១៩​សម្រាប់​កុមារ​និង​យុវវ័យ​ចាប់ពី​អាយុ​១២​ដល់​ក្រោម​១៨​ឆ្នាំ​ - លោកស្នងការ​នគរបាល​ខេត្តកណ្តាល​អញ្ជើញ​ចុះសួរសុខទុក្ខ​និង​ឧបត្ថម្ភ​ដល់​កងកម្លាំង​នគរបាល​ស្រុក​អង្គស្នួល​១១៧​នាក់​ - ឯកឧត្តម ឃួ​ង ស្រេង ចុះ​ត្រួតពិនិត្យ​សកម្មភាព​សមត្ថកិច្ច និង​អាជ្ញាធរ​អនុវត្ត​ការ​ដាក់​បម្រាម​គោចរ ពី​ម៉ោង​៩​យប់ ដល់​ម៉ោង​៣​ភ្លឺ - រដ្ឋមន្ត្រីក្រសួង​ព័ត៌មាន​ថា ក្រមសីលធម៌ នៃ​ការផ្សាយ​ព័ត៌មាន​ផ្ទាល់​តាម​ហ្វេ​សប៊ុក បាន​គូសបញ្ជាក់​ពី​សារសំខាន់​នៃ​សារព័ត៌មាន ដែល​ធ្វើឲ្យ​សង្គម​មាន​ការប្រែប្រួល​រីកចំរើន ឬ ធ្លាក់ចុះ ដោយ​សារព័ត៌មាន​នេះ​ឯង​ - ​កម្លាំង​សមត្ថកិច្ច បង្ក្រាប​ក្រុម​ឧក្រិដ្ឋជន​កែច្នៃ និង​ចែកចាយ​គ្រឿងញៀន ៥​នាក់ រឹបអូស​បាន​គ្រឿងញៀន ១៥៦​គីឡូក្រាម នៅ​ភ្នំពេញ​ - ឯកឧត្ដម គង់ សោភ័ណ្ឌ អញ្ជើញ​សំណេះសំណាល សាកសួរ​សុខទុក្ខ និង​ចែក​អំណោយ ដល់​កម្មករ និង​ប្រជាពលរដ្ឋ នៅ​បុរី​ML ធារ៉ា​ - ​លោក​ឧត្តមសេនីយ៍ទោ ឈឿន សុ​ចិត្ត ស្នងការ​នគរបាល បាន​ដឹកនាំ​កិច្ចប្រជុំ​ដើម្បី​ណែនាំ​ឲ្យ​កងកម្លាំង​នគរបាល​ក្រោម​ឱវាទ​បន្ត​យកចិត្តទុកដាក់ និង​បង្ការ​ការពារ​ការឆ្លង​រាលដាល​នៃ​ជំងឺ​កូវី​ដ​-១៩ អនុវត្តតាម​អនុសាសន៍​ដ៏​ខ្ពង់ខ្ពស់​របស់​សម្តេច​តេជោ​នាយករដ្ឋមន្ត្រី នូវ វិធាន​៣​ការពារ និង​៣​កុំ !!!!! - សម្តេច​តេជោ ហ៊ុន សែន អញ្ជើញ​ទទួល​វ៉ាក់សាំង​ជំនួយ​របស់​ជប៉ុន នៅ​អាកាសយានដ្ឋាន​អន្តរជាតិ​ភ្នំពេញ - លោក ឈឿន សុចិត្ត ស្នងការនគរបាលខេត្តកណ្តាល អញ្ជើញជួបសំណេះសំណាល និងសួរសុខទុក្ខ ដល់កងកម្លាំងនគរបាល នៃអធិការដ្ឋានស្រុកកៀនស្វាយ - ​ដំណឹង​បាត់​ក្មេងស្រី​ ៖ សូម​ទំនាក់ទំនង​មក​លេខ​ទូរស័ព្ទ​ក្រុមគ្រួសារ ក្មេងស្រី​ដែល​បាត់​ខ្លួន​🙏 📱012220069 📱069958788 📱0714141112 📱011468895
0

ឯ​.​ឧ ទេសរដ្ឋមន្ត្រី ស៊ុន ចាន់ថុល ចុះ​ត្រួតពិនិត្យ​គុណភាព និង​លក្ខណៈ​បច្ចេកទេស​នៃ​ការស្ថាបនា​ធ្វើឱ្យ​ប្រសើរ​ឡើង​វិញ​កំណាត់​ផ្លូវជាតិ​លេខ​៧ (១៦៤ គ​.​ម​) ដើម្បី​ធានា​គុណភាព រឹងមាំ​តាម​ស្តង់ដារ​អាច​ប្រើប្រាស់​ជាប់​បាន​យូរអង្វែង​

ឯ​.​ឧ ទេសរដ្ឋមន្ត្រី ស៊ុន ចាន់ថុល ចុះ​ត្រួតពិនិត្យ​គុណភាព និង​លក្ខណៈ​បច្ចេកទេស​នៃ​ការស្ថាបនា​ធ្វើឱ្យ​ប្រសើរ​ឡើង​វិញ​កំណាត់​ផ្លូវជាតិ​លេខ​៧ (១៦៤ គ​.​ម​) ដើម្បី​ធានា​គុណភាព រឹងមាំ​តាម​ស្តង់ដារ​អាច​ប្រើប្រាស់​ជាប់​បាន​យូរអង្វែង​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួង​សាធារណការ និង​ដឹកជញ្ជូន បាន​អញ្ជើញ​ដឹកនាំ​គណៈប្រតិភូ និង​ក្រុមបច្ចេកទេស​ជំនាញ​របស់​ក្រសួង ចុះ​ត្រួតពិនិត្យ​គុណភាព និង​លក្ខណៈ​បច្ចេកទេស​សាងសង់​កំណាត់​ផ្លូវជាតិ​លេខ​៧ ដោយ​មាន​ការចូលរួម​ពី​តំណាង​ក្រុមហ៊ុន​ម៉ៅការ​សាងសង់ ក្រុមហ៊ុន​ទីប្រឹក្សាបច្ចេកទេស និង​មន្ត្រី​នៃ​មន្ទីរ​សាធារណការ និង​ដឹកជញ្ជូន​ខេត្ត​ខេត្តក្រចេះ និង ខេត្ត​ត្បូងឃ្មុំ កាលពី​ថ្ងៃ​ពុធ ៥​រោច ខែ​ជេស្ឋ ឆ្នាំ​ជូត ទោ​ស័ក ព​.​ស​.២៥៦៤ ត្រូវ​នឹង​ថ្ងៃទី​១០ ខែមិថុនា ឆ្នាំ​២០២០ នៅ​ខេត្ត​ក្រចេះ ។

​គម្រោង​ផ្លូវ​ជាតិ​លេខ​៧ គឺជា​គម្រោង​គ្រប់គ្រង​ទ្រព្យសម្បត្តិ​ផ្លូវ​ទី​២ (Road Asset Management) មាន​ប្រវែង​សរុប ១៦៤ គីឡូម៉ែត្រ ដោយ​លើកកម្ពស់​គុណភាព​ផ្លូវ​ពី DBST ទៅជា AC ហើយ​គម្រោង​នេះ​ត្រូវបាន​បែងចែក​ជា​បី​ការដ្ឋាន​ធំៗ ប្រើប្រាស់​រយៈពេល​សាងសង់​ចំនួន ១៨​ខែ និង​រយៈពេល​ថែទាំ​ចំនួន​៣៦ ខែ សាងសង់​ដោយ​ក្រុមហ៊ុន​ចិន ត្រួតពិនិត្យ​លក្ខណៈ​បច្ចេកទេស​ដោយ​ក្រុមហ៊ុន​កូរ៉េ និង​ចំណាយ​ថវិកា​សរុប​ប្រមាណ ៣៦.៤៥៦.០៦៤,៧៥​ដុល្លារ​អាមេរិក​។​

​រហូតមកដល់​បច្ចុប្បន្ន​នេះ កំណាត់​ផ្លូវ​នេះ​សាងសង់​រួចរាល់​បាន​ប្រមាណ​៨០%​ហើយ​។​

​ថ្លែង​ទៅ​កាន់​ក្រុម​អ្នកសារព័ត៌មាន ឯកឧត្ដម​ទេសរដ្ឋមន្ត្រី​បានឱ្យដឹងថា ក្រសួង​សាធារណការ និង​ដឹកជញ្ជូន នឹង​មិន​ទាន់​ចេញ​វិញ្ញាបនបត្រ​បញ្ជាក់​ឱ្យ​ក្រុមហ៊ុន​សាងសង់​ឡើយ ដោយសារ​មាន​បញ្ហា​បច្ចេកទេស​មួយ​ចំនួន​ទាក់ទង​នឹង​ការសាងសង់​។ ជាមួយគ្នា​នោះ​ផងដែរ ឯកឧត្ដម​ទេសរដ្ឋមន្ត្រី ក៏​បាន​ណែនាំ​ឱ្យ​ក្រុមហ៊ុន​ម៉ៅការ​សាងសង់ ក្រុមហ៊ុន​ទីប្រឹក្សាបច្ចេកទេស និង​ភាគី​ពាក់ព័ន្ធ​សហការគ្នា​កែសម្រួល​លក្ខណៈ​បច្ចេកទេស​ឱ្យបាន​ត្រឹមត្រូវ ជា​ពិសេស​ត្រូវ​អនុវត្ត​តាម​កិច្ចសន្យា និង​សៀវភៅ​បន្ទុក​ឱ្យបាន​១០០%​។

​ឯកឧត្តម​ទេសរដ្ឋមន្ត្រី​បាន​អំពាវនាវ​ដល់​បងប្អូន​ប្រជាពលរដ្ឋ​អ្នក​ប្រើប្រាស់​ផ្លូវ​ទាំង​អស់ ឱ្យ​ទុកចិត្ត​ក្រសួង​សាធារណការ​និង​ដឹកជញ្ជូន​។ ឯកឧត្ដម​ទេសរដ្ឋមន្ត្រី​បាន​បន្តថា បើ​ផ្លូវ​នោះ​ពិនិត្យ មិនមាន​គុណភាព​ស្រប​តាម​លក្ខណៈ​បច្ចេកទេស​ទេ ក្រសួង​នឹង​មិន​ទទួល​យក​ផ្លូវ​នោះឡើយ ព្រោះ​ក្រសួង​ឈរលើ​គោលការណ៍ “​សាងសង់​ផ្លូវ​ឱ្យមាន​គុណភាព រឹងមាំ ជាប់​បាន​យូរអង្វែង​” ហើយ​ក្រសួង​នឹង​ធ្វើ​ការត្រួតពិនិត្យ​ជា​ប្រចាំ​តាម​ការដ្ឋាន​សាងសង់​ទាំងអស់​ក្រោម​ដែន​សមត្ថកិច្ច​របស់​ក្រសួង នៅក្នុង​ព្រះរាជាណាចក្រ​កម្ពុជា​។​

​គួរបញ្ជាក់​ថា​៖ បច្ចុប្បន្ន ក្រុមហ៊ុន​ម៉ៅការ​សាងសង់​កំពុង​កែលម្អ​លក្ខណៈ​បច្ចេកទេស ត្រង់​ចំណុច​ទាំងឡាយ​ណា​ដែល​មិន​សមស្រប​តាម​លក្ខណៈ​បច្ចេកទេស នៅលើ​កំណាត់​ផ្លូវ​នេះ​។​

​ឆ្លៀត​ក្នុង​ឱកាស​នោះ​ផង​ដែរ​ឯកឧត្តម​ទេស​រដ្ឋមន្ត្រី​បាន​ជម្រាប​ជូន​គម្រោង​សាងសង់​ផ្លូវ​ពី​ក្រចេះ​ទៅ​ទល់ដែន​ប្រទេស​ឡាវ (​ត្រពាំង​ក្រៀល​)​ដោយ​ឯកឧត្ដម​ទេសរដ្ឋមន្ត្រី​បាន​មានប្រសាសន៍ថា យើង​បាន​សិក្សា​រួចរាល់ និង​កំពុង​តែ​រង់ចាំ​ភាគី​ចិន​សម្រេច​តែប៉ុណ្ណោះ​។​

​ជាមួយគ្នា​នោះ​ផងដែរ ក្រោម​ការដឹកនាំ​របស់​រាជរដ្ឋាភិបាល ដែលមាន​សម្ដេច​អគ្គមហាសេនាបតី​តេជោ ហ៊ុន សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា គម្រោង​សាងសង់​ស្ពាន​ឆ្លង​ទន្លេ​មេគង្គ​មួយទៀត​នៅ​ក្រចេះ ត្រូវ​បាន​សិក្សា​ចប់​សព្វគ្រប់ និង​គ្រោង​ដាក់​ដេញថ្លៃ​នៅពេល​ខាងមុខ ដើម្បី​ជួយ​សម្រួល​ដល់​ការធ្វើដំណើរ និង​ដឹកជញ្ជូន​ផលិតផល​ឆ្លងកាត់ ទៅកាន់​ខេត្ត​កំពង់ធំ​ឱ្យបាន​ឆាប់រហ័ស ចំណេញ​ពេលវេលា និង​កាត់បន្ថយ​ការកកស្ទះ​ចរាច​រណ៍ និង​គ្រោះថ្នាក់​ចរាចរណ៍​។​

​ឯកឧត្តម​ទេសរដ្ឋមន្ត្រី​ក៏​បាន​ណែនាំ​ដល់​ក្រុមហ៊ុន​ដឹកជញ្ជូន​ទំនិញ​ឱ្យ​គោរព​ច្បាប់​ចរាចរណ៍ កុំ​ដឹកទំនិញ​លើស​ទម្ងន់​កំណត់​ដោយ​ច្បាប់ កុំ​កែច្នៃ​យានយន្ត​ខុស​លក្ខណៈ​បច្ចេកទេស អំពាវនាវ​ដល់​បងប្អូន​ប្រជាពលរដ្ឋ​ឱ្យ​យក​រថយន្ត​ទៅ​ឆៀក​បើ​ដល់​ពេល​ត្រូវ​ឆៀក ទៅ​ប្ដូរ​ពន្យារ​ប័ណ្ណបើកប​របើ​ហួស​សុពលភាព ពាក់​ខ្សែក្រវ៉ាត់​ពេល​បើ​បរ​រថយន្ត ពាក់មួក​សុវត្ថិភាព កុំ​បើកបរ​ក្រោម​ឥទ្ធិ​ផល​គ្រឿងញៀន​និង​គ្រឿង​ស្រវឹង ដើម្បី​សុវត្ថិភាព​ទាំងអស់គ្នា និង​ដើម្បី​ជៀសវាង​ការផាកពិន័យ​នានា​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 | អ៊ីម៉ែល៖ mailtobot168@gmail.com

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល