ទាន់ហេតុការណ៍
​សម្តេច តេជោ​ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន​ចាក់​វ៉ាក់សាំង​កូវី​ដ​-១៩ AstraZeneca មុនគេ នៅ​កម្ពុជា​ - ​នាយ​ឧត្តមសេនីយ៍ សៅ សុខា បាន​ចាក់​វ៉ាក់សាំង​ការពារ​ជំងឺ​កូវី​ដ​១៩ លើក​ទី​២ - ​ឯកឧត្តម ឃួ​ង ស្រេង អភិបាល នៃ​គណ​:​អភិបាល​រាជធានី​ភ្នំពេញ អញ្ជើញ​ចុះ​សួរសុខទុក្ខ​ក្រុមគ្រូពេទ្យ​និង​សមត្ថកិច្ច​នៅ​ប្រចាំការ​ - អជ្ញាធរ​ខណ្ឌដូនពេញ អនុញ្ញាត​អោយ​រថយន្ត​ធុន​ធំ​ទាំង ៤១​គ្រឿង ត្រឡប់​ទៅ​វិញ​ហើយ​បន្ទាប់​ពី​ធ្វើការ​អប់រំ​ណែនាំ​រួច​! - សម្តេច​ពិជ័យ​សេនា​ទៀ បាញ់​ឧបនាយករដ្ឋមន្ត្រី រដ្ឋមន្ត្រី​ក្រសួង​ការពារជាតិ​អញ្ជើញ​ចុះ​ត្រួតពិនិត្យ​ការចាក់​វ៉ាក់សាំង​បង្ការ​ជំងឺ​កូវី​ដ​.១៩..!! - សម្ដេច​តេជោ ហ៊ុន សែន ថ្ងៃនេះ​គឺជា​ខួប​៤២​ឆ្នាំ នៃ​ការជួបគ្នា​ឡើងវិញ រវាង​ខ្ញុំ​និង​ភរិយា​ខ្ញុំ (២៤ កុម្ភះ ១៩៧៩- ២៤ កុម្ភះ ២០២១) - លោក​ឧត្តមសេនីយ៍ត្រី ឈួន គឹម​សាន និង​មន្ដ្រីក្រោមឱវាទ បាន​អញ្ជើញ ចូលរួម​គោរព​វិញ្ញាណក្ខន្ធ​សព លោក​វរ​:​សេនីយ៍​ទោ លឹម ឆាយ ជា​ប្រធាន​ស្រាវជ្រាវ​ព័ត៌មាន និង​សន្តិសុខ នៅ​ខេត្ត​ព្រៃវែង​! - សម្តេច​តេជោ ហ៊ុន សែន អញ្ជើញ​ថ្លែង​សារ​ពិសេស​ទៅកាន់​បងប្អូន​ជនរួមជាតិ ពាក់ព័ន្ធ​នឹង​ករណី​ជំងឺ​កូវី​ដ​១៩​ឆ្លង​សហគមន៍​២០​កុម្ភៈ - ឧត្តមសេនីយ៍ឯក រ័ត្ន ស្រ៊ាង បំពាក់​ឋានន្តរសក្តិ ជូន​ដល់ នាយទាហាន នាយទាហានរង ពលទាហាន នៃ កងរាជអាវុធហត្ថ​រាជធានី​ភ្នំពេញ - ​សម្ដេច​តេជោ ហ៊ុន សែន បាន​បន្ដ​ផ្ដល់​ជំ​នួន​ថវិកា​ចំនួន​១៥០០​លាន​រៀល សម្ភារ​:​និង​ស្បៀង​មួយចំនួន​ទៀត​ដល់​ខេត្ត​ចំនួន​៤ នៅ​ជាប់​ព្រំដែន​កម្ពុជា​-​ថៃ ដើម្បី​រៀបចំ​ធ្វើ​ចត្តា​ឡី​ស័ក សម្រាប់​ពលករ​ខ្មែរ​ដែល​វិលត្រឡប់ !
0

រដ្ឋមន្ត្រី​ទេសចរណ៍ ជំរុញ​ឱ្យ​សហគមន៍​កោះ​ព្រហ្ម​ចារីយ៍ ខេត្ត​ក្រចេះ រួមគ្នា​ថែរក្សា​សត្វ​ផ្សោត​ឱ្យបាន​គង់វង្ស ដើម្បី​បង្កើន​ភាព​ទាក់ទាញ​ទេសចរ​

រដ្ឋមន្ត្រី​ទេសចរណ៍ ជំរុញ​ឱ្យ​សហគមន៍​កោះ​ព្រហ្ម​ចារីយ៍ ខេត្ត​ក្រចេះ រួមគ្នា​ថែរក្សា​សត្វ​ផ្សោត​ឱ្យបាន​គង់វង្ស ដើម្បី​បង្កើន​ភាព​ទាក់ទាញ​ទេសចរ​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

(​ក្រចេះ​)៖ ឯកឧត្តម​បណ្ឌិត ថោង ខុន រដ្ឋមន្ត្រី​ក្រសួង​ទេសចរណ៍ បាន​ជំរុញ​យ៉ាង​ម៉ឺងម៉ាត់​ដល់​ប្រជា​សហគមន៍​កោះ​ព្រហ្មចារីយ៍ជ្រោ​យ​បន្ទាយ អង្គការ WWF និង​ភាគី​ពាក់ព័ន្ធ បន្ត​រួម​គ្នា​ថែរក្សា​អភិរក្ស​សត្វ​ផ្សោត​នៅ​តាម​ទន្លេមេគង្គ​ឱ្យបាន​គង់វង្ស​ត​ទៅ​មុខ ដើម្បី​បង្កើន​ភាព​ទាក់ទាញ​ភ្ញៀវទេសចរ​ជាតិ​-​អន្តរជាតិ ដោយ​លោក​បាន​បញ្ជាក់ថា សម្រាប់​ខេត្ត​ក្រចេះ និង​ខេត្ត​ស្ទឹងត្រែង សត្វ​ផ្សោត​ប្រៀប​ដូចជា​ប្រាសាទ​អង្គរ​ទី​ពីរ​យ៉ាង​ដូច្នេះ​ដែរ​។​

​ការ​ថ្លែង​បែប​នេះ​របស់​ឯកឧត្តម​រដ្ឋមន្ត្រី ថោង ខុន ត្រូវបាន​ធ្វើឡើង​ក្នុង​ឱកាស​ជួប​សំណេះសំណាល​ជាមួយ​ប្រជា​សហគមន៍​ព្រហ្មចារីយ៍ជ្រោ​យ​បន្ទាយ​ប្រមាណ នាក់ នា​ព្រឹក​ថ្ងៃទី​២៩ ខែ​មករា ឆ្នាំ​២០២១​។​

សហគមន៍​កោះ​ព្រហ្ម​ចារីយ៍ ជា​សហគមន៍​អេកូ​ទេ​សរណ៍​ថ្មី​មួយ​នៅ​តាម​បណ្តោយ​ដង​ទន្លេមេគង្គ ស្ថិតក្នុង​ឃុំ​ជ្រោយ​បន្ទាយ ស្រុក​ព្រែក​ប្រសព្វ ខេត្ត​ក្រចេះ មាន​ចម្ងាយ​ប្រមាណ ១៧ គីឡូម៉ែត្រ​ពី​ទី​រួម​ខេត្ត​។ សហគមន៍​នេះ​ទើបតែ​ត្រូវបាន​បង្កើតឡើង​នៅ​ចុងឆ្នាំ​២០២០ ដោយ​មាន​ការជួយជ្រោមជ្រែង​ពី​មន្ទីរ​ទេសចរណ៍​ខេត្ត​ក្រចេះ និង​អង្គការ WWF​។​

​ក្នុងឱកាស​សំណេះសំណាល​ជាមួយ​ប្រជា​សហគមន៍​នោះ ឯកឧត្តម​រដ្ឋមន្ត្រី ថោង ខុន បាន​លើកឡើង​ថា ខេត្ត​ក្រចេះ គឺ​ជា​គោលដៅ​ទេសចរណ៍​ដ៏​សំខាន់​ក្នុង​ចំណោម​ខេត្ត​ដទៃ​នៅ​តំបន់​ភូមិភាគ​ឦសាន ពិសេស​គឺ​មាន​សក្ដានុពល​អេកូ​ទេសចរណ៍​ដ៏​សម្បូរបែប ពិសេស​គឺ​មាន​សត្វ​ផ្សោត​ដែល​ជា​សត្វ​ដ៏​កម្រ​នៅលើ​ពិភពលោក​។​

​ឯកឧត្តម​បាន​បន្តថា ភ្ញៀវ​អន្តរជាតិ​ភាគច្រើន គឺ​ចង់​មក​ទស្សនា​សត្វ​ផ្សោត​ទន្លេមេគង្គ​នៅ​កម្ពុជា​។ សម្រាប់​ខេត្ត​ក្រចេះ ក៏​ដូចជា​ខេត្ត​ស្ទឹងត្រែង សត្វ​ផ្សោត​គឺ​ប្រៀប​ដូចជា​ប្រាសាទអង្គរវត្ត​ទី​ពីរ​យ៉ាង​ដូច្នេះ​ដែរ ដែល​នៅ​លើ​ពិភពលោក​សត្វ​ប្រភេទ​នេះ​បាន​ផុត​ពូជ​សឹងតែ​អស់ហើយ ប៉ុន្តែ​មាន​សក្ដានុពល​ដ៏​មាន​ភាព​ទាក់ទាញ និង​មានគុណ​តម្លៃ​ដ៏​ធំ​មហាសាល​សម្រាប់​វិស័យ​ទេសចរណ៍​ជាតិ​។​

​ដោយសារ​ចេះ​តែ​មាន​ការរំខាន​ធ្វើឱ្យ​សត្វ​ផ្សោត​បាត់បង់​ជា​បន្តបន្ទាប់ លោក​រដ្ឋមន្ត្រី​បាន​ស្នើ​យ៉ាងទទូច​ដល់​ប្រជា​សហគមន៍ អ្នក​ប្រកប​របរ​នេសាទ ក៏ដូចជា​អង្គការ WWF និង​ភាគី​ពាក់ព័ន្ធ​ដទៃទៀត ត្រូវ​បន្ត​រួមគ្នា​ថែរក្សា​អភិរក្ស​សត្វ​ផ្សោត ក៏ដូចជា​សត្វព្រៃ​ដទៃទៀត (​សត្វ​ក្ដាន់​) ឱ្យបាន​នៅ​គង់វង្ស​ត​ទៅ​មុខ​ទៀត ដើម្បី​បង្កើន​ភាព​ទាក់ទាញ​ភ្ញៀវទេសចរ​នានា​។​

​ឯកឧត្តម​បាន​ស្នើ​ប្រជាពលរដ្ឋ​កុំទៅ​នេសាទ​នៅ​កន្លែង​សត្វ​ផ្សោត​រស់នៅ ពីព្រោះ​សត្វ​ប្រភេទ​នេះ​ងាយ​នឹង​រង​គ្រោះថ្នាក់​ណាស់ និង​មាន​ការកកើត​យឺត មិន​អាច​រំខាន​ដល់​ការរស់នៅ​របស់​ពួក​វា​បាន​ឡើយ​។​

​នៅពេល​ប្រជាពលរដ្ឋ​ថែរក្សា​សត្វ​ផ្សោត​បានរស់នៅ​គង់វង្ស​ហើយ ប្រជាពលរដ្ឋ​អាច​ងាក​មក​ប្រកប​មុខរបរ​បម្រើសេវា​កម្ម​ជូន​ភ្ញៀវ​ទេសចរ នោះ​ប្រជាពលរដ្ឋ​នឹង​ទទួលបាន​ប្រាក់ចំណូល​កាន់តែច្រើន​ពី​វិស័យ​ទេសចរណ៍ និង​ការចូលរួម​អភិរក្ស​សត្វ​ផ្សោត និង​សត្វព្រៃ​ដទៃ ពិសេស​គឺ​ទទួលបាន​ប្រាក់​ចំណូល​ច្រើន​ជាង​ការនេសាទ ជាង​ការកាប់​ព្រៃឈើ ឬ​ការ​បរបាញ់​សត្វ​នោះ​ទៅទៀត​។​

​ឯកឧត្តម​បណ្ឌិត ថោង ខុន ក៏​បាន​ណែនាំ​ឱ្យ​មន្ទីរ​ទេសចរណ៍​ត្រូវ​ពង្រឹង​ការបណ្ដុះបណ្ដាល​ជំនាញ​​បដិសណ្ឋារកិច្ច ការបម្រើ​សេវាកម្ម​ជូន​ភ្ញៀវ​ឱ្យបាន​ជា​ប្រចាំ ដើម្បី​បង្កើន​គុណភាព​សេវាកម្ម​ជូន​ភ្ញៀវទេសចរ បង្កើន​ការផ្សព្វផ្សាយ​អំពី​គោលដៅ​របស់​ខ្លួន និង​បង្កើន​ការទាក់ទាញ​ភ្ញៀវ​បន្ថែម​ទៀត​ផង​ដែរ​។ ប្រជា​សហគមន៍​ត្រូវ​ចេះ​ចិញ្ចឹមសត្វ ដាំ​បន្លែ ផ្លែឈើ និង​ពង្រីក​ផលិតផល​ទេសចរណ៍​ក្នុង​សហគមន៍​របស់​ខ្លួន​ឱ្យ​កាន់តែច្រើន ត្រូវ​ចេះ​ច្នៃ​អ្វី​ដែល​សហគមន៍​មាន​ឱ្យ​ក្លាយទៅជា​ផលិតផល​ទេសចរណ៍​សម្រាប់​បង្ហាញ​ទៅកាន់​ភ្ញៀវទេសចរ នៅ​ពេល​ពួកគេ​មក​ទស្សនា​នៅក្នុង​សហគមន៍​ព្រហ្មចារីយ៍ជ្រោ​យ​បន្ទាយ​នេះ​។​

​ឯកឧត្តម​រដ្ឋមន្ត្រី​បាន​ស្នើ​ដល់​រដ្ឋបាល​ខេត្ត​ក្រចេះ​ជួយ​សម្រួល​ការចរចា​ជាមួយ​រមណីដ្ឋាន​អន្លង់ផ្សោត​កាំ​ពី ដើម្បី​មាន​ភ្ញៀវ​មួយចំនួន​ចង់​មក​ទស្សនា​សហគមន៍ ដោយ​ភ្ជាប់​ខ្សែរ​ទស្សនកិច្ច​ពី​រមណីដ្ឋាន​អន្លង់ផ្សោត​កាំ​ពី ហើយ​សូមឱ្យ​មាន​ការទំនាក់ទំនង​ជាមួយ​សហគមន៍​ព្រហ្មចារីយ៍ជ្រោ​យ​បន្ទាយ ដើម្បី​ឱ្យ​ប្រជា​សហគមន៍​ទទួល​បាន​កម្រៃ​ពី​ការបម្រើ​សេវាកម្ម​ជូន​ភ្ញៀវទេសចរ​។​

​ជាមួយគ្នា​នោះ ឯកឧត្តម​រដ្ឋមន្ត្រី​ក៏​បាន​ស្នើ​ទៅកាន់​លោក​ជំទាវ ឆាយ ស៊ីវ​លីន ប្រធាន​ទី​ភ្នាក់ងារទេសចរណ៍​កម្ពុជា (CATA) ក្នុងនាម​តំណាង​ផ្នែក​ឯកជន ជួយ​ផ្សព្វផ្សាយ​អំពី​សហគមន៍​កោះ​ព្រហ្មចារីយ៍ជ្រោ​យ​បន្ទាយ និង​រៀបចំ​កញ្ចប់​ទស្សនកិច្ច​មក​កាន់​តំបន់​នេះ​ឱ្យបាន​កាន់តែ​ច្រើន​។​

​សូមជម្រាបថា សហគមន៍​កោះ​ព្រហ្មចារីយ៍ជ្រោ​យ​បន្ទាយ​នេះ សម្បូរ​ទៅ​ដោយ​សក្តានុពល​ទេសចរណ៍​បែប​ធម្មជាតិ​ជាច្រីន រួមមាន​៖ ព្រៃឈើ សត្វ​ស្លាប កោះ សត្វព្រៃ (​ពិសេស​គឺ​សត្វ​ក្តាន់​) ទេសភាព​ព្រៃ​លិច​ទឹក​ទន្លេមេគង្គ សូម្បី​តែ​សត្វ​ផ្សោត​ទន្លេមេគង្គ​ដ៏​កម្រ​ក៏​ស្ថិតនៅ​តំបន់​នេះ​ផងដែរ​។ នៅទីនេះ​ទេសចរ​អាច​ជិះទូក​មើល​ទេសភាព​ព្រៃ​លិច​ទឹក ទន្សនា​សត្វ​ស្លាប សម្រាកលម្ហែ ងូតទឹក​កម្សាន្ត និង​ពិសា​អាហារ​នៅតាម​កោះ​ស្អាតៗ​ជាច្រើន​។ សហគមន៍​ក៏មាន​ផ្តល់​សេវាកម្ម​ម្ហូបអាហារ និង​ស្នាក់​នៅ​តាម​ផ្ទះ​ស្នាក់​សហគមន៍​ផងដែរ​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 | អ៊ីម៉ែល៖ mailtobot168@gmail.com

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល