ទាន់ហេតុការណ៍
លោក អភិបាលរាជធានីភ្នំពេញ បានអញ្ជើញចុះ ត្រួតពិនិត្យ មើលវឌ្ឍភាពការងារស្ថាបនាផ្លូវនៅមុខទីស្តីការគណៈរដ្ឋមន្រ្តី - ​លោក សោម ពិសិដ្ឋ ដឹកនាំ​កិច្ចប្រជុំ​គណ​:​បញ្ជាការ​ឯកភាព រដ្ឋបាល​ខេត្ត​កែប​ - សេចក្តីជូនដំណឹង - ​ឯកឧត្តម​ឧត្តមសេនី​យ៍​ឯក​ហ៊ុន​ម៉ាណែត និង​លោកជំទាវ​ឧបត្ថម្ភ​រថយន្ត​សង្គ្រោះ​មួយ​គ្រឿង​ដល់​ស្នងការដ្ឋាន​នគរបាល​ខេត្ត​កណ្តាល​ - ​ប្រជាពលរដ្ឋ​ជួប​បញ្ហា​ខ្វះខាត ចំនួន​១០​គ្រួសារ នៅ​ភូមិ​កោះ​សោម ឃុំ​អង្កោល បាន​ទទួល​អំណោយ​ពី​សហភាព​សហព័ន្ធ​យុវជន​កម្ពុជា​ខេត្ត​កែប​ - លោក គង់សោភ័ណ្ឌអភិបាល ខេត្តកណ្តាល បានអញ្ជើញ ក្នុងកិច្ចប្រជុំ ពិភាក្សាដោះស្រាយ ដីធ្លីមួយ ចំនួនក្នុងស្រុក កៀនស្វាយ ខេត្តកណ្តាល - លោក នុត ពុធដារ៉ា អភិបាលរង ខេត្តកណ្ដាល ជំរុញអោយអភិបាលក្រុង/ ស្រុក និងមន្ទីរ អង្គភាព ពាក់ព័ន្ធ ត្រូវឆ្លើយតបនូវរាល់លិខិតរបស់ក្រសួងមហាផ្ទៃ ពាក់ព័ន្ធ នឹងការចុះផ្សាយរបស់សារព័ត៌មាន អោយបានលឿន និង ទទួលយកបាន! - លោក គីម រិទ្ធី អញ្ជើញជាអធិបតីភាព ក្នុងពិធីប្រកាសតែងតាំង លោក ខណ្ណារ៉ា អេលីត ជាប្រធានការិយាល័យគយ និង រដ្ឋករជ្រៃធំ នៃសាខាគយរដ្ឋករ ខេត្តកណ្ដា ជំនួសលោក មួង ដារ៉ា - ​កិច្ចប្រជុំ​ស្តីពី​ការចុះ​ធ្វើ​សវនកម្ម​លើ​ការគ្រប់គ្រង​ហិរញ្ញវត្ថុ និង​ការគ្រប់គ្រង​ទ្រព្យសម្បត្តិ​រដ្ឋ សម្រាប់​ការិយបរិច្ឆេទ​ឆ្នាំ ២០១៩ និង​ឆ្នាំ​ពាក់ព័ន្ធ​របស់​រដ្ឋបាល​ខេត្ត​ - សម្ដេច​តេជោ ហ៊ុន សែន អបអរសាទរ​ទិវា​មច្ឆា​ជាតិ ថ្ងៃទី​១ ខែកក្កដា ឆ្នាំ​២០២០
0

​ពិធី​ប្រកាស​ផ្ទេរ​ភារកិច្ច តែងតាំង​មុខតំណែង និង​បំពាក់​ឋានន្តរស័ក្តិ ស្នងការ នៃ​ស្នងការដ្ឋាន​នគរបាល​ខេត្ត​កែប​

​ពិធី​ប្រកាស​ផ្ទេរ​ភារកិច្ច តែងតាំង​មុខតំណែង និង​បំពាក់​ឋានន្តរស័ក្តិ ស្នងការ នៃ​ស្នងការដ្ឋាន​នគរបាល​ខេត្ត​កែប​

(​ខេត្ត​កែប​)៖ នៅ​ព្រឹក​ថ្ងៃទី​០២ ខែមិថុនា ឆ្នាំ​២០២០​នេះ ឯកឧត្តម នាយ​ឧត្តមសេនីយ៍ សន្តិ​បណ្ឌិត នេ​ត សាវឿន អគ្គស្នងការ​នគរបាល​ជាតិ តំណាង​ដ៏​ខ្ពស់​ខ្ពស់ សម្តេច ក្រឡា​ហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ បាន​អញ្ជើញ​ជា​គណៈអធិបតី​ក្នុង​ពិធី​ប្រកាស​ផ្ទេរ​ភារកិច្ច តែងតាំង​មុខតំណែង និង​បំពាក់​ឋានន្តរស័ក្តិ ស្នងការ នៃ​ស្នងការដ្ឋាន​នគរបាល​ខេត្ត​កែប​។​

​ពិធី​នេះ ក៏​មាន​ការអញ្ជើញ​ចូលរួម​ពី​សំណាក់ លោក សោម ពិសិដ្ឋ អភិបាលខេត្ត និង​ជា​ប្រធាន​គណៈ​បញ្ជាការ​ឯកភាព​រដ្ឋបាល​ខេត្ត​កែប ប្រធាន​សាលាដំបូង លោក​ព្រះរាជអាជ្ញា​នៃ​អយ្យការ​សាលាដំបូង​ខេត្តកំពត មន្ត្រីនគរបាល​ជាន់​ខ្ពស់​មក​ពី​អគ្គស្នងការ​នគរបាល​ជាតិ លោកស្រី អភិបាលក្រុង ស្រុក និង​មន្ត្រីនគរបាល​គ្រប់​ផ្នែក​នៃ​ស្នងការដ្ឋាន​នគរបាល​ខេត្ត​កែប​។​

​យោងតាម​សេចក្តីប្រកាស​របស់​រាជ​រដ្ឋាភិបាល ត្រូវបាន​ផ្ទេរ​ភារកិច្ច និង​តែងតាំង​មុខតំណែង លោក​ឧត្តមសេនីយ៍ត្រី សម្បត្តិ សុធា​រដ្ឋ ពី​ស្នងការរង​នគរបាល​ខេត្ត​កំពត ជា​ស្នងការ នៃ​ស្នងការដ្ឋាន​នគរបាល​ខេត្ត​កែប ខណៈ​លោក​ឧត្តមសេនីយ៍ទោ បែន តារា បាន​ផ្ទេរ​ភារកិច្ច ជា​អនុប្រធាន​នាយកដ្ឋាន​កណ្តាល​ព្រំដែន​គោក​វិញ​។​

​មានមតិ​ផ្តាំផ្ញើ​សួរសុខទុក្ខ ឯកឧត្តម នាយ​ឧត្តមសេនីយ៍ សន្តិ​បណ្ឌិត នេ​ត សាវឿន អគ្គស្នងការ​នគរបាល​ជាតិ បាន​ថ្លែង​ការកោតសរសើរ​ដល់​លោក​ឧត្តមសេនីយ៍ត្រី បែន តារា ស្នងការ​នគរបាល​ខេត្ត​កែប​ចាស់ ដែល​កន្លង​បាន​ដឹកនាំ​កងកម្លាំង​អនុវត្ត​ការងារ​បាន​ល្អប្រសើរ ដែល​ធ្វើឱ្យ​បទល្មើស​មាន​ការថយចុះ​ជា​បន្តបន្ទាប់​។

​ក្នុងឱកាស​ផ្ទេរ​ភារកិច្ច និង​តែងតាំង​មុខ​តំណែង​នេះ​ដែរ ឯកឧត្តម នាយ​ឧត្តមសេនីយ៍ សន្តិ​បណ្ឌិត នេ​ត សាវឿន ក៏​បាន​ជំរុញ​ផ្តាំផ្ញើ​ដល់​លោកស្នងការ​នគរបាល​ខេត្ត​កែប​ដែល​ទើប​តែងតាំង​ថ្មី ត្រូវ​ខិតខំ​បន្ត​អនុវត្ត​និង​ពង្រឹង​ការងារ​សន្តិសុខ​សង្គម​ឱ្យបាន​ល្អ​ប្រសើរ ដើម្បី​ការពារ​សុវត្ថិភាព​ជូន​ប្រជាពលរដ្ឋ និង​ភ្ញៀវទេសចរ​ដែល​មក​ទស្ស​នា​កម្សាន្ត​ក្នុង​ខេត្ត​កែ​បង​បស់​យើង​។​

​ជាមួយគ្នានេះ នាយ​ឧត្តមសេនីយ៍​អគ្គស្នងកា​រ​នគរបាល​ជាតិ បាន​លើកយក​អាទិភាព​សំខាន់ៗ​ជាច្រើន​ចំណុច​សម្រាប់​អនុវត្ត​ការងារ​ឱ្យមាន​ប្រសិទ្ធភាព ដោយ​បាន​ជំរុញ​ឱ្យ​ប្រធាន​គណៈ​បញ្ជាការ​រដ្ឋបាល​ខេត្ត ជា​អ្នកដឹកនាំ​ដើម្បី​អនុវត្ត​ការងារ ហើយ​ស្នងការ​នគរបាល​ខេត្ត រួម​ជាមួយ​កងកម្លាំង​រាជ​អាវុធហត្ថ ព្រមទាំង​កងកម្លាំងប្រដាប់អាវុធ​ផ្សេង​ទៀត​ធ្វើ​ផែនការ​ព្យាករណ៍​មួយ​សម្រាប់​ចាត់វិធានការ ហើយ​ក៏​សូមឱ្យ​គណៈបញ្ជាការ​ឯកភាព​ក្រុង ស្រុក ជួយ​ដឹកនាំ​បន្ត ដោយ​ជំរុញ​ដល់​លោក​អធិការ​ក្រុង ស្រុក សហការ​ជាមួយ​អាជ្ញាធរ​មូលដ្ឋាន ដើម្បី​ធ្វើ​ផែនការ​ពង្រឹង​អនុវត្ត​គោលនយោបាយ​ភូមិ ឃុំ​មាន​សុវត្ថិភាព នៅតាម​សហគមន៍​ប្រជាពលរដ្ឋ​។ លើសពីនេះ ដើម្បី​ឱ្យ​សហគមន៍​នី​មួយៗ​ក្លាយ​ជា​ភូមិ ឃុំ​មាន​សុវត្ថិភាព យើង​ត្រូវតែ​អនុវត្ត​នូវ​គោលការណ៍​សំខាន់ៗ​មួយចំនួន រួមមាន​៖ យុទ្ធនាការ ប្រយុទ្ធប្រឆាំង​គ្រឿងញៀន ,​យុទ្ធនាការ​រឹតបន្តឹង​ច្បាប់​ចរាចរណ៍ និង​យុទ្ធនាការ បង្ការ​ទប់ស្កាត់​ការរីក​រាលដាល​ជំងឺ​កូវី​ដ​១៩ នៅតាម​សហគមន៍​នី​មួយៗ​។​

​ជា​ចុងក្រោយ នាយ​ឧត្តមសេនីយ៍ សន្តិ​បណ្ឌិត នេ​ត សាវឿន ក៏​បាន​ប្រគល់​រថយន្ត​១​គ្រឿង ម៉ូតូ​ចំនួន​៥​គ្រឿង និង​ឧបត្ថម្ភ​ថវិកា​ចំនួន ៥​លាន​រៀល ជូន​លោក​ស្នងការ​ខេត្ត​កែប​ទើប​ទទួល​តំណែង​ថ្មី ព្រមទាំង​បាន​ឧបត្ថម្ភ​ដល់​អង្គភាព​នគរបាល​ព្រំដែន​ទឹក​ចំនួន ២​លាន​រៀល បញ្ជាការដ្ឋាន​កងរាជអាវុធហត្ថ​ខេត្ត​២​លាន​រៀល និង​បញ្ជាការដ្ឋាន​តំបន់សឹករង​កែប ចំនួន​២​លាន​រៀល ផងដែរ​៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com