ទាន់ហេតុការណ៍
លោក អភិបាលរាជធានីភ្នំពេញ បានអញ្ជើញចុះ ត្រួតពិនិត្យ មើលវឌ្ឍភាពការងារស្ថាបនាផ្លូវនៅមុខទីស្តីការគណៈរដ្ឋមន្រ្តី - ​លោក សោម ពិសិដ្ឋ ដឹកនាំ​កិច្ចប្រជុំ​គណ​:​បញ្ជាការ​ឯកភាព រដ្ឋបាល​ខេត្ត​កែប​ - សេចក្តីជូនដំណឹង - ​ឯកឧត្តម​ឧត្តមសេនី​យ៍​ឯក​ហ៊ុន​ម៉ាណែត និង​លោកជំទាវ​ឧបត្ថម្ភ​រថយន្ត​សង្គ្រោះ​មួយ​គ្រឿង​ដល់​ស្នងការដ្ឋាន​នគរបាល​ខេត្ត​កណ្តាល​ - ​ប្រជាពលរដ្ឋ​ជួប​បញ្ហា​ខ្វះខាត ចំនួន​១០​គ្រួសារ នៅ​ភូមិ​កោះ​សោម ឃុំ​អង្កោល បាន​ទទួល​អំណោយ​ពី​សហភាព​សហព័ន្ធ​យុវជន​កម្ពុជា​ខេត្ត​កែប​ - លោក គង់សោភ័ណ្ឌអភិបាល ខេត្តកណ្តាល បានអញ្ជើញ ក្នុងកិច្ចប្រជុំ ពិភាក្សាដោះស្រាយ ដីធ្លីមួយ ចំនួនក្នុងស្រុក កៀនស្វាយ ខេត្តកណ្តាល - លោក នុត ពុធដារ៉ា អភិបាលរង ខេត្តកណ្ដាល ជំរុញអោយអភិបាលក្រុង/ ស្រុក និងមន្ទីរ អង្គភាព ពាក់ព័ន្ធ ត្រូវឆ្លើយតបនូវរាល់លិខិតរបស់ក្រសួងមហាផ្ទៃ ពាក់ព័ន្ធ នឹងការចុះផ្សាយរបស់សារព័ត៌មាន អោយបានលឿន និង ទទួលយកបាន! - លោក គីម រិទ្ធី អញ្ជើញជាអធិបតីភាព ក្នុងពិធីប្រកាសតែងតាំង លោក ខណ្ណារ៉ា អេលីត ជាប្រធានការិយាល័យគយ និង រដ្ឋករជ្រៃធំ នៃសាខាគយរដ្ឋករ ខេត្តកណ្ដា ជំនួសលោក មួង ដារ៉ា - ​កិច្ចប្រជុំ​ស្តីពី​ការចុះ​ធ្វើ​សវនកម្ម​លើ​ការគ្រប់គ្រង​ហិរញ្ញវត្ថុ និង​ការគ្រប់គ្រង​ទ្រព្យសម្បត្តិ​រដ្ឋ សម្រាប់​ការិយបរិច្ឆេទ​ឆ្នាំ ២០១៩ និង​ឆ្នាំ​ពាក់ព័ន្ធ​របស់​រដ្ឋបាល​ខេត្ត​ - សម្ដេច​តេជោ ហ៊ុន សែន អបអរសាទរ​ទិវា​មច្ឆា​ជាតិ ថ្ងៃទី​១ ខែកក្កដា ឆ្នាំ​២០២០
0

អ្នកតំណាងរាស្ត្រ​និង​សមាជិក​ព្រឹទ្ធសភា​អញ្ជើញ​ចុះ​សួរសុខទុក្ខ​និង​នាំ​អំណោយ​ជូន​ប្រជាពលរដ្ឋ​តាម​ខ្នង​ផ្ទះ​ក្នុង​សង្កាត់​ត្រើយ​កោះ ក្រុង​កំពត​

អ្នកតំណាងរាស្ត្រ​និង​សមាជិក​ព្រឹទ្ធសភា​អញ្ជើញ​ចុះ​សួរសុខទុក្ខ​និង​នាំ​អំណោយ​ជូន​ប្រជាពលរដ្ឋ​តាម​ខ្នង​ផ្ទះ​ក្នុង​សង្កាត់​ត្រើយ​កោះ ក្រុង​កំពត​

(​ខេត្ត​កំពត​)៖ នៅ​ព្រឹក​ថ្ងៃទី​១០ ខែ​ឧសភា ឆ្នាំ​២០២០ លោក សោម ចិន អ្នកតំណាងរាស្ត្រ​មណ្ឌល​កំពត និង លោក លី សារី សមាជិក​ព្រឹទ្ធសភា​ភូមិភាគ​៥ រួម​និង​ក្រុមការងារ​អាជ្ញាធ​រ​មូលដ្ឋាន បាន​អញ្ជើញ​ចុះសួរសុខទុក្ខ​និង​នាំយក​អំណោយ​ជា​គ្រឿងឧបភោគ បរិភោគ មាន​អង្ករ មី ត្រីខ ទឹកស៊ីអ៊ីវ ទឹកត្រី និង​ថវិកា​មួយចំនួន ដើម្បី​ឧបត្ថម្ភ​ជួយ​ដល់​គ្រួសារ​ប្រជាពលរដ្ឋ ចាស់ជរា និង​មាន​ជីវភាព​ខ្វះខាត នៅតាម​បណ្ដា​ខ្នង​ផ្ទះ ក្នុង​ភូមិ​ស្រែ ស្ថិតក្នុង​សង្កាត់​ត្រើយ​កោះ ក្រុង​កំពត ខេត្ត​កំពត​។

​មានប្រសាសន៍​សំណេះសំណាល​ជាមួយ​ប្រជាពលរដ្ឋ លោក សោម ចិន អ្នកតំណាងរាស្ត្រ​និង​ជា​ប្រធាន​ក្រុមការងារ​ចុះ​ជួយ​ក្រុង​កំពត បាន​លើកឡើង​ថា តាំងពី​ដើម​ជា​រៀង​រហូត​មក សម្ដេច​តេជោ ហ៊ុន សែន ប្រមុខ​រាជរដ្ឋាភិបាល​កម្ពុជា តែងតែ​មាន​ការយកចិត្ត​ទុកដាក់​គិតគូរ​ខ្ពស់ រួមសុខ​រួម​ទុក្ខលំបាក និង​ដោះស្រាយ​ជាមួយ​ប្រជាពលរដ្ឋ​គ្រប់​កាលៈទេសៈ​។​

​ជាក់ស្ដែង​ប្រទេស​ជាតិ​យើង ដែល​បច្ចុប្បន្ន កំពុង​ស្ថិតក្នុង​ស្ថានភាព​ប្រយុទ្ធ ប្រឆាំងនឹង ការរីក​រាលដាល​ជំងឺ​ឆ្លងកូវី​ដ​១៩ ដ៏​កាច​សាហាវ សម្ដេច​តេជោ​ហ៊ុន សែន តែងតែ​បាន​អំពាវនាវ​និង​ណែនាំ​ដល់​ថ្នាក់ដឹកនាំ​មន្ត្រីរាជការ គ្រប់​ក្រសួង​ស្ថាប័ន អាជ្ញាធរ កងកម្លាំង​គ្រប់​ថ្នាក់​គ្រប់​ផ្នែក ចូលរួម​សាមគ្គី​គ្នា ចុះ​ដល់​មូលដ្ឋាន​ជួយ​ដល់​ប្រជាពលរដ្ឋ ដើម្បី​អប់រំ​ណែនាំ​ផ្សព្វផ្សាយ ពី​ការបង្ការ​និង​ទប់ស្កាត់​ជំងឺ​កូវី​ដ​១៩ និង​ការផ្គត់ផ្គង់​សម្ភារៈ​បរិក្ខារ​រួម​នឹង​ស្បៀងអាហារ​ទំនុកបំរុង​ជូន​ដល់​ប្រជាពលរដ្ឋ​ដែល​ប្រឈម​ការខ្វះខាត ដោយ​មិន​ទុក​ចោល​ឱ្យ​ប្រជាពលរដ្ឋ​ណា​ម្នាក់ ស្លាប់​ដោយ​ខ្វះ​ស្បៀង​អាហារ ដែល​រដ្ឋាភិបាល ឬ​អាជ្ញា​ធរមាន​សមត្ថកិច្ច មិន​បាន​ដឹង​និង​មិន​បាន​ដោះស្រាយ​ឡើយ​។

​ជាមួយ​នេះ​លោក​ក៏​បាន​ណែនាំ​ក្រើនរំលឹក​ដល់​ប្រជាពលរដ្ឋ​ថា បើទោះបី​បច្ចុប្បន្ន​ជំងឺ​ឆ្លងកូវី​ដ​១៩ នៅ​កម្ពុជា​យើង​មាន​លក្ខណៈ​ធូរស្បើយ​ក៏ពិតមែន ប៉ុន្តែ​នៅក្នុង​ពិភពលោក​តាម​បណ្ដា​ប្រទេស​មួយចំនួន នៅ​មិនទាន់​ធូរស្បើយ​នៅ​ឡើយ​ទេ​។​ដូច្នេះ​សូម​ប្រជាពលរដ្ឋ​យើង បន្ត​យកចិត្តទុកដាក់​អនុវត្ត​នូវ​វិធានការ​របស់​ក្រសួង​សុខាភិបាល និង​បទបញ្ជា​របស់​រាជរដ្ឋាភិបាល ដោយ​ប្រកាន់ខ្ជាប់ នូវ​កត្តា​អនាម័យ គឺ​ការហូប​ស្អាត ផឹក​ស្អាត រស់នៅ​ស្អាត ត្រូវ​ឧស្សាហ៍​លាង​សម្អាត​ដៃ​ដោយ​សាប៊ូ​ឬ​ទឹក​អាល់កុល ព្រមទាំង​ជួយ​អប់រំ​ក្រើនរំលឹក​ដល់​កូនចៅ​ក្នុងភូមិ បើ​ពុំ​មាន​ការចាំបាច់​ទេ គួរ​កុំ​ធ្វើដំណើរ​ឆ្ងាយ​ពី​ផ្ទះ ឬ​ចូលរួម​ក្នុង​កម្មវិធី​ប្រមូលផ្ដុំ​មាន​មនុស្ស​ច្រើន ដែល​ងាយ​ប្រឈម​នឹង​ការឆ្លង​ជំងឺ​ដ៏​កាច​សាហាវ​នេះ ហើយ​បើ​មាន​ករណី​សង្ស័យ​នូវ​ការឆ្លង​ជំងឺ​ផ្សេងៗ​សូម​ប្រញាប់​អញ្ជើញ​ទៅ​មណ្ឌល​សុខភាព​ដែល​នៅ​ជិត​ផ្ទះ​របស់​ខ្លួន ដើម្បី រក្សាបាន​នូវ​សុខភាព​ល្អ ជៀសផុត ការឆ្លង នៃ​វីរុស​កូវី​ដ​១៩​នេះ មកលើ​សង្គម​គ្រួសារ​និង​សហគមន៍​យើង​។​

​ទន្ទឹម​នឹង​នោះ​សូម​បងប្អូន​ប្រជាពលរដ្ឋ​យើង​ឧស្សាហ៍​ព្យាយាម​ក្រើនរំលឹក​ដល់​បងប្អូន​កូនចៅ​ក្នុងភូមិ ត្រូវ​ចូលរួម​អនុវត្ត​ច្បាប់​នានា របស់​រាជរដ្ឋាភិបាល​ឱ្យបាន​ល្អ ពិសេស​ច្បាប់​ចរាចរណ៍​ផ្លូវគោក​ដើម្បី​ការពារ​អាយុជីវិត​និង​ទ្រព្យសម្បត្តិ​របស់​ប្រជាពលរដ្ឋ​យើង​ទាំងអស់​គ្នា​ផង​ដែរ​។​

​ក្នុងឱកាស​នោះ លោក សោម ចិន និង លោក លី សារី ក៏​បាន​អញ្ជើញ ទៅពិនិត្យ​លទ្ធផល​នៃ​ការសាងសង់​ស្នាក់ការ​អាគារ​ប្រជុំ​ដែល​សម្រេចបាន ប្រមាណ​៦០% ដែល​មាន​តម្លៃ​ជាង​៥​ម៉ឺន​ដុល្លារ របស់​សង្កាត់​ត្រើយ​កោះ​និង​បាន​ជូន​លិខិត​សរសើរ​ដល់​សប្បុរសជន​ដែល​បាន​ចូលរួម​សាងសង់​អគារ​នេះ​ផងដែរ​៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com