ទាន់ហេតុការណ៍
​ឯកឧត្ដម ង៉ូវ បូរី​ណា រដ្ឋលេខាធិការ​ក្រសួង​បរិស្ថាន បាន​អញ្ជើញ​ជា​អធិបតី​បិទ​កម្ម​វី​ធី​សង្ក្រាន្ត​អូររាំងឪ​ - ឯកឧត្ដម​បណ្ឌិត អ៊ាង សុផល្លែត រដ្ឋមន្ត្រី​ក្រសួង​បរិស្ថាន បាន​អញ្ជើញ​ជា​អធិបតី​ចូលរួម​បើក​កម្មវិធី​សង្ក្រាន «​ស្រុក​អូ​រាំង​ឪ​» - ​សម្តេច​ធិបតី នាយករដ្ឋមន្ត្រី ថ្លែងអំណរគុណ​យ៉ាង​ជ្រាលជ្រៅ​ចំពោះ​ក្រសួង​-​ស្ថាប័ន អាជ្ញាធរ​ដែនដី​គ្រប់​លំដាប់ថ្នាក់ គ្រប់​រាជធានី​-​ខេត្ត និង​កងកម្លាំង​គ្រប់​ប្រភេទ ដែល​ធានាបាន​នូវ​សុវត្ថិភាព បង្កលក្ខណៈ​ដល់​ការកំសាន្ត​សប្បាយ​របស់​បងប្អូន អ៊ំ​ពូ​មីង តា​យាយ និង ញ៊ាំង​ឱ្យ​ការប្រារព្ធពិធី​បុណ្យចូលឆ្នាំ​ថ្មី​ប្រពៃណី​ជាតិខ្មែរ ឆ្នាំ​រោង ឆ​ស័ក ព​.​ស ២៥៦៨ បាន​ប្រព្រឹត្តទៅ​ដោយ​ភាពសប្បាយ​រីករាយ សោភ័ណភាព សេចក្តីថ្លៃថ្នូរ សុខ​សុវត្ថិភាព របៀបរៀបរយ​ល្អ ប្រកប​ដោយ​មោទកភាព​ជាតិ - កម្លាំង​កងរាជអាវុធហត្ថ​រាជធានី​ភ្នំពេញ ចូលរួម ការពារ​សន្តិសុខ សុវត្ថិភាព ជូន​ប្រជាពលរដ្ឋ ក្នុង​ភូមិសាស្ត្រ​រាជធានី​ភ្នំពេញ ក្នុង​ឱកាស​ពិធី​បុណ្យចូលឆ្នាំ​ប្រពៃណី​ជាតិខ្មែរ ដោយ​ក្តី​មោទកភាព​! - ​លោក​ឧត្តមសេនីយ៍ទោ ឈឿន សុ​ចិត្ត ស្នងការ​នគរបាល​ខេត្ត​កណ្តាល អញ្ជើញ​ចូលរួម​ជា​គណៈអធិបតី​ក្នុង​ពិធី​សំណេះសំណាល សួរសុខទុក្ខ​ជាមួយ​គ្រួសារ​អតីតយុទ្ធជន​ក្រីក្រ ក្រោម​អធិបតីភាព ឯកឧត្តម នៃ និយម ប្រធាន​សមាគម​អតីតយុទ្ធជន​កម្ពុជា ខេត្ត​កណ្តាល - ឧត្តមសេនីយ៍ទោ ឈឿន សុ​ចិត្ត ស្នងការ​នគរបាល​ខេត្ត​កណ្តាល សូម​បួងសួង​ដល់​វត្ថុ​ស័ក្តិ​សិទ្ធ​ទាំងឡាយ​ក្នុង​លោក សូម​ជួយ​ថែរក្សា ប្រោស​ព្រំ​សព្វ​សាធុការ​ពរជ័យ សិរី​មង្គល វិបុល​សុខ មហាប្រសើរ ជូន​ដល់​ថ្នាក់​ដឹក​គ្រប់រូប ក្នុង​ឱកាស​បុណ្យចូលឆ្នាំ​ថ្មី ប្រពៃណី​ជាតិខ្មែរ​ - អគ្គីភ័យ​បាន​ឆាបឆេះ​ផ្ទះ​បងប្អូន​ប្រជាពលរដ្ឋ​នៅក្នុង​ក្រុង​ប៉ោយប៉ែ​ត​ចំនួន​ជាង​១០​គ្រួសារ​!!! - សកម្មភាព កម្លាំង​កងរាជអាវុធហត្ថ​រាជធានី​ភ្នំពេញ បាន​ចេញ​រថយន្ត និង​ម៉ូតូ​បម្រើ​ឲ្យ​ប្រតិបត្តិការ ធ្វើការ​ល្បាត​តាម​បណ្តា​គោលដៅ​ក្នុង​ភូមិសាស្ត្រ​រាជធានី​ភ្នំពេញ ដើម្បី​ការពារ​សន្តិសុខ សុវត្ថិភាព រក្សា​សណ្តាប់ធ្នាប់ ជូន​ដល់​បងប្អូន​ប្រជាពលរដ្ឋ ក៏ដូចជា​ភ្ញៀវ​ទេសចរណ៍​បរទេស​ចូលរួម​អបអរសាទរ ដើរលេង​កំសាន្ត ក្នុង​ថ្ងៃ​ទី​១ នៃ​ពិធី​បុណ្យចូលឆ្នាំ​ប្រពៃណី​ជាតិខ្មែរ - ​ឯកឧត្តម រ័ត្ន ស្រ៊ាង ផ្ញើ​សារលិខិត​គោរព​ជូន​ពរ សម្ដេច​តេជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ក្នុង​ឱកាស​បុណ្យចូលឆ្នាំ​ថ្មី ឆ្នាំ​រោង - ​ឯកឧត្តម រ័ត្ន ស្រ៊ាង ផ្ញើ​សារលិខិត​គោរព​ជូន​ពរ​សម្ដេច​ធិបតី ហ៊ុន ម៉ា​ណែ​ត និង​លោកជំទាវ​បណ្ឌិត ពេ​ជ ចន្ទ​មុន្នី ក្នុង​ឱកាស​បុណ្យចូលឆ្នាំ​ថ្មី ឆ្នាំ​រោង
0

សម្តេច​តេជោ ហ៊ុន សែន អញ្ជើញ​ប្រគល់​សញ្ញាបត្រ​ជូន​និស្សិត​សាកលវិទ្យាល័យ​បៀ​ល​ប្រាយ​ជាង ៤​ពាន់​នាក់​

សម្តេច​តេជោ ហ៊ុន សែន អញ្ជើញ​ប្រគល់​សញ្ញាបត្រ​ជូន​និស្សិត​សាកលវិទ្យាល័យ​បៀ​ល​ប្រាយ​ជាង ៤​ពាន់​នាក់​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង097 72 88 071 | 076 44 44 373

http://www.rasmeistoengtrang.com

នៅ​ព្រឹក​ថ្ងៃ​ព្រហស្បតិ៍ ទី​១៦ ខែ​មីនា ឆ្នាំ​២០២៣ នេះ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​អញ្ជើញ​ជា​អធិបតីភាព​ក្នុង​ពិធី​ប្រគល់​សញ្ញាបត្រ​ជូន​និស្សិត​សាកលវិទ្យាល័យ​បៀ​ល​ប្រាយ​សរុប​ប្រមាណ ៤,៥៦៦​នាក់ នារី ២,០៣២​នាក់​។ ពិធី​ប្រគល់​សញ្ញាបត្រ​នេះ ធ្វើឡើង​នៅ​មជ្ឈមណ្ឌល​សន្និបាត និង​ពិព័រណ៍​កោះ​ពេជ្រ​។​

​និស្សិត​ទទួល​សញ្ញាបត្រ​នេះ មាន​កម្រិត​បរិញ្ញាបត្រ​រង បរិញ្ញាបត្រ បរិញ្ញាបត្រ​ជាន់ខ្ពស់ និង​ថ្នាក់​បណ្ឌិត​។ ពួកគេ​បាន​បញ្ចប់​ការសិក្សា​ក្នុង​ឆ្នាំ​សិក្សា​២០១៩-២០២០, ឆ្នាំ​សិក្សា​២០២០-២០២១, និង ឆ្នាំ​សិក្សា​២០២១-២០២២ មក​ពី​ទីតាំង​គោល​រាជធានី​ភ្នំពេញ​, សាខា​ខេត្ត​តាកែវ​, សាខា​ខេត្ត​ស្ទឹងត្រែង​, និង​សាខា​ខេត្ត​រតនគិរី​។ និស្សិត​ទទួល​សញ្ញាបត្រ​ទាំងនេះ ក៏​មាន​និស្សិត​ជនជាតិដើម​ភាគតិច​ចំនួន ៤៦​នាក់ នារី ១៨​នាក់​ផង​ដែរ​។​

​សម្តេច​តេជោ ហ៊ុន សែន បាន​អបអរសាទរ និង​វាយតម្លៃ​ខ្ពស់​ចំពោះ​សាកលវិទ្យាល័យ​បៀ​ល​ប្រាយ​ក្នុង​ការបណ្ដុះបណ្ដាល​ធន​ធាន​មនុស្ស​ឲ្យទទួល​បាន​ភាពជោគជ័យ​ជា​បន្តបន្ទាប់​។ សម្តេច​តេ​ជោបាន​មានប្រ​សាសន៍ថា ក្នុង​រយៈពេល​ប៉ុន្មាន​ខែ​នេះ និស្សិត​រាប់​ម៉ឺន​នាក់​ត្រូវបាន​ប្រគល់​សញ្ញាបត្រ ដែល​ជា​ដំណើរ​ដ៏​ល្អ​សម្រាប់​សង្គម​ពិសេស​ភាព​រីកចម្រើន​នៃ​វិស័យ​អប់រំ​នៅ​កម្ពុជា​។​

​នៅថ្ងៃនេះ សម្តេច​តេជោ ហ៊ុន សែន បាន​មានប្រសាសន៍ថា គណបក្ស​ប្រជាជន​កម្ពុជា គឺជា​និមិត្តរូប​នៃ​ការផ្លាស់ប្តូរ​សង្គម​។​

​សម្តេច​បន្តថា គណបក្ស​ប្រជាជន​កម្ពុជា បាន​ដឹកនាំ​ប្រទេស​ផ្លាស់ប្តូរ​ពី​ប្រទេស​បែកបាក់ ពី​ប្រទេស​មាន​សង្គ្រាម មក​ជា​ប្រទេស​មាន​សុខសន្តិភាព ផ្លាស់​ប្តូរ​ពី​ប្រទេស​ក្រីក្រ មក​ជា​ប្រទេស​មាន​ចំណូល​មធ្យម​កម្រិត​ទាប នឹង​បន្ត​ផ្លាស់ប្តូរ​ទៅ​ជា​ប្រទេស​មាន​ចំណូល​មធ្យ​កម្រិត​ខ្ពស់​នៅ​ឆ្នាំ​២០៣០​ខាងមុខ​ទៀត​។​សម្តេច​តេជោ​នាយករដ្ឋមន្ត្រី​បាន​មានប្រសាសន៍ទៀត​ថា រាជធានី​ភ្នំពេញ ពីមុន​មាន​អគារ​ខ្ពស់​ត្រឹម​មួយ​អគារ ២​គារ​ប៉ុណ្ណោះ តែ​ពេល​បច្ចុប្បន្ន​រាជធានី​ភ្នំពេញ មាន​អគារ​ខ្ពស់​ចាប់ពី​៥​ជាន់ ដល់ ៣០​ជាន់ ៤០​ជាន់ រាប់រយ​អគារ​។​

​គណបក្ស​ប្រជាជន​កម្ពុជា គឺជា​គណបក្ស​តែមួយគត់​នាំទៅដល់​ការផ្លាស់ប្តូរ​នៅ​កម្ពុជា​។​

​សម្តេច​តេ​ជោបាន​លើកទឹ​ក​ចិត្ត​ឱ្យ​សាកលវិទ្យាល័យ​បៀ​ល​ប្រាយ បន្ត​យកចិត្តទុកដាក់​លើ​ការបណ្តុះបណ្តាល​បន្ថែមទៀត​។​សម្តេច​បន្ត​អំពាវនាវ​ដល់​សាកលវិទ្យាល័យ​ពង្រឹងគុណភាព​អប់រំ ជាពិសេស​នៅ​តាម​បណ្តា​ខេត្ត​។ ជាពិសេស​សាខា​សាកលវិទ្យាល័យ​នីមួយៗ ដែល​រួមចំណែក​ក្នុង​ការកាត់បន្ថយ​ការលំបាក​របស់​និស្សិត​ដែល​ត្រូវ​ធ្វើដំណើរ​មក​បន្ត​ការសិក្សា​នៅ​ភ្នំពេញ​។

​សម្តេច​តេជោ​នាយករដ្ឋមន្ត្រី​បាន​មានប្រសាសន៍ថា ការ​រាតត្បាត​ជំងឺ​កូវី​ដ​១៩ មិនទាន់​បិទ​បញ្ចប់​ទាំងស្រុង ហើយ​វិធានការ​ទប់ស្កាត់ ក៏​មិន​អាច​ទម្លាក់​ចោល​ទាំងស្រុង​នោះ​ដែរ​។​សម្តេច​តេ​ជោបាន​រំលឹកថា កាល​ពី​ចូលឆ្នាំថ្មី ឆ្នាំ​២០២២ សម្តេច​ការបារម្ភ និង​ភ័យ​ខ្លាំងណាស់ ពី​ការ​រាតត្បាត​ជំងឺ​កូវី​ដ​១៩ បន្ទាប់ពី​មាន​ការប្រមូល​មនុស្ស​យ៉ាង​កកកុញ តែ​ក្រោយមក​យើង​ទប់ស្កាត់​បាន​ល្អ​ប្រសើ​ររ​ហូត​មកដល់ពេលនេះ​។

​នៅថ្ងៃនេះ សម្តេច​តេជោ ហ៊ុន សែន បាន​មានប្រសាសន៍​ដាស់តឿន​ដល់​រដ្ឋមន្ត្រី​គ្រប់​ក្រសួង​ទាំងអស់ សូម​អោយ​ពិនិត្យ​ឱ្យ​ច្បាស់​លើ​លិខិត​ឯកសារ​ផ្សេងៗ មុន​ចុះហត្ថលេខា ទាំង​អក្ខរាវិរុទ្ធ និង​ការដាក់ ថ្ងៃ ខែ ច្បាស់លាស់​។ ពីព្រោះ​កន្លងមក​មាន​ក្រសួង​មួយចំនួន​មិនសូវ​បាន​យកចិត្តទុកដាក់​ទៅលើ​ឯកសារ​ដែល​ផ្ញើ​មក​កាន់​សម្ដេច រួច​ក៏​ចុះហត្ថលេខា ទាំង​មិន​បាន​ដាក់ ថ្ងៃ ខែ ផង​។ សម្តេច​តេ​ជោបាន​មានប្រ​សាសន៍ថា មាន​ក្រសួង​ចំនួន​៤ ដែល​ធ្វើ​លិខិត​នានា​ផ្ញើជូន​សម្តេច​មិនសូវ​មាន​កំហុស រួម​មាន​ក្រសួង​មហាផ្ទៃ ក្រសួង​សេដ្ឋកិច្ច និង​ហិរញ្ញវត្ថុ ក្រសួង​វប្បធម៌ និង​ក្រសួង​ទំនាក់ទំនង​ជាមួយ​រដ្ឋ​សភា​-​ព្រឹទ្ធសភា និង​អធិការកិច្ច​។​

​នៅថ្ងៃនេះ សម្តេច​តេជោ ហ៊ុន សែន សួ​ម​ចូលរួម​សម្តែង​ការសោកស្តាយ​ចំពោះ​ភ្លើង​ឆេះ​ព្រះរាជដំណាក់​នៅ​ខេត្តសៀមរាប​។ សម្តេច​តេជោ បន់ស្រន់​ឱ្យ​បារមី​ព្រះអង្គ​ចេក ព្រះអង្គ​ចម កុំ​ត្រា​ប្រណី​លើ​ជន​បំភ្លៃ​ព័ត៌មាន និង​ចោទ​ថា រាជរដ្ឋាភិបាល និង​បក្ស​ប្រជាជន​ជា​អ្នក​ដុត​ព្រះរាជដំណាក់​។ សម្តេច​តេ​ជោបាន​ច្រាន​ចោល​ការចោទប្រកាន់​ថា រាជរដ្ឋាភិបាល និង​បក្ស​ប្រជាជន​កម្ពុជា បាន​ដុត​ព្រះរាជដំណាក់ ដែល​នេះ​ជា​គំនិត​របស់​ជន​អគតិ​មួយចំនួន​ដែល​វាយប្រហារ​មកលើ​រាជរដ្ឋាភិបាល​។ សម្តេច​តេជោ​បាន​ថ្លែងថា មិន​ថា​អស់​ថវិកា​ប៉ុន្មាន​នោះទេ ត្រូវតែ​សង់​ព្រះរាជដំណាក់​ឡើងវិញ ព្រោះ​ព្រះរាជដំណាក់​ជា​តំបន់​ប្រវត្តិសាស្ត្រ​នៃ​ការដឹកនាំ​ចលនា​តស៊ូ​រំដោះជាតិ របស់​ព្រះ​បិតា​ជាតិ​។​

​នៅ​ថ្ងៃ​នេះ​ផង​ដែរ សម្តេច​តេជោ នាយករដ្ឋមន្ត្រី បាន​ប្រកាស​គាំទ្រ​សេចក្តីណែនាំ​របស់​ក្រសួង​អប់រំ ពាក់ព័ន្ធ​ការនាំ​សិស្ស​លេងល្បែង និង​របាំ​ប្រជាប្រិយ​។ សម្តេច​តេជោ​បាន​ថ្លែងថា សម័យ​សកលភាវូបនីយកម្ម​ប្រពៃណី​ទំនៀមទម្លាប់​ងាយ​នឹង​បាត់បង់​។​

​ជាមួយគ្នា​នោះ​ក្នុង​ឱកាស​ពិធី​បុណ្យចូលឆ្នាំ​ប្រពៃណី​ជាតិ​ខ្មែរ​ខាងមុខ សម្ដេច​តេជោឱ្យ​យកចិត្តទុកដាក់​លើសុ​វត្ថិភាព​ចំណីអាហារ ហើយ​សម្តេច​តេជោ ក៏​បាន​ណែនាំ​ឱ្យ​ដាក់​តម្លៃ​លើ​ចំណីអាហារ ដើម្បី​ឲ្យ​អ្នក​ទិញ​ទាំង​ជនជាតិខ្មែរ និង​បរទេស​ងាយស្រួល​។

​មុន​នឹង​បញ្ចប់ សម្ដេច​តេជោ ហ៊ុន សែន បាន​អបអរសាទរ​ចំពោះ​និស្សិត​ជ័យលាភី​ទាំងអស់ និង​បាន​ជូនពរឲ្យ​ទទួលបាន​នូវ​ភាពជោគជ័​យទាំង​ការងារ និង​ការសិក្សា ជា​បន្តបន្ទាប់​ទៀត​នៅពេល​ខាងមុខ​៕

 

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 097 72 88 071 / 076 44 44 373 ឬ តាម Whatsapp | Telegram : 097 72 88 071 / 076 44 44 373 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 097 72 88 071 / 076 44 44 373 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល