ទាន់ហេតុការណ៍
ឯកឧត្តម ម៉ែន វិបុល ចុះ​ចែក​អំណោយ​មនុស្សធម៌រ​បស់​សាខា​កាកបាទ​ក្រហម​ខេត្ត​ស្វាយរៀង ដល់​ស្ត្រី​ទើប​សម្រាលកូន​នៅ​មន្ទីរពេទ្យបង្អែក​ខេត្ត​ស្វាយរៀង​ - ក្រុមហ៊ុន ជីប ម៉ុង អ៊ិន​ស៊ី ស៊ី​មេន សហការ​ជាមួយ​មន្ទីរ​បរិស្ថាន រៀបចំ​ទិវា អនាម័យ សម្អាត​បរិស្ថាន នៅ​ខេត្ត​កែប​ - សម្តេច​សខេង​៖​ក្រសួង​បាន​ប្រឹងប្រែង​សង់​ពន្ធនាគារ​បន្ថែមទៀត​ទាក់ទង​ទៅនឹង​គ្រឿងញៀន​ - មន្ត្រី​ជំនាញ អង្គការ​ដៃគូ អាជ្ញាធរ​និង​ប្រជាពលរដ្ឋ​ត្រូវ​រួម​គ្នា​អភិរក្ស​តំបន់ការពារទេសភាព​អន្លង់​ព្រីង​ - ឯកឧត្តម ថោង ខុន សម្ពោធ​ ​ពុទ្ធិ​សមិទ្ធផល​ជាច្រើន​នៅក្នុង​វត្ត​សម្ដេចជោតញ្ញា​ណ ហៅ​វត្ត​តាំងគោក តម្លៃ​ជាង ៩ ម៉ឺន​ដុល្លារ​ - ​ពិធី​បញ្ចុះ​ខណ្ឌសីមា​ព្រះវិហារ​ថ្មី និង​សម្ពោធ​សមិទ្ធផល​នានា វត្ត​ដងទង់ ស្ថិតក្នុង​ភូមិ​ថ្មី ឃុំ​ដងទង់ ស្រុក​ដងទង់ ខេត្ត​កំពត​ - សម្តេច​តេជោ ហ៊ុន សែន អញ្ជើញ​ទទួល​ស្វាគមន៍​អ្នកដំណើរ​នៅ​លើ​នាវា​ទេសចរណ៍ WESTERDAM ទាំង​ពេល​នេះ​និង​ពេល​ក្រោយ​ទៀត​ - កម្ពុជា​ស្វាគមន៍​នារ​វា​ទេសចរណ៍ MS Westerdam សហរដ្ឋអាមេរិក​ចូល​ចត​ - ​រដ្ឋលេខាធិការ​ក្រសួង​ដែនដី​ជំរុញ​អាជ្ញាធរ​ឃុំ​សង្កាត់​ឱ្យ​ដោះស្រាយ​វិវាទ​ដីធ្លី នៅ​ក្រៅ​ប្រព័ន្ធ​តុលាការ​ - រដ្ឋមន្ត្រីក្រសួង​ព័ត៌មាន ក្រើន​រំ​ឮ​ក​អ្នកសារព័ត៌មាន ត្រូវ​ផ្សាយ​ព័ត៌មាន​ប្រកបដោយ​វិជ្ជាជីវៈ ក្រមសីលធម៌ និង​ប្រភព​ច្បាស់លាស់ ដែល​ជា​អាវ​ក្រោះ​ការពារ​ខ្លួន​
0

​លោក កែ​ន សត្ថា អញ្ជើញ​ជា​អធិបតីភាព​ក្នុង​ពិធី​បើក​បវេសនកាល ឆ្នាំ​សិក្សា​២០១៩-២០២០

​លោក កែ​ន សត្ថា អញ្ជើញ​ជា​អធិបតីភាព​ក្នុង​ពិធី​បើក​បវេសនកាល ឆ្នាំ​សិក្សា​២០១៩-២០២០

(​ខេត្ត​កែប​)៖ នៅ​ព្រឹក​ថ្ងៃទី​០១ ខែវិច្ឆិកា ឆ្នាំ​២០១៩ លោក កែ​ន សត្ថា អភិបាល​នៃ​គណៈ​អភិបាលខេត្ត​កែប បាន​អញ្ជើញ​ជា​គណៈអធិបតី​ក្នុង​ពិធី​បើក​បវេសនកាល​ឆ្នាំ​២០១៩-២០២០ ដែល​បាន​រៀបចំ​ឡើង​នៅ​វិទ្យាល័យ ហ៊ុន សែន ចំការ​ដូង ក្នុងស្រុក​ដំណាក់​ចង្អើរ ខេត្ត​កែប​។​

​ពិធី​នេះ​ក៏​មាន​ការអញ្ជើញ​ចូលរួម​ពី​សំណាក់​លោក​អភិបាលរង​ខេត្ត ប្រធាន អនុប្រធាន​មន្ទីរ​អង្គភាព​ជុំវិញ​ខេត្ត កងកម្លាំង​ទាំង​បី​ប្រភេទ លោកគ្រូ អ្នកគ្រូ និង​សិស្សានុសិស្ស​គ្រប់​កម្រិត​ថ្នាក់​។​

​ក្នុងឱកាស​នោះ លោក កែ​ន សត្ថា អភិបាលខេត្ត​កែប បាន​ថ្លែង​សារលិខិត​របស់​សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ដោយ​មាន​អត្ថន័យ​ថា​៖ ក្នុង​រយៈពេល​២​ទស្សវត្សរ៍​ចុងក្រោយ​នេះ បន្ទាប់ពី​ទទួលបាន​សុខ​សន្តិភាព​ពេញលេញ​នៅ​ចុងឆ្នាំ​១៩៩៨ តាមរយៈ​ការអនុវត្ត​នយោបាយ “​ឈ្នះ​-​ឈ្នះ​” កម្ពុជា​សម្រេចបាន​នូវ​ការអភិវឌ្ឍ​លើ​គ្រប់​វិស័យ​គួរ​ជាទី​មោទនៈ​។​

​បច្ចុប្បន្ន​សុខ​សន្តិភាព​បាន​គ្របដណ្តប់​ពេញ​ផ្ទៃ​ប្រទេស កម្ពុជា​មាន​ហេដ្ឋារចនាសម្ព័ន្ធ​ផ្លូវថ្នល់ ស្ពាន​ត​ភ្ជាប់​គ្នា​ខ្វាត់ខ្វែង​គ្រប់​ច្រកល្ហក ប្រជាជនមាន​ជីវភាព​រស់នៅ​កាន់តែ​ល្អប្រសើរ មាន​មធ្យោបាយ​ធ្វើដំណើរ​គ្រប់គ្រាន់ មាន​សិទ្ធិ​សេរីភាព​ជួបជុំ​គ្រួសារ​ដើរ​លេង​កម្សាន្ត ទាំង​ក្នុង​និង​ក្រៅប្រទេស ហើយ​បាន​ចូលរួម​ប្រារព្ធ​គ្រប់​ពិធីបុណ្យ​ជាតិ​បាន​យ៉ាង​ទូលំទូលាយ​ជាមួយនឹង​ក្តីសប្បាយរីករាយ ជាមួយ​ក្រុម​គ្រួសារ និង​ញាតិមិត្ត​ប្រកបដោយ​សុវត្ថិភាព និង​ភាពសុខដុមរមនា​គ្រប់​ជាតិ​សាសន៍​នៅ​ទូទាំង​ប្រទេស​។​

​ពេលនេះ​រាជរដ្ឋាភិបាល បាន​និង​កំពុង​ខិតខំ​ប្រឹងប្រែង​ក្នុង​ការអភិវឌ្ឍ​សង្គម​-​សេដ្ឋកិច្ច​បន្ត​ទៀត​ដើម្បី​ឲ្យ​កម្ពុជា​ក្លាយ​ទីៅជា​ប្រទេស​មាន​ប្រាក់​ចំណូល​មធ្យម​កម្រិត​ខ្ពស់​នៅ​ឆ្នាំ​២០៣០ និង​ជា​ប្រទេស​មាន​ប្រាក់​ចំណូល​ខ្ពស់ នៅ​ឆ្នាំ​២០៥០​។​

​យុទ្ធសាស្ត្រ​ចតុកោណ ដំណាក់កាល​ទី​៤ របស់​រដ្ឋាភិបាល​នីតិកាល​ទី​៦ នៃ​រដ្ឋសភា​បាន​ចាត់ទុក​ការអភិវឌ្ឍ​ធនធានមនុស្ស គឺ​ជា​អទិភាព​ទី​១ ជាមួយនឹង​ការប្តេជ្ញា​សម្រេច​ឲ្យបាន​នូវ​មុំ​ទី​១ គឺ​”​ការពង្រឹង​គុណភាព​អប់រំ វិទ្យាសាស្ត្រ និង​បច្ចេកវិទ្យា​” តាមរយៈ​ការ​ទាញ​ប្រយោជន៍​ពី​កាលានុវត្តភាព​នៅក្នុង​តំបន់ ការចាប់យក​បច្ចេកវិទ្យា និង​ឱកាស​ថ្មី ព្រមទាំង​លើកកម្ពស់​ការប្រកួតប្រជែង​របស់​កម្ពុជា​នៅក្នុង​តំបន់ និង​អន្តរជាតិ ដើម្បី​ធានាបាន​កំណើន​សេដ្ឋកិច្ច​ខ្ពស់​ប្រកបដោយ​ចីរភាព​។​

​ក្នុង​ស្មារតី​នេះ កម្ពុជា​បាន​ធ្វើ​មូ​ដ្ឋា​នីយកម្ម​គោលដៅ​អភិវឌ្ឍ​ប្រកបដោយ​ចីរភាព​ស្តីពូ​ការអប់​រំ ឆ្នាំ​២០៣០ ឆ្ពោះ​ទៅ​ធានា​គុណភាព​អប់រំ​ប្រកប​ដោយ​បរិ​យាប​ន្ន និង​លើកកម្ពស់​ការសិក្សា​ពេញ​មួយ​ជីវិត​សំដៅ​ធានាបាន​នូវ​សិទ្ធិសេរីភាព និង​សុភមង្គល​សម្រាប់​បុគ្គល​គ្រួសារ និង​សង្គមជាតិ​។​ជា​បន្តបន្ទាប់​រាជរដ្ឋាភិបាល​បាន​ខិតខំ​ដោះស្រាយ​រាល់​បញ្ហា និង​សំណូមពរ​ទាំងឡាយ ដើម្បី​លើកកម្ពស់​វិស៍យ​អប់រំ​នៅ​កម្ពុជា បង្កើត​ធនធានមនុស្ស និង​មូលធន​បញ្ញា ទាំង​អ្នក​សិក្សា ទាំង​គ្រូបង្រៀន​ប្រកបដោយ​គុណភាព សមត្ថភាព ស្រប​តាម​និន្នាការ​រីកចម្រើន និង​បទដ្ឋាន​អប់រំ​នៅ​ក្នុង​តំបន់ និង​ពិភពលោក​ផងដែរ​។​

​សូមជម្រាបថា សម្រាប់​ការបើក​បវេសនកាល ឆ្នាំ​សិក្សា​២០១៩-២០២០ នៅ​វិទ្យាល័យ ហ៊ុន សែន ចំការ​ដូង នៃ​ស្រុក​ដំណាក់​ចង្អើរ ខេត្ត​កែប មាន​សាស្ត្រាចារ្យ សរុប​ចំនួន​៧៦​នាក់ ស្រី​៣០​នាក់ និង​មាន​សិស្សានុសិស្ស សរុប​ចំនួន​៧៥៤​នាក់ ស្រី​៣៩៩ ចែកចេញ​ជា​២១​ថ្នាក់ មាន​បង្រៀន​ចាប់ពី​ថ្នាក់​ទី​៧ រហូតដល់​ថ្នាក់​ទី​១២៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com