ខេត្តស្វាយរៀង ៖ បើតាមសេចក្តីរាយការណ៍បានអោយដឹងថា មានល្បែងអនឡាញខុសច្បាប់ ប្រភេទ មាន់ជល់ តាមកញ្ចក់ទូរទស្សន៍ ស្ថិតនៅភូមិបឹងរ៉ាត់ ឃុំអង្គរទ្រេត ស្រុកស្វាយអន្ទរ ខេត្តព្រៃវែង។ កំពុងបើកដំណើរ ការលេងយ៉ាងគគ្រឹកគគ្រេង តែអាជ្ញាធរ មាន សមត្ថកិច្ច ដែល ពាក់ពន្ធ័ ហាក់សំងំស្ងៀម មិន មានវិធាន ការទប់ស្កាត់ឬបង្ក្រាប។
បើយោងតាមសេចក្តីរាយការណ៍បានឱ្យដឹងថា ទីតាំងខាងលើកំពុងបើកទទួលស្វាគមន៍ក្រុមអ្នកញៀនល្បែងឲ្យចូលលេងជារៀងរាល់ថ្ងៃ យ៉ាងគគ្រឹកគគ្រេង គ្មានខ្លាចអាជ្ញាធរមានសមត្ថកិច្ចបន្តិចសោះឡើយ ហាក់បីដូចជាប្រទេសគ្មានច្បាប់។
ព្រោះយើងដឹងហើយថា ទីណាមានល្បែងស៊ីសង ទីនោះនឹងមានបទល្មើសនានា កើតឡើងជាហូរហែ ធ្វើឲ្យភូមិឃុំគ្មានសុវត្ថិភាព ប្រជាពលរដ្ឋរស់នៅដោយក្ដីព្រួយបារម្ភនឹងភ័យខ្លាច ដូចជា ៖ ចោរលួច ចោរឆក់ ចោរប្លន់ នឹងអំពើហិង្សាក្នុងគ្រួសារសិតសឹងតែកើតចេញ អំពីបទល្មើសល្បែងស៊ីសង ខុសច្បាប់នេះឯង ។ ល។ សេចក្តីរាយការណ៍បានបន្តថា ទីតាំងជល់មាន់ ខាងលើ បើកលេងជារៀងរាល់ថ្ងៃ មានក្រុមអ្នកញៀនល្បែងចូលទៅប្រមូលម្ដុំគ្នាលេងយ៉ាងច្រើន កុះករ លែងចាញ់ឈ្នះមួយគួរ ៗ រាប់លាន រៀល អ្នកខ្លះអស់លុយ អ្នកខ្លះអស់ម៉ូតូ ដល់ផ្ទះ នឹងបង្កកើតមានបញ្ហាក្នុងគ្រួសារ។
ករណីខាងលើនេះប្រជាពលរដ្ឋស្នើសុំដល់លោក អ៊ុង ផាន អធិការស្រុកស្វាយអន្ទរ មេត្តាចាត់កំលាំងជំនាញឱ្យចុះមកទប់ស្កាត់ និង បង្ក្រាបល្បែងស៊ីសង ខុសច្បាប់ខាងលើនេះផង និង ជួយពិនិត្យមើលមន្ត្រីក្រោមឱវាទដែលរក្សាការពារនៅក្នុងទឹកដី ភូមិ/ឃុំ ខាងលើនេះផង តើរាល់ថ្ងៃនេះគាត់រវល់ធ្វើអ្វីដែរ? បានជាបណ្ដែតបណ្ដោយ អោយមានល្បែងស៊ីសង បង្កើតឡើងនៅក្នុងមូលដ្ឋានរបស់ខ្លួន ដោយសេរីបែបនេះ?
ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំការស្រាយបំភ្លឺ ពីសំណាក់សមត្ថកិច្ចពាក់ពន្ធ័ នឹងម្ចាស់ទីតាំងរៀងរាល់ម៉ោងធ្វើការដើម្បីឆ្លុះបញ្ចាំងពីការពិតសុក្រឹតនិងយុត្តិធម៌តែប៉ុណ្ណោះ សូមអរគុណ៕
