ខេត្តកំពង់ស្ពឺ៖ លោកបណ្ឌិត ឃីម រដ្ឋា និងលោកស្រី សេង ច្រឹប និងកូន.ចៅ ព្រមទាំងពុទ្ធបរិស័ទរាជធានីខេត្តជិតឆ្ងាយរួមជាមួយពុទ្ធបរិស័ទ ចំណុះជើងវត្តព្រះពុទ្ធ មានសិរី បានមូលមតិគ្នាជា ឯកច្ឆ័ន្ធផ្តើមធ្វើ បុណ្យកឋិនទានសាមគ្គី មួយដង្ហែរ ទៅវេរប្រគេន ព្រះសង្ឃ ដែលគង់ចាំព្រះវស្សា អស់ត្រីមាសអស់រយៈពេល ៣ខែកន្លងមកក្នុងពទ្ធសីមា វត្តព្រះពុទ្ធ មានសិរី ស្ថិតនៅ ឃុំដំបូករូង ស្រុកភ្នំស្រួច ខេត្តកំពង់ស្ពឺ ដើម្បីប្រមូល បច្ច័យយកមក កសាងព្រះវិហារ។
ឯកបណ្ឌិតឧត្តម ជា ដែន មានសទ្ធាជ្រះថ្លាបានចូលរូមជាបច្ច័យចំនួន២០ម៉ឺនរៀល សម្រាប់បុណ្យអង្គកឋិនទានសាមគ្គីនេះផងដែរ ដោយឯកឧត្តមយល់ឃើញថា បុណ្យកឋិនទាន ជាទានមួយដែលប្លែកពីទានដ៏ទៃៗទៀត ព្រោះបានផលដល់ទាយកជាម្ចាស់ទានផង និងភិក្ខុសង្ឃដែលទទួលក្រាលគ្រងផង និង ប្លែកដោយកាលមានតែត្រឹម២៩ថ្ងៃតែប៉ុនណ្ណោះ ហើយវត្តមួយទទួលបានតែម្តងក្នុងមួយឆ្នាំ។ ប្លែកដោយអានិសង្ស អ្នកប្រគេន ក៍បានអានិសង្ស និងអ្នកទទួលក្រាលគ្រង អនុមោទនាក៍បានអានិសង្ស ប្លែកដោយអំពើគឺបុគ្គលដែលធ្វើតាមព្រះវិន័យប្រកបដោយធម៌ត្រឹមត្រូវ ប្លែកដោយវត្ថុ គឺវត្ថុសំរាប់ កឋិនមានបីគឺ ស្បង់ ចីវរ សង្ឃាដី ក្រៅពីនោះគីជា អត្ថបរិក្ខារ កឋិន។
លោកបណ្ឌិត ឃីម រដ្ឋា បានបង្ហាញអារម្មណ៍ជ្រះថ្លាដោយសារមានការជួបជុំពីរប្រជាពុទ្ធបរិស័ទនិងបងប្អូនមកពីទីជិតឆ្ងាយ ហើយការជួបជុំនេះដែរ អាចប្រព្រឹត្តទៅក៍អាស្រយ័ដោយកត្តាប្រទេសជាតិ មានសុខសន្តិភាពពេញលេញ មានស្ថេរភាព នយោបាយ និងការអភិវឌ្ឍន៍រីកចំរើនលើគ្រប់វិស័យ ក្រោមការដឹកនាំដ៏ត្រឹមត្រូវរបស់សម្តេចមហាសេនាតេជោ ហ៊ុន សែន និងសម្ដេចគតិបណ្ឌិត ប៊ុន រ៉ានី ហ៊ុនសែន ជាពិសេសសម្ដេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានធ្វើអោយកម្ពុជាមានការអភិវឌ្ឍន៍លើគ្រប់វិស័យ ទាំងផ្នែកពុទ្ធចក្រ និងអាណាចក្រ។
សូមបញ្ជាក់ថាកម្មវិធីបុណ្យអង្គកឋិនទានសាមគ្គីនេះ និងប្រព្រឹតទៅនៅថ្ងៃ សៅរ៍ ២កើត ខែ កក្តិក ឆ្នាំ រោង ឆស័ក ព.ស ២៥៦៨ ត្រូវនឹង ថ្ងៃទី ០២ ខែ វិច្ឆិកា ឆ្នាំ២០២៤ នៅក្នុងពុទ្ធសីមា វត្តព្រះពុទ្ធ មានសិរី ស្ថិតនៅ ឃុំដំបូករូង ស្រុកភ្នំស្រួច ខេត្តកំពង់ស្ពឺ៕
