ទាន់ហេតុការណ៍
ឯកឧត្តម ម៉ែន វិបុល ចុះ​ចែក​អំណោយ​មនុស្សធម៌រ​បស់​សាខា​កាកបាទ​ក្រហម​ខេត្ត​ស្វាយរៀង ដល់​ស្ត្រី​ទើប​សម្រាលកូន​នៅ​មន្ទីរពេទ្យបង្អែក​ខេត្ត​ស្វាយរៀង​ - ក្រុមហ៊ុន ជីប ម៉ុង អ៊ិន​ស៊ី ស៊ី​មេន សហការ​ជាមួយ​មន្ទីរ​បរិស្ថាន រៀបចំ​ទិវា អនាម័យ សម្អាត​បរិស្ថាន នៅ​ខេត្ត​កែប​ - សម្តេច​សខេង​៖​ក្រសួង​បាន​ប្រឹងប្រែង​សង់​ពន្ធនាគារ​បន្ថែមទៀត​ទាក់ទង​ទៅនឹង​គ្រឿងញៀន​ - មន្ត្រី​ជំនាញ អង្គការ​ដៃគូ អាជ្ញាធរ​និង​ប្រជាពលរដ្ឋ​ត្រូវ​រួម​គ្នា​អភិរក្ស​តំបន់ការពារទេសភាព​អន្លង់​ព្រីង​ - ឯកឧត្តម ថោង ខុន សម្ពោធ​ ​ពុទ្ធិ​សមិទ្ធផល​ជាច្រើន​នៅក្នុង​វត្ត​សម្ដេចជោតញ្ញា​ណ ហៅ​វត្ត​តាំងគោក តម្លៃ​ជាង ៩ ម៉ឺន​ដុល្លារ​ - ​ពិធី​បញ្ចុះ​ខណ្ឌសីមា​ព្រះវិហារ​ថ្មី និង​សម្ពោធ​សមិទ្ធផល​នានា វត្ត​ដងទង់ ស្ថិតក្នុង​ភូមិ​ថ្មី ឃុំ​ដងទង់ ស្រុក​ដងទង់ ខេត្ត​កំពត​ - សម្តេច​តេជោ ហ៊ុន សែន អញ្ជើញ​ទទួល​ស្វាគមន៍​អ្នកដំណើរ​នៅ​លើ​នាវា​ទេសចរណ៍ WESTERDAM ទាំង​ពេល​នេះ​និង​ពេល​ក្រោយ​ទៀត​ - កម្ពុជា​ស្វាគមន៍​នារ​វា​ទេសចរណ៍ MS Westerdam សហរដ្ឋអាមេរិក​ចូល​ចត​ - ​រដ្ឋលេខាធិការ​ក្រសួង​ដែនដី​ជំរុញ​អាជ្ញាធរ​ឃុំ​សង្កាត់​ឱ្យ​ដោះស្រាយ​វិវាទ​ដីធ្លី នៅ​ក្រៅ​ប្រព័ន្ធ​តុលាការ​ - រដ្ឋមន្ត្រីក្រសួង​ព័ត៌មាន ក្រើន​រំ​ឮ​ក​អ្នកសារព័ត៌មាន ត្រូវ​ផ្សាយ​ព័ត៌មាន​ប្រកបដោយ​វិជ្ជាជីវៈ ក្រមសីលធម៌ និង​ប្រភព​ច្បាស់លាស់ ដែល​ជា​អាវ​ក្រោះ​ការពារ​ខ្លួន​
0

​ទេសរដ្ឋមន្ត្រី ស៊ុន ចាន់ថុល ធ្វើ​បុណ្យ​កឋិន​រៃអង្គាស​បច្ច័យ​បាន​ជាង ១០​ម៉ឺន​ដុល្លារ យក​ទៅ​កសាង​វត្ត​នៅ​សៀមរាប​

​ទេសរដ្ឋមន្ត្រី ស៊ុន ចាន់ថុល ធ្វើ​បុណ្យ​កឋិន​រៃអង្គាស​បច្ច័យ​បាន​ជាង ១០​ម៉ឺន​ដុល្លារ យក​ទៅ​កសាង​វត្ត​នៅ​សៀមរាប​

(​សៀមរាប​)៖ បុណ្យ​កឋិនទាន​ផ្តួចផ្តើម​ធ្វើ​ឡើង​ដោយ​លោក​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន រៃអង្គាស​បច្ច័យ​បាន​សរុប​ជាង ១០​ម៉ឺន​ដុល្លារ​អាមេរិក ដង្ហែ​យកទៅ​ប្រគេន​ព្រះសង្ឃ និង​សម្រាប់​កសាង​វត្ត​សុវណ្ណ​គិរី ហៅ​វត្ត​ពើង​បាក់រទេះ ស្ថិតនៅ​ភូមិ​អូរ ឃុំ​ខ្វាវ ស្រុក​ជីក្រែង ខេត្តសៀមរាប​។​

​កឋិនទាន​នេះ​បាន​ប្រារព្វ​ធ្វើឡើង​នៅ​រសៀល​ថ្ងៃ​សុក្រ ទី​២៥ ខែតុលា ឆ្នាំ​២០១៩ ដោយ​រៀបចំ​ពិធី​ក្រុង​ពាលី​ប្រារព្វ​ធ្វើ​បទ​នមស្សការ​ព្រះ​រតនត្រ័យ និង​និម​ត្ត​ព្រះសង្ឃ​ចម្រើន​ព្រះបរិត្ត រួច​សម្តែង​ធម្មទេសនា ដោយ​រៃ​អង្គាស​បច្ច័យ​បាន ២១៥,៥៥០,០០០​រៀល និង​៤៧,៥០០​ដុល្លារ​អាមេរិក និង​គ្រឿង​បរិក្ខា​មួយចំនួន​។​

​លុះ​ព្រឹក​ឡើង​ថ្ងៃ​សៅរ៍ ថ្ងៃទី​២៦ ខែតុលា ឆ្នាំ​២០១៩ ជួបជុំ​មន្ត្រីរាជការ និង​ពុទ្ធបរិស័ទ​នៅ​ទីស្តីការក្រសួង ដង្ហែ​ទៅកាន់​វត្ត​សុវណ្ណ​គិរី ហៅ​វត្ត​ពើង​បាក់រទេះ​។​

​លោក​ទេសរដ្ឋមន្ត្រី ស៊ុន ចាន់ថុល បាន​សម្តែង​នូវ​សេចក្តីសោមនស្ស​រីករាយ​ជា​អនេក ដែល​បាន​ឃើញ​មន្ត្រីរាជការ​គ្រប់ ជាន់ថ្នាក់ និង​ពុទ្ធបរិស័ទ​ញាតិមិត្ត​ជិត​ឆ្ងាយ​បាន​ស្រុះស្រួល​មូលមតិ​គ្នា​រៀបចំ​បុណ្យ​កឋិនទាន​សាមគ្គី​នេះ ឡើង​ប្រកបដោយ​ទឹកចិត្ត​ជ្រះថ្លា និង​ស្មារតី​សាមគ្គីភាព​យ៉ាង​ជិតស្និទ្ធ​។​

​លោក​ទេសរដ្ឋមន្ត្រី​បាន​គូសបញ្ជាក់ថា «​យើង​មាន​ឱកាស​ធ្វើបុណ្យ ធ្វើ​ទាន​កសាង​នូវ​សេចក្តី​ល្អ គឺ​ដោយសារ​យើង​មាន​សុខសន្តិភាព ក្រោម​ការដឹកនាំ​ដ៏​ត្រឹមត្រូវ​របស់​រាជរដ្ឋាភិបាល​កម្ពុជា ដែលមាន សម្តេច​អគ្គមហាសេនាបតី​តេជោ ហ៊ុន សែន ជា​នាយករដ្ឋមន្ត្រី​»​។​

​ឆ្លៀត​ក្នុង​ឱកាស​នោះ លោក​ទេសរដ្ឋមន្ត្រី​បាន​បួងសួង​ដល់​ទេវតា​ប្រទាន​ពរជ័យ សិរី​មង្គល វិបុល​សុខ កើតមាន​ដល់​ប្រជា​ពលរដ្ឋ​ខ្មែរ​គ្រប់ៗ​រូប និង​សូម​ជួប​តែ​ពុទ្ធពរ​ទាំង​បួន​ប្រការ​គឺ អាយុ វណ្ណៈ សុខៈ ពលៈ កុំបី​ឃ្លៀងឃ្លាត​ឡើយ និង​ជូន​នូវ​កុសលផល​បុណ្យ​ចំពោះ​មន្ត្រីរាជការ និង​ពុទ្ធបរិស័ទ​ញាតិមិត្ត​ជិត​ឆ្ងាយ​ទាំងអស់ សូម​បាន​សុខ​ចម្រុងចំរើន មាន​សន្តិភាព និង​ការអភិវឌ្ឍ​រីកចំរើន​ជា​រៀង​រហូត​ទៅ​៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com