លោក​វរសេនីយ៍ឯក ម៉ន វុធី អធិការ​នៃ​អធិការដ្ឋាន​នគរបាល​ខណ្ឌ​ពោធិ៍​សែន​ជ័យ ដឹកនាំ​កម្លាំង​ចុះ​ទៅ​បង្ក្រាប ករណី​ទីតាំង​ល្បែងស៊ីសងនៅ​ភូមិ​ព្រៃទា​១ ប៉ុន្តែ​ទីតាំង​សង្ស័យ​គឺ​មិន​មាន​ការបើក​លេង​ទេ ឃើញ​តែ​ទ្វារ​បិទ​ចាក់សោរ​

​នៅ​ព្រឹក​ថ្ងៃទី​១៧ ខែ​កក្ដ​ដា ឆ្នាំ​២០២២ បន្ទាប់ពី​ទទួល​ព័ត៌មាន​តាមរយៈ​កាសែត​ទូរទស្សន៍​អន​ឡាញ​នានា​ថា មាន​ករណី​ទីតាំង​ល្បែងស៊ីសង​មួយ​កន្លែង ស្ថិតនៅ​ភូមិ​ព្រៃទា​១ សង្កាត់​ចោមចៅ​ទី​៣ ខណ្ឌ​ពោធិ៍​សែន​ជ័យ លោក​វរសេនីយ៍ឯក ម៉ន វុធី អធិការ​នៃ​អធិការដ្ឋាន​នគរបាល​ខណ្ឌ​ពោធិ៍​សែន​ជ័យ បាន​ដឹកនាំ​លោកនាយ​ប៉ុស្តិ៍ និង​មន្ត្រី​នគរបាល​រដ្ឋបាល​សង្កាត់​ចោមចៅ​ទី​៣ ចុះ​ទៅ​បង្ក្រាប ប៉ុន្តែ​ខណៈ​ដែល​កងកម្លាំង​ចុះ​ទៅ​ដល់​ពុំ​ឃើញ​មាន​ការបើក​លេង​នោះទេ ឃើញ​តែ​ទ្វារ​បិទ​ចាក់សោរ​ប៉ុណ្ណោះ ៕