កណ្ដាល ៖ ប៉ុស្តិ៍នគរបាលរដ្ឋបាលកំពង់ស្វាយនិងប្រតិកម្មរហ័ស នៃអធិការដ្ឋាននគរបាលស្រុកកៀនស្វាយ សូមឆ្លើយតបជូនគណនីហ្វេសប៊ុកសុំមិនបញ្ចេញឈ្មោះដែលបានសរសេរមកកាន់ប្រអប់ផ្ញើសារចូលក្នុងផេកអធិការនគរបាលស្រុកកៀនស្វាយខេត្តកណ្តាលដែលមានខ្លឹមសារថា៖
ខ្ញុំបាទជាប្រជាពលរដ្ឋរស់នៅក្នុងភូមិព្រែកតានប់ ឃុំកំពង់ស្វាយ ស្រុកកៀនស្វាយ ខេត្តកណ្តាល។
-កម្មវត្ថុ ៖ សំណូមពរដល់លោកអធិការនគរបាលស្រុកកៀនស្វាយខេត្តកណ្តាល ជួយអន្តរាគមន៍រឿងមេកន្ទុយលេខដែលមានឈ្មោះដូចខាងក្រោម៖
១/ឈ្មោះ ខុម ស្រីលីស ប្តី ឈ្មោះ ពិត ឈាងហេង
២/ឈ្មោះ រ៉ុម ស្រីពៅ
៣/ឈ្មោះ ពៀច ហើម ។
មេកន្ទុយលេខទាំងអស់នេះជាមេដែលទទួលយកទាំងឆ្នោតយួននិងឆ្នោតខ្មែរបានបង្ករឲ្យមានភាពអសន្តិសុខក្នុងភូមិឃុំ។
ក្រោយទទួលបានព័ត៌មាននេះ ដោយមានការចង្អុលបង្ហាញផ្ទាល់ពីលោកវរសេនីឯកព្រុំសំណាង អធិការនគរបាលនិងក្រុមការងារប្រតិកម្មរហ័សស្រុកកៀនស្វាយ នៅថ្ងៃទី១០.១០.២០២១ វេលាម៉ោង ១៤”០០នាទី ប៉ុស្តិ៍នគរបាលរដ្ឋបាលកំពង់ស្វាយ សហការជាមួយកំលាំងប្រជាការពារបានចុះទៅដល់ទីតាំងទាំង០៣ខាងលើហើយបានធ្វើការអប់រំណែនាំទៅលើម្ចាស់ទីតាំងទាំងបី ឈប់អោយមានការលេងល្បែងស៊ីសងខុសច្បាប់(កន្ទុយលេខ)តទៅទៀតនឹងបានអោយម្ចាស់ទីតាំងទាំង៣កន្លែងធ្វើកិច្ចសន្យា ៕
